O‘quvchini urgan o‘qituvchi voqeasiga rasmiy baho berildi

O‘qituvchi aybsiz, o‘quvchilar esa uni shu darajaga olib borgan deb topildi. Maktab jamoasiga ko‘ra, janjal chiqargan bolalarning xulqi avvaldan yaxshi bo‘lmagan.

Ichki ishlar vazirining birinchi o‘rinbosari Rustam Jo‘rayev O‘zbekistondagi barcha pedagoglarga murojaat qildi:

“Sizlar muhtaram prezidentimiz, administratsiya rahbariyati himoyasidasizlar. Butun O‘zbekistonning o‘qituvchilari, ota-onalar, o‘quvchilar bilishi kerak bu narsani! Sizlarning orqalaringizda armiya bor, pogonlilar bor, generallar bor!”

👉 https://kun.uz/51614957

Kun.uz rasmiy kanali

Kichik biznes uchun QQSga o‘tish chegarasi oshiriladi

2026-yil 1-iyundan boshlab kichik biznes uchun umumiy soliq rejimiga o‘tishdagi chegaraviy miqdor 1 milliard so‘mdan 5 milliard so‘mga oshiriladi. Bu haqdagi takliflar prezident huzurida taqdimot qilindi.

Umumiy ovqatlanish, savdo va xizmat ko‘rsatish sohalari uchun QQS to‘lashning soddalashtirilgan tartibi ham joriy etiladi. Unga ko‘ra, tadbirkorlar ixtiyoriy ravishda 6 foiz stavkada QQS to‘lab, foyda solig‘idan ozod etilishi yoki amaldagi umumiy tartibda ishlashni davom ettirishi mumkin bo‘ladi.

👉 https://kun.uz/12067941

Kun.uz rasmiy kanali

Ishonchli tadbirkorlarga QQS avtomatik qaytarib beriladi
 
Davlat rahbari huzuridagi yig‘ilishdan boshqa yangiliklar:

➖past xavf darajasiga ega tadbirkorlar uchun QQSning salbiy farqi avtomatik qaytarib beriladi;

➖QQS to‘lovchisi guvohnomasini vaqtincha to‘xtatib turish tartibi bekor qilinadi;

➖import bo‘yicha majburiy QQSga o‘tish amaliyoti qayta ko‘rib chiqiladi va bank hisobraqamlarini ochish jarayoni avtomatlashtiriladi;

➖soliq xavfi 500 mln so‘mgacha bo‘lganda soliq auditi, 100 mln so‘mgacha bo‘lganda sayyor soliq tekshiruvi o‘tkazilmaydi.
 
Umumiy ovqatlanish korxonalari va mehmonxonalarda:

➖QQSning bir qismini qaytarishda naqd pulsiz tushum ulushiga doir talab bekor qilinadi;

➖alkogol va tamakini naqd pulda sotishga ruxsat beriladi;

➖ayrim xodimlarni soddalashtirilgan tarzda rasmiylashtirish mumkin bo‘ladi.

Kun.uz rasmiy kanali

Iyunda qanday ob-havo kutilmoqda?

El-Nino hodisasi tufayli bu yil yozda harorat me’yordan biroz yuqori bo‘lishi va ayrim joylarda +47 darajagacha chiqishi kutilmoqda.

👉 https://kun.uz/64396039

Kun.uz rasmiy kanali

Aholi va biznesning inflatsiya kutilmalari pasaydi: asosiy xavotir - kommunal xizmatlar, yonilg‘i va energiya narxlari

Tadbirkorlarning ham, aholining ham kommunal xizmatlarning qimmatlashishi, shuningdek, yoqilg‘i va energiya narxlarining oshishidan xavotirlari ko‘paygan. Hududlar kesimida aholi inflyatsion kutilmalarining eng yuqori ko‘rsatkichi Toshkent shahri (11,7 foiz) hamda Qashqadaryo (11,4 foiz) va Surxondaryo viloyatlarida (11,4 foiz) kuzatilgan bo‘lsa, eng past ko‘rsatkich Qoraqalpog‘iston Respublikasi (9,6 foiz) va Samarqand viloyatida (9,8 foiz) qayd etilgan.

👉 https://kun.uz/32409703

Kun.uz rasmiy kanali

Tintuvdan so‘ng yo‘qolgan tillalar – qidiruvdagi sobiq tergovchi ishida yangi tafsilotlar paydo bo‘ldi  
 
Ayni paytda qidiruvda bo‘lgan Buxoro shahar IIB sobiq tergovchisi Lochinbek Toshpo‘latov nimalarda ayblanmoqda? Uning sheriklari kimlar edi?   
 
Pichoqlangan uka o‘rniga nega akasi hujjatlashtirilgan?
 
Bosh prokuratura Kun.uz‘ga ishga aloqador maʼlumot berdi.

👉  https://kun.uz/49596027

Kun.uz rasmiy kanali

Afrikadagilar Ebola bezgagi tarqalishini jilovlay olmayapti

Kasallanish holatlari mingga yaqinlashgan, qurbonlar soni 200 dan oshgan. Vaksina yoki tuzatadigan dorilar yo‘q. Global epidemiyadan xavotirlanish kerakmi?

👉 https://kun.uz/38902006

Kun.uz rasmiy kanali

Kitobxon yoshlar uchun 50 ming dollar va meʼyordan issiq iyun — mahalliy dayjest

▪️Maktab o‘quvchilari o‘rtasidagi milliy kitobxonlik harakati tanlovida 50 ming AQSH dollarigacha bo‘lgan pul mukofotlari joriy etildi.

▪️Iyunda harorat meʼyordan biroz yuqori bo‘lishi kutilmoqda.

▪️Sel-toshqin suvlaridan samarali foydalanish choralari belgilandi.

▪️Toshkentda soliq xodimlari pora bilan qo‘lga tushdi.

🗓 Kunning muhim yangiliklari bilan tanishtiramiz.

👉 https://kun.uz/00270638

Kun.uz rasmiy kanali

O‘lim to‘shagida ochilgan sir: turk tadbirkorining Shveytsariya bankiga qarshi moliyaviy urushi

Turkiyalik tadbirkor Said Ali Bayrak otasidan meros qolgan boylikni qaytarib olish uchun qariyb 21 yildan beri kurash olib boryapti. Gap Shveytsariya bankida saqlanayotgani aytilayotgan 6 tonna oltin haqida ketyapti. Qiymati 2 milliard dollarga baholanayotgan ushbu xazina atrofidagi mojaro xalqaro moliya olamida katta shov-shuvga sabab bo‘ldi. Shveytsariya banki “da’vo muddati o‘tgani” va “manbani isbotlash” kabi omillarni ro‘kach qilayotgan bo‘lsa-da, Bayrak oilasi Turkiyadagi “Boylikni qaytarish” qonuniga tayangan holda o‘z haqini talab qilishda davom etyapti.

📹 VIDEONI TOMOSHA QILING

Kiyevga “Oreshnik” bilan hujum: navbat Zelenskiy ofisigami?

Yakshanbaga o‘tar kechasi Rossiya urush boshidan buyon Ukraina poytaxti Kiyevga eng vayronkor hujumlardan birini amalga oshirdi. Ukraina poytaxti “Oreshnik”, “Kinjal”, “Iskander”, “Sirkon” degan vahimali raketalar bilan nishonga olindi. Yadroviy qurollar ishlatilmadi xolos.

Rossiya TIV endi «qaror qabul qilinadigan markazlarga zarba berilishini» anons qilib, Zelenskiy ofisi ham nishonga olinishi mumkinligiga ishora berdi.

Rossiya tomoni Kiyevga yoppa hujumni «ukrainlarning kollejga qilgan hujumi uchun javob» deb atamoqda, lekin bu aslida Moskvaga qilingan keng ko‘lamli dron hujumi uchun revansh bo‘lganini tushunish qiyin emas.

Putin uchun urush Moskvagacha yetib bormasligi juda muhim, ukrainlar ana shu «qizil chiziq»ni bosgani uning jahlini chiqardi.

Ukraina shaharlarini bunday vajohat bilan bombalayotgani aslida Rossiyaning frontda ishlari yurishmayotganini bildiradi.

📹 BATAFSIL YOUTUBE‘DA KO‘RING

Kun.uz tahririyati barcha hamyurtlarimizni ulug‘ ayyom — Qurbon hayiti bilan samimiy tabriklaydi!

Yurtimizga tinchlik va xotirjamlik, xonadonlarga fayzu baraka yor bo‘lsin.

Har bir insonning qilgan mehnatiga, kasbiga baraka kirsin, barcha ezgu niyatlari ushalsin.

Mehr-oqibat, bag‘rikenglik va saxovat kabi ulug‘ fazilatlar qalblarimizda yanada mustahkamlansin.

Jamiyatimizda o‘zaro hurmat, bag‘rikenglik va muhtojlarga yordam qo‘lini cho‘zish kabi ulug‘ fazilatlar bosh mezonga aylansin.

Muborak ayyom barchamizga qutlug‘ bo‘lsin!

Kun.uz rasmiy kanali

Gaz va elektr energiyasi uchun oldindan to‘lov qilinganda 2 oy eski tariflar amal qiladi

2026 yil 1 iyundan boshlab O‘zbekistonda gaz va elektr energiyasi tariflari oshiriladi. Amaldagi qoidalarga ko‘ra, gaz va elektr energiyasi uchun oldindan to‘lov qilinganda, aholi uchun ikki oy mobaynida, tadbirkorlar uchun esa bir oy davomida eski tariflar amalda bo‘ladi.

👉 https://kun.uz/04501062

Kun.uz rasmiy kanali

Qurilishda ekotalablar, “Ichan qal’a”da elektrokar taqiqi va ustamasi oshadigan soliqchilar: 1 iyundan nimalar o‘zgaradi?

▪️Toshkent, Navoiy va Qashqadaryo viloyatlaridagi jazoni ijro etish muassasalarida jazo o‘tayotgan yoshlarni zamonaviy raqamli kasblarga o‘qitish tizimi yo‘lga qo‘yiladi.
▪️Elektr energiyasi va tabiiy gazning yangi tariflari tasdiqlandi.
▪️“Toza havo” umummilliy loyihasi doirasida qurilish ob’yektlarida ekologik talablar kuchaytiriladi.
▪️Soliqchilarga to‘lanadigan ustamalar oshiriladi.

Kun.uz an’anaga muvofiq, 2026 yil 1 iyundan boshlab O‘zbekiston qonunchiligida kuchga kiradigan ayrim normalarni eslatib o‘tadi.

Kun.uz rasmiy kanali

AQSH kelishmoqchi, Eron o‘ylanyapti, Isroil asabiylashmoqda

Tramp Eronga qanchalik katta tahdidlar qilmasin, oxirgi ikki oyda real va katta urush qilgani yo‘q. U Venesuela prezidentini o‘g‘irlab ketganidan ruhlanib, Isroil bosh vazirining gapiga kirib, Eronga qarshi yashin tezligida o‘tishi kerak bo‘lgan samarali operatsiyani reja qilgandi. Tehrondagi elitani o‘ldirgach, tizim qulashiga ishongan edi. Lekin o‘xshamadi.

Xo‘sh, urushning uchinchi oyi oxiriga kelib, vaziyat qanaqa? Siyosatshunos Kamoliddin Rabbimov Kun.uz'dagi kolonkasida shu haqda so‘z yuritadi.

📹 VIDEOSHARHNI TOMOSHA QILING

O‘zbekistonda 5 ta sel-suv ombori quriladi

O‘zbekistonda sel-toshqin suvlaridan samarali foydalanish, suv ta’minotini yaxshilash va qo‘shimcha yer maydonlarini o‘zlashtirish maqsadida 2027 yildan boshlab 5 ta sel-suv ombori quriladi.

Qarorga muvofiq, Samarqand, Toshkent va Jizzax viloyatlarida yangi sel-suv omborlari barpo etiladi. Loyihalar orqali Samarqand viloyatida 7 ming gektar, Toshkent viloyatida 2 ming gektar va Jizzax viloyatida 300 gektar yerning suv ta’minotini yaxshilash rejalashtirilgan. Shuningdek, qo‘shimcha yangi yer maydonlari ham o‘zlashtiriladi.

👉 https://kun.uz/13743437

Kun.uz rasmiy kanali

Yarim yillik tanaffusdan so‘ng O‘zbekiston oltin eksportini qayta tikladi

2025 yil sentabr oyidan keyin eksportni amalda to‘xtatgan O‘zbekiston 2026 yilning dastlabki 4 oyida 1,5 milliard dollarlik oltin eksport qildi.

Yiliga 130 tonnaga yaqin oltin qazib oladigan O‘zbekiston 2025 yil sentabr oyidan keyin eksportni amalda to‘xtatgan, Markaziy bank esa qimmatbaho metallning dunyodagi eng yirik xaridorlaridan biriga aylangan edi.

👉 https://kun.uz/kr/78478801

Kun.uz rasmiy kanali

Surxondaryodagi quvvatlash stansiyasida elektromobil yonib ketdi
 
Holat Denov tumanida sodir bo‘lgan. Avvaliga mashinaning pastki qismi tutab, yong‘in chiqqan. Atrofdagilar uni o‘chirishga harakat qilishgan, ammo uddalay olishmagan.
 
Olov sanoqli soniyalarda mashinani to‘liq qamrab olgan. Qutqaruv bo‘linmasidan 2 ta ekipaj yetib borib, yong‘inni o‘chirgan.

👉 https://kun.uz/67206742

Kun.uz rasmiy kanali

Forbes dunyoning eng serdaromad sportchilari reytingini e’lon qildi

Saudiya Arabistonining «An-Nasr» klubi hujumchisi Krishtianu Ronaldu o‘z faoliyatida oltinchi marta, qatorasiga to‘rtinchi marta yilning eng ko‘p daromad oluvchi sportchilari ro‘yxatida birinchi o‘rinni egalladi. 

41 yoshli portugaliyalikning so‘nggi 12 oydagi daromadi 300 million dollarga baholangan.

Kuchli uchlikdan meksikalik bokschi Kanelo Alvares hamda argentinalik futbolchi Lionel Messi ham joy olgan.

👉 https://kun.uz/30019132

Kun.uz rasmiy kanali

Trampning «Tinchlik Kengashi» to‘rt oy ichida birorta rasmiy badal olmadi

2026 yil fevral oyida bo‘lib o‘tgan birinchi yig‘ilishda Tramp 17 milliard dollarlik badal to‘plangani haqida e’lon qilgan edi. Aslida vaziyat umuman boshqacha ekani ta’kidlanmoqda.

Shov-shuvli e’lonlarga qaramay, G‘azoni tiklash loyihalari to‘sib qo‘yilgan. Birorta shartnoma imzolanmagan, «birorta g‘isht terilmagan».

«Tinchlik Kengashi»da doimiy a’zo maqomini olish uchun 1 milliard dollar miqdorida badal talab etiladi. Aks holda, uzaytirish imkoniyati bilan uch yillik muddat.
G‘azoni tiklashning umumiy bahosi 70 milliard dollarga baholanmoqda. Biroq, haqiqiy moliyalashtirish yo‘qligi sababli, ulkan rejani amalga oshirish so‘roq ostida qolmoqda.

👉 https://kun.uz/65122567

Kun.uz rasmiy kanali

AQSH Eronni ko‘ndira oladimi?

Eronga qarshi urushning uchinchi oyi tugarkan, to‘qnashuv AQSH uchun oson g‘alaba umididan strategik muvaffaqiyatsizlikka aylangani tobora oydinlashib bormoqda. Tramp maʼmuriyati vaziyatdan chiqish yo‘lini topa oladimi?

Ukraina masalasida esa Yevropa urushni tugatish uchun Rossiya bilan muloqotni o‘z qo‘liga olmoqchi. Moskvaning bunga reaksiyasi – katta savol ostida.

Ikki urushdagi so‘nggi voqeliklar muhokamasi – Kun.uz ning navbatdagi muhokamasida.

📹 TO'LIQ VIDEONI TOMOSHA QILING

1 dollar ≠ 1 so‘m ≠ 1 rubl. Valyutalar qiymati nega har xil?

Arifmetik ko‘z bilan qaralsa, dollar so‘mga nisbatan 12 ming barobarga qadrlidek ko‘rinadi. Aslida-chi?

▪️Pul qiymati nimadan kelib chiqib belgilanadi?

▪️Nima uchun valyuta kursi ko‘tariladi yoki pasayadi?

▪️Nega valyutalar turlicha qiymatga ega?

▪️Butun dunyo yagona valyutaga o‘tsa, nima bo‘ladi?

Kun.uz “Sodda iqtisodiyot” ruknida shu kabi savollarga oddiy tilda javob beradi.

📹 VIDEONI TOMOSHA QILING