Hokimiyat shafeligida qurilgan uylar bitmay turib buziladigan bo‘ldi. Hokimga ishonganlar holi ne kechadi?

2019 yilda Toshkentning Shota Rustaveli ko‘chasida hokim va investor o‘rtasidagi shartnomaga asosan ko‘p qavatli uylar qurilishi belgilangan edi. Quruvchi hujjatlarni puxta qilmagani uchun, tomi yopib bo‘lingan uylar sud qarori bilan buzilish arafasida turibdi.

Hokimlikka ishonib, yashab turgan uylarini “investor”ga topshirgan o‘nlab fuqarolar najot izlamoqda.

 📹 VIDEONI TOMOSHA QILING

Ho‘rmuzdagi vaziyat, Qozog‘istonda Turkiya dronlari va Hindistonda halokatli dovul – kun dayjesti

• Si yopiq muzokaralarda Trampni Tayvan borasida kelishmovchiliklarning oqibati haqida ogohlantirdi;

• Qozog‘istonda Turkiyaning ANKA zarbdor dronlari ishlab chiqariladi;

• Rossiya Kiyevga yirik havo hujumlari uyushtirdi: 27 kishi halok bo‘ldi;

• Eron harbiylari Ho‘rmuzda bir kemani qo‘lga oldi, yana bir kema cho‘ktirildi;

• Tramp Tehronning boyitilgan uranini olib chiqish faqat "piar" uchun ekanini aytdi;

• Hindistonda yomg‘ir va do‘l aralash kuchli dovul oqibatida kamida 104 kishi halok bo‘ldi.

👉 https://kun.uz/30171905

Kun.uz rasmiy kanali

Oqbo‘yra qishlog‘idagi portlash ta’siri me’yordan ortiq hududlarga yetib borgan - vazirlik izohi

Samarqanddagi Oqbo‘yra turizm qishlog‘ida joylashgan kondagi portlatishda toshlar 357 metrgacha uchib borgan, bu – belgilangan 300 metrlik me’yordan ortiq, deya ma’lum qildi Tog‘-kon sanoati va geologiya vazirligi. Rasmiy izohda mas’ul korxona aholiga yetkazilgan moddiy zararni qoplab bergani aytiladi. Portlatish standartlari qayta ko‘rib chiqilishi, aholini sirenada ogohlantirish kabi choralar va’da qilinmoqda.

👉 https://kun.uz/64911395

Kun.uz rasmiy kanali

“Kichik yo‘lda 120 km/soat tezlikda haydadi” – Xorazmda mast holda mashina boshqargan IIB xodimi YTHga uchradi
 
Holat Shovot tumani hududida sodir bo‘lgan: ziyofatda aroq ichgan IIB xodimi Cobalt mashinasini boshqarib ketayotib, YTHga uchragan.
 
Oqibatda mashinada yo‘lovchi sifatida ketayotgan yigit og‘ir tan jarohati olib, shifoxonada vafot etgan.
 
“Kichik yo‘lda 120 km/soat tezlikda harakatlandi. Birinchi chuqurga tushganimizda mashina qalqib ketdi. Shunda ham tezlikni pasaytirmadi. Ikkinchi chuqurda esa mashina beton to‘siqqa urilib, ag‘darildi”, degan Cobalt‘da bo‘lgan guvoh. 
 
Sud hukmi bilan xodim 4 yil muddatga ozodlikdan mahrum qilindi.

👉 https://kun.uz/97906429

Kun.uz rasmiy kanali

Bolalar o‘tin emas: vaziyat jiddiy, vazirlik jim

“Siqilib ketsa-da amallab yetib oladi” – ona shunday o‘yda 57 nafar bola qo‘y kabi ustma-ust ortilgan 8 o‘rindiqli mashinaga o‘z farzandini 58-yo‘lovchi qilib mindirishi fojia. Maktabgacha va maktab ta’limi vazirligi shuncha vaqtdan buyon aytib kelinayotganiga qaramay masalaga arzirli yechim topmagani, umuman, bolalar hayotiga befarqlarcha munosabatda bo‘layotgani yana bir fojia. Nurota tumanida 13 nafar bog‘cha bolasini tashib ketayotgan Matiz avariyaga uchragani esa haqiqiy fojia.

👉 https://kun.uz/13595709

Kun.uz rasmiy kanali

“Ajrim – muammoning boshlanishi emas, natijasi”: mutaxassislar oila qurishdan oldin psixologik tayyorgarlikni kuchaytirishni taklif qilmoqda

O‘zbekistonda ajrimlar soni ortidan asosiy savol yana kun tartibiga chiqmoqda: muammo oilalar buzilayotganidami yoki oila qurish jarayonining o‘zidami? Mutaxassislar fikricha, ajrimlar – bu ko‘p holatda oldindan yechilmagan psixologik, tarbiyaviy va munosabatlarga oid muammolar oqibati.

📹 TO'LIQ VIDEONI TOMOSHA QILING

Pedagoglar farzandiga kontraktdan chegirma va poraxo‘rning portreti – mahalliy dayjest

▪️Turizm qishlog‘i konidagi texnogen portlash - Oqbo‘yrada osmondan tosh yog‘ildi.

▪️Issiqxonani isitishda mazut, bitum va shina yoqqanlik uchun jarimalar belgilandi.

▪️Pedagoglar farzandi uchun kontrakt to‘loviga 30 foizlik chegirma to‘g‘risidagi qonun loyihasi muhokamaga qo‘yildi.

▪️Poraxo‘r kim? – Aksilkorrupsiya agentligi korrupsionerning yangi portretini tayyorladi.

▪️1 iyundan tabiiy gaz va elektr energiyasi narxlari o‘zgaradi.

🗓 Kunning muhim yangiliklari bilan tanishtiramiz.

👉 https://kun.uz/67349482

Kun.uz rasmiy kanali

Poraxo‘r kim? – Aksilkorrupsiya agentligi korrupsionerning yangi portretini tayyorladi

Korrupsiyaga qarshi kurashish agentligi Kun.uz so‘roviga asosan 2025 yildagi korrupsiyaviy jinoyatlar tahlili bo‘yicha korrupsionerning kriminologik portretini taqdim etdi.

Tahlillarga ko‘ra, O‘zbekistondagi o‘rtacha tipik korrupsioner – avval sudlanmagan, 31-49 yosh oralig‘idagi, oliy ma’lumotli, oilali erkak bo‘lib, u rasmiy daromad manbaiga ega va ko‘p hollarda rahbarlik lavozimlarida ishlaydi.

👉 https://kun.uz/31078445

Kun.uz rasmiy kanali

Jahon xabarlari qisqa satrlarda

• AQSH Davlat departamenti Isroil va Livan o‘rtasidagi o‘t ochishni to‘xtatish rejimi yana 45 kunga uzaytirilganini ma’lum qildi.

• Volodimir Zelenskiyning so‘zlariga ko‘ra, Rossiya «Ukraina rahbariyatini yo‘q qilmoqchi»: Ukraina maxsus xizmatlarida ruslarning bo‘lajak hujumlar nishonlariga oid hujjatlar bor.

• Eron tashqi ishlar vaziri Moskva bilan boyitilgan uran zaxiralarini Rossiyaga topshirish ehtimoli yuzasidan dastlabki maslahatlashuvlar o‘tkazilganini tasdiqladi.

• Vyetnam o‘z tarixidagi eng qimmat va yirik loyiha — 67 milliard dollarga baholanayotgan «Shimol — Janub» tezyurar temiryo‘l magistralini qurmoqchi.

• Germaniyaning Mercedes-Benz avtokonserni global xavfsizlik tahdidlari fonida harbiy texnika ishlab chiqarishni yo‘lga qo‘yishi mumkin.

Kun.uz rasmiy kanali

Toshkentda noto‘g‘ri «parkovka» qilingan avtomobillar jarima maydoniga olib ketiladi

Shahar bo‘ylab piyodalar yo‘laklarida, o‘tish joylari yaqinida, bekatlarda, yashil hududlarda, to‘xtash yoki to‘xtab turishni taqiqlovchi belgilar o‘rnatilgan joylarda avtomobillar qoldirib ketilishi ko‘p kuzatilyapti.

Bu – odamlarning xavfsiz va erkin harakatlanishiga, jamoat transporti va maxsus texnika qatnoviga to‘sqinlik qiladi. Ayniqsa keksalar, bolalar aravachasidan foydalanayotgan ota-onalar va nogironligi bo‘lgan shaxslar aziyat chekadi.

YHTMga ko‘ra, endi bunday mashinalar evakuatorda olib ketiladi.

👉 https://kun.uz/80282572

Kun.uz rasmiy kanali

Popda novvoylar nom tufayli janjallashishdi

"Sanjar patir" nomi ostida savdo qiluvchi S.Sh. shu hududda "Sanjar patir" nomi ostida savdo qilayotgan boshqa bir fuqaroni tadbirkorlik nomini o‘zlashtirib olganlikda ayblab, uning mol-mulkiga shikast yetkazgan.

Pop tumani IIB S.Sh.ga nisbatan ma’muriy bayonnoma rasmiylashtirib, ishni sudga oshirdi.

👉 https://kun.uz/32737340

Kun.uz rasmiy kanali

Bankomatda muammoga uchragan mijoz sarson bo‘lmasligi kerak — Markaziy bank

Bankomatlar kiritilgan kartani “yutib yuborishi”, hisobdan pul yechilganiga qaramay, naqd pul bermasligi va shu kabi boshqa holatlarda banklar, to‘lov tizimlari va to‘lov tashkilotlari mijozni o‘rtada “koptok” qilmasdan, uning muammosini mulkka oid ustuvor masala sifatida ko‘rib chiqishi shart.

Markaziy bank bozor ishtirokchilariga talabnoma yubordi.

👉 https://kun.uz/48418765

Kun.uz rasmiy kanali

Mutlaq rekord: Toshkentda 912 marta qoida buzgan Matiz aniqlandi

Matiz haydovchisi 2024 yil aprel oyidan bugungi kunga qadar yo‘l harakati qoidalarini muntazam ravishda buzib kelgan.
 
Unga 912 ta ma’muriy jarima rasmiylashtirilgan. Jarima miqdori esa jami 311 mln so‘mdan oshgan.
 
Qidiruvga berilgan Matiz topilib, jarima maydoniga joylashtirildi.

👉 https://kun.uz/86597863

Kun.uz rasmiy kanali

Qurilish vazirligi binosi ikkinchi auksionda qimmatroqqa sotildi

Bundan 5 oy oldin xususiylashtirilib, yana qayta auksionga chiqarilgan Qurilish vazirligi binosi bu safar 196,6 mlrd so‘mga sotildi. Bu – birinchi auksiondagi narxdan 14,4 mlrd so‘mga yuqori.

Auksion 10 daqiqa davom etdi, unda Hamkorbankdan boshqa hech kim taklif bermadi.

👉 https://kun.uz/36392298

Kun.uz rasmiy kanali