Infografika: dunyodagi eng chuqur 10 ta ko‘l

🌍 Dunyodagi eng chuqur ko‘l — Rossiyadagi Baykal bo‘lib, uning chuqurligi 1642 metrga yetadi. Ikkinchi o‘rinda Tanganika ko‘li (1470 m), uchinchi o‘rinda esa Kaspiy dengizi (1030 m) joylashgan.

Mutaxassislar bu kabi ulkan chuqurliklarni tektonik jarayonlar bilan bog‘lamoqda. Baykal sayyoradagi muzlamaydigan toza suv zaxirasining qariyb 20 foizini saqlaydi. Infografikada eng chuqur 10 ta ko‘l reytingi taqdim etilgan.

👉 https://kun.uz/94702017

Kun.uz rasmiy kanali

Rossiya Ukraina bo‘ylab yuzlab dronlar uchirdi

🇷🇺 Rossiya armiyasi Ukraina bo‘ylab ommaviy dron va raketa hujumi uyushtirdi. Kiyevda kuchli portlashlar, yong‘inlar va binolar vayron bo‘lishi qayd etildi, kamida 9 kishi shifoxonaga yotqizildi.

Ukraina maʼlumotiga ko‘ra, bir sutkada Rossiya 892 ta dron uchirgan bo‘lib, ularning 710 tasi havo mudofaa tizimlari tomonidan yo‘q qilingan. Urush boshlanganidan beri birinchi marta Ujgorod shahri ham hujumga uchradi.

👉 https://kun.uz/70899900

Kun.uz rasmiy kanali

Tramp va Si Jinping Pekinda uchrashuv o‘tkazdi

🇺🇸🇨🇳 Donald Tramp va Si Jinping Pekinda muzokara o‘tkazdi. Xitoy rahbari AQSH prezidentini harbiy sharaf bilan kutib oldi, tomonlar Eron, Tayvan va savdo munosabatlarini muhokama qildi.

Marko Rubio Vashington Xitoydan Ho‘rmuz bo‘g‘ozidagi blokadani yumshatishda yordam kutayotganini aytdi. Muzokaralarda AQSH–Xitoy savdo mojarolarini yumshatish masalasi ham asosiy mavzulardan biri bo‘lmoqda.

👉 https://kun.uz/66303278

Kun.uz rasmiy kanali

O‘zbekistonda Koreyaga ishga yuborish bilan bog‘liq korrupsion sxema fosh etildi
 
Migratsiya agentligi sobiq mansabdorlari va boshqalar Koreyaga ishga yuborish uchun jinoiy guruh tuzib, rasmiy to‘lovlardan tashqari odamlardan 7-12 ming dollardan qariyb 90 mln dollar yig‘gani ma’lum bo‘ldi, deya xabar berdi Bosh prokuratura Departamenti.
 
Bu jinoiy guruh faoliyatidan jabr ko‘rgan shaxslar zudlik bilan 71 233 10 07 raqamli ishonch telefoni orqali Departament bilan bog‘lanishi so‘ralmoqda.

👉 https://kun.uz/32706397

Kun.uz rasmiy kanali

O‘qituvchi tayyorlash sifati davlat nazoratiga olinadi

📚 O‘zbekistonda bo‘lajak o‘qituvchilarning bilim darajasi tashqi diagnostika orqali baholanadi. Yangi nizom loyihasiga ko‘ra, pedagogika yo‘nalishidagi 3-bosqich talabalari har yili maxsus test sinovlaridan o‘tkaziladi.

Test natijalari talabalar reytingiga taʼsir qilmaydi, ammo past ko‘rsatkich qayd etilgan oliygohlar navbatdan tashqari tekshiruvga tushishi mumkin. Shuningdek, baholash natijalari asosida taʼlim dasturlarini yangilash va pedagoglar malakasini oshirish rejalashtirilmoqda.

👉 https://kun.uz/81654657

Kun.uz rasmiy kanali

Koreyaga ishga yuborishdagi yirik sxema: Kun.uz bu haqda uch yil oldin bong urgan edi

◾️2022-yilda Koreyaga ishga yuborish bo‘yicha 4 ta imtihondan 2 tasi ommaga e’lon qilinmasdan, imi-jimida o‘tkazib yuborilgan. Kun.uz bu holatga 2023-yildagi surishtiruvida e’tibor qaratgan edi.

◾️O‘sha yilgi boshqa bir maqolamizda 12 ming dollar pora bermagan yuzlab odamlar “ko‘zingiz yaxshi ko‘rmaydi” degan bahona bilan imtihondan yiqitilgani aytilgan edi. Bu bahona yolg‘on bo‘lgani keyinchalik o‘z tasdig‘ini topgandi.

◾️Kun.uz'ning yana bir surishtiruvida Migratsiya agentligidagi shubhali harakatlar videoga tushib qolgani haqida so‘z yuritilgandi.

◾️Boshqa bir maqolamizda huquq organlarini Koreyaga ishga yuborishdagi korrupsion sxemani taftish qilishga chaqirgan edik.

Lekin o‘shanda tegishli idoralardan reaksiya bo‘lmagan, tanqidlarni hazm qilolmagan Migratsiya agentligi esa Kun.uz ustidan AOKAga shikoyat qilgan edi.

📹 2023-YILGI SURISHTIRUV JARAYONIDAN LAVHA

“Hayvondan yuqadi, tashqi muhitga chidamsiz” - hantavirus O‘zbekistonga qanchalik xavf soladi?

SanEpid qo‘mitaga ko‘ra, hantavirusning O‘zbekistonga kirib kelish xavfi past.

Virus 20 xil shtammga ega va ulardan bir xili hayvondan odamga yuqadi. Yuqish tezligi ham koronavirus kabi emas, havo-tomchi yo‘li bilan yuqmaydi. Kun.uz bilan suhbatlashgan Epidemiologiya va immunoprofilaktika bo‘limi ekspertiga ko‘ra, aholining vahima ko‘tarishiga hojat yo‘q.

 📹 VIDEONI TOMOSHA QILING

Migratsiya agentligi sobiq xodimi xalqaro qidiruvga berildi

Agentlikda bo‘lim boshlig‘i bo‘lib ishlagan Azizbek Toshtemirov Interpol saytida ko‘rsatilishicha firibgarlik jinoyatida ayblanmoqda.

Kun.uz Koreyaga ishga yuborishdagi korrupsion sxema haqida 2023-yilda e’lon qilgan surishtiruvlaridan birida bu shaxs haqida ham so‘z yuritilgan edi.

👉 https://kun.uz/67966338

Kun.uz rasmiy kanali

Lashkarakda noqonuniy ishlagan ziplaynda ikki kishi to‘qnashib ketdi

FVV xabariga ko‘ra, to‘qnashgan odamlar jarohat olmagan. Ziplaynning o‘zi esa noqonuniy faoliyat yuritib kelgan.

Noqonuniy faoliyat 15-yanvar kuni to‘xtatilganiga qaramay, ziplaynni yana o‘zboshimchalik bilan tiklab olishgan. Oxirgi voqeadan keyin, bugun uning trosi uzib tashlandi.

👉 https://kun.uz/03209771

Kun.uz rasmiy kanali

Tramp—Si uchrashuvi va Moskvada harbiy senzura – kun dayjesti

• Pekinda Donald Tramp va Si Jinping o‘rtasida uchrashuvlar boshlandi: ikkala tomon ham o‘zaro hamkorlikda foyda bo‘lishini aytmoqda;

• Isroil Livanga bergan zarbalari oqibatida 12 kishi halok bo‘ldi;

• “Hizbulloh” elita kuchlari qo‘mondoni — Ahmed Balut halok bo‘lganini tasdiqladi;

• Filippin Senati binosida otishma: hukumat nufuzli senatorni xalqaro sudga topshirmoqchi;

• Moskvada harbiy senzura: terakt va dron hujumlari oqibatlari haqida materiallar eʼlon qilish taqiqlandi;

• Fransiya bortida 1700 dan ortiq yo‘lovchi bo‘lgan kemani vaqtincha karantinga oldi.

👉 https://kun.uz/19596573

Kun.uz rasmiy kanali

“Butun O‘zbekiston ishli bo‘ladi” – S8 club odamlarni qanday aldamoqda?
 
Nathan Jones ismli shaxs barcha o‘zbekistonliklarni ishli qilmoqchi. Harqalay odamlarni shu gapga ishontirishga harakat qilayotganlar bor.

Ammo bu navbatdagi yolg‘on, Nathan Jones esa fake persona ekanini hamma ham bilayotgani yo‘q.

Kun.uz moliyaviy piramidalarni fosh qilishda davom etadi. Bu safar LumenX S8 club nomi ostidagi moliyaviy piramida haqida hikoya qilinadi.

👉  https://kun.uz/48409292

Kun.uz rasmiy kanali

Prezident tashabbusi bilan 100 kishiga bepul Haj yo‘llanmasi berildi

O‘zbekiston prezidentining tashabbusi bilan, 100 nafar vatandosh “Prezident hojisi” sifatida Haj safariga bepul yuborilmoqda. Ularga ziyorat yo‘llanmasi joylarda tantanali tarzda topshirilyapti.

Musulmonlar idorasi raisining birinchi o‘rinbosari Homidjon Ishmetbekovning so‘zlariga ko‘ra, bepul yo‘llanma taqdim etilganlar orasida turli soha vakillari bor.

👉 https://kun.uz/34086792
 
Kun.uz rasmiy kanali

Isroil Netanyahu BAAga maxfiy tashrif buyurganini aytdi. BAA rad qildi

Isroil bosh vaziri idorasiga ko‘ra, Netanyahuning BAAga tashrifi Erondagi urush avjiga chiqqan paytda amalga oshirilgan. BAA buni inkor etayotgan bo‘lsa-da, urush tufayli Amirliklar Isroil bilan naqadar yaqinlashganini ko‘rish mumkin.

Bir necha kun oldin AQSHning Tel-Avivdagi elchisi Isroilning «Temir gumbaz» havo mudofaa tizimi BAAga joylashtirilganini tasdiqlagandi.

👉 https://kun.uz/68695843

Kun.uz rasmiy kanali

Behzod Normatov yoqilg‘i-energetika masalalari bo‘yicha prezident maslahatchisi etib tayinlandi

Energetika vazirining sobiq o‘rinbosari, “O‘ztransgaz” sobiq raisi, fevraldan buyon Administratsiyada shu’ba mudiri bo‘lib ishlab kelayotgan Behzod Normatov prezident maslahatchisi etib tayinlandi.

Bu lavozim yarim yil oldin Alisher Sultonovning iste’fosidan keyin bo‘sh turgan edi.

👉 https://kun.uz/54274447

Kun.uz rasmiy kanali

AQSH yillar davomida Eronning bulutlarini o‘g‘irlab kelganmi?
 
2026 yil aprel oyida BAAda joylashgan, bulutlarni ekish bilan shug‘ullanuvchi maxfiy markaz Eron hujumiga uchragani haqida xabarlar paydo bo‘ldi. Ijtimoiy tarmoqlarda ayni shu voqeadan keyin Eronda qurg‘oqchilik tugagani, daryolar to‘lgani va hatto cho‘llarda qor yog‘gani haqidagi gap-so‘zlar urchidi.
 
Xo‘sh, “iqlim qurollari” haqidagi iddaolar ilmiy asosga egami yoki bu ayrimlar aytganidek, Eron rasmiylarining suv muammosiga tashqi dushmanni aybdor qilib ko‘rsatishi xolosmi?

 📹 VIDEONI TOMOSHA QILING