Telegram Rossiyada deyarli to‘liq bloklandi

Rossiyada Telegram blokirovkasi deyarli to‘liq darajaga yetdi: 10 aprel kuni messenjerga kirishda anomaliyalar 95 foizni tashkil qildi.

Tahlilchilarga ko‘ra, Telegram hozir WhatsApp va Signal’dan ham kuchliroq cheklanmoqda.

👉 https://kun.uz/86133570

Kun.uz rasmiy kanali

Kosmosdan tarixiy kuzatuv: sunami paydo bo‘lishi ilk bor muhrlandi

Ilk bor sunamining qanday paydo bo‘lishi kosmosdan kuzatildi.

SWOT sun’iy yo‘ldoshi Kamchatkadagi kuchli zilziladan so‘ng to‘lqinlar shakllanishini qayd etib, sunamining “tug‘ilish nuqtasi”ni aniqlash imkonini berdi.

👉 https://kun.uz/37568744

Kun.uz rasmiy kanali

Xodimlarga daydi topishni buyurgan Olmazor tumani IIB amaldori lavozimidan olindi

Profilaktika inspektorlariga ko‘chadan daydi topib, ma’muriy bayonnoma rasmiylashtirish bo‘yicha topshiriq bergan Toshkent shahri Olmazor tumani IIB mansabdori Abror Xudoyberdiyev lavozimidan ozod etildi. Bu haqda matbuot anjumanida ichki ishlar vaziri o‘rinbosari Ramazon Ashropov ma’lum qildi.

👉 https://kun.uz/94081828

Kun.uz rasmiy kanali

Uchuvchi Eron tog‘larida: «Trampni qutqarish» amaliyoti haqida

Amerikalik uchuvchini Eron tog‘laridan qutqarish operatsiyasi tillarda doston bo‘ldi. Axir bunaqasini kinolarda ham ko‘rish qiyin. Amerika F-15 pilotini qutqarish uchun juda katta kuch va pul sarfladi.

Uchuvchi asir tushsa, urushning «oyog‘i osmondan bo‘lib ketardi». Bu amalda «Trampni qutqarish» amaliyotiga aylanib ketdi.

📹 BATAFSIL YOUTUBE'DA KO‘RING

UZCARD MOMENT — to‘lovlar uchun tezkor va qulay yechim

“Kartani to‘ldiring va darhol foydalaning - NBU bilan naqdsiz xarajatlar yanada qulay” - Jenisbek Piyazov, O‘zbekiston, Qoraqalpog‘iston, Boshqirdiston va Tatariston xalq artisti.

2026-yil 1-apreldan bir qator to‘lovlar va yirik xaridlar naqdsiz shaklda amalga oshiriladi. Shuning uchun bank kartasi kundalik hisob-kitoblar uchun zarur vositaga aylandi.

Hamkorlar nuqtasida bepul UZCARD MOMENT kartasini qo‘lga kiritib, uni Milliy ilovasida bir necha daqiqada faollashtirishingiz mumkin - tez, qulay, bankka tashrif buyurmasdan.

Aloqa markazi:
📞 1344
☎️ (78) 148-00-10

Instagram | Facebook | YouTube

Reklama

Qayta ochilgan «Al-Aqso» masjidi va Yerga qaytgan astronavtlar – kun dayjesti

O‘tgan kun davomida jahonda ro‘y bergan quyidagi voqea va yangiliklar sharhi bilan kundalik xabarnomada tanishtiramiz:

• Pokistonda AQSH–Eron muzokaralari boshlanmoqda: vitse-prezident Vens boshchiligidagi AQSH delegatsiyasi yo‘lda, Gʻolibof va Abbos Aroqchi esa allaqachon Islomobodga kelgan;

• Artemis II astronavtlari 10 kunlik sayohatdan keyin Yerga qaytdi;

• Isroil Erondagi urush ortidan yopgan “Al-Aqso“ masjidini qayta ochdi;

• Vengriyada saylovlar: so‘rovnomalar bosh vazir Viktor Orban zarariga ishlamoqda.

👉 https://kun.uz/21063553

Kun.uz rasmiy kanali

Fuqarolardan varrak uchirishda cheklovlarga rioya qilish so‘raldi

Iliq ob-havo sharoitida varrak uchirish holatlari ko‘paymoqda. Uzbekistan Airports fuqarolarni aeroportlar yaqinida bunday mashg‘ulotlardan tiyilishga chaqirib, bu parvozlar xavfsizligiga jiddiy tahdid solishini ma’lum qildi.

👉 https://kun.uz/47959149

Kun.uz rasmiy kanali

O‘zbekiston havo sifatini yaxshilash uchun Qozog‘iston bilan hamkorlik qiladi

Shavkat Mirziyoyev va Qosim-Jo‘mart To‘qayev Buxorodagi uchrashuvda ko‘plab masalalarni muhokama qildi:

➖chegaradagi to‘siqlarni bartaraf etish, transport yo‘laklarini yaratish bo‘yicha birgalikda choralar ko‘rish;

➖“Qambarota” GES qurilishini jadallashtirish va “yashil” energiya eksportini yo‘lga qo‘yish;

➖mintaqaviy ekologik loyihalarni ilgari surish, chegaradosh hududlarda “Toza havo” loyihalarini amalga oshirish shular jumlasidan.

👉 https://kun.uz/82908932

Kun.uz rasmiy kanali

So‘x tumanini Farg‘ona bilan bog‘laydigan eng qisqa yo‘nalishda yangi trassa quriladi

Prezident huzurida So‘x tumanini rivojlantirish yuzasidan yig‘ilish bo‘lib o‘tdi. Avtomobil yo‘llari qo‘mitasi raisi Jamshid Tursunovning aytishicha, eksklavni Farg‘ona viloyati bilan bog‘lash uchun eng qisqa masofali yangi trassa qurish reja qilinmoqda.

“Hozir loyiha tashkilotlari bilan joyiga chiqib o‘rganish ishlari olib borilmoqda. Qo‘shni davlatlar bilan hamkorlikda ushbu loyihani amalga oshirish bo‘yicha muzokaralar o‘tkazib, yaqin vaqt ichida aniq yechimlar asosida ishlarni boshlaymiz”, dedi u.

👉 https://kun.uz/12729887

Kun.uz rasmiy kanali

Isroil yana “Hizbulloh” bilan urushyapti. Maqsad nima?

AQSH–Eron sulhining ro‘yobga chiqishiga Isroilning Livanga hujumlari to‘g‘anoq bo‘lmoqda. Bunga javoban Eron Ho‘rmuz bo‘g‘ozini yana chekladi. Oq uy sulh shartlari “Hizbulloh”ga ham taalluqli ekanini rad etyapti. Xo‘sh, Isroil bu safar Livanda nimaga erishmoqchi?

Kun.uz'ning “Geosiyosat” dasturida siyosiy tahlilchilar Shavkat Ikromov va Kamoliddin Rabbimov shu haqda so‘z yuritadi.

📹 VIDЕONI TOMOSHA QILING

Toshkentda havo sifatini yaxshilash: issiqxonalar Surxondaryoga ko‘chiriladi

Havo sifatini yaxshilash maqsadida Toshkent shahridagi va Toshkent viloyatining beshta tumanidagi issiqxonalarni Surxondaryo viloyati Sherobod tumanidagi “Surxon-Agro” erkin iqtisodiy zonasiga ko‘chirish bo‘yicha Vazirlar Mahkamasi qarori qabul qilindi.

Issiqxonalarga ko‘chish xarajatlari qoplab beriladi, kreditlarini qaytarish muddatlari esa uzaytiriladi.

Ixtiyoriy ravishda ko‘chishga rozi bo‘lmagan issiqxonalar gazdan uziladi; ko‘mir, mazut yoki boshqa narsalarni yoqqan taqdirda jarima 20 barobarga, suv solig‘i 5 barobarga oshiriladi.

Kun.uz rasmiy kanali

Xorijdagi o‘zbekistonliklar elchixona qabuliga onlayn yozilishi mumkin bo‘ldi

Xorijdagi O‘zbekiston vatandoshlari uchun MyGov portali orqali elchixona qabuliga yozilish imkoniyati yaratildi.

Portalda “Elchixona (konsullik) qabuliga yozilish” xizmati ishga tushirilgan. Xizmat bepul.

👉 https://kun.uz/27603118

Kun.uz rasmiy kanali

«Sindorov-Karlsen bahsini jon deb ko‘rgan bo‘lardim» — Garri Kasparov

Shaxmat bo‘yicha 13-jahon chempioni Garri Kasparov o‘zbekistonlik shaxmatchi Javohir Sindorovning Nomzodlar turniridagi muvaffaqiyatli yurishiga izoh berdi.

«Deyarli tajribaga ega bo‘lmagan turnirning eng yosh qatnashchisi barcha tajribali raqiblarini yengishi ajoyib. Men Sindorov-Karlsen bahsini jon deb tomosha qilgan bo‘lardim. Bu men uchun haqiqiy match bo‘lgan bo‘lar edi», dedi Kasparov.

Nomzodlar turnirida 8 ochko bilan yakka peshqadam bo‘lib turgan Javohir ayni vaqtda qora donalar bilan Fabiano Karuanaga qarshi o‘ynamoqda.

👉 https://kun.uz/09963837

Kun.uz rasmiy kanali

Katta Og‘a kuzatib turadigan, fikrlash jinoyat sanalgan davlat haqida eshitganmisiz? / 5 daqiqa

O‘sha binoning peshtoqiga uchta shior bitib qo‘yilgandi: Urush – tinchlikdir. Erk – qullikdir. Bilimsizlik – kuchdir. Va bu shiorni hayotga tatbiq qilish uchun noyob vazirliklar o‘ylab topilgandi. Masalan, Haqiqat vazirligi axborotni, ta’limni, san’atni nazorat qilardi – tarixni boshqatdan yozardi. Yoki urush qilishni yaxshi ko‘radigan Tinchlik vazirligi, sevishga ruxsat bermaydigan Muhabbat vazirligi bor edi.

Yuqorida keltirilgan fikrlar Jorj Oruellning “1984” romanidan olindi. 5 daqiqa'ning navbatdagi sonida ushbu asar haqida gaplashamiz.

👉 https://kun.uz/60477562

Kun.uz rasmiy kanali