Sanjar Karimov ishi sudga chiqdi

Ijtimoiy tarmoqlarda Real Sanjik taxallusi bilan tanilgan Sanjar Karimovga oid jinoyat ishi sudga oshirildi. Jinoyat ishi JIB Mirzo Ulug‘bek tuman sudida ko‘rib chiqiladi. Birinchi sud majlisi 10 aprel kuniga belgilandi.

Sanjar Karimov o‘ldirish yoki zo‘rlik ishlatish bilan qo‘rqitish (JKning 112-moddasi 1-qismi), juda ko‘p miqdorda firibgarlik (JKning 168-moddasi 4-qismi “a” bandi) hamda narkojinoyatda (JKning 273-moddasi 2-qismi) ayblanmoqda.

👉 https://kun.uz/88499013

Kun.uz rasmiy kanali

AQSH va Isroilning Eronga qarshi urushi: qancha odam halok bo‘ldi?

28 fevral kuni AQSH va Isroilning Eronga hujumi bilan boshlangan urush oqibatida Yaqin Sharq bo‘ylab 5 mingdan ortiq inson halok bo‘ldi.

Qariyb 40 kunlik urush davomida eng ko‘p qurbonlar Eron, Livan va Iroq hududida kuzatildi. AQSH, Isroil va Ko‘rfaz davlatlari ham o‘nlab qurbonlar berdi.

👉 https://kun.uz/25701894

Kun.uz rasmiy kanali

“Sivilizatsiya yo‘q bo‘ladi” – Tramp nimaga shama qilgandi?

Yaqin Sharqdagi urush hozircha tin olgandek. Shu fursatda, ayrim muhim savollarga javob izlash mumkin:

AQSh va Isroil ko‘zlagan maqsadiga erisha oldimi?

Tramp sulhdan oldingi tahdidida yadro qurolini nazarda tutganmidi?

Bu urush natijasida dunyo nimalarni yo‘qotdi?

Bu savollarga siyosatshunos Kamoliddin Rabbimov Kun.uz'dagi kolonkasida javob berdi.

📹 Videosharhni YouTube'da tomosha qiling

Haykalni o‘pgan ayol va renovatsiyaga oid yangilik – mahalliy dayjest

Renovatsiyada mulkdorlarga yetkazilgan noqulaylik uchun qo‘shimcha kompensatsiya to‘lanishi mumkin;

Xivada haykalni o‘pgan ayol jarimaga tortildi;

Futbol bo‘yicha Superliga o‘yinlarini soat 19:00 dan keyin belgilash choralari ko‘riladi;

Avtomobil yo‘llarida sun’iy to‘siq va notekislik yaratish taqiqlanishi mumkin.

Kunning muhim yangiliklari bilan tanishtiramiz.

👉 https://kun.uz/73736384

Kun.uz rasmiy kanali

Yaqin Sharqdagi sulhga qaramay, Isroil Livan bo‘ylab kuchli zarbalar yog‘dirdi

AQSh Eronni bombalashni to‘xtatganiga va tinchlik muzokaralaridagi vositachi bo‘lgan Pokistonning harbiy harakatlar butun front bo‘ylab to‘xtatilishi kerakligi haqidagi bayonotiga qaramay, Isroil Livan janubiga zarbalar berishni davom ettirdi.

10 daqiqa ichida 100 dan ortiq obektga hujum qilingan.

👉 https://kun.uz/81937924

Kun.uz rasmiy kanali

Eron AQSH va Isroilni sulhni buzganlikda ayblab, BAA, Kuvayt va Bahraynga zarbalar berdi

Eron sulh kuchga kirganidan bir necha soat o‘tib, ertalabki «dushman hujumlari» haqida, jumladan Lavan oroliga zarba haqida xabar berdi.

Shundan so‘ng, BAA, Kuvayt va Bahrayn rasmiylari o‘z hududlari Eron tomonidan o‘qqa tutilganini ma’lum qildi.

👉 https://kun.uz/29181583

Kun.uz rasmiy kanali

“San’atkorlar loyihani to‘liq o‘qimasdan shovqin ko‘tardi” – taklif etilayotgan hujjat taqdiri nima bo‘ladi?

San’atkorlarni soliqqa tortishni taklif etuvchi qaror loyihasi muhokamasi 10 aprel kuni yakuniga yetadi. Fikr bildirgan san’atkorlarning deyarli hammasi bunga qarshi. Faollar hujjat chala ekanidan norozi, biroq odamlar san’atkorlar ham hamma qatori soliqqa tortilishi tarafdori.

Kun.uz bilan suhbatlashganlar fikricha, soliq haq, biroq hozir san’atkorlardan undirilayotgan boshqa to‘lovlar masalasini qayta ko‘rib chiqish kerak.

📹 TO‘LIQ VIDЕONI TOMOSHA QILING

O‘zbekistonda krossfit ommalashtiriladi – prezident topshirig‘i

“Dunyoda maxsus jihoz va infratuzilma talab qilmaydigan intensiv sport mashg‘ulotlari, ya’ni krossfit ommalashyapti. Krossfit, bu nima degani? Yugurish, sakrash, egilish, turnikda tortilish kabi oddiy jismoniy mashqlarni ketma-ket bajarish”, – dedi Shavkat Mirziyoyev.

Mahallalarda aholi fitnes bilan shug‘ullanishga jalb etiladi. Maktablarda krossfit bo‘yicha to‘garaklar ochiladi. Namunali mahallalarda rais, sport volontyori va trener moddiy rag‘batlantiriladi.

👉 https://kun.uz/31452747

Kun.uz rasmiy kanali

22 apreldan yangi mijoz telefon raqami va bank kartasi o‘z nomida bo‘lsagina ilovadan foydalana oladi

Markaziy Bank 22 apreldan ilovalardagi xavfsizlik bo‘yicha yangi tartibni joriy qildi.

Agar mijozning telefon raqami, JSHSHIR va bank kartasi egaligi bir-biriga mos kelsa, u ilovadan foydalanishi mumkin.

Agar telefon raqam yaqin qarindosh nomida bo‘lsa (ota-ona; opa-singil; turmush o‘rtog‘i; farzand) ilovadan foydalanishda davom etishi mumkin.

Muammo faqat bitta holatda yuz beradi: agar telefon raqam yoki bank karta mijozga umuman aloqasi bo‘lmagan begona shaxs nomida bo‘lsa.

Bu tartib 22 apreldan keyin yangi ro‘yxatdan o‘tadiganlar uchun amal qiladi. Allaqachon ilovadan foydalanayotgan mijoz uchun hech narsa o‘zgarmaydi.

👉 https://kun.uz/63339435

Kun.uz rasmiy kanali

Eron sulhdan keyin yana Ho‘rmuz bo‘g‘ozini yopdi

Eron Isroilning Livanga zarbalari va sulh buzilishi fonida Ho‘rmuz bo‘g‘ozi orqali tankerlar harakatini yana to‘xtatdi.

Eron tomoni ruxsatsiz o‘tishga uringan kemalarni yo‘q qilish bilan tahdid etgani aytilmoqda.

👉 https://kun.uz/99648727

Kun.uz rasmiy kanali

Mahalla profilaktika inspektori ortiqcha vazifalardan xalos etiladi

Shavkat Mirziyoyev 8 aprel kuni jamoat xavfsizligini ta’minlash tizimini yanada takomillashtirish yuzasidan takliflar taqdimoti bilan tanishdi.

Profilaktika inspektorlari ortiqcha vazifalardan xalos etiladi, ular mahallada xavfsizlikni ta’minlashga yo‘naltiriladi.

Mahallada xavfsizlikni ta’minlashga ko‘maklashuvchi “jamoat yordamchisi” guruhlari faoliyati yo‘lga qo‘yiladi.

Inspektorlarga ayrim huquqbuzarliklar bo‘yicha qaror qabul qilish vakolati beriladi.

👉 https://kun.uz/99148292

Kun.uz rasmiy kanali

Eronda urib tushirilgan samolyotlar: tasodifmi yo yashirin missiya?

AQSH samolyotlari Eronda urib tushirilgach, amerikalik uchuvchini qutqarish operatsiyasiga zarurat tug‘ildi. Ayrim talqinlarga ko‘ra, bu operatsiya nafaqat polkovnikni qutqarishga, balki boyitilgan uran zaxiralarini izlashga ham qaratilgan bo‘lishi mumkin.

Bu haqda Kun.uz'ning “Geosiyosat” dasturida siyosatshunoslar so‘z yuritdi.

📹 VIDЕONI TOMOSHA QILING

Gulira'no Qosimova ishi: Furqat tumani IIB sobiq rahbarlariga hukm o‘zgarishsiz qoldirildi

Andijon viloyati sudi kassasiya instansiyasi Gulira'no Qosimova ishi bo‘yicha Furqat tuman ichki ishlar bo‘limi sobiq boshlig‘i Akmal Xo‘jaev va uning o‘rinbosari Jasur Rasulovga nisbatan chiqarilgan hukmni o‘zgarishsiz qoldirdi.

Ular Gulira'no Qosimova ishida Jinoyat kodeksining 5 ta moddasi bo‘yicha aybli deb topilib, 4 yildan ozodlikdan mahrum qilingandi.

👉 https://kun.uz/95791605

Kun.uz rasmiy kanali

Xodimlariga sport uchun sharoit qilib bergan tadbirkorlar rag‘batlantiriladi

Xodimlar uchun sport zali tashkil etgan tadbirkorlar buning uchun sarflagan pul foyda solig‘i bazasidan chegiriladi. Ular trener jalb qilsa, unga daromad solig‘i va ijtimoiy soliq 1 foiz bo‘ladi.

Shavkat Mirziyoyev davlat mansabdorlariga topshiriq berdi: ular haftada bir kunni sport kuni sifatida belgilab, o‘zi namuna bo‘lib, xodimlarini sportga olib chiqishi kerak.

👉 https://kun.uz/95384090

Kun.uz rasmiy kanali

Elektromobillar poygasi: kim dunyoda yetakchi?

⚡️ BYD 2,56 mln avto sotib, Tesla va boshqa raqobatchilarni ortda qoldirib, elektromobil bozorida dunyo yetakchisiga aylandi.

🇨🇳 Bozorda hozir asosiy kurash texnologiya emas, balki ishlab chiqarish miqyosi bo‘lib, bu poygada Xitoy ustun kelmoqda.

👉 https://kun.uz/84122430

Kun.uz rasmiy kanali

Hegset: Eron endi raketa ishlab chiqara olmaydi

Pentagon rahbari Pit Hegsetga ko‘ra, AQSh Eronning mudofaa sanoatiga hal qiluvchi zarba bergan va mamlakat endi raketa ishlab chiqara olmaydi.

Vashington shu bilan birga, o‘t ochishni to‘xtatish rejimiga Tehron qanchalik amal qilayotganini ham nazorat qilishini aytmoqda.

👉 https://kun.uz/96005833

Kun.uz rasmiy kanali