Odessaga hujum va AQSH–Xitoy tarangligi – kun dayjesti

Tramp Eron infratuzilmasiga zarba berish bilan tahdid qildi;

Rossiya dronlari Odessaga hujum qildi;

Shimoliy Koreya qit’alararo raketa uchun yangi korpus ustida ishlayapti.

O‘tgan kun davomida jahonda ro‘y bergan eng asosiy voqea va yangiliklar sharhi bilan kundalik xabarnomada tanishtiramiz.

👉 https://kun.uz/54627925

Kun.uz rasmiy kanali

“Uchastkavoy”larga topshiriq: “daydi topmasang, qarindoshingni yoki o‘zingni daydi qilib yop!”

Toshkent shahri Olmazor tumani IIB amaldori Abror Xudoyberdiyev profilaktika inspektorlariga ko‘chadan "daydi" topib, ma’muriy bayonnoma rasmiylashtirish bo‘yicha topshiriq berdi.

U 300 ta bayonnoma qilishi kerakligini aytib, barcha xodimga ko‘chaga chiqishni buyurgan.

“O‘zlaringdan ketib qolganmisanlar, vijdonsiz?! Qani bittang daydi qilma-chi! Hammang daydi, o‘zingni daydi qilib olib borib yop, qarindoshingni olib borib yop daydi qilib!” degan u.

IIV matbuot xizmati holat o‘rganib chiqilishini ma’lum qildi.

👉https://kun.uz/35718167

Kun.uz rasmiy kanali

Toshkentda bozor qorovullari itlar ustiga mashina haydadi

Tarmoqlarda ikki kishi avtomobilini itlar ustiga haydagani aks etgan video tarqaldi. Toshkent IIBBga ko‘ra, ular Uchtepadagi bozorlardan birida qorovul bo‘lib ishlaydi. Holat bo‘yicha hayvonlarga nisbatan shafqatsiz munosabatda bo‘lish moddasi bilan ma’muriy bayonnoma tuzildi va hujjatlar sudga yuborildi.

👉 https://kun.uz/36872033

Kun.uz rasmiy kanali

“Rus, ingliz va nemis tilini telefon va internetdan o‘rgandik” — buxorolik 12 yoshli egizaklar

Kun.uz 12 yoshli egizaklar Fotima va Zuhra Kamolova bilan suhbatlashdi.

📚Ular o‘zbek tilidan tashqari rus, ingliz va nemis tillarida gaplasha oladi. Qizlar bu tillarni bepul onlayn darslar orqali mustaqil o‘rgangan. Qizig‘i, egizaklar allachon o‘zlari ham boshqa o‘quvchilarga til o‘rgatishni boshlab yuborgan.

📸 Suhbatda shu kabi savollarga javob topish mumkin:

— ota-ona oddiy oila sharoitida farzandlarni bilimga rag‘batlantirishni qanday uddaladi?

— internet va telefon til o‘rganishda qay darajada yordam berdi?

🍿📹 SUHBATNI TOMOSHA QILING

Ichki ishlar xodimini urgan haydovchi uzr so‘radi

Toshkent shahrida ichki ishlar xodimini urib, buning ortidan podpolkovnik akasining ishdan ketishiga sababchi bo‘lgan ukaning pushaymonligi aks etgan video e’lon qilindi.

👉 https://kun.uz/71112388

Kun.uz rasmiy kanali

O‘zbekistonda P2P o‘tkazmalar monitoring qilinadi

Prezident huzurida yashirin iqtisodiyotga qarshi kurash choralari muhokama qilindi.

P2P operatsiyalar monitoringi, tovarlarni markirovkalash, raqamli nazoratni kuchaytirish, yuklarni hujjatsiz tashish faoliyatini avtomatik aniqlash va norasmiy bandlikni rasmiylashtirish kabi mexanizmlardan keng foydalanish reja qilinmoqda.

👉 https://kun.uz/87529818

Kun.uz rasmiy kanali

Daydi izlovchi «uchastkavoy»lar va bozorda yirik yong‘in – mahalliy dayjest

Olmazor tumani IIB profilaktika inspektorlari ko‘chadan daydi topib, bayonnoma rasmiylashtirishga majburlandi;

Andijon viloyati hokimi o‘rinbosari 50 ming dollar bilan ushlangani aytilmoqda;

Talabalarni ta’lim jarayoniga aloqador bo‘lmagan ishlarga jalb etish taqiqlandi.

Kunning shu va boshqa muhim yangiliklari bilan tanishtiramiz.

👉 https://kun.uz/45513699

Kun.uz rasmiy kanali

«Krokus»dagi terakt uchun sudlangan shaxs o‘z joniga qasd qildi

Moskva yaqinidagi «Krokus Siti Xoll» konsert zalida sodir etilgan terakt ishi bo‘yicha umrbod qamoq jazosiga hukm qilingan shaxs o‘z joniga qasd qildi.

FSIN ma’lumotlariga ko‘ra, hodisa kuzatuv kameralari orqali aniqlangan.

👉 https://kun.uz/85240585

Kun.uz rasmiy kanali

Polkovnikni qutqarish. Amerikalik uchuvchini Erondan olib chiqish amaliyoti tafsilotlari

Eron o‘tgan haftada AQSh harbiy-havo kuchlarining F-15 rusumli qiruvchi samolyotini urib tushirdi va ekipaj a’zolaridan biri qariyb ikki kun davomida birgina to‘pponchasi bilan dushman hududi ichkarisida qolib ketdi. Amerikalik jurnalistlar u qanday qutqarilgani bo‘yicha tafsilotlarni aniqlashdi.

👉 https://kun.uz/73324723

Kun.uz rasmiy kanali

“O‘z oyog‘imga o‘q uzdim” – Rossiya armiyasiga yollangan yigit

21 yoshida ishlab pul topish maqsadida Rossiyaga ketgan yigit 5 oy o‘tgach narkojinoyatda ayblanib, 7 yilga qamalgan.

Yekaterinburg shahridagi qamoqxonada jazo o‘tash davomida unga “Endi jazoning qolgan qismini O‘zbekistonda o‘taysan”, deya qog‘ozga imzo qo‘ydirib olishgan. Bu Rossiya armiyasida harbiy xizmatni o‘tash bo‘yicha shartnoma bo‘lgan.

“Majburiy holatda harbiy qismga olib borildim. U yerdan qochish uchun oyog‘imga otib, o‘zimni jarohatladim. So‘ngra shifoxonaga yotqizildim”, degan yigit sudda.

👉 https://kun.uz/23077863

Kun.uz rasmiy kanali

Mart oyidagi inflatsiya: qaysi mahsulot qanchaga qimmatlashdi?

O‘tgan oyda asosiy oziq-ovqat mahsulotlaridan tuxum 2,1 foizga, suyakli mol go‘shti 1,8 foizga, shakar narxi 1,7 foizga, qo‘y go‘shti va suyaksiz mol go‘shti 1,2 foizga oshdi.

«2026 yil mart oyida mol go‘shti narxlarining o‘zgarishi ham import, ham mahalliy mol go‘shtiga nisbatan qayd etildi. Bunda respublika bo‘yicha eng arzon mol go‘shti narxlari o‘rtacha bir kilogramm uchun 5 000 so‘m atrofida qimmatlashdi», deyiladi Statqo‘m hisobotida.

👉 https://kun.uz/81664275

Kun.uz rasmiy kanali

Harbiy xizmatchilar uchun oliygohga o‘qishga kirib, masofaviy ta’lim olish imkoniyati yaratiladi

Shavkat Mirziyoyev 6 aprel kuni harbiy xizmatchilarni qo‘llab-quvvatlash masalalari yuzasidan yig‘ilish o‘tkazdi.

Harbiy xizmatchilar uchun harbiy xizmat davrida oliygohlarga o‘qishga kirib, masofaviy ta’lim olish imkoniyati yaratiladi.

Askarlar uchun “Bitta askar – bitta kasb” tamoyili asosida 3-6 oylik o‘quv kurslari tashkil etiladi.

Davlat tashkilotlariga ishga kirish istagini bildirgan harbiy xizmatchilarga imtiyoz beriladi.

Harbiy xizmatchilar o‘rtasida “Ma’naviyat qalqoni” respublika kitobxonlik tanlovi o‘tkaziladi.

👉 https://kun.uz/99189691

Kun.uz rasmiy kanali

NASA Oyning orqa tomonini ko‘rsatdi

Artemis II ekipaji Oyning orqa tomonidagi Oriyental havzasini to‘liq ko‘rgan birinchi odamlar bo‘ldi.

Fotosuratning o‘ng tomonida Oyning biz Yerdan ko‘radigan qismi tasvirlangan. Chap tomonda esa Oy orqa tomonining bir qismi.

👉 https://kun.uz/99383484

Kun.uz rasmiy kanali

Osmono‘par binolar poygasi: dunyodagi eng baland 20 ta inshoot

2026 yil aprel holatiga ko‘ra, Dubaydagi 828 metrli Burj-Xalifa dunyodagi eng baland bino bo‘lib qolmoqda va ikkinchi o‘rindagi inshootdan qariyb 150 metr baland. Shu bilan birga, Saudiya Arabistonida qurilayotgan Jeddah Tower 2028 yilda bitkazilsa, yangi rekord o‘rnatishi mumkin.

Eng baland 20 ta binodan deyarli yarmi Xitoyda joylashgan bo‘lib, Osiyo so‘nggi o‘n yillarda “osmono‘par binolar poygasi”da mutlaq yetakchiga aylangan. Osiyodan tashqaridagi faqat uchta bino esa Nyu-York va Sankt-Peterburgda joylashgan.

👉 https://kun.uz/84148607

Kun.uz rasmiy kanali

Davlat idoralarida ortiqcha maydonlar qisqartiriladi

O‘zbekistonda davlat idoralarida ortiqcha maydonlarni qisqartirish rejalashtirilmoqda.

Taklifga ko‘ra, bir xodimga to‘g‘ri keladigan o‘rtacha maydon 27 kv metrdan 12–15 kv metrgacha tushiriladi.

Bu orqali 4,9 mln kv metr maydonni iqtisodiy aylanmaga kiritish, bo‘sh binolarni savdo va ijaraga chiqarish hamda xarajatlarni kamaytirish ko‘zda tutilgan.

👉 https://kun.uz/44622988

Kun.uz rasmiy kanali

Denovda gaz quyish shoxobchasida portlash sodir bo‘ldi

Denov tumanidagi gaz quyish shoxobchasida gaz tashuvchi maxsus avtomobildan sig‘imga propan quyish vaqtida chaqnash yuz berib, yong‘in kelib chiqqan.

Qutqaruvchilar hodisa joyiga yetib borib, yong‘inni o‘rab olgan, hozirda uni bartaf etish ishlari davom etmoqda.

Dastlabki maʼlumotlarga ko‘ra, hodisa texnologik jarayon buzilishi oqibatida sodir bo‘lgan bo‘lishi mumkin.

👉 https://kun.uz/28361100

Kun.uz rasmiy kanali

🚀 Artemis II missiyasi kosmosda yangi rekord o‘rnatdi

“Orion” kemasi Yerdan qariyb 407 ming km uzoqlashib, insoniyat tarixidagi eng uzoq masofaga chiqdi. Shu bilan 1970 yildagi “Apollon-13” rekordi yangilandi.

Missiya doirasida ekipaj Oyni aylanib chiqadi va yangi texnologiyalarni, jumladan uzoq vaqt avtonom ishlaydigan skafandrlarni sinovdan o‘tkazmoqda.

👉 https://kun.uz/08670697

Kun.uz rasmiy kanali

Strategik resurslar xaritasi: nodir yer elementlari kimning qo‘lida?

Xitoy dunyodagi eng yirik nodir yer elementlari zaxirasiga ega va qazib olish hamda qayta ishlashda ham yetakchilikni saqlab turibdi. Bu esa Pekinga strategik resurslar bozorida katta taʼsir kuchini bermoqda.

Braziliya, Hindiston, Avstraliya va Rossiya muqobil taʼminot manbai sifatida ko‘rilmoqda. “Yashil” energetika, elektromobillar va mudofaa sanoatida talab oshib borayotgan bir paytda, ushbu resurslar uchun raqobat yana-da keskinlashmoqda.

👉 https://kun.uz/14669805

Kun.uz rasmiy kanali

Zelenskiy Putinga yana energetik sulh taklif qildi

Ukraina prezidenti Rossiyaga energetika obyektlariga o‘zaro hujumlarni to‘xtatishni taklif qildi: agar Moskva zarbalarni to‘xtatsa, Kiyev ham xuddi shunday qadam tashlashga tayyor. Bu tashabbus avval ham ilgari surilgan, ammo Kreml uni rad etgan.

Odessadagi so‘nggi hujumlar ortidan Zelenskiy Rossiya urushni moliyalashtira olar ekan, tinchlikka o‘tishni istamasligini taʼkidladi va ittifoqchilarni bosimni kuchaytirishga chaqirdi.

👉 https://kun.uz/42377738

Kun.uz rasmiy kanali

Chinozda YTH sodir qilib, odam o‘limiga sabab bo‘lgan YPX xodimi 7 yilga qamaldi

Yo‘l-patrul xizmati xodimi Cobalt mashinasida yo‘lning qarama-qarshi yo‘nalishiga chiqib ketib, Gentra bilan to‘qnashgandi. Oqibatda Gentra haydovchisi halok bo‘lgan.

👉 https://kun.uz/53786942

Kun.uz rasmiy kanali