🅰️🅰️🅰️🅰️🅰️

КӨҤҮЛ ТЫЫННААХ «КУЛАР» ХАҺААЙКАТА

🔖Суруналыыс, урбаанньыт Светлана ЛЬВОВА:
- Саха аһын-үөлүн аан дойдуга аатырдыбыт Иннокентий Тарбаахаптыын өр кэмҥэ ыкса алтыһан үлэлээһиним мин тус суолбун  тобуларбар суолдьут сулус курдук буолла. Билигин “КУЛАР-КЕЙТЕРИНГ” фуршеттары тэрийэр тэрилтэлээх урбаанньыт буолан тураммын ону өйдөөтүм. Бу ас эйгэтигэр ылыммыт билиибин, сатабылбын, уопуппун барытын түмэн, бэйэм баҕарар үлэбинэн дьарыктана сылдьарбыттан күн бүгүн дуоһуйууну ылабын. Төрдүө буолан (бары Тарбаахап оскуолатын бастыҥ үөрэнээччилэрэ)  билигин Саха сиригэр суох органическай кухня аһын үөлүн оҥорон таһаарабыт. Оҕуруот аһыттан, балыктан турар авторскай бүлүүдэлэрбитин айан таһааран, ханнык баҕарар тэрээһиҥҥэ тус буочарбытын киллэрэн, иһитигэр-хомуоһугар тийэ уратытык толкуйдаан фуршетнай остуолу бэлэмниибит.

Фуршет диэн олус айымньылаах эйгэ, ону таһынан дьоҥҥо наадалаах. Сыаната удамыр эрээри наһаа кэрэ уонна аныгылыы аһылыктар. Уһуйааччыбыт Иннокентий Тарбаахап саҕалаабыт дьыалатын билиҥҥи кэм ирдэбилигэр киллэрэн дьоҥҥо аһы искусство биир көрүҥүн курдук утары уунан, онтон дуоһуйуу ылалларын туһугар туруулаһабыт.

Сиһилии ➡️ https://xn--80aaa3eca.xn--p1ai/k%d3%a9%d2%a5%d2%afl-tyynnaah-kular-ha%d2%bbaajkata/

@taattagazeta
@ulusmedia