Продолжаем модернизировать библиотеки в рамках нацпроекта «Культура», инициированного Владимиром Владимировичем Путиным.

Полностью обновляем читальные залы, делаем их комфортными и для детей, и для взрослых. Новые библиотеки — это современный дизайн, зоны для работы и отдыха, интерактивные технологии и, конечно, большой выбор книг. В этом году планируем приобрести около 20 тысяч изданий на марийском, русском и английском языках.

За счет нового формата посещаемость увеличилась почти в 2 раза. Сотрудники культуры организуют мастер-классы, квизы и встречи с известными личностями.

Сейчас в Марий Эл работают девять таких библиотек. До конца года оборудуем еще две по стандартам модельных.

🎀 10 октябрьыште Шупашкарыште Марий тӱвыра кече эртаралтеш. Мероприятий Чувашийысе калык-влакын келшымаш пӧртыштышт, П.Хузангайын уремже, 20-шо пӧрт адрес дене 15 шагатлан тӱҥалеш.

Уна-влак марий калык мурым да кӱсле йӱкым колын, тыгак калык вургемым чиен, марий тӱрым тӱрлен ончен кертыт. Толшо-влаклан тыгак тӱрлӧ мотор арверым налаш да марий кухньын кочкышыжым тамлен ончаш йӧн лиеш.

📸 Дом Дружбы народов Чувашской Республики ВК-се лаштык гыч

🎭 «Кугарня» газетнан ВК-се лаштыкыштына РЕПОСТ конкурсым эртарена 🎭

М.Шкетан лӱмеш Марий национальный драме театр «УШ ЙОММЕШ ЙӦРАТЫМАШ» спектакльыш ик еҥлан кок ӱжмашым пӧлекла 🎟🎁Сеҥышым 19 сентябрьыште https://konkursvk.ru/ приложений полшымо дене ойырена.

🎭 20 сентябрь (кугарня)
⏰ 18:00

Ссылке почеш теат ушнен кертыда😉
🖇️ https://vk.com/kugarnya_official?w=wall-177873183_26505

У площадке лиеш 🚁

Волжск оласе рӱдӧ эмлымверын шке вертолёт площадкыже лиеш. Тудым ышташ 30 кече пуалтеш. Ты жапыште йырым-йырысе кумдыкым эрыкташ, вертолёт шичме верыште шаргӱм опташ, тудым кӱртньӧ да бетон плита дене петыраш палемдыме. Ты сомылым шукташ кызытеш республикысе бюджет гыч 284,5 тӱжем теҥгем ойырымо.

👨‍🍳14 сентябрьыште Йошкар-Олаште «Маяк» движенийын суртдымо да нужна еҥ-шамычым шокшо кочкыш дене сийлыме у точкышт почылтеш.

Тидыже нунын ынде шымше лиеш. Тудо Йошкар-Оласе индешымше микрорайонысо 4-ше номеран поликлиникын пурла могырыштыжо верлана. «Маяк» кажне кечын каныш деч посна пашам ышташ тӱҥалеш. 8 сентябрьыште ты движенийлан ныл ий темын. Пытартыш ийлаште тушко школышто тунемше-влакат ушненыт. Поро пашам шуктымыж дене тудо шке йырже ятыр доброволец, полшаш кумылан еҥ-шамычым чумырен.

📅 СВО участник-шамычлан да нунын ешыштлан мер полышым пуымо шотышто Марий Элым Вуйлатышын пунчалышкыже вашталтыш-влакым пуртымо.

Тыге «Сосновый бор» санаторийыште специальный военный операцийын участникшылан ешыж дене оксам тӱлыде тазалыкым пеҥгыдемдаш йӧн лиеш. Военныйын пелашыже да икшывыже-влак лу кече санаторийыште канен кертыт. Кызыт санаторийыште канышым организоватлыме шотышто паша шукталтеш.

Палемдыман, кундемыштына спецоперацийын участникше-влаклан да нунын ешыштлан 50 наре тӱрлӧ полышым келыштарыме. Тушко социальный, психологический, медицинский, юридический да молат пурат. Тыгак илыме да коммунал услугылан тӱлымӧ роскотым петырыме шотышто полышат уло.

📅🍃 Кеҥежат эртен кайыш. Тений тудо мо дене молгунамсе деч ойыртемалтын? Тидым ятыр ий игечым эскерыше Геннадий Рыбаков радамла:

– Йошкар-Олаште пытартыш нылле ийысе кеҥеж дене таҥастараш гын, тений кеҥежым 1,15 градуслан шокшырак лийын, кеҥежын икымше пелыже – 3 градуслан левырак, а кокымшо пелыже – 0,8 градуслан юалгырак. Пытартыш 40 ийыште шукыж годым кеҥежым кокымшо пелыже икымше пелыж деч 0,6 градуслан шокшырак шоген (23 гана). Тений кеҥежын икымше пелыже кокымшо пелыж деч 3,2 градуслан шокшырак лийын.

Тений июньын икымше пелыштыже игече ойыртемалтын, пытартыш 40 ийыште эн шокшо семын палемдалт кодеш. А июньын кокымшо пелыштыже июльын кокымшо пелыж дечат 0,15 градуслан шокшырак лийын. Июнь мучкыжат тений июльысо деч 0,1 градуслан шокшырак лийын. А вет пытартыш 35 ийыште июльышто игече июнь деч 2,7 градуслан шокшырак шоген. Август дене таҥастараш гын, июнь 3 градуслан шокшырак лийын.

📑Кумданрак тыште лудын кертыда.

📸 П.Васильевын фотожо.

Ӱмашсе деч шукырак 🚂

Тений кандаш тылзыште (январь-август) 300 тӱжем наре пассажир Йошкар-Ола гыч Москош поезд дене кудалын, возат шке тг-каналыштышт Горьковский кӱртьныгорно станцийын пашаеҥышт.

Ӱмашсе тыгаяк жап дене таҥастарымаште, тений 9 процентлан шукырак пассажир-влак Москош миен шуаш поездым ойыреныт. Палемдыман, Марий Эл-Москва поездын составыштыже кок пачашан вагон-влакат улыт. Тыгак купе, малаш да шинчаш каяш вагоным келыштареныт.

⚠🔥Марий Элыште электрооборудований дене пайдаланыме годым пожар лӱдыкшыдымылык правилым пудыртымылан кӧра лийше пожар-влак шукемыт. Ӱмаште, мутлан, тиде амаллан кӧра кажне нылымше пожар лийын.

Туткар деч аралалташ правил-влак нерген мондыман огыл👇
❗Шаланыше выключатель, розетке, вилке, чара электровоштыр дене ида пайдалане, электровоштыр-влакым шке гыч ида ушо.
❗ Электровоштыр дене кылдалтше сомылым специалистлан гына ӱшаныза.
❗ Шке гыч ыштыме удлинительым ида кучылт.
❗ Электроэнергий дене пашам ыштыше икмыняр техникым (электроплитам, электрокаминым, чайникым да молымат) иканаште ида чӱктӧ.

Кумданрак – ВК-се лаштыкыштына!

Пожарный ден утарыше-влаклан йыҥгырташ ☎: 101, 112.
📸Россий МЧС-ын Марий Элысе тӱҥ управленийжын.

Поро йӱд 🌃

У НОМЕР 🍂

Иктешленыт ✅

Марий Элым Вуйлатыше Ю.Зайцевын «Таза республик» проектшын тенийысе пашажым Республикысе Тазалык аралтыш министерстве иктешлен. Проект почеш кундемыштына чылаже 208 мероприятий лийын, 10 тӱжем наре еҥ эмлалтме шотышто консультацийым налын.

Районлаште «Тазалык кече» акций-влак эртаралтыныт. Тыгодым райрӱдылашке аҥысыр специализациян йоча да кугыеҥ-шамычым эмлыше врач-влак лектеденыт. Тора яллашке районласе эмлымвер гыч специалист-влак кудалыштыныт.

Тений Йошкар-Олаште икымше гана «Тазалык пункт-влакым» келыштареныт. Тидыже пункт-влак верланыме воктенысе пӧртлаште илыше-шамычлан тазалыкыштым тергаш сай йӧн.

🏃‍♂️🏃‍♀️21 сентябрьыште Марий Эл Республикыште «Кросс-Нации 2024» пӱтынь российысе куржталмаш кече эрта. Кроссыш тӱрлӧ ийготан чыла кумылан-влак: профессионалжат, тыглай куржталаш йӧратыше-влакат погынат.

📍Тӱҥ старт – Звенигово оласе «Водник» стадионышто. Тыгак куржталмаш-влак республикна мучко эрташ тӱҥалыт.

🖇Тушко ушнашлан 19 сентябрь марте «Госуслуги» сайтыште йодмашым колтыман.

У кластер 🌐

Марий радиомеханический техникумышто «Радиоэлектроника-РМТ» кластер почылтын.

Ты кластер «Профессионалитет» федеральный проект почеш ышталтын. Тудо кӱкшӧ квалификациян специалист-влакым ямдылаш йӧным пуа. Студент-влак кызытсе жаплан келшыше мастерскойышто у оборудований дене пашам ышташ тӱҥалыт, тыгак моштымашыштымат практикыште тергаш йӧн лиеш.

Пакчасаска тӱня ӱжеш 🍏

15 сентябрьыште Йошкар-Олаште сад-пакчазе-влаклан конкурс лиеш. Тушко ушнаш кумылан-влакым Сеҥымашын XXX идалыкше лӱмеш тӱвыра полат ончылно 12 шагатлан вучат.

Оласе мэрийын палдарымыж почеш, тушто йыраҥыште куштымо пакчасаска ончерым калыклан чумырат. А верысе сад-пакчазе-шамыч тӱрлӧ сорт пареҥгым ужалаш тӱҥалыт. Тыгак «Мисс Фазенда» да «Мистер огород» номинацийыште сеҥыше-шамычым ойырат. Уна-шамыч пӱртӱс материал гыч ямдылыме «Эко-мода» костюм-влак конкурсышто таҥасен кертыт. Тылеч посна «Пакча чучыл», «Патыр — 2024», «Диво дивное», «Рекордыш каем» номинаций-влак лийыт.