🕯Таче, 9 сентябрьыште, Марий Элын 2017 ий гыч 2022 ий марте ончычсо Вуйлатышыже Александр Евстифеев илыш дене чеверласен. Тудлан 66 ий лийын.

Мемнан деч кугу чаманымаш.

Сайлымаш эртен ✅

Марий Эл Республикысе сайлыме комиссийын председательже Ирина Татаринова таче Кугыжаныш Погынын кандашымше созывшын депутатше-влакым да тыгак муниципальный депутат-шамычым сайлымашын предварительный итогшо дене палымым ыштен.

📲Ты гана мемнан республик икымше гана электон йӱклымашке (ДЭГ) ушнен да Россий мучко 94,66% дене икымше верыш лектын.

👥Сайлымашке эн шукын толыныт:
1️⃣Шернур район – 63,65%
2️⃣Курыкмарий район – 58,41%
3️⃣Кужэҥер район – 58,01%

🗳Партий системе дене 5% барьерым кум политический партий эртен:
1️⃣Единый Россий – 61,23%
2️⃣КПРФ – 11,57%
3️⃣ЛДПР – 8,65%.

📅 Идым тылзе лишыл кечылаште чылт кеҥеж тылзе гай шижалташ тӱҥалеш. Калык пале-влакымат айста эскерена.

🌤️9 сентябрьыште турня-влак кӱшнӧ «мутланен» чоҥештат гын, сай шыже шогаш тӱҥалеш.

🌤️10 сентябрьыште пызле шуко шочеш гын, вес кеҥеж йӱран лиеш.

🌧️11 сентябрьыште кӱдырчӧ кӱдырта – леве шыже кечылан.

🌤️12 сентябрьыште кушкыллаште эҥыремышвот шарла – шокшылан.

🌤️13 сентябрьыште шӧршудо пеледеш – леве да кужу шыжылан.

☀️14 сентябрьыште кече онча гын, шыже ояр лиеш.

☀️15 сентябрьыште мардеждыме игечыште лупс чот возеш – сай игечылан

🚒 Чодырам пожар деч аралыман!

Марий Элыште 10 гыч 16 сентябрь марте пожар лӱдыкшӧ лийын кертмын нылымше классшым палемдыме.

Тиде жапыште шке сад ден дачный участкылаште, чодыра воктене куштырам йӱлалташ ок лий. Тыгак чодыраште тулотым ылыжташ чаралтеш.

🌲Чодыраште тӱткӧ лийза! Пӱртӱсым аралыза!

🫡 ПАШАШ ӰЖЫТ

📸🌏 Таче Республикысе изосымыктыш тоштерыште Александр Акилбаевын «Место, о котором расскажу своим детям» фотографий ончерже почылтын. Тушко саламлымаш мут дене Марий Элысе спорт да туризм министр Л.А.Батюкова ден Тӱвыра, печать да калык-влакын пашашт шотышто министрын алмаштышыже И.Г.Садовин ушненыт.

Ончер эн ондак шочмо Марий Эллан пӧлеклалтын, тыгак экспозицийыште Камчаткыште, Байкалыште, Алтайыште, Дагестаныште да Башкирийыште ыштыме 40 наре фотографий ончыкталтын.

Александр Акилбаев республик мучко ятыр ий оҥай экскурсий-влакым эртара. Тудо сылне верлам ончыкта, Марий регионын историйже да поян культуржо дене палдара. 2016 ийыште Александр «Пешком по республике» проектым тӱҥалын. Вара турист маршрут-влакын географийышт кумдаҥын, да «Пешком по стране» проект лектын. Эн оҥайже: фотоончерыште ончыктымо фото-влакым Александр профессиональный фотоаппаратыш огыл, а телефоныш ыштен. Пӱртӱсын моторлыкшым ужын моштымыжым да калыклан ончыктен кертмыжым ме чылан ужына.

Эхолотым налаш шонен 🫥

Йошкар-Олаште илыше 40 ияш пӧръеҥ 100 тӱжем наре теҥгелан ондалалтын, палдара Марий Элысе МВД.

Тудо интернетысе увертарымаш сайтыште эхолотым ужалыме нерген уверым ужын да сатум ужалыше еҥлан возен колтен. Варажым нуно ик мессенджерыште ваш возкаленыт. Мо кӱлешым рашемдымеке, «ужалыше еҥ» сатум колтенам манын да тидым фото дене пеҥгыдемден, тыгак QR-кодым колтен. Тудын почеш сатум намиен пуымым оформитлымылан оксам тӱлаш кӱлын. QR-код почеш эртен, пӧръеҥ банк картыжын данныйжым да смс дене толшо кодымат ончыктен. Тылеч вара счётшо гыч 105 тӱжем наре теҥге йомын.

☀🆘 Тале магнит тӱтан Мландым леведеш

10-11 сентябрьыште Мландынам геомагнит тӱтан леведеш. Таче 15 шагат гыч эрла 12 шагат кечывал марте 5-6 баллан тӱтан лийшаш нерген астроном-влак увертарат.

🤕 Ты жапыште метеозависимый-влак утларак ӱнардыме лийын кертыт, еҥ - влакым утларак стресс авалтен сеҥа, омо йомеш, амал деч посна тургыжланымаш, шыдешкымаш да лӱдмаш лектыт.

💧🚶‍♂️Тыгай годым шукырак вӱдым йӱман да яндар южышто лийман.
🌿Тылеч посна кофе олмеш мелисса, пӱртньык, лаванде гыч чайым тамлыман.

⚡ Беспилотник-влак Подмосковьем атаковатленыт

Кодшо йӱдым ВСУ-н 20 наре беспилотникше Моско областьысе икмыняр олам атаковатленыт. Раменское, Коломна, Кашира, Подольск, Люберцы олала да Домодедово ден Жуковский аэропорт-влакын районышт тиде осал вий йымаке логалыныт. Икмыняр дрон илыме пӧртышкӧ логалын. 46 ияш ӱдырамаш колен.

Чылажге тачысе йӱдым Россий Федерацийын кумдыкыштыжо 144 БпЛА-м ужмо да чарен кертме. РФ Минобороно увертара: тушеч пелыжым Брянск область ӱмбалне пытарыме. Тыгак ПВО дрон-шамычым Курск, Белгород, Тула, Калуга, Воронеж, Липецк да Орёл область-влак ӱмбалне «кучымо».

📸 vorobiev_live тг канал гыч.