У ПРАВИЛ⚠️

Тений 1 сентябрь гыч I группо инвалид ден инвалид йоча-влакым общественный транспорт гыч луктын колташ лийдыме нерген закон вийым налеш.

Тиде инициативе начар тазалыкан еҥ-влакын праваштым аралыме да транспорт инфраструктурым йӧнаным ыштыме дене кылдалтын. Тиде законым пудыртымылан водитель-шамычлан 5 тӱжем теҥге штрафым пуэн кертыт, а должностной лицалан – 30 тӱжем теҥге марте. Сандене тыгай вашталтыш водитель ден должностной лица-влакын ответственностьыштым кугемдаш полшышаш.

ЙОШКАР-ОЛАШТЕ 31 августышто ялозанлык ярмиҥга лиеш🌶️🌽🥕

Ленин площадьыште фермер-влакын ончен куштымо пакчасаскаштым, тыгак шӧр-торык сатум, шылым да молымат ужалаш тӱҥалыт. Толшовлак калык кочкышым тамлен, конкурслаш ушнен кертыт, палдара Йошкар-Олан администрацийже.

Вулкан лекме верыш 🌁

«Движение Первых» Марий Элысе толкынын активистше-влак Камчаткыш каеныт. Нуно самырык натуралист-влак слётын участникше улыт.

Ты слёт – «Экосистема. Заповедный край» Российысе самырык-влаклан экологий форумын ужашыже. Тушко Марий Элын гыч ныл ӱдыр каен.

Арня мучко ӱдыр-рвезе-влак Камчаткыште лийыныт: вулкан лекме верыште экскурсий дене коштыныт, тӱрлӧ мастер-классыш ушненыт, самырык натуралист-влак тӱшкалан навигаторым ямдыленыт.

Шке проектышт дене слётын участникше-шамыч Росмолодёжьын грант конкурсышкыжо ушнен кертыт, сеҥышылан шке проектшым шочмо кундемыште илышыш шыҥдараш окса полышым пуат.

📸 Марий Элысе Образований да науко министерствын архивше гыч налме фото.