ЛӰМГЕЧЕ КЕЧЫШОТ📆

✅15 июль – Марий кундемыш Кресаньык восстаний годым (1773-1775) Е.И.Пугачёвын толын кайымыжлан – 250 ий (1774).

✅Журналист, прозаик-очеркист, Кугу Отечественный сарын участникше С.И.Захаровын (1919-1986) шочмыжлан – 105 ий.

✅16 июль – Александр III императорын (тунам але цесаревич веле лийын) Кокшайскыш толын кайымыжлан – 155 ий (1869).

ЦИФРЫН КЕЧЫЖЕ📖🙎‍♂️

⚡Кеҥежымсе йоча лагерьлаште Россий мучко «День цифры» проект почеш мероприятий-влак лийыт.

Тудым «Цифровая экономика» нацпроект почеш Российысе Цифровой вияҥмаш, связь да тӱшка коммуникаций ден Просвещений министерстве-влак, «Цифровая экономика» АНО эртарат.

‼Кажне ийын ты проектыш 7-17 ияш 2 млн утла тунемше ушна. Проектым илышыш шыҥдарыме жапыште тыгай мероприятийым 8 тӱжем утла лагерьыште эртарыме.
Тенийысе тургымлан Сбербанкын «Вклад в будущее» поро кумылым ончыктышо фондшо ИИ (искусственный интеллект) шотышто ешартыш методике материалым ямдылен.

Проектын материалже-влакым 👉 https://урокцифры.рф/camp/ муын кертыда.

💯 Марий Элым Вуйлатыше Ю.Зайцев профессионал мастарлык шотышто Марий Эл Правительствын грантшым кучыктен. Тудым 43 сеҥышылан да 33 наставниклан пуымо.

«Профессионалы» толкыным идалык ончыч ыштыме. Ты чемпионатым кызыт тӱрыснек эртарен кертме. Участник-влак шке мастарлыкыштым тӱрлӧ отрасльыште ончыктеныт.
Чынжымак, тений 24 март гыч 19 апрель марте эртыше чемпионатыште 355 студент да 40 тунемше 54 компетенций дене мастарлыкым ончыктен. Пашаштым 408 эксперт аклен.
Кызыт чемпионатын 233 призёржо ден сеҥышыже-влак Марий Элысе 84 предприятий ден организацийыште стажировкым эртат.

📷Д.Речкин/ Марий Элым Вуйлатышын пресс-службыжо.
Тӱрыснек лудса 👉https://кугарня24.рф/grantym-kuchyktymo/

Толкынышто – 282 пӧлка💥

✨Марий Эл Правительствыште «Движение Первых» йоча ден молодёжьын мер да кугыжаныш толкынышт шотышто Координационный советын заседанийже лийын.

💤Тудым Марий Эл Республикысе Правительстве Председательын икымше алмаштышыже М.Васютин вӱден. Заседанийыште толкынын пӧлкаже-влак тений пелийысе пашаштым иктешленыт.

«Движение Первых» толкынын Марий Элысе пӧлкажын 2000 утла еҥже кеҥежымсе лагерьлаште кана. Нунылан 30 профильный сменым келыштарыме. Ӱдыр-рвезе-влак ГТО-м сдатлен ончат, робототехнике дене мастер-классыште, строй дене ошкылмо да мурымо смотрышто участвоватлат, СВО участник-шамыч дене вашлийыт. «Первые в профессии» профориентаций проектым илышыш шыҥдарат.