Меат чемпион дене фотом ыштышна 📸

📅 Эртыше арня чот шокшо дене мемнам ӧрыктарыш, а тиде арня деч мом вучыман? Калык пале-влак тидын шотышто мом каласат?

🌤8 июльышто йӱдйымал (северный) мардеж пуал колта гын, ояр кечылан. Эрвел (восточый) мардеж – йӱрлан.

☀9 июльышто эр гычак сай игече шога гын, кеҥеж шыже кыдал марте шогышаш.

☀10 июльышто шокшо да ояр игече шога гын, тыгай игече 7 арня шогышаш.

🌤11 июльышто куку ок муро – эр телылан.

☀12 июльышто эрдене лупс шуко гын, шокшо игечылан. Лупс уке – йӱрлан.

🌤13 июльышто ош пыл мардеж ваштареш иеш – йӱрлан. Мардеж почеш гын, шокшылан.

🌤14 июльышто пушеҥгыште нарынче лышташ кояш тӱҥалеш гын, эр шыже да телылан.

✅ 22 гыч 26 июль марте самырык-влаклан МОЛОДЙОШКА форум эрташ тӱҥалеш.

Тӱҥ информаций дене ссылке почеш палыме лияш лиеш: https://vk.com/mol12?w=wall-43626980_23711

⚠Сайлымаш шуэш -
‼дистанционно йӱклыза!

Марий Элыште республикысе Кугыжаныш Погынын VIII созывшын депутатше-влакым да муниципалитетласе депутат-шамычым икымше гана дистанционно сайлаш тӱҥалына.

Тыгай дистанционный электрон йӱклымаш (рушла кӱчыкын ДЭГ маныт) Российысе 25 регионышто эртаралтеш. Ты механизм телефон, планшет да персональный компьютер гоч йӱклаш йӧным ышта. Тыгак тидыже сайлыше-влаклан йӧнанрак. ДЭГ-ыште участвоватлаш шонышо-шамычлан 22 июль гыч 2 сентябрь марте «Госуслуги» порталыште йодмашым пуыман. Интернетыште 6 гыч 8 сентябрь марте кеч-могай жапыште йӱклаш лиеш.

✨ Моско олаште ВДНХ-ште «Россий» тӱнямбал ончер-форум 8 июль марте пашам ышта. Тиддеч вара Марий Элын стендше Йошкар-Олашке кусаралтеш.

Йошкар-Оласе калык ден уна-влак тудым Т.Евсеев лӱмеш Национальный тоштерыште ужын кертыт.

📑Тидын нерген Марий Элым Вуйлатыше Юрий Зайцев шке телеграмм каналыштыже увертарен.

Верым пуаш пунчалме

💥Марий Элым Вуйлатыше Ю.Зайцевын кӱштымыж почеш Козьмодемьянск ола покшелне социальный обслуживатлымаш да калыклан паша верым ситарыше организаций-влаклан верым ойырымо. Тидлан Комсомольский уремыште ондак поликлинике лийме пӧлем-влакым ойыраш пунчалме.

Республикысе паша да калыкым социально аралыме министр М.Островскаян увертарымыж почеш, Козьмодемьянскыште министерствын вич тӧнежше уло. Нуно социальный ден кугыжаныш услуго-влакым 20 тӱжем утла еҥлан пуат. Тыгодым социальный обслуживаний организаций-влакын зданийышт санитарный, противопожарный законодательстве дене шотлан огыт тол, тыгак маломобильный еҥ-влаклан пурен лекташ йӧн уке.

Кугыжаныш услугым саемдаш, передовой технологий почеш пашам ышташ ондакысе поликлиникын яра шогышо зданийышкыже вераҥдаш пунчалме.
1 148,3 кв. метр кумдыкым капитально олмыктат, мебель ден оборудованийым налыт, ешартыш функционалан кабинет-влакым йӧнештарат.

📷Д.Речкин/ Марий Элым Вуйлатышын пресс-службыжо.

ЛӰМГЕЧЕ 📆

🌼 8 июль – Еш, йӧратымаш да ӱшанле улмо кече.
Официальный статусым 2022 ийыште налын. Символжылан висвисым шотлаш тӱҥалме.

🛳️ 8 июльышто 105 ий ондак (1919) Юрино селаште да Козьмодемьянск олаште «Красная звезда» агитпароход чарнен. Бортышто моло большевистский агитатор ден культпросвет пашаеҥ-влак коклаште Н.К.Крупская лийын.

✅ Таче Екатеринбургышто почылтшо «Иннопром – 2024» тӱнямбал промышленный ончерыште Марий Эл Республик шке стендшым ончыктен.

Кумданрак тыште 📑