«КУГАРНЯЛАН» – 33 ИЙ 🥳🎉

33 ий ончыч, 1991 ий 5 июльышто, «Кугарня» газетын икымше номерже лектын❗

Таче мемнан пайремна, марий-влак! Вет газетым ме марий еҥлан луктын шогена. Марий калык ила, газетат лектеш. Шочмо йылме, шочмо калыкын историйже, йӱлаже, пӱрымашыже, ончыкылыкшо, марий калыкнан куан ден ойгыжо – чылажат «Кугарня» газетыште уло.

Кажне статьяжым чон гоч колташ тыршена. Вет чон гоч колтымо, чонышто нумал коштмо материал гына вес еҥын чонышкыжо миен шуын кертеш.

🖐🏻😃 Тау тыланет, «Кугарнян» йолташыже! Ӱшанена, ончыкыжымат пырля лийына. Шочмо кечына дене!!!
____________
«Кугарня» газетын паеҥже-влак дене архив фото-влак📸

🎶 Кызыт Э.Сапаев лӱмеш опер да балет театрыште Татарстан Республикын сымыктыш мастар-влакын концертышт кая.