✅ 4-5 июльышто Саранскыште Лидерствын калыкле школжо эрта.

Лидерын калыкле школжо – талантан самырык еҥ-влакым пырля ушаш виктаралтше мероприятий-влак. Тудо Российыште илыше калык-влакын пеҥгыде келшымашыштым ончыкташлан эртарлтеш. Мероприятий финн-угор йылме ешын субъектлаштыже илыше-влакым пога.

📰 Программыште пленар заседаний, тренинг, калык-влак кокласе вашкыл, профилактике да самырык ушем-влакыште экстремизм ваштареш кучедалме лӱдыкшым ончылгоч кораҥдыме йодыш, федерал ден кундемысе кӱкшытан эксперт-влакын выступленийышт, IT-технологий полшымо дене тӱвырам вияҥдыме йодыш да молат лиеш.

📚 Таче С.Г.Чавайн лӱмеш Национальный книгагудышто «Встречаем праздник Сабантуй» ончер почылтын. Тыште 260 утла книгам погымо. Ончер 1 сентябль марте уна-влакым вучаш тӱҥалеш.

Мероприятийыш Тӱвыра, печать да калык-влакын пашашт шотышто министрын алмаштышыже И.Г.Садовин ушнен. Тӧнежын директоржо Ирина Щеглова ты ончер нерген каласкален. Мероприятийыш ушнышо-влакат пошкудо татар-влак нерген книга-шамычым лаштыклен онченыт. Тыгак книгагудышто «Музыка танца» окса ончерым представлятленыт.

⛔ Таче Марий Элыште кум корным петырат. 2 июль 21:30 гыч 00:30 3 июль марте корно дене кудалаш огеш лий:

● Куяр – Солнечный – Ронго;
● Йошкар-Олан объезднойжо ;
● Йошкар-Ола – Зеленодольск (Казанский тракт).

👪📽 Марий Эл гыч Речкинмыт еш Российысе видеоролик-шамыч конкурсышто «Идалыкын ешыже» лӱмым сулен кертеш. Айста меат нунылан полшена. Йӱкым 31 июль марте пуаш лиеш.

«Год семьи» ВК-се пабликын организаторжо-влак Юлкундемысе Федерал округым ойырен налын, регионын чапшым аралыше ешлан лӱмын ыштыме чат-бот гоч роликым ужаш да йӱклаш лиеш манын увертарат. Эн сай видеоролик «Народная симпатия» онлайн йӱклымаште сеҥа.