🤩29 июньышто Самырык-влакын кечышт палемдалтеш. Йошкар-Олаште тиде пайрем кузе эрташ туҥалеш? Чылажымат АФИШЫШТЕ ужын кертыда.

Тӱҥ площадке-влак:
🟡 Воскресенский парк
роликобежный спорт, скейтбординг и BMX

🟡 «Марий Эл» арене
автозвук ден тюнинг шоу ден конкурс-шамыч, мотоцикл-влак выставке, фотосессий

🟡 Рӱдӧ парк
медиа, грант да добровольчество дене туныктымо площадке-шамыч

🟡 Патриарший площадь
сапборд-влакын фестивальышт, шкенан коллектив-шамычын да Денис Майдановын выступленийышт

📸 Фото: «Молодёжь Марий Эл»

📌 26 июнь – Наркотик ваштареш кучедалме тӱнямбал кече.

Ты кечын Йошкар-Оласе Рӱдӧ тӱвыра да каныме паркыште «Чекаго» (18+) фильмым ончыкташ тӱҥалыт.

👪🖼 Тений 1 июль гыч Марий Элыште шуко шочшан еш-влак республикысе галерей ден тоштерлашке тылзылан ик гана оксам тӱлыде пурен кертыт. Келшен толшо пунчалым регионын правительствыштыже луктыныт.

Ончерыш уло еш дене кошташ лиеш. Но 14 ийыш шудымо йоча ача-ава але вуешшушо иза, ака дене пырля мийышаш. Льгот почеш экскурсийыш толмо кечым тоштер-влак шке палемдат.

Ты пунчал шукталтмым Марий Элысе Правительстве Председательын алмаштышыже – республикысе тӱвыра, печать да калык-влакын пашашт шотышто министр Константин Иванов терген шогаш тӱҥалеш.

📸 Фото: Дмитрий Казаков / Республикысе изосымыктыш тоштер

🏆🏊‍♀️ Кировышто эртыше «Путь чемпиона» иймаш дене таҥасымаш гыч Марий Элысе спортсмен-влак 30 утла наградым конденыт.

Таҥасымашке элнан 20 олаж гыч ушненыт, нунын коклаште Вологда, Ижевск, Казань, Москва, Пермь, Сыктывкар да молат. Марий Элын чапшым иймаш дене спортшколын да внешкольный спортым вияҥдыме рӱдерын пловецше-влак араленыт. Икымше кечынак спортсменна-влак 18 наградым сеҥен налыныт, тушеч пелыже – кӱшыл разрядан. Кокымшо кечын тыгак - 18 награде.

Спортсмен-влак кум таҥасыме кече мучко лектышым ончыктеныт. Нунылан иймашын чыла стильже дене 50 гыч 1,5 тӱжем метр марте ийын эрташ кулын.

📸 Фото: «МЭТР» сайт гыч налме.

🐿📆 Г.Г.Гибадуллин лӱмеш Медведевысе мини-зоопарк гыч изи ур куштылго паша арням тылана. Вет кузе шочмым тӱҥалына, тугак арняжат эрта.

🙆‍♀️Йошкар-олаште илыше 84 ияш кова 400 тӱжем теҥге деч посна кодын.

Тудын стационарый телефонышкыжо пуйто ӱдыржӧ йыҥгыртен да корно туткарыш логалынам манын ойлен. Меполышлан тӱлаш тудлан окса кӱлеш улмаш. Аферист дене кутырымыж нерген кова пален огыл да мӧҥгыжо толшо курьерлан погымо оксажым пуэн колтен.

Палыдыме еҥлан шке оксадам ида пу! Лишыл еҥда эҥгекыш логалын манын йыҥгыртат гын, тудын телефонышкыжо шке йыҥгыртен рашемдыза, увертарат полиций пашаеҥ-влак.

💪 Тений 24-28 июльышто Йошкар-Олаште «Игры народов мира по традиционным видам боевых искусств и физической активности» российысе физкультур мероприятий икымше гана эрташ тӱҥалеш.

Тиде Модмаш участник-влакын шукын ушнымышт шотышто республикыштына пытартыш 5 ийыште эн кугу спорт событий лиеш. «Марий Эл» Ий полатыште да «Молодежный» стадионышто 2270 наре спортсмен таҥасаш тӱҥалыт.

🤼‍♂️ Таҥасымаш программыш спортын 17 тӱрлӧ видше пурен: айкидо, всестилевой каратэ, кендо, корэш, муайтай, самбо, мас-рестлинг, лапта (руш), фиджитал айкидо, дзюдо, учкур, каббади, крикет, сонар, шахбокс, текендо, киргиз-курош.

🏐 29 июньышто «Йошкар-Ола» оласе округ Вуйлатышын самырык-влак коклаште пляжный волейбол дене Кубокшо эртаралтеш.

Турнирыш 13 гыч 18 ий марте спортсмен-влак ушнен кертыт. Мероприятий Йошкар-Олан 400 ияш лӱмгечыжлан пӧлеклалтше паркыште (спорт площадкылаште) эрташ тӱҥалеш.

🚨Теҥгече, 24 июньышто, Морко район Нуръял Корамас ялыште пожар лийме нерген 18 шагатат 10 минутлан пожарный частьыш йыҥгыртен увертареныт.

Пӧрт йӱлен. Оперативный данный почеш, еҥ-влак эмганен огытыл.
Электроприбор, коҥга, газ оборудованийым кучылтмо годым пожар лӱдыкшыдымылык правил нерген ида мондо!

☎ Пожар годым 01, 101 але 112 номеран телефон дене йыҥгыртыман.

🌿Тиде шуматкечын, 29 июньышто, Килемар район Алёшкино ялысе «Раздолье» туристический комплексыште «Шачмы мӱлӓндӹ» («Земля предков») XVI регион-влак кокласе фольклорно-этнографический пайрем эрта.

Уна-влакым модыш программе, Угарман область, Чуваший, Татарстан да Марий Эл гыч декоративно-прикладной сымыктыш мастар-влак ден кулинар-любитель-шамыч деч мастар-класс-влак вучаш тӱҥалыт.
Пайремым кава йымалне «Акпатыр» опер дене мучашлат.

Мероприятий нерген кумданрак АФИШЫШТЕ пален налын кертыда👇

🚎🚶‍♂ Йошкар-Оласе чарналтыш-шамычыште информационный табло-влак ешаралтыт. Нунын полшымышт дене чарналтышыш транспортын кунам толын шумыжым пален налаш куштылгырак.

📍Информационный табло-шамычым кушто вераҥдат:

• Киров урем, 14/1 пӧрт дене
• Первомайский урем, 107 пӧрт дене
• Красноармейский урем, 118а пӧрт дене
• Бауман урем, 16 пӧрт дене
• Бауман урем, 13 пӧрт дене
• Пролетарский урем, 53 пӧрт дене
• К. Либкнехт урем, 64 пӧрт дене
• Панфилов урем, 28 пӧрт дене
• Панфилов урем, 35 пӧрт дене
• Пушкин урем, 28 пӧрт дене
• Волков урем, 164 пӧрт дене

🛡⚔ 10-11 августышто Марий Эл Республикнан рӱдолаштыже «Битва эпох» Российысе кокымшо исторический реконструкций фестиваль эрташ тӱҥалеш. Йошкар-Олаште тудо икымше гана лиеш.

Фестиваль кок историй пагытлан пӧлеклалтын: Русышто да Скандинавийыште ончычсо Средневековийлан да Европышто варасе Средневековийлан.

📰 Кумданрак мероприятий нерген Марий Эл Республикын тӱвыра, печать да калык-влакын пашашт шотышто министерствын сайтыштыже пален налза.