Руш Шой школ ойыртемалтын

🌲🥈Коми Республикыште эртыше школысо лесничестве-шамычын Регион-влак кокласе I турслётыштышт Марий Эл гыч команде 2-шо верым налын.

Кужэҥер район Руш Шой школ гыч «Лесные братья» школысо лесничестве команде ты турслётышто призовой верышке лектын. Мероприятий 13-14 июньышто Коми Республикысе Сысольский районышто эртен.

📸 Минприроды Республики Марий Эл

Госавтоинспекция Марий Эл информирует:


в четверг, 20 июня 2024 года, ориентировочно, с 20.00 до 22.30;
в пятницу, 21 июня 2024 года, ориентировочно, с 01.30 до 06.30

планируется перекрытие участков следующих автодорог:

- "Куяр - Солнечный - Ронга";
- "Йошкар-Ола - Зеленодольск" (Казанский тракт);
- "Объездная г. Йошкар-Олы".

Кроме того, в пятницу, 21 июня 2024 года, ориентировочно, с 21.00 до 02.00 22 июня 2024 года планируется перекрытие участков следующих автодорог:

- "Йошкар-Ола - Уржум" (Сернурский тракт);
- "Куяр - Солнечный - Ронга";
- "Йошкар-Ола - Зеленодольск" (Казанский тракт);
- "Объездная г. Йошкар-Олы".

Просим учитывать информацию при планировании поездки.

У НОМЕР 🌿

💳 Йошкар-Олаште илыше 19 ияш ӱдырын банк картыж гыч оксам шолыштыныт. Эҥгек 23 тӱжем теҥгеш шуын, палдара Марий Элысе МВД.

Каласкалымыж почеш, ӱдыр ик мессенджерыште оксам модылтымо нерген уверым ужын да условийыште палемдыме почеш комментарийыште «+» шынден. Тылеч вара тудлан сеҥышыш лекмыж нерген увертареныт. 200 тӱжем теҥгем налаш манын, ӱдырлан налогым ден комиссийым тӱлаш, тыгак оксам колташ моло амалым муын увертареныт. Тыге ыштымеке гына ӱдыр ондалалтмыж нерген умылен.

Тӱткӧ лийза! Калыкым ондалаш мошенник-влак тӱрлӧ йӧным кучылтыт!

✅ 18-22 июньышто Саратов областьысе «Хвалынский» горнолыжный курортышто спортивно-туристический «Туриаде» лагерь латикымше гана эрта.

Тудын участникше-влак регионысо турслётышто сеҥыше команде-шамыч, вузышто «Социально-культурный сервис и туризм» специальность дене тунемше студент, спортсмен, спортивный туризм дене профессионал тренер да молат улыт.

Лагерьыште тӱрлӧ спорт таҥасымаш, культурно-познавательный программе, усталык конкурс-влак лийыт. Тыгак спортивный туризмын йолын коштмо, велосипед дене кудалыштме да вӱд дистанцийыште Юл кундем федеральный округын первенствыжым эртараш палемдыме.

Спортивный туризм дене Марий Элын сборный командыжат «Туриадыш» ушнен.

💫 5-6 июльышто Марий Элыште Россий кӱкшытан САБАНТУЙ эрта. Кызыт тудлан пеш ямдылалтына.

Шергештын? Кодшо арняште автозаправочный станцийлаште ак шергештын, палдара Росстат.

11-17 июньышто бензинлан ак 8 ырлан кӱзен – литрлан кокла шот дене 55,58 теҥгеш шуын. Дизельный топливе 5 ырлан шергештын, литрлан 65,56 теҥгем тӱлыман.

Палемдыме жаплан АИ-92 маркан бензин 9 ырлан шергештын да ик литрлан 51,33 теҥгеш шуын. АИ-95 маркан бензинлан 8 ырлан шукырак тӱлаш логалын: ик литрлан – 56,19 теҥгем. АИ-98 маркан бензин 10 ырлан шергырак лийын, ик литрлан 70,23 теҥгем тӱлыман.

Бензинлан ак Российысе 67 субъектыште кӱзен. Коми Республикыште ак эн чот шергештын – 1,4 процентлан шукырак.