🌊 Теҥгече, 12 июньышто, Сура эҥерыште (Курыкмарий район Красное Селище посёлко воктене) туткар лийме нерген увер Россий МЧС-ын Марий Элысе тӱҥ управленийышкыже пурен. Мо да кузе лийме рашемдалтеш.

Вӱдыштӧ лӱдыкшыдымылык правилым шукташ ида мондо:
– вӱд воктене каныме годым алкогольым ида йӱ;
– маломерный судно дене кошташ шонеда гын, тудо тӧрлымӧ лийшаш;
– полыш кӱлеш лийын гын, воктене улшо ен-влакым шӱдыза.

☎ Экстренный службым ӱжыкташ телефон – 112.

А те паленда❓

🌡❄ Транспортышто але помещенийыште кондиционер ыштыже манын, омсам да окнам петырыман.

Йошкар-Олаште кудалыштше канде автобус ден троллейбуслаштат южым йӱкшыктараш тыгай йӧн уло. Туге гынат, кондиционер шот дене ыштыже манын, окнам тӱчмӧ нерген чылан огыт пале. Южым йӱкшыктарыме годым уремысе шокшо юж кӧргыш логалшаш огыл, тыге уто электроэнергий пыта.

Кондиционерлан пашам ышташ чаракым ида ыште да молыланат каласыза❗

📸 Михаил Винокуров.

🌲🔥 Марий Элыште арня мучко 5 класс чодыра пожар лӱдыкшыдымылык лиеш.

Гидрометеорологий да пӱртӱс йырвелым эскерыме шотышто Марий рӱдерын информацийже почеш, 13-21 июньышто республикыштына чодыран верлаште пожар лийме кугу лӱдыкшӧ уло.

🚴‍♀️ 10 меҥге – лачак тынар «Эвелин» велопарадын участникше-влак тиде рушарнян кудалын кертыт.

16 июньышто 10 шагат гыч 11:30 марте Йошкар-Оласе В.И.Ленин лӱмеш площадьыште регистраций эрта. Старт - 12:00-лан. Марий Элыште ты велопарад индешымше гана лиеш.

«Таза республике» проект дене тиде арняште Йошкар-Олаште икмыняр вере «Тазалык пункт-влак» лийыт.

Ушештарена, тиде проектым Тазалыкаралтыш министерстве Марий Эл вуйлатыше Юрий Зайцевын темлымашыже дене эртара.

Дзюдо дене кучедалмаш 🥋

8-9 июньышто Оренбургышто 18 ияш марте ӱдыр ден рвезе-влак коклаште В.С.Черномырдиным шарныме лӱмеш дзюдо дене таҥасымаш лийын.

Тушко кандаш федеральный округ гыч 324 спортсмен таҥасен.

Марий Эл гыч дзюдо спортшкол гыч ныл воспитанник ушнен: В.Шулепова, У.Антропова, Т.Ведесов, Э.Никитин. У.Антропова (тренерже – Л.Лылова) 3-шо верым налын.

Сеҥыше-влак Российысе первенствыш каят. Тений тудо август мучаште Армавир олаште (Краснодар край) лиеш.

🚌🗺 Тиде арнян Йошкар-Ола гыч Нижний Новгород олаш автобус кошташ тӱҥалеш. 14 июнь гыч Йошкар-Ола – Лысково – Нижний Новгород маршрут дене пассажир транспортым колтат.

Республикысе автовокзалын сайтыштыже увертарыме почеш, 35 веран автобус-влак марий рӱдола гыч чётный кечылаште 8:30-лан тарванат.

Нижний Новгород марте автобус 6 шагат наре кудалеш, а билет - 1400 теҥге.

📸 «Внешний транспорт Марий Эл» ВК-се сообщество гыч налме.

🚲Медведево районышто илыше 44 ияш ӱдырамашын велосипедшым шолыштыныт. Эҥгек 16,5 тӱжем теҥгеш шуын, палдарат Марий Элысе МВД-ште.

Ӱдырамашын палдарымыж почеш, кок ораван транспортым (йолыштымо лийын огыл) шуко пачеран пӧрт подъезд гыч, икымше пачаш гыч, луктын наҥгаеныт.

Полиций пашаеҥ-влак увертарат: велосипедым лӱдыкшыдымӧ, оролымо верлаште гына кодыман. Шке транспортыш лӱмын чия дене (тудым мушкын колташ ок лий) палым ышташ келшен толеш – тыгай велосипедым шолыштшо-влак шукыж годым огыт тӱкале. Велосипеддан фотожым мобильный телефонышто аралаш уто ок лий: шолыштыт гынат, тудым кычалме годым фото сайынак полша.

У НОМЕР ☀️

Госавтоинспекция Марий Эл информирует, что сегодня, 14 июня 2024 года, ориентировочно, с 19.30 до 00.30 15 июня 2024 года планируется перекрытие следующих участков автодорог:

- "Йошкар-Ола - Уржум" (Сернурский тракт);
- "Куяр - Солнечный - Ронга";
- "Йошкар-Ола - Зеленодольск" (Казанский тракт);
- "Объездная г. Йошкар-Олы".

Просим учитывать информацию при планировании поездки.

⛈ Яндекс Погода увертарыме почеш таче кундемыштына кӱдырчан тале йӱр лийшаш, тыгак шолем йоген кертеш. Лачак кызыт Марий Эл могырыш кӱдырчан кугу фронт толеш. Шотыш налза☝