💼 Марий Элысе пашам ыштыше ӱдыр-рвезе-влакым «МолоТ» ПФО-со проектыш ушнаш ӱжыт.

Тений «МолоТ» августын икымше декадыштыже Пермь кундемыште эрта. Проект пашам ыштыше самырык тукымын спорт, военный подготовко, корпоративный культур да интеллектуал паша шотышто эн кӱлешан конкурс направлений-влак дене кок этапан мероприятий комплексым ончыкта.

Тудын тӱҥ участникше – ПФО организаций ден предприятий-влакын 18 гыч 35 ияш марте самырык пашаеҥышт, тидын шотыштак 6 гыч 11 ияш марте икшыван самырык еш-влак (ача-ава коктынат пашам ыштыше самырык-влак категорийыш пурышаш улыт), увертарат организатор-влак.

📆 Йодмашым 2026 ий 1 май марте пуаш лиеш.

📌 Проектын организаторжылан ПФО-што РФ Президентын полномочный представительже Игорь Комаровын патронажше почеш Пермь кундемын Правительствыже шотлалтеш.

🧩 Вожатый лийнет?

Йоча лагерьыште пашам ыштынет? Шуко икшыве-влакым шуарынет? Диджей сомылым вораҥдарынет але кугу танцполышто куштыктынет? Тугеже «Вожатый-шамычын школышт – 2026» проектыш ушно.

Тудым Волжск оласе «Поколение» добровольческий отряд ынде ятыр ий виктара. Школ 12 ияш деч кугурак ӱдыр-рвезе-влаклан келыштаралтын. Ты жапыште организатор-шамыч 60 утла вожатыйым ямдыленыт. Нуно «Авангард», «Кооператор», «Белая медведица», «Кичиер» лагерьлаште тыршат.

Вожатыйын школыштыжо тунемше-шамыч кок тылзе теорийым шымлат, ик тылзе школ пеленысе лагерьыште практикым эртат. Курсы деч вара вожатыйын книжкажым, грамотым, верифицироватлыме волонтёр шагатым да лагерьыш пашаш пураш темлыме серышым кучыктат.

Ушештарена, 2025 ий годсек 14 ийым темыше подростко-шамыч лагерьлаште пашам ыштен, да тидлан пашадарым налын кертыт. Икымше урок 22 мартыште тӱҥалеш. Чылаже 30 вер уло. Вожатый-влакын школышкышт ушнаш шонышо-шамыч clck.ru/3SW8NK ссылке почеш йодмашым колтен кертыт.

🎭 18-27 мартыште «Театральный Йошкар-Ола – 2026» фестиваль эрташ тӱҥалеш.

Фестивальым Э.Сапаев лӱмеш опер да балет театр «Свадьба Фигаро» опер дене почеш.

М.Шкетан лӱмеш театр «Чоҥешта турня кашта» да «Записки юного врача» спектакль-влакым ончыкта, Марий самырык театр «Валентин Колумб. Легенды милые, прощайте», «Алиса в стране чудес» постановко-влакым луктеш. Курчак театр – «Конёк-Горбунок» да «Золушка» кок спектакльым.

📅 Фестивальым 27 мартыште, Театрын тӱнямбал кечынже, иктешлат. Тыгодымак ойыртемалтше спектакль ден артист-влакым тӱрлӧ премий дене палемдат.

🌸 14 мартыште Йошкар-Олаште «Когда цветёт душа» поро кумылым ончыктышо фотопроектын ончерже почылтын.

Тудым Мамино пространство тӱшка эртара. Шуко шочшан 20 ава профессиональный портретын героиньыже лийын. 30 утла еҥ образым чоҥымаште пашам ыштен: фотограф, визажист, причёско дене мастар-влак. Кок кугыжаныш техникум, йоча рӱдер, пеледыш кевыт полшеныт.

📅 Ончер 30 март марте пашам ышташ тӱҥалеш, яра пуртат.
📍Мер-политике рӱдер (Гагарин урем, 8)

🏃‍♂️Марий Элыште 23 майыште «Марий Форест Run» шошо куржталмаш эртаралтеш. Тушко йодмашым колтен кертыда.

Спортсмен-влакым Backyard Ultra форматыште чытымашым тергымаш вуча: кажне шагатыште 6,7 километр кужытан оҥгым эртыман, тиде трассыште ик сеҥыше гына кодмеш шуйна.

📥 Регистрацийым ссылке почеш эртыман.

📲«Кугарнян» уверже-влак – тыгак МАХ-ыште.

💐Тылын труженицыже да пашан ветеранже, Оршанке поселкышто илыше Евдокия Чепайкиналан 103 ий темын.

Марий Элысе Социальный аралтыш да паша министерствын палдарымыж почеш, тудо 1923 ий 14 мартыште Оршанке районысо Шем Памаш ялыште шочын.

Кугу Отечественный сар годым моло ӱдырымаш-влак дене пырля колхозышто да чодыраште тыршен. Сайын пашам ыштымыжлан Евдокия Прокопьевнам счетовод-влакын курсышкышт колтеныт.

Сар деч вара йытын заводышто, Оршанкыште, Пектубаевыште да Шернурышто ыштен. Пашаштыжак пӱрымашыжым вашлийын, марлан лектын, кум йочам ончен куштен.

Евдокия Чепайкина кызытат чолга: зарядкым ышта, лудеш, телевизорым онча, изирак сурт сомылкам шукта.

Е.Чепайкиналан Россий Президент Владимир Путин да Марий Элым Вуйлатыше Юрий Зайцев деч саламлымашым, пеледышым да шарнымашан пӧлекым кучыктеныт.

🚘 УФА гыч – ЯНАУЛЫШ

2026 ийыште Пошкырт кундемыште Уфа – Бирск – Янаул кугорнын 28 километр кужыштым ачалаш тӱҥалыт. Паша вигак вич район мучко шуйнышо корнышто эрта: Бирск, Мишкан, Бурай, Калтаса да Янаул районлаште. А ты кугорно воктене шуко марий ял верланен. Тугеже чапле корно дене кудалышташ тӱҥалына.

✍«Дружба» – Мишкино тӱшка гыч налме увер.

👥Марий Элыш вес кундемла гыч делегаций-влак толыныт. Тушто кугыжаныш да муниципальный служащий, компанийласе топ-менеджер, коммерческий организаций-влакын вуйлатышышт Марий Элысе ялысе школлаште кӱкшӧ квалификациян специалист-алакым кузе кодымо опытым тунемыт.

Уна-влак эн ончыч № 32-шо номеран школышко миеныт, вара Руэм посёлкысо Шуко профилян лицей-интернатышке каеныт.

Темыже: «Педагогические кадры на селе: анализ текущей ситуации, меры поддержки и перспективы закрепления».

📲«Кугарнян» уверже-влак – тыгак МАХ-ыште.

«ПЕЛЕДШЕ ТУКЫМ» пырля чумырен 🌸

Медведево посёлкысо 3-шо номеран школышто район кӱкшытан «Пеледше тукым» конкурс лийын. Тений тудо Российысе калык-влакын икоян улмо идалыкшылан пӧлеклалтын да «Дружба зажигает звёзды» теме почеш эртаралтын.

Тушто районысо 15 йочасадын воспитанникше-влак мастарлыкыштым тергеныт. Изи артист-шамычын моштымашыштым кум номинацийыште акленыт.

🔬 Марий Эл гыч вич врач аккредитоватлыме медицинский микробиолог лийын.

Нижний Новгород олаште «Медицинская микробиология» специальность дене первичный специализироватлыме аккредитаций эртаралтын. Тергымашым 30 специалист эртен, нунын кокла гыч визытше – республикна гыч.

Тыгай аккредитаций врач-влакын квалификацийыштым пеҥгыдемда. Чыла этапым сайын эртымеке, врачын аккредитацийже шотышто увер тазалык аралтыш аланыште Единый кугыжаныш информационный системыш пурталтеш.

🚧 ВОЛЖСК воктене корным кумдаҥдат

Тыште федеральный трассым 4 полоса марте кумдаҥдат да шотыш кондат. Волжск воктене А–295 трассын (Йошкар-Ола – Зеленодольск корно) 92 гыч 95 км марте корныжо ышталтеш. Тудо «Волга» М-7 кугорныш шуйна.

Кок полос аолмеш ныл полосам ыштат. Ваштарешла толшо полоса-вла кколаште барьер ограждениймы верандат, разметкым ыштат да корно знак-влакым шогалтат.

Пашам тений апрельыште тӱҥалаш да 2027 ий октябрьыште мучашлаш палемдыме.

Пашам «Волго-Вятскуправтодор» ФКУ курироватла.

🖼 ОШ ВИЧЕ серыште – марий ОНЧЕР

Уфаште «Урал» этнорӱдерыште (Ленин урем, 56) «Марийская вышивка: узоры судьбы» выставке почылтын.

Тушко Пошкырт Республик деч посна Татарстан да Свердловск кундемла гыч кидмастар-влак ушненыт. Нуно тошто да тачысе жаплан келшыше паша-влакым ончыктат: ӱдырамаш да пӧръеҥ костюм-влак, стилизованный вургем, декоративный панно, мотор брошь, ӱштӧ, сумка да молат.

Выставкым почмаште Пошкырт кундемысе «Эрвел Марий» марий национально-культурынй автономийым вуйлатыше Радион Плотников, Мишкан район Администрацийым вуйлатыше Лариса Александрова, «Урал» этнорӱдерым вуйлатыше Ирек Ахмадеев лийыныт.
Пайремлан «Ош Виче сем» ансамблят марий шӱлышым пуртен.
Ончер 27 март марте шуйна. «Эрвел Марий» РМНК.

Марий Эл гыч специалист-влак БПЛА атаке деч вара Запорожский областьысе Куйбышево поликлиникыште пудыргышо окнам ачалаш полшеныт.

12 март йӱдым ВСУ Куйбышево посёлкым беспилотник дене атаковатлен. Верысе поликлиникын зданийыштыже 50 окнам пудештарыме толкын кырен луктын.

Округ администраций Марий Эл гыч шеф-влак деч полышым йодын. Республикысе специалист-влак пудыргышо ужаш-шамычым вискаленыт да оралтыште шокшым арален кодаш манын, ОСБ плита дене 25 окна ден омсам петыреныт. Моло вишыжым верысе мастар-влак тӧрлатеныт.
У окнам ышташ йодмашым лишыл жапыште колтат.