📚15 апрель гыч 15 май марте Молодёжный современный сымыктышын «БиблиоАРТ» II фестивальже лиеш.

Тудо С.Г.Чавайн лӱмеш национальный тӱрлӧ залыштыже, отделыштыже да холлыштыжо эртаралтеш.

Книгагудыш толшо-влак художественный направлениян тунемме верлаште тунемше да тыгак профессионал мастар-влакын усталык пашаштым ужын кертыт. Тыгак участник радамыш самодеятельный авор-влакат ушненыт, вет творчестве йӧратыме сомылыштлан шотлалтеш.

«БиблиоАРТ» фестивальыште самырык тукым шке шинчаончалтышыж дене палдарен да кызытсе жапын сымыктышым ончыктен кертеш. Фестивальыш 15-35 ияш ӱдыр-рвезе-влакым ушнаш йодыт.

➡ Положенийым ончалаш лиеш.

📲 Увер-влакым тыгак «Кугарнян» МАХ каналышкыже лудын кертыда.

АНОНС🔖
13 мартысе номерыштына ЛУДСА ⬇

Пытартыш жапыште Россий телевидений дене марий вургемым чийыше, марла мурен-кушталтыше еҥ-влакым чӱчкыдынрак ужаш логалеш. Теве 6 мартыште «Поле чудес» передачыште Провой кундем Кужмарий села гыч Галина Калининам ужна.

Ӱдырын Москош миен коштмыж нерген утларак у номерыштына пален налын кертыда.

🎤 5 апрельыште 16 шагатлан Сеҥымашын ХХХ-шо идалыкше лӱмеш тӱвыра полатыште Марий Эл Радион «ИДАЛЫКЫСЕ МУРО – 2025» концертше лиеш.

У НОМЕР ☀

Семисола, Нужавлак, Шемшӱргӧ… газым вучыза!

Кодшо кечылаште Марий Элым Вуйлатыше Юрий Зайцев газификаций шотышто регионысо штабын заседанийжым эртарен.

Тушто эн ончычак 2021-2025 ийлаште Газоснабжений ден газификацийым вияҥдыме программым шуктымым иктешленыт да 2026-2030 ийлан планым палемденыт.

2025 ийыште республикыштына 147 км газпучым шупшмо, тышеч 96 км догазификаций программе почеш ышталтын. Газ Марий Элысе куд район ден округласе эше 12 населённый пунктыш миен шуын. Канде тул дене 5000 утла сурт пайдаланаш тӱҥалын, 2000 утлаже – догазификаций программе почеш. Ынде Марий кундемыште 80,5 процент калык газ дене пайдалана, тидыже Российысе кокла показатель деч кугурак.

🔖 Кумданрак.

👠 Ну, кертыда вет, ӱдыр-влак!

6 мартыште Йошкар-Олаште Сеҥымашын ХХХ идалыкше лӱмеш тӱвыра полатыште «А ну-ка, ӱдыр-влак!» республикысе II конкурсын финалже лийын.

56 ий ончыч эртаралташ тӱҥалше ты конкурс программе ондак Совет Ушемын эн мотор ӱдыржӧ-влак коклаште уш-акылым тергыме да спорт таҥасымаш семын лийын. Тунам ӱдыр-влак куржталмаште, велосипед дене кудалыштмаште, куштымаште шкеныштым ончыктеныт, кушкылым куштымаште шинчымашыштым тергеныт, Моско мучко экскурсийымат эртареныт.

Тений «А ну-ка, девушки!» конкурс Российысе калык-влакын икоян улмо идалыклан пӧлеклалтын. Финалыш Марий Элысе районла да олала гыч 16 эн-энже толыныт. Икте йочасадыште пашам ышта, весе тӱвыра пӧртыштӧ тырша, кумшо – туныктымо программын кураторжо, весе книгагудо але тоштер пашаеҥ.

🔖 Умбакыже – Ирина Александрован статьяштыже.

1 март гыч мӱшкыран ӱдырамаш-влакын единый регистрыштым ышташ тӱҥалме.

Тушто 12 арня марте учётыш шогалше ӱдырамаш-шамыч, нунын тазалыкышт, ондак мӱшкыраҥмашышт кузе эртыме да йочаштын вияҥмышт нерген данный-влак лийыт. Тыгак системыште черышт ончыкталтеш: сакыр диабет ден шӱм-вӱргорно патологий гыч тӱҥалын психике пужлымаш ден онкологий марте. Ондак тыгай цифровой сервис Москошто пашам ышташ тӱҥалын. Тудо черлыеҥ-влакын анамнезышт да анализышт негызеш нелылык лийын кертмым эскера.

МарГУ-н миссше Йошкар-Олаште ила 👑

5 мартыште Марий кугыжаныш университетын 16 сымыстарыше участницыже «МарГУ-н миссше – 2026» чап титул верч таҥасен. Сеҥышыш Йошкар-Олаште шочын-кушшо Анастасия Попцова лектын.

Тылзе жапыште ӱдыр-влак университетын шошымсо тӱҥ шоужлан кыртмен ямдылалтыныт: кажне кечын репетицийыш коштыныт, сценыште мотор вургем дене кошташ, куштымаш номерым тунемыныт да хореограф-влак дене пашам ыштеныт. Тыгак нунылан актёр мастарлык, сценыште кутырымо да имидж шотышто мастер-класс-влак эртаралтыныт, оҥай квизыште уш-акылыштым тергеныт.

Ӱдыр физике да математике факультетын «Современные радиолокационные системы дальнего обнаружения» направленийже дене икымше курсышто тунемеш.

🔖 Кумданрак – Надя Лаврентьеван статьяштыже.

Унагудылаште — у правил-влак 📋

Турист-влак унагудыш илаш пурымо деч ончыч броньым шӧрат гын, тӱлымӧ оксам тичмашнек пӧртылтен кертыт.

Договорышто бронирований ден пӧртылтымӧ шотышто чыла раш возалтшаш. А броньым ышташ единый реестрыш логалше унагудо ден отельлаште веле лиеш. Унагудышко огыт пурто гын, чыла оксам мӧҥгеш пуышаш улыт. Нине правил-влак уна пӧртлаште огыт кучылталт.

🎼 Йошкар-Оласе И.С.Ключников-Палантайын тоштер-пӧртшӧ тудын усталыкшым аклыше-влаклан уэш шке омсажым почын.

Тушто тале марий композиторын да сотемдарчын илышыже да творчествыж дене палыме лияш поян материалым ямдыленыт. Тыгак Ключников-Палантайын илышыште кучылтмо арверже, тӱрлӧ документ ден фотожым чумыреныт.

☎ Тоштер Лев Толстой урем, 25-ше №-ан пӧрт адрес дене верланен. Тушко толаш шонышо-влаклан, 8 (8362) 34-75-32 телефон номер дене йыҥгыртен, ончылгоч возалтман.

📸 «Дом-музей И.С. Ключникова-Палантая» тӱшка гыч.

🚘🪪 1 март гыч Российыште автошкол-влак В категориян водитель-влаклан 38 шагат олмеш 42 шагат занятийым эртарышаш улыт.

C ден D категориян правам налаш, тыгак такси дене кудалышташ манын, еҥ-влак ынде таксопарк ден профильный транспортный предприятийлаштат тунем кертыт. Тунемме программат вашталтеш: ДТП годым икымше полышым пуымо курс уэмдалтеш, теорийыш у теме-влакым пуртымо, поснак электросамокат да моло мобильный средства дене пайдаланыше-влак шотышто правилым да молымат. Тыгак цифровой документым кучылтмо радам вестӱрлырак лиеш.

У семын 👩‍⚕

2026 ийыште медицине вузыш тунемаш пурышо студент-влак обязательный медицине страхований системе почеш пашам ыштыше тӧнежлаште обязательно кум ий отработкым эртышаш улыт.

Бюджет верыш логалше еҥ тунеммыж годым пашам пуышо дене договорым ыштышаш. Выпускник-влак саде верыште кум ий пашам ышташ огыт келше гын, тунеммылан оксам пӧртылтат. Тыгак у системыште наставник дене тыршымаш палемдалтын. Туддеч кораҥын, медициныште пашам ышташ огеш лий.

ЗАПОРОЖСКИЙ областьысе Куйбышевский район Шевченковское селаште Марий Элысе специалист-шамыч йочасадын зданийжым шотыш кондаш полшат. Беспилотникын пудештарымыж деч вара йочасадысе окна-влак лектын возыныт. Республикысе аварийно-восстановительный бригаде туткар лийме верыш лектын.

Тудо зданийысе 18 окнам ик жаплан ОСБ плита дене петыраш да олмыкташ кӱлмӧ моло паша-влакым палемден.

📸 «Куйбышевский район. Новости» тг-канал гыч налме.

☀16-22 МАРТЛАН КАЛЫК ПАЛЕ-ВЛАК

⛅ 16 мартыште тӧрза йымалне ӧрш мура гын, лывыртышаш. Ӧрш-шамыч лум ӱмбалне шинчат – лум толшашлан.

☀ 17 мартыште ояр, кечан игече лиеш гын, кеҥежым чодыраште емыж шуко шочшаш.

⛅ 18 мартыште ояр игече шога – кеҥежым шолем лийшаш огыл.

🌤 19 мартыште аквариумысо кол-шамыч пундашыште ошмаште пургедыт – сай игече вашеш.

⛅ 20 мартыште мардеж кечывалвелым пуалеш да леведыш ӱмбач вӱд чот чӱчалтеш гын, шокшо кеҥежлан.

⛅ 21 мартыште турийым ужаш – шокшо да мотор шошылан.

⛅ 22 мартыште игече могай шога, лишыл 40 кече тыгаяк игече лийшаш маныт.

📲«Кугарнян» уверже-влак – тыгак МАХ-ыште.

🚊ЙОШКАР-ОЛА – АДЛЕР поездыш билетым ужалаш тӱҥалыныт

Йошкар-Ола гыч Шем теҥыз серыш икымше рейс 12 июньышто кая. Плацкартыште ик билетын акше 7882 теҥге гыч тӱҥалеш, купеште кӱшыл полко 12530 теҥге да утларак шога, а туштак ӱлыл полкышто – 15560 теҥге да утларак, увертаралтеш «РЖД» ОАО-н официальный сайтыштыже.

Поезд кече коден кудалышташ тӱҥалеш. Йошкар-Ола гыч 23:50-лан тарвана да кок кече гыч 5:32 шагат эрдене Адлерыш миен шуеш. Пассажир-влак корнышто 53 шагатат 42 минут лийыт.

Пытартыш рейс 24 сентябрьыште. Вара вес шошым вучаш тӱҥалына.

📲«Кугарнян» уверже-влак – тыгак МАХ-ыште.

📌 17 апрельыште Марий Элысе чыла ола ден районлаште «Работа России. Время возможностей» всероссийский паша верым ситарыме ярмиҥган регионысо этапше лиеш.

Республик мучко 40 площадкыште пашам кычалше-влаклан полшат. Толшо-влаклан регионысо вӱдышӧ организаций-влак деч 1,5 тӱжем утла вакансийым темлат. Участник-влак экспресс-собеседованийым эртен, пашам кычалме мастер-класслашке ушнен кертыт, резюмем ышташ да шке пашам почаш тунемыт.

Мероприятий 11 шагат гыч 14 шагат марте Йошкар-Олаште Самырык-влакын полатыштышт эрта.

📲«Кугарнян» уверже-влак – тыгак МАХ-ыште.

🧑‍🏫 Курыкмарий районышто «Идалыкын туныктышыжым» палемденыт!
13 мартыште Эмӓн школышто «Идалыкын туныктышыжо – 2026» республикысе конкурсын районысо йыжыҥже лийын.

Тений тушко вич туныктышо ушнен:
🔸 Кузнецова Светлана Герасимовна, Эмӓн школышто физикым, математикым, информатикым туныктышо;
🔸 Апакова Зинаида Леонидовна, Микрӓк школышто руш йылмым да литературым туныктышо;
🔸 Смирнова Диана Юрьевна, Пайскырык школышто математиквм туныктышо;
Яковлева Мария Геннадьевна, Усола школышто биологий ден химийым туныктышо;
🔸 Смелова Алиса Львовна, Пичӓнсолаште верланыше Малосундырский-Шиндыръяльский школышто математикым туныктышо.

Туныктышо-влак виш урокым да мастер-класс-влакым эртареныт. Сеҥышыш З.Л.Апакова лектын. Тудо ынде апрельыште республикысе йыжыҥыште шке районын чапшым аралаш тӱҥалеш.

📲«Кугарнян» уверже-влак – тыгак МАХ-ыште.

🐻 Медведево зоопаркыште 12 мартыште Дуся маска икымше шокшо кече дене вынем гыч лектын

Тенийсе йӱштӧ тургымышто тудо кужунрак мален. Кызытеш Дуся але тыгай чолга огыл, но вашке тудо йӧратыме модыш дене модаш тӱҥалеш, увертара МЭТР.

Ава маскан шуко малымыж деч вара кочкышыжо ойыртемалтше: шылым огыл, а пакчасаскам, ужаргым, емыжым, фруктым кочкеш. Тиде организмым нелемдаш огыл манын ышталтеш. Тӱҥ кочкышыжым кок арня гыч веле пуаш тӱҥалыт.

📲«Кугарнян» уверже-влак – тыгак МАХ-ыште.

Йошкар-Оласе Спортын вӱдысӧ видше-влак полатыште кугыжаныш гражданский да муниципальный пашаеҥ-шамычын спартакиадышт кышкарыште иймаш дене таҥасымаш эртаралтын.

Медведево районын сборный командыже тушка зачётышто икымше верым налын.

📲«Кугарнян» уверже-влак – тыгак МАХ-ыште.

‼Марий Эл кугу вӱдшор лийын кертме регион-влак радамыш пурен

Республикыштына моло регион семынак тений шуко лумлан кӧра шошым кугу вӱдшор лийын кертеш.

Элнан икмыняр рӱдӧ регионыштыжо лум леведышын кӱкшыт 50-80 см марте шуын. А юл кундемысе южо регионышто лум эшеат шуко.

Тыге Угарман областьыште лумын кӱкшытшӧ 70 см наре шуын, а Чувашийыште, Марий Элыште, Удмуртийыште да Киров областьыште — 90 см марте.

Эксперт-влакын ойлымышт почеш, тыгай кугу лум шошо вӱдшор лӱдыкшым кугемден да кокияш культурылан ешартыш лӱдыкшым ыштен кертеш. Ситуацийым космический мониторинг данный-влакым кучылтын аклат.

👩‍🍳 13 мартыште Торгово – технологический колледжыште «Школысо эн сай кочмывер – 2026» всероссийский конкурсын региональный туржын икымше этапше лийын.

Школ-влаклан конкурсын мӧҥгысӧ пашажым (тематический ӱстелым) «Школьное питание 3.0» теме дене ончыкташ кӱлын. Тиде эр кочкыш да (але) кечывал кочкыш комплекс лийын кертын, тудо йоча-влакым лачшымак школышто пукшымо пашам виктарен колтымо годым кучылталтеш.

Жюри 2-шо номеран Морко школ ден Оршанке районысо Тошто Крешын школым «Мӧҥгысӧ гай тутло» номинацийыште да Волжск оласе лицейым «Ончыкылык меню» номинацийыште посна палемден.

Конкурсын кокымшо турышкыжо эртыше участник-влак 24 апрельыште ӱчашымашын вес этапыштыже участвоватлаш тӱҥалыт, да «Оласе школын эн сай кочмыверже – 2026», «Ялысе школын эн сай кочмыверже – 2026», «Школ столовыйын эн сай поварже – 2026» лӱм-влак верч таҥасаш тӱҥалыт.