🌷8 Март пайрем дене!🌷

Пагалыме ӱдырамаш, ава-кова, ака-шӱжар, йолташӱдыр-влак!

🎉 Шошын икымше пайремже дене мемнам чыланнамат!!! Йӧратыза илышым, йӧратыза шке пашадам, лишыл еҥда-влакым, шкендам..! Пайрем дене!!!

🎬🤭Видео мыскара сынан. Чынжым гын ме пашаште чылан ПАШАМ ыштена.

🎶 Муро: Эльфиз Гараев «Каласе мотор ӱдыр».

☀9-15 МАРТЛАН КАЛЫК ПАЛЕ-ВЛАК

☀9 мартыште леведыш ӱмбалне шуко лум кия – луман Кугечылан.

⛅10 мартыште игече сай гын, кеҥеж шокшо лийшаш.

🌤11 мартыште мардеж кечывалвел але кечывалвел-касвел гыч пуа – игече левыктышаш.

☀12 мартыште пӧрткайык-влак леведыш йымак погынен пуныштым ойыркалат – шокшо толшашлан.

🌦13 мартыште мардеж кечывалвелым пуа да леведыш ӱмбач вӱд пеш чӱчалтеш гын, шокшо кеҥежлан.

⛅14 мартыште кече могай – кеҥежат тугаяк лийшаш.

⛅15 мартыште кечывалым кече ончалеш гын, сай кинде лектышлан.

🎶 Таче, 10 мартыште, Шӱвырзӧ-влакын тӱнямбал кечыштым палемдат.

Пайремым 2012 ийыште шӱвырзӧ-влакын ушемышт тиде акрет годсо инструментым пойдараш манын тӧнежлен.

Тудо тӱнямбалне 130 утла тӱрлӧ шӱвырлан тӱткышым ойыраш, тыгак шӱвырым шоктымо историй да технике нерген шарнымашым арален кодаш ышталтын.

⛵Марий Эл гыч юнга-влак Россий нерген фильмын геройжо лийыныт.

RT федеральный каналыште Наталья Кадырован кугезе кодшым арален да вияҥден шогышо-влаклан пӧлеклалтше «Люди дела: возрождение традиций» документальный лентыжын премьерыже лийын.

Сӱретын ик геройжо Марий Эл гыч «Паллада» йоча парус клубын воспитанникше-влак лийыныт. Отставкысе офицер Андрей Желудкинын вуйлатымыж почеш самырык моряк-влак пушым чоҥат. 2025 ийыште нуно историй судным чоҥеныт – акрет руш ушкуйын репликыжым ыштеныт да Свияжскысе «Калык пуш» фестивальын чын шӱдыржӧ лийыныт.

🎬 Мемнан рвезе-влакым 26-шо минут гыч ссылке почеш ужаш лиеш.

🎼 13 мартыште 18 шагатлан В.И.Ленин лӱмеш тӱвыра полатыште «Эстрадный вернисаж» республикысе эстраде усталык фестиваль-конкурсын гала-концертше эрта.

Конкурс отборышто 253 участник выступатлаш тӱҥалеш:
🔹28 солист;
🔹18 вокал ансамбль;
🔹8 куштышо коллектив;
🔹5 эстраде миниатюр театр.

🎗 Марий Турек район Мариец посёлкысо школын актовый залыштыже Кугу Ачамланде сарыште лийше землякна-влакым шарныме лӱмеш «Версты Победы» стенд-влакым шогалтеныт.

Нуно тудо кундемысе калыкын да школым тӱрлӧ ийласе выпускник-влакын чолган полшымыштлан кӧра ышталтыныт, увертареныт район администрацийыште.

🩺🥼 Российысе эмлымверлаште врач-влаклан тӱс дресс-кодым пуртат

Эмлымверыште ончылныда кӧ улмым рашемдаш вургем тӱсым ончалаш кӱлеш лиеш. РФ Минздрав медпашаеҥ-влаклан дресс-код шотышто темлымашым ямдыленыт – чылаже 6 тӱс:

🔹Фиолетовый – вуйлатышылан;
🔹Шемалге-ужарге – врач-влаклан;
🔹Ошалге-ужарге – кыдалаш медперсоналлан;
🔹Лавандовый – младший медперсоналлан;
🔹Канде – администраторлан;
🔹Сур – IT-специалист ден хозслужбылан.

📸 ИИ полшымо дене ыштыме фото.

🌸 Шуматкечын Йошкар-Олаште «Когда цветёт душа» поро кумылым ончыктышо фотопроектын ончерже почылтеш.

Проектым Мамино пространство Йошкар-Ола тӱшка эртара. Шуко шочшан 20 ава профессиональный портретын героиньыже лийын. 30 утла еҥ образым чоҥымаште пашам ыштен: фотограф, визажист, причёско дене мастар-влак. Кок кугыжаныш техникум, йоча рӱдер, пеледыш кевыт полшеныт. Чыла портретым печатлен лукмо, рамкыш келыштарыме, тиде шуматкечын нуно ончышо-влакым вучаш тӱҥалыт.

Почмо программыште:
🔸 участник ден партнёр-влаклан тауштен, торжественный ужаш
🔸 семӱзгар дене шоктымым колышташ лиеш
🔸 призым модылтымаш
🔸 чумыр фото да неформальный мутланымаш

📅 Ончер 10 гыч 30 март марте пашам ышташ тӱҥалеш, яра пуртат.

📍Мер-политике рӱдер (Гагарин урем, 8)
⏰14 мартыште 12 шагатлан

🌇Йошкар-Олан кечыжым кунам палемдена?

Марий Элдын рӱдолажын 442 ий теммым 35 площадкыште пайремлаш тӱҥалыт.

10 мартыште тидын шотышто икымше паша совещаний лийын. Мэрий палемда: пайрем 7 гыч 9 август марте эрта.

Тиде ийым Российысе калык-влакын икоян улмо идалык семын увертарыме, сандене пайрем мероприятий-влакат тидлан келыштаралтыт. Уремысе пайрем-влак площадьлаште, парклаште, эҥер сер воктене да тӱвыра полат-влак ончылно эртат.

Йошкаро-Олаште илыше да уна-влаклан фестивальым, туныктымо мастер-классым, шергакан призым модын ончыктымым, тӱрлӧ конкурсым да тематический ончерым ямдылат. Тылеч посна программым ончычсо ийласе семынак республикысе вӱдышӧ коллектив ден ӱжмӧ лӱмлӧ еҥ-влакын выступленийышт сӧрастарат.

ПФО-со законодатель-влак Советын Йошкар-Олаште апрельыште лийшаш заседанийже вашеш Кугыжаныш Погын тӱрлӧ йодышлам лончыла. Ты гана агропромышленный комплексын вияҥме корныжым ончен лекме.

Ты темым Марий Элысе Агропромышленный комплекс, экологий да пӱртӱс дене пайдаланыме комитетын членже-шамыч каҥашеныт. Варажым Юл кундемысе парламентын еҥже-влак ялозанлык комплексым вияҥдымашым сату лӱдыкшыдымылыкын гарантийже да еҥ-влакын илышыштым саемдыме кӱлешан фактор семын ончышаш улыт.

Тӱҥ докладым ялозанлык да кочкыш сату министр Павел Раевский ыштен. Тудо пытартыш вич ийысе пашам иктешлен.

✍ Курыкмарий район администраций вуйлатышылан Сергей Першуткиным шогалтыме

Курыкмарий районышто Депутат-влак погынын сессийже эртен. Заседанийыште Марий Эл Вуйлатыше Юрий Зайцевын темлымыж почеш регион Правительствын икымше алмаштышыже Евгений Курмаев ден Республикын элгӧргӧ политике министрже Антон Мирбадалев участвоватленыт. Сессийыш Кугыжаныш Погынын Председательже Михаил Васютинат ушнен.

Тӱҥ йодыш – муниципалитет администраций вуйлатышым ойырымаш. Депутат-влак кандидатурым онченыт да тиде должностьыш Сергей Першуткиным шогалтеныт.

Сергей Витальевич ончыч тиде постышто тыршен, кызыт Козьмодемьянск оласе мэрын социальный йодыш дене алмаштышыже лийын.

📸 С.Першуткинын ВК-се лаштыкше гыч фото. («Йошкар-Ола» газетын сайтше гыч, 2022 ий.)

✍ «Герои Марий Эл. Талешке-влак» кадр-влакым ямдылыме программын участникше юридический практикым эрта

Николай Миншатов юстиций министерствын мероприятийлаштыже, тидын шотыштак министр дене совещанийлаште, эреак участвоватла да ведомствын пашажым саемдыме шотышто ойым луктеш.

Шукерте огыл мер каҥашын вуйлатышыже да еҥже-влак дене вашлиймаште тудын мер тергымаш органлаште член улмо правилым вашталтыме, ты шотыштак СВО-н ветеранже-влакым нунын составыш пуртымо шотышто темлымашыжым каҥашеныт.

Юстиций министерствыште палемдат: Николай Миншатовын чолга позицийже спецоперацийын ветеранже-влаклан полшаш да нуным мер процессыш ушаш кӱлмӧ нерген палемда.

⚡Ушештарыман, «Герои Марий Эл. Талешке-влак» кадр программым «Время Героев» федерал программе дене келшышын ямдылыме.

🐾 Марий Элыште эн сай ветеринарный фельдшерым ойырен налыт

Всероссийский конкурсын регионысо этапше 16-17 июньышто Йошкар-Олаште эрта. Йодмашым 15 май марте налыт. Справке-влак телефон дене: 8 (8362) 64-17-65.

Участник-влаклан кок этапым эртыман: теорий шинчымашын келгытшым ончыкташ да шке мастарлык кӱкшытым пеҥгыдемдаш манын, практический заданий-влакым шукташ. Сеҥыше-влакын регионысо этапыштлан пӧлек шотеш оксам пуат:

🔸1 верлан – 150 000 теҥге.
🔸2 верлан – 100 000 теҥге.
🔸3 верлан – 50 000 теҥге.

Сеҥыше Мордовийыште всероссийский финалыште республикнан чапшым аралаш тӱҥалеш.

📸 ИИ полшымо дене ыштыме фото.

📲 Увер-влакым тыгак «Кугарнян» МАХ каналышкыже лудын кертыда.

5-7 мартыште Москошто «Туристический код моей страны, города, посёлка, район – PRO-туризм» V тӱнямбал конкурсын очный йыжыҥже лийын. Сеҥыше-влак коклаште Марий Элысе икмыняр проект улыт. Нуным «Ладья. Весенняя фантазия-2026» Всероссийский туристический ончерын площадкыштыже саламленыт.

«Туристический путеводитель будущего» номинацийыште икымше верым Марий кугыжаныш университетын командыже налын. 18-35 ияш-влаклан келыштаралтше ты номинацийыштак В.Лусникова ойыртемалтын. «Экскурсионный туризм» номинацийыште (36 ияш деч кугурак категорийыште) кокымшо вер дене экскурсовод М.Почитаева палемдалтын, а 18-35 ияш марте кокымшо вер О.Шамован лийын. «Экскурсионный туризм» номинацийыште (18-35 ияш-влак коклаште) кумшо верыш М.Громов лектын.

📲 Увер-влакым тыгак «Кугарнян» МАХ каналышкыже лудын кертыда.

🐄 6 мартыште Параньга посёлкышто машина дене лӱштышӧ оператор-влакын республикысе слётышт эртаралтын. Тушко кундемысе 14 кугу ялозанлык предприятий да 6 ферме озанлык гыч команде-влак ушненыт.

2025 ийыште республикыштына чылаже 187881 тонн шӧрым лӱштен налме, ик вуй ушкал кокла шот дене 9443 килограмм шӧрым пуен. Ты кечын шке профессийыштыже ойыртемалтше специалист ден предприятий-влакым палемденыт. Тыге машина дене ушкалым лӱштышӧ эн чапле оператор лӱмым – «Семёновский» племзавод ЗАО-н пашаеҥже Людмила Прокопьевна Софронова сулен. Эн чапле ялозанлык предприятий – «Первое Мая» колхоз. 2025 ийыште тыште ик вуй ушкал деч кокла шот дене 12364 килограмм шӧрым лӱштен налме. Эн чапле кресаньык-фермер озанлык – индивидуальный предприниматель Дмитрий Аркадьевич Новиковын. Тыште ик вуй ушкал кокла шот дене 9843 килограмм шӧрым пуен.

📲 Увер-влакым тыгак «Кугарнян» МАХ каналышкыже лудын кертыда.

‼Мошенник-влак налоговый службо лӱм дене QR-кодан серыш-влакым колтедат.

Еҥ-влаклан Федеральный налоговый службо лӱм дене электронный серыш толеш, налогым тӱлаш кӱлмӧ але парымже улмо нерген возат. Нуным QR-код дене вашке тӱлаш темлат.

Тыге еҥ-влак кугыжаныш сайт гай койшо фишинговый сайтыш пурат. Тушко телефон номерым, паспорт ден банк карте данный-влакым возат да мошенник-влакын «кидышкышт» логалыт.

✅ Налог нерген пален налаш шонеда гын, тидым ФНС-ын официальный сайтыштыже личный кабинет гоч гына ыштыман, палдара Марий Элысе МВД.

📲 Увер-влакым тыгак «Кугарнян» МАХ каналышкыже лудын кертыда.

АНОНС🔖
13 мартысе номерыштына ЛУДСА ⬇

3 мартыште Медведево посёлкысо ЗАГС-ыште марий сӱан лийын. Ты кечын Татьяна ден Вадим Блиновмытын ешышт шочын.

Татьяна ден Вадим Параньга район Штрамарий кундемын шочшыжо улыт. Вадим – тӱрыснек марий пӧръеҥ гын, Татьянан ачаже – руш, аваже – марий.

У еш да марий сӱан нерген материалым 13 мартыште лекше номерыште лудаш темлена.

🥨 Тений «Йошка Еш» гастрофестиваль 15-16 АВГУСТЫШТО Медведево ипподромышто эрташ тӱҥалеш.

🌳 Фестивальын темыже – «Лесной Шёпот». Тиде пӱртӱс нерген пӧрт семын, повар семын да храм семын шонаш тарата, погымо, кучымо, мумо да лукмо кочкыш нерген, шудо пашаеҥ-влакын шинчымашышт, мландым шарнымаш, ритуал да мыланна чодыра пуымым пагалымаш нерген лиеш.

«Йошка Еш» – тиде российысе калык-влакын национальный кухньо фестивальышт, тушто шеф-повар, йӱлам аралыше еҥ-влак, кидмастар-влак вашлийыт. Тыште пырля кочкышым ямдылат, опытышт дене пайлалтыт да историйым каласкалат.

📲 Увер-влакым тыгак «Кугарнян» МАХ каналышкыже лудын кертыда.

✍ «Герои Марий Эл. Талешке-влак» регионысо кадр-влакым ямдылыме программын участникше, специальный военный операцийын ветеранже Сергей Иванов Регионысо пӱртӱс поянлык да йырым-йырысе средам аралыме министерствыште стажировкым эрта.

Кодшо арнян тудо ведомствын иктешлыше коллегийыштыже лийын, тушто эртыше ийысе пашам иктешленыт. Тылеч посна лесничестве-влакын вуйлатышышт, чодыра участке-влакын арендаторышт да коммерческий огыл организаций-влакын еҥышт дене вашлиймаш лийын.

🇷🇺 «Герои Марий Эл. Талешке-влак» программе «Время героев» федеральный проектым умбакыже шуя да СВО-н участникше-влакым тыныс илышыште шке верым муаш виктаралтын.

📲 Увер-влакым тыгак «Кугарнян» МАХ каналышкыже лудын кертыда.

📚15 апрель гыч 15 май марте Молодёжный современный сымыктышын «БиблиоАРТ» II фестивальже лиеш.

Тудо С.Г.Чавайн лӱмеш национальный тӱрлӧ залыштыже, отделыштыже да холлыштыжо эртаралтеш.

Книгагудыш толшо-влак художественный направлениян тунемме верлаште тунемше да тыгак профессионал мастар-влакын усталык пашаштым ужын кертыт. Тыгак участник радамыш самодеятельный авор-влакат ушненыт, вет творчестве йӧратыме сомылыштлан шотлалтеш.

«БиблиоАРТ» фестивальыште самырык тукым шке шинчаончалтышыж дене палдарен да кызытсе жапын сымыктышым ончыктен кертеш. Фестивальыш 15-35 ияш ӱдыр-рвезе-влакым ушнаш йодыт.

➡ Положенийым ончалаш лиеш.

📲 Увер-влакым тыгак «Кугарнян» МАХ каналышкыже лудын кертыда.

АНОНС🔖
13 мартысе номерыштына ЛУДСА ⬇

Пытартыш жапыште Россий телевидений дене марий вургемым чийыше, марла мурен-кушталтыше еҥ-влакым чӱчкыдынрак ужаш логалеш. Теве 6 мартыште «Поле чудес» передачыште Провой кундем Кужмарий села гыч Галина Калининам ужна.

Ӱдырын Москош миен коштмыж нерген утларак у номерыштына пален налын кертыда.