Марий Элысе МВД наркоконтрольын да Республикысе наркологий диспансерын пашаеҥышт «Серьёзный разговор» акцийыш ушненыт.

Йошкар-Оласе чыла школышто тунемше-шамыч (лӱдыкшӧ группыш пурышо-влак дене – эн ончыч) дене вашлийын, наркоманий ваштареш шогымо шотышто профилактике пашам эртарат.

Медпашаеҥ-шамыч наркотикын тазалыклан эҥгекым ыштымыж нерген ойлат гын, полиций пашаеҥ-влак наркотик дене «кылым кучымын» юридический могырым куш шуктымо шотышто умылтарат. Вашлиймаш-влак наркологий диспансерыште эртаралтыт. 28 мероприятийыш 750 наре школьникым ушаш палемдыме.

📷 Марий Элысе МВД-н архивше гыч налме.

💬 Йошкар-Ола администрацийыште «Герои Марий Эл. Талешке-влак» кадр-влакым ямдылыме программын участникше дене вашлиймаш эртен.

Илья Харькин благоустройство сферыште муниципальный контрольно-надзорный орган-влакын пашаштым саемдымылан пӧлеклалтше выпускной проект дене пашам ышта.

Тудо администрацийын пашажым лончыла, тӱҥ нелылыкым рашемда да нарушенийым писынрак кораҥдаш да оласе калык дене кылым саемдаш пунчалым темла.

Мэрийыште палемдат: Илья Никитич кумылаҥын да ынде сай практический опытшо уло. Нуно ӱшанат: шонымашыже ола администрацийын пашажым эшеат сайракым ышташ полша.

👥 Йошкар-Олаште самырык-влакын лӱдыкшыдымылыкышт нерген кӱлешан мутланымаш лийын

3 мартыште Самырык-влакын полатыштын площадкыштыже ик эн кӱлешан темылан — самырык-влак коклаште экстремизм ден терроризм идеологий профилактикым эртарымылан – пӧлеклалтше семинар эртен.

Участник-влак профилактикым пайдалын ышташлан вий ушнымо нерген кутыреныт. Тыште образованийын, мер организаций-влакын, тӱвыран, правам аралыше орган-влакын да самырык-влакын политикыштын икшырымын пашам ыштымышт кӱлешан. Комплексный йӧн гына самырык тукымым деструктивный влияний деч арален кертеш.

«Молодёжь и дети» нацпроект дене келшышын илышыш шыҥдаралтын.

📸 «Молодёжь Марий Эл» тӱшка гыч налме фото.

🎭🎬 27 мартыште «Театральное Приволжье» йоча да самырык театр коллектив-шамыч фестивальын участникше-влакым суапландарыме церемонийын вияш трансляцийже лиеш.

Тиде фестиваль Юл кундемысе федеральный округын полномочный представительже Игорь Комаровын тӱвыра да сымыктыш аланыште курироватлыме «Театральное Приволжье» проектше кӱшеш шукталтеш.

Жюрин эксперт аклымыж почеш, Марий Эл Республикыште «Театральное Приволжье» йоча да самырык театр коллектив-влак фестивальын регионысо этапыштыже сеҥышыш лектыныт:

🔹«Эн сай самырык спектакль» номинацийыште Волжский район Памар селасе тӱвыра пӧртын «ПоролИ» самырык театрже (вуйлатышыже – Екатерина Арсентьевна Кудрявцева) лийын.

🔹«Эн сай йоча спектакль» номинацийыште – Волжск оласе лицейын «Синяя птица» йоча школ театр, «Петя ден Пире» музыкальный йомакын чолга постановкыжым ончыктен (вуйлатышыже – Людмила Анатольевна Кирилловская).

💻 Спектакль-влак дене сайтыште палыме лияш лиеш.

Яков Эшпай лӱмеш Марий кугыжаныш филармонийыште «Театральные встречи в Филармонии» у проектше тӱҥалын.

Икымше участнице марий опер да балет театрын вӱдышӧ сопраножо Валерия Баландина лийын. Вашлиймаш-влакым Нина Пектеева эртара.

📸 Константин Ивановын лаштыкше гыч налме.

💬 «Герои Марий Эл. Талешке-влак» программын участникше-влак регионышто патриотизм шӱлышан пашам вияҥдаш темленыт

Программын участникше-влак Юстиций министерствыште стажировкым эртыше Николай Миншатов ден Александр Аликов ведомствын 2025 ийысе паша лектышыжым да ончыкылык планым каҥашымашке ушненыт.

Коллегий деч вара министр Евгений Маслов нунылан мер каҥашын членже-влак дене вашлиймашым эртарен. Стажёр-влак СВО-н ветеранже-влакым самырык тукымым патриотизм шӱлышеш шуарымашке да советын пашашкыже чолганрак ушаш инициативым ыштеныт. Лишыл жапыште граждан-влакым правовой йӧн дене сотемдарыме шотышто пырля эртарыме мероприятий-влакын планышт ямдылалтеш.

АНОНС🔖
6 мартысе номерыштына ЛУДСА ⬇

Пытартыш жапыште Рӱдо каналысе шуко передачыште марий-влакым ужаш лиеш. Тунам нунын верч куан кумыл веле шочеш: вет ты передаче годым могай калык гыч лекмыштым ик ганат огыт шылте, а, мӧҥгешла, йӧным муын, марла тувырым чиен, марла муралтат але кушталтат, марий семым шокталтен колтат. Тыге шочмо калыкна нерген шукырак да шукырак еҥ пален налеш. Адакшым тиде ончыкта: меат чолгарак да чолгарак лийына.

Теве 27 февральыште Первый канал дене «Поле чудес» передачым ончымеке, шукын марий тувырым чийыше ӱдырамашым ужын, куанен да ӧрын колтышна. Адакшым тудо сеҥышыш лекте. Тиде Калтаса район Краснохолмский посёлко гыч тысе 1-ше №-ан номеран кыдалаш школышто туныктышо Алена Яныбаева ыле. Тудын дене меат кутыралтышна.

📸 А.Яныбаеван альбомжо гыч фото-влак.

🚂🎗Таче Йошкар-Олашке «Сеҥымаш поезд» толын!

Шкешотан куснылшо тоштер рӱдолаште кӱртньыгорно вокзалыште илыше да уна-влаклан улыжат кум кече – 7 март марте – пашам ышташ тӱҥалеш.

Тиде тыглай поезд веле огыл, а 10 тематический вагонышто вераҥше иммерсивный выставке. Кажне вагон – Кугу Ачамланде сарын посна эпизодшо. Кызытсе технологийлан, реалистичный йӱк-йӱанлан да волгыдылан кӧра тыште тунамсе ийласе атмосферым угыч ыштыме.

Толшо-влак мом ужыт❓
🔸Тичмаш кугытан 150 фигур
🔸4000 шкешотан реквизит
🔸Спецэффект-влаклан кӧра тӱрыснек историйыш шуҥгалтмаш

Экспозиций мемнан армийын подвигшым да совет еҥ-влакын героизмыштым тыглай ужаш да шижаш полша.