👪 Марий Турек районышто шуко шочшан Сабировмыт ден Бычковмыт еш-влаклан «Самырык еш» программе почеш илыме верым саемдаш але чоҥаш свидетельствым кучыктеныт.

Тыгай программыш ушнен кертыт:
🔹самырык еш-влак, ача-ава ийготышт дене 35 ийым эртыше лийшаш огытыл;
🔹илыме верым саемдаш кӱлмылан шотлымо еш-влакын парышышт ситышын лийшаш, тудыжо але кредитым налаш, але илыме верын расчётный акшын пуалтше социальный выплатын кугытшо деч кугурак ужашыжым тӱлаш йӧным пуа.

🧑🏻‍🌾 Кундемыштына республик кӱкшытан икымше агрофорум эртаралтын. Тудо Марий Элысе ялозанлык аланыште тыршыше ятыр специалистым чумырен.

Мероприятийлан кугу ончерым чумырымо, ярмиҥгам келыштарыме, уна-влакым ӱжмӧ. Тушто Марий Элысе науко да образований, кочкышым ыштен лукшо предприятий, цифровой технологий, кушкылым да вольыкым ончен куштымо сомыл, у оборудований да шапаш ужаш-влак дене палдарыме.

Агрофорумышто Российысе специалист--шамычат лийыныт. Нуно кундемнан ялозанлык пашажым сайын акленыт. Ты мероприятий икте-весе коклаште опыт дене пайлалташ, иктешлымашым ышташ, инвестицийым савыраш, пырля пашам ыштыме шотышто кутырен келшаш йӧным ыштен. Тылеч посна аграрий-шамычлан кугыжаныш могырым могай полыш-влаклан эҥерташ лийме нерген лончыленыт.

📸 Марий Элысе Ялозанлык да кочкыш сату министерствын да Марий Элысе Кугыжаныш Погыныт сайтышт гыч налме фото-влак.

🎿23 февральыште Юлсер кундемысе Кӱчыклук ял воктене, Элнет эҥер серыште йӱлаш пурышо сонарзе биатлон эртен.

Тений таҥасымашке 39 еҥ ушнен. Эн кугуракше, Виктор Васильевич Фёдоров, 65 ияш, а эн изи участник-влак, Марина Степанова ден Софья Сергеева 12 ияш улыт.

Таҥасымашын тӱҥ цельжылан сонар биатлоным пойдарымаш, капкультур ден спортым, чолга да таза илыш-йӱлам илышыш пуртымаш шотлалтыт.

📸 С.Степанован фотожо.

✨28 февральыште Татарстан Республикысе Менделеевск олаште «Йӱлам арале» фестиваль лиеш. Тудо 14-35 ияш самырык-влакым уша.

Фестиваль годым туныктымо да каныме мероприятий-влак эртат, тидыже марий самырык тукымым кумылаҥдаш да сымыстараш йӧным пуа.
Касвелеш марий дискотеке да самырык марий уста еҥ Денис Шаблий дене вашлиймаш лийыт.

📋Мероприятийыш регистрацийым сайтыште эрташ кӱлеш

🚂🎗Тений Йошкар-Олашке «Сеҥымаш поезд» 5-7 мартыштак толшаш.

Тиде куснылшо тоштер тудым ончаш толшо-влакым Кугу Ачамланде сарын атмосферышкыже пурта. Составыште – лу вагон, кажныже посна тематический зоным ончыкта.

🎫 Поездыш яра пуртат, но электрон билет дене. Нуным poyezd-pobedy.ru. сайтыште оформитлаш лиеш. Билет поезд толмо деч 1-2 кече ончыч лектеш.

Кажне остановкышто пайрем мероприятий, концерт, историй технике ончер да ветеран-влак дене вашлиймаш эртышаш.

📥 «Знание» Общество «Знание.Авторы» конкурсын географийже кугемеш. Тушко ынде йодмашым Россий да Беларусь граждан-влак пуэн кертыт.

Николай Добронравов лӱмеш «Знание.Авторы» муро поэзий конкурсыш 2483 автор деч 5154 заявке пурен. Тушко элнан 87 регионжо гыч участник-влак ушненыт. Тыгак ынде йодмашым Беларусь граждан-влак деч налыт. Тудым 31 март марте колташ лиеш.

Кумдан шарлыше тематический направлений-влак коклаште – «Йӧратымаш лирике» (1374), «Ачамландым аралыше-влак нерген» (1012), «Шочмо эл нерген» (842).

25 февральыште Йошкар-Олаште «Без срока давности» научно-просветительский проект годым «Герои Отечества» музейно-патриотический рӱдерыште Марий Эл Республикысе Тӱвыра, печать да калык-влакын пашашт шотышто министерствын полшымыж дене «Уроки Великой Отечественной войны и современные параллели» теме дене эксперт площадке пашам ыштен.

Мероприятийыш шанчызе, туныктышо да студент-влак погыненыт. Вашлиймашын модераторжо писатель, спецслужбын историкше семын палыме Николай Лузан лийын. Тушко тыгак «Йошкар-Ола» оласе округын вуйлатышыже, Российысе сарзе-исторический обществын регионысо отделенийжын председательже Евгений Кузьмин ушнен.

Участник-влаклан «Петр Боцманов, воскрешение из ада» фильмым ончыктеныт. Тудым Марий АССР-ын шочшыжо, политрук, лейтенант, Норвегийысе гестапон тюрьмаште лӱен пуштмо Петр Иосифович Боцмановым шарнен войзеныт.

Уна-влаклан Марий Элын сулло сӱретчыже Андрей Санниковын плакат ден сӱретше-влак ончерым ямдыленыт.

📸 Марий Элысе Минкультурын фотожо.

Таче Марий Эл Кугыжаныш Погынын 8-ше созывшын депутатше-влак 14-ше сессийышкыже погыненыт. Тушто нуно 19 йодышым ончен лектыт.

Эн ончычак Кугыжаныш Погынын предедательже Михаил Васютин кодшо ийысе паша шотышто докладым лудын. Тудын мутшо почеш, тенийысе ик кугу событийлан сентябрьыште Кугыжаныш Думыш сайлымаш манын палемден. Тыгак 2027 ийлан республикысе бюджетым да депутат-влаклан избиратель-шамычын наказыштым пеҥгыдемдыман манын.

Сессийыште «Марий Эл Республикын сулло предпринимательже» у почётан званийым пуаш палемдыме. Тыгак моло йодышымат ончалтеш.

🎶6 мартыште Йошкар-Олашсе В.И.Ленин лӱмеш тӱвыра полатыште чолга гармонист-влак Сергей Пакеев ден Александр Марков «ЙОЛТАШЕМ НАЛ ГАРМОНЕТЫМ» концертым эратарат.

📖 С.Г.Чавайн лӱмеш калыкле книгагудо самырык-влаклан «Поэзий мастарлык школ» проектым тӱҥалеш.

Программе почеламутым возымын негызше, поэтический образым чоҥымо закон-влак дене палыме лиймаш, тыгак йылмын ритмже, рифме да изобразительный йӧнжӧ дене пашам ыштыме практикым авалта. Участник-влакым весела сылнымут модыш-влак – буриме, «бестолковый словарь», «придумай рифму» да темлыме темылан поэзий экспромт-влак – вучат.

Занятийым Россий писатель Ушемын еҥже, Россий писатель Ушемын марий пӧлкажын литературный консультантше Елена Хисамутдинова вӱда.

🗓Вашлиймаш-влак калыкле книгагудышто тылзылан кок гана шуматкече еда эрташ тӱҥалыт. Чыла занятий яра эртаралтеш!

🖇Курсын тичмаш программыж дене ссылке почеш палыме лияш лиеш: clck.ru/3S5RUQ

👥 Участник-влакын ийготышт 16+.
Тӱшка-влак йодмаш почеш чумыралтыт. 8 927 681 34 65 телефон дене возалташ лиеш (але Телеграммыш уверым возаш).

📥Серымашым 19 март марте колташ лиеш.

☀2-8 МАРТЛАН КАЛЫК ПАЛЕ-ВЛАК

🌨 2 мартыште игече могай – кеҥежат тугай лийшаш. Леве гын –шокшо кеҥежлан. Йӱштӧ да лавыртышан – кеҥежымат юалгым вучыман.

🌨 3 мартыште тӱтыран гын, ночко кеҥежлан.

🌨 4 мартыште корнышто корак ден чаҥа шуко – игече пылан шогышаш.

☁ 5 мартыште леведыш тӱр гыч кужу ийсӱс-шамыч кечат гын, шошо кужун шуйна, а кӱчык ийсӱс писын эртыше шошым сӧра.

⛅6 мартыште лум пушеҥге йыр шулышыжла, тайыл кундемым кода – левыктымылан. Тӱржӧ тура кодеш гын – эше кужу жап йӱштӧ шогышаш.

🌤 7 мартыште яндар каваште кече вудакан онча – игече локтылалтшаш.

🌨 8 мартыште лум лумеш гын, Кугече арня йӱштӧ лийшаш.