👮‍♂️20-24 февральыште Марий Элыште «Нетрезвый водитель» оперативно-профилактический мероприятий эртаралтеш.

Тиде жапыште шукырак ДПС экипаж🚔 корнылаш лектеш. Калык погынымо, каныме верлаште поснак чот тергат. Республикысе районлаште автомашинам йӱшывуя виктарымым чактарыме шотышто тӱрлӧ мероприятий лиеш.

‼Марий Элысе Госавтоинспекций ушештара: машинам йӱшывуя виктарымылан, йӱшӧ улмым тергымашым эрташ тореш лиймылан але машинам йӱшӧ водительлан виктараш пуымылан 45 тӱжем теҥге штрафым тӱлыктат, 2 ий марте права деч посна кодат.

📸Марий Элысе Госавтоинспекцийын архивше гыч налме.

18-20 февральыште «Лесная сказка» тазалыкым пеҥгыдемдыме комплексыште «Лӱдыкшыдымылык школ» республикысе телымсе слёт эрта. Тудо «Волгенче» рӱдерын паша кышкарыштыже эртаралтеш. Марий Элысе 14 школ команде ушнен.

📸Марий Элысе образований да науко министерствын ВК-се тӱшкаж гыч налме.

📲 «Кугарнян» МАХ каналышкыже ушныза.

✨Теҥгече, 19 февральыште, Свердловск областьысе Ачит олан Рӱдӧ тӱвыра пӧртыштыжӧ 2026 (кок тӱжем коло кудымшо) ийысе темылан пӧлеклалтше форум эртен.

Темыже – Марий калыкын шнуй тӱняже: марий калыкын тӱняже, илыш поянлыкше да юмыйӱла.

📌Ты форумым Ачит районысо образований управлений эртарен. Тушто педагог, культур пашаеҥ, тунемше-влак лийыныт. Нуно палемдыме теме дене вашла опытышт дене пайлалтыныт.

📲 «Кугарнян» МАХ каналышкыже ушныза.

❄23 ФЕВРАЛЬ – 1 МАРТЛАН КАЛЫК ПАЛЕ-ВЛАК

🌨23 февральыште корак-шамыч пушеҥге вуйышто шкештым эрыктен шинчат гын, лумым вучыман.

🌨24 февральыште йӱштыштӧ чодыра лӱшкаш тӱҥалеш – вашке игече левыктышаш.

🌨25 февральыште йӱштӧ игече леве мартым да эр шошым сӧрышаш.

🌨26 февральыште кече йӱштӧ да пылан гын, шошат йӱштӧ лийшаш.

☁27 февральыште киса-шамыч чот йӱкланат – тугеже вашке лывыртышаш.

🌨28 февральыште тӱрволакыште кужу да вичкыж ийсӱс-шамыч кечат гын, шошо кужу лийшаш.

☁1 мартыште игече ояр да леве – шошат тугай лийшаш, лум лумеш гын, шурно сай шочшаш, леве мардеж – йӱран кеҥежлан, а йӱштӧ мардеж юалге кеҥежым шижтарышаш.

📲 «Кугарнян» МАХ каналышкыже ушныза.

Иктешлыше экзаменым эртарыме кече-влак пале улыт.

Просвещений министерстве да Рособрнадзор расписанийым пеҥгыдемденыт. Тӱҥ этап 1 июньышто тӱҥалеш. Тений шуко тунемше профильный математике, обществознаний, информатике, биологий да физике дене экзаменым куча.

Чумыр элыште физикым, кодшо ий дене таҥастарымаште, 24 процентлан шукырак выпускник ойырен, химийым -10 процентлан утларак, биологийым – 7 процент нарылан шукырак, информатикым – 6 процентлан утларак тунемше воза.

(📸 Марий Эл Виктерын сайтше гыч налме)

Репертуар на март 🎭

Все билеты можно приобрести на сайте театра: shketan.ru
☝️Пушкинская карта действует.

🌟 4 мартыште военно-патриотический ушем-влакын воспитанницышт-влак коклаште «Берегиня» военно-патриотический таҥасымаш лиеш.

Мероприятий 24-ше №-ан школышто ZOV (Zащитники Отечества, Vперед!) патриотический проект кышкарыште эрта.
👥 Таҥасымашке команде дене ушныман: 15-17 ияш 8 еҥ (6 ӱдыр да 2 рвезе).
📥Йодмашым 28 февраль марте aav.1956@mail.ru электрон почтыш колтыман.

📲 «Кугарнян» МАХ каналышкыже ушныза.

📋Марий Элым Вуйлатышын Указше дене келшышын 24 февраль гыч Лидия Александровна Батюковам Марий Эл Правительстве Председательын алмаштышыжлан – Марий Эл Республик Вуйлатышын Администрацийжым вуйлатышылан шогалтыме.

Саламлена 👏

📲 «Кугарнян» МАХ каналышкыже ушныза.

🇷🇺🎶23 февральыште Килемар районышто Российысе калык-влакын икоян улмо идылыкым почыныт.

Ты кечын районысо тӱвыра пӧртыштӧ XVIII регион-влак кокласе «Душа России» национальный патриотический муро-влак фестиваль-конкурс лийын. Фестиваль молгунамсе семынак Шочмо элым аралышын кечынже эртаралтын да Марий Эл Республикын тӱрлӧ районжо да пошкудо регионла гыч мурызо-влакым чумырен.

📸 Килемар районысо администрацийым вуйлатыше Татьяна Обухован лаштыкше гыч налме.

⚡⚡Медведево районышто илыше 47 ияш пӧръеҥын ийготыш шудымо ӱдыржылан ик мессенджерышкыже палыдыме номер гыч возен колтеныт: колтымо куар-кодым ачажын телефонжо дене сканироватлаш да банкысе личный кабинетыште «подтвердить» клавишым темдалаш. Аважын телефонжо денат тыгак ышташ йодыныт. Ӱдыр йодмым шуктен. Эҥгек 140 тӱжем наре теҥгеш шуын, палдара Марий Элысе МВД.

Мошенник-влак тӱрлӧ маркетплейсыште сатум наледеныт, а колтымо куар-кодым сканироватлен да кӱлеш клавишым темдалын, еҥ-влак нине сатулан оксам тӱленыт улмаш.

Тӱткӧ лийза, икшывыдаланат ондалалташ лийме нерген умылтарыза!

🥗 23 февраль – 1 март – Иммунитетым пеҥгыдемдыме арня

Кап нелытым иземдымаш тазалык шотышто тӱткышым йодеш. Тидын нерген Марий Эл Республикын эмлыме-профилактике полыш да лицензирований пӧлкан советникше Наталья Чегаева палдара.

🎿27 февральыште Звенигово оласе «Водник» стадионышто районласе самырык-влак команде коклаште телымсе триатлон дене первенстве лиеш.

Тудо молодёжный политикым тӱшкан вияҥдаш полшымо «Регион для молодых» программе почеш эртаралтеш. Командыш тыгак СВО-н ветеранже-влак ушнен кертыт. Тидыже самырык-шамычлан опытан еҥ-влак дене кылым пеҥгыдемдаш полшаш ышталтеш.

👪 Марий Турек районышто шуко шочшан Сабировмыт ден Бычковмыт еш-влаклан «Самырык еш» программе почеш илыме верым саемдаш але чоҥаш свидетельствым кучыктеныт.

Тыгай программыш ушнен кертыт:
🔹самырык еш-влак, ача-ава ийготышт дене 35 ийым эртыше лийшаш огытыл;
🔹илыме верым саемдаш кӱлмылан шотлымо еш-влакын парышышт ситышын лийшаш, тудыжо але кредитым налаш, але илыме верын расчётный акшын пуалтше социальный выплатын кугытшо деч кугурак ужашыжым тӱлаш йӧным пуа.

🧑🏻‍🌾 Кундемыштына республик кӱкшытан икымше агрофорум эртаралтын. Тудо Марий Элысе ялозанлык аланыште тыршыше ятыр специалистым чумырен.

Мероприятийлан кугу ончерым чумырымо, ярмиҥгам келыштарыме, уна-влакым ӱжмӧ. Тушто Марий Элысе науко да образований, кочкышым ыштен лукшо предприятий, цифровой технологий, кушкылым да вольыкым ончен куштымо сомыл, у оборудований да шапаш ужаш-влак дене палдарыме.

Агрофорумышто Российысе специалист--шамычат лийыныт. Нуно кундемнан ялозанлык пашажым сайын акленыт. Ты мероприятий икте-весе коклаште опыт дене пайлалташ, иктешлымашым ышташ, инвестицийым савыраш, пырля пашам ыштыме шотышто кутырен келшаш йӧным ыштен. Тылеч посна аграрий-шамычлан кугыжаныш могырым могай полыш-влаклан эҥерташ лийме нерген лончыленыт.

📸 Марий Элысе Ялозанлык да кочкыш сату министерствын да Марий Элысе Кугыжаныш Погыныт сайтышт гыч налме фото-влак.

🎿23 февральыште Юлсер кундемысе Кӱчыклук ял воктене, Элнет эҥер серыште йӱлаш пурышо сонарзе биатлон эртен.

Тений таҥасымашке 39 еҥ ушнен. Эн кугуракше, Виктор Васильевич Фёдоров, 65 ияш, а эн изи участник-влак, Марина Степанова ден Софья Сергеева 12 ияш улыт.

Таҥасымашын тӱҥ цельжылан сонар биатлоным пойдарымаш, капкультур ден спортым, чолга да таза илыш-йӱлам илышыш пуртымаш шотлалтыт.

📸 С.Степанован фотожо.