Вотэсбамзэс Ижысь Picom лэсьтӥллям — нялтас вераса, Удмуртия ивортодэт ужаннилызэ кадь ик (яке мыдлань). Соослэн нош ваньмыз усьтӥське, азьло URL:ъёсты умой-умой тупато вылезлы скемалы, азьвыл статтяос ышемын ӧвӧл.

Вльд: Эшшо выльдытэмъёсыз пӧлын — Удмурт Правдалэн вотэсбамыз

Вылаз на — удмурт кылын гинэ поттась Удмурт Дуннелэн вотэсбамыз ӟуч, олома муген. Нош Удмуртилэн ӟуч но, удмурт но, англи но версиез вань. Тӥнь таӵе йӧскалык преса

Ижысь Дышетонъёзэт вань школа но анай-атай вачевераськонниез Viber:ысь но WhatsApp:ысь* Тэлеграме выжтыны косэм.

Уг тодӥськы, маиз меда умойтэм Viber:лэн (Нипоншаер тушмон кун луэмен шат?). Тэлеграмлы таӵе трос саклык висъян уггес вера пумитъяськон инты сямен оскымонлыксэ, кемалась ини вераськон мынэ та сярысь.

* WhatsApp:ез лэсьтэм Meta огазеяськон экстремист ялэмын вал

Татын но Твитэрам кунъёслэсь нимъёссэс удмуртогес гожтӥсько. Малпанъёсты но тэрганды вань ке, одно ик вералэ!

Кун нимъёс калык нимъёсысь пӧрмо -шаер итэт ватсаса, калыккуспо нимзы калык нимысь ик пӧрмемын ке (эсэпе пырисьтэм примеръёсыз улӥынгес учке).

Ксь, Удмуртия — Удмуртшаер, Венгрия — Мадьяршаер, Финляндия — Суомишаер, Украина — Украйиншаер, Япония — Нипоншаер (яке Японшаер, мон 日本 nihon/nippon кылысь поттӥсько), Германия — Немычшаер (яке Немецшаер), Уэльс — Кӧмришаер (cymru кылысь поттоно ке) но музон.

Та эсэпысь пото:
Россия, Роси (али политӥк югдурен «Ӟучшаерез» тупасьтэменгес адӟисько);
Израиль, Исраэль;
Беларусь (тазьы умойгес потэ);
Татарстан, Кыргызстан, Казакстан (озьы ке но, Бигершаер шуыны но яралоз, но нокыӵе но Бигерстан ӧвӧл!!);
(Америкалэн) Огазеяськем Штатъёсыз (Кунъёсыз?);
Австрали но мукет.

Та выллем нимпӧрмонзы мадьяръёслэн вань, удмуртэн вераськыса но соос «Мадьяр шаер» шуыло. VK:ез берыктӥсьёс Финляндиез «Суомишаер» ик гожтӥзы вал. Комиос пӧлын но та выллем нимъёссы уже кутӥсько — соослэсь адӟем кари вал

Эшъёс, Удмуртско-русский и русско-удмуртский словарь-бот в помощь!
В ряде случаев может переводить даже простые выражения! Пользуйтесь!
Спасибо разработчикам! В помощь обучающимся @udmurt_bot

Тэлеграмлы выль кыллюкам-берыктон бот лэсьтӥллям

Малы ке тросэз Times New Roman, Arial но мукет Monotype:лэн пусшукконъёссэ Росиысь басьтыны алэмлы кышкатскиллям, но собере шумпотыса «гожъяськон ужъёсты сётоно уз лу» шуиллям (ярам, таиз маскаръяськон, лэся).

Monotype:лэн вотэсбамаз пырыса басьтыны уг луы гинэ. Океан сьӧрысен пусшукконъёстэ уз талалэ: кылсярысь, Windows понна сётэм (яке сётымтэ) уксёды озьы ик шрифтъёслы кошкемын ни, нокин но ӟучъёслэн компьютэрысьтызы файлъёсты ӵушонэн уз выриськы. Вотэсын ужась програмъёсын борӟетэмлэсь кышкамон гинэ но, озьы луоз меда. Вылаз ик, паськыт вотэсысь капчиен выльысь кыскыны луэ (лӥнуксъёслэн воксё corefonts нимо бинетэз пуктэмзы луэ ай 🤫).

Кемаласьгес Росиысь Паратайп кылдытӥз PT Astra пусшукконэз; со быдӟалаезъя Times:лы быдэсак тупа (но мынам малпамея солэсь чебергес) — соин шрифтэз воштыса ужкагазды уз ёмыра. Стандартъёсы сое али ке но ӧз пыӵатэ олома муген, но сыӵе воштос вань.

Оглом вераса, асьме дыре, Times New Roman:эз борӟетэм сярысь, кышкытэз но вань.

Субтӥтръёсын аниме, кылсярысь, учкемды вань ке, адӟиды, дыр, кызьы субтӥтрлэн пумаз ик сылӥсь кыл #нипон вераськонын ӵемысь нырысетӥ мынэ. Тани мынам малпамея тунсыко чур адӟи:

攻める… 以外の… 選択肢… 無し
semeru… igai no… sentakushi… nashi
омырскыны… сяна… быръёнмы… ӧвӧл

(Удмурт берыктэмезлэн кылрадыз нипонэзлы быдэсак тупа.)

Юн драма мылкыдын со вераське, ӟигарез огазе люкан ви шуыны луэ.

Тунсыкоез мар: англи быректэмез таӵе: “There's no other choice but to attack!” Кужымкылэз, адӟымон, „to attack“ луэ. Нош нипоназ веранлэн кужымкылэз со 無し ‘ӧвӧл’ (куарашудонэзъя но кылымон).

Эуроп визьмы ‘ӧвӧл’ кыл вылэ кужым пононэз уггес вала. Мар, ‘ӧвӧл’ но ‘ӧвӧл’. Омырсконо шуыса веран йӧноез кадь потэ. “Кроме как атаковать, другого выбора у нас нет” шуон но умойтэмгес потэ. Тани таӵе кылрад.

Кылрадэз вераса, кемалась ӧвӧл учки урамысь нипонъёсты юалляськемез. Одӥг нылаш огшоры гинэ вера… (ӵапак ма верамез тодам ӧвӧл ни):

🅰️ じゃなくて、🅱️
🅰️ ӧвӧл, 🅱️

Ӟуче берыктоно ке, “🅱️, а не 🅰️” луоз. Нош ик паймисько, “а не 🅰️” ватсаса веран кадь потэ ук, кызьы меда сое азе пуктыны — ма, — азьвыл ик малпаны луэ?

Тани кызьы анай кылзы малпан сямзылы ӟалкыма. Малы та тунсыко потэ — удмуртэзлэн кылрадыз та выллем ик уго. Вераськон кылмы кин луэммес вера. Нош вераськонын ватсэтнимез ӟуч сямен берло пукто, «кудӥз» мултэс вераны ярато. (Ма бен, тазьы адямиос верасько бере, шонер ай луэм, лэся?)

Уралистикаысь каналэ трос адями лыктэм. Тау тунсыкты понна! Валамон медло шуыса, кин луэмме но та каналын мар поттамме валэкто. Тыро-пыдо тодматскымтэ кадь

Мон програмчи(лы дышетскисько), соин ӵемысь ик компьютертодосэн герӟаськем тэмаосты эскерисько. Со сяна, татын улонэ-дышетсконэ, иворъёс, удмуртлык, Росиысь калыкъёс, пӧртэм кылъёс сярысь но вераськисько. Вераме одно ик шонер уг шуиськы — пумит кылды вань ке, коментаръёсын сое вераны эн кӧбералэ!

Эшшо, мон вордскемея удмурт ӧвӧл, кыллы юри дышем Ижысь ӟуч (?); адӟеме-чакламе, оскыны луоно, быдэс ӧвӧл. Озьы ке но, вордскем шаерлы но удмурт калыклы пайда ваеме луиз ке, туж шумпото

Ботэз вуоно выльдытонэз чаклай (сое ӧй вунэты!). Сэрытгес карыны сяна, мукет кыл утчан ошмесъёсты ватсаны медӥсько

Оло, тӥляд вань 2019 арысь кыллюкаме тырмисьтэм кылъёсты?

Кылсярысь, музъемтодос нимъёсын (алигес гинэ тэкшеремъёсыныз но Муско, Алабго выллемъёсыныз) пичи кыллюкам пыӵатыны малпасько.

Гужем тае лэсьто, дыр. Али школаез быдтон сярысь малпаськонэ 😬

Нялтас вераса, удмуртъёс Уфаез Упо шуо-а, вӧтай-а? Гожтыса юнматэмъёсты ӧй шедьты но, озьы луыны кулэ кадь потэ

Тэлеграмлэн Web app шуонъёсыз калыке потӥллям (кӧня ке дыр ортчемын ни, вылды). Ботъёсын азьло сямен тэкстэн вераськыны сяна, табере вачекуспаськись вотэсбам усьтыны луэ (VK:ысь пичи ватсэтъёс кадь)

https://core.telegram.org/bots/webapps

«Владимир Константинов Элькунысь Кун Кенешлэн спикерезлэн верамезъя, со [англи кыл] интые „ас кылъёсмылы“ дышетыны кутсконо».

Одно ик дышоно кырымбигер кылэз-а веран со, оскисько?

https://tass.ru/obschestvo/14724719

Удмурт кылын Ютуб канал лэсьтыны мылкыды ӝуатскиз вал кемаласьгес (кытын ке палкыл верай вал) но, мугъёссэ учконо ке, соос кык кузя: удмуртэн таӵеез трос ӧвӧл кадь—но удмурт учкись сюриз ке но (!), мон кадь вераськисез кылзоз шат?—но тусбурзэ пыр-поч малпай ини.

Серем: кыктэтӥ муген ик школаям ньыль ар т’азьло иворъёс поттонни ужа вал. Марым, бродкаст тусбурен тунсыкъяськи вал но, бордаз таӵе практӥко ватсэт кылдӥз. Али но учкыса, школаелэн иворпоттонъёсыз туж чебер пото (элькун каналъёсмылэсь но туала шӧмо, лэся 😖).

Ӧӧ, каналъёсмес нокызьы но ултӥяны уг малпаськы, оло, кылӥське тазьы

Mozilla кемалась ӧвӧл Эдӥнбург, Карлов, Шеффилд но Тарту университетъёсын ӵош ужам Project Bergamot:сы улсын лэсьтэм локал берыктон тӥрлыкез калыке поттэм. Мукет сямен вераса, озьы вотэсэ куронъёс кельтытэк, нимазлыко сямен берыктыны луонлык сётыны тыршо.

Калыке поттэмез пӧлын bergamot-translator библиотека, кӧня ке кыллы дасям модельёс но тодэтбичамъя модель дышетыны тӥрлык. C++эн гожтэм библиотекаез WebAssembly кабе люкаса, ваньзэ тае вотэсбамын ик яке вотэсучкон (браузер) ватсэт сямен кутыны луэ (FIrefox Translations, яке татын модельёсты улэпкын уже кутыса оскалтэмды луэ).

Project Bergamot Эуроп Союзлэсь коньдонэн ужа. Mozilla котьма кылын вераськись адямилы могӟонтэм (accessible) но каньыл вотэс ласянь ужзэ азьлантэ.

Озьы ик пӧртэм кылъёсын (удмуртэн но) куаратодманлы шара верамъёсты люкан кичӧлтэмзэ тодады вайытэме потэ.

Эшшо маке #нипон–удмурт ӵошатон «кылтодосысь» чыры-пыры. Удмурт кылын сямен ик, нипон кылын вань «куарапышкылон» шуон кылъёс (кунсьӧрчиослы дышетскон материалъёсын オノマトペ, onomatope нимаське). Но, асьмелэн кадь ик, соос пудо-живот, инкуазь куараослэсь одно ик пӧрмемын ӧвӧл, кыӵе ке югдуръёс но шӧдонъёс но возьмато. Кылсярысь,

雨が ザーザー 降っている
ame ga zā-zā futte-iru
(зор) жаль-жаль зоре

(Нялтас вераса, та ザーザー серекъятэк ик «зар-зар» кылэз тода вайытэ, но соиз «бӧрдыны» кыл бордынгес кутӥське кадь.)

ヘトヘトに 疲れました
heto-heto ni tsukaremashita
суч-сач жади

(Кыллюкамъя, «суч-сач» кыл «чылкак котмыны» веран луэ.)

Удмуртэн-а, нипонэн-а ономатопи ӵемгес кутӥське, уг тодӥськы. Но удмурт куарапышкылонъёслы но соос бордын кутымон кылъёслы сӥзем материалъёс туж ик трос ӧвӧл (оглом вераса, нипон кылын мында материалъёсмы ӧвӧл). Тросгес лыдӟон (но пумиськем кылъёсты соку ик кытчы ке гожтон!) сяна, ономатопи примеръёсыз корпусысь но утчаны луэ (со IMIT шуыса пусйиське).

Огшаплы малпай: куарапышкылон кылъёсын тупан кыллюкам луись ошмесъёсысь лэсьтыны луэ, дыр, одӥг уй куспын быдтон уж, зэм, ӧвӧл ке но. Тунсыкъяськись шедёз-а?