Тэлеграмлэн Web app шуонъёсыз калыке потӥллям (кӧня ке дыр ортчемын ни, вылды). Ботъёсын азьло сямен тэкстэн вераськыны сяна, табере вачекуспаськись вотэсбам усьтыны луэ (VK:ысь пичи ватсэтъёс кадь)

https://core.telegram.org/bots/webapps

«Владимир Константинов Элькунысь Кун Кенешлэн спикерезлэн верамезъя, со [англи кыл] интые „ас кылъёсмылы“ дышетыны кутсконо».

Одно ик дышоно кырымбигер кылэз-а веран со, оскисько?

https://tass.ru/obschestvo/14724719

Удмурт кылын Ютуб канал лэсьтыны мылкыды ӝуатскиз вал кемаласьгес (кытын ке палкыл верай вал) но, мугъёссэ учконо ке, соос кык кузя: удмуртэн таӵеез трос ӧвӧл кадь—но удмурт учкись сюриз ке но (!), мон кадь вераськисез кылзоз шат?—но тусбурзэ пыр-поч малпай ини.

Серем: кыктэтӥ муген ик школаям ньыль ар т’азьло иворъёс поттонни ужа вал. Марым, бродкаст тусбурен тунсыкъяськи вал но, бордаз таӵе практӥко ватсэт кылдӥз. Али но учкыса, школаелэн иворпоттонъёсыз туж чебер пото (элькун каналъёсмылэсь но туала шӧмо, лэся 😖).

Ӧӧ, каналъёсмес нокызьы но ултӥяны уг малпаськы, оло, кылӥське тазьы

Mozilla кемалась ӧвӧл Эдӥнбург, Карлов, Шеффилд но Тарту университетъёсын ӵош ужам Project Bergamot:сы улсын лэсьтэм локал берыктон тӥрлыкез калыке поттэм. Мукет сямен вераса, озьы вотэсэ куронъёс кельтытэк, нимазлыко сямен берыктыны луонлык сётыны тыршо.

Калыке поттэмез пӧлын bergamot-translator библиотека, кӧня ке кыллы дасям модельёс но тодэтбичамъя модель дышетыны тӥрлык. C++эн гожтэм библиотекаез WebAssembly кабе люкаса, ваньзэ тае вотэсбамын ик яке вотэсучкон (браузер) ватсэт сямен кутыны луэ (FIrefox Translations, яке татын модельёсты улэпкын уже кутыса оскалтэмды луэ).

Project Bergamot Эуроп Союзлэсь коньдонэн ужа. Mozilla котьма кылын вераськись адямилы могӟонтэм (accessible) но каньыл вотэс ласянь ужзэ азьлантэ.

Озьы ик пӧртэм кылъёсын (удмуртэн но) куаратодманлы шара верамъёсты люкан кичӧлтэмзэ тодады вайытэме потэ.

Эшшо маке #нипон–удмурт ӵошатон «кылтодосысь» чыры-пыры. Удмурт кылын сямен ик, нипон кылын вань «куарапышкылон» шуон кылъёс (кунсьӧрчиослы дышетскон материалъёсын オノマトペ, onomatope нимаське). Но, асьмелэн кадь ик, соос пудо-живот, инкуазь куараослэсь одно ик пӧрмемын ӧвӧл, кыӵе ке югдуръёс но шӧдонъёс но возьмато. Кылсярысь,

雨が ザーザー 降っている
ame ga zā-zā futte-iru
(зор) жаль-жаль зоре

(Нялтас вераса, та ザーザー серекъятэк ик «зар-зар» кылэз тода вайытэ, но соиз «бӧрдыны» кыл бордынгес кутӥське кадь.)

ヘトヘトに 疲れました
heto-heto ni tsukaremashita
суч-сач жади

(Кыллюкамъя, «суч-сач» кыл «чылкак котмыны» веран луэ.)

Удмуртэн-а, нипонэн-а ономатопи ӵемгес кутӥське, уг тодӥськы. Но удмурт куарапышкылонъёслы но соос бордын кутымон кылъёслы сӥзем материалъёс туж ик трос ӧвӧл (оглом вераса, нипон кылын мында материалъёсмы ӧвӧл). Тросгес лыдӟон (но пумиськем кылъёсты соку ик кытчы ке гожтон!) сяна, ономатопи примеръёсыз корпусысь но утчаны луэ (со IMIT шуыса пусйиське).

Огшаплы малпай: куарапышкылон кылъёсын тупан кыллюкам луись ошмесъёсысь лэсьтыны луэ, дыр, одӥг уй куспын быдтон уж, зэм, ӧвӧл ке но. Тунсыкъяськись шедёз-а?

Маке «контэкст» ватсало на:

Ар т’азьло Паладдя Башурова Юнӥкодэ Роси элькун куншетъёсты пыртыны ӵектэ вал. Зэмзэ ке, кодъёс висъясь Юнӥкодын Росиысь ваньмыз улосъёслы кодъёс вань ини — subdivision шуонъёс. Кылсярысь, Удмуртшаерлэн эмоӟиез 🏴RUUD кадь гожтӥське. Висъям кодъёс вань ке но, валтӥсез — соосты тыро-пыдо возьматон суред — ӧвӧл. Со ним-дан басьтыны вуэмез пӧлын Англи эксэйлыкъёс гинэ: 🏴󠁧󠁢󠁳󠁣󠁴󠁿, 🏴󠁧󠁢󠁷󠁬󠁳󠁿, 🏴󠁧󠁢󠁥󠁮󠁧󠁿.

Озьыен, роси элькун куншетъёсты натӥв сямен пыӵатон уж «emoji vendor» шуонъёс бордын: Twitter, Microsoft, Apple но о.а. Али югдурез вераса, Twemoji:е (Twitter:лэн аслаз эмоӟибичетаз) дасям Америка штат куншетъёсты ватсась воштонъёсты санэ понӥллямтэ на, асьмемыз веранэз ӝык.

Берло Тэлеграм выльдонэз верано ке, соин эмоӟи лэсьтэммы луэ ке но, Тэлеграм сьӧрын соосты кутонтэм. Валаны быгатэмея, кылсярысь, 🇯🇵 эмоӟиез Удмуртшаер куншет кадь карыны луэ но, кыӵе ке музон интые кӧчыртыса, Нипоншаер сяна номыр уз луы. Ма, озьыез но ярам, лэся.

Озьы вераса,

Оскалтыны вылысь, Удмуртшаер сяна ӧй лэсьты. Мукетъёссэ лэсьтыны юрттэмды потэ ке, гожтэ!

Ас кожады эмоӟи лэсьтэмды потэ ке, тани Inkscape:ын ужам ошмесфайлэ. Apple (но, озьыен, Тэлеграм) эмоӟиослэн туссылэсь адӟем карыны тырши

(Эмоӟиос та быдӟа луыку, соос бусаськем кадь пото малы ке)

(Али ӟучен верало)

Благодарю всех тех, кто присоединился за последние пару дней! ❤️ Пока прекращаю публиковать здесь новые эмодзи. (В самом наборе они будут пополняться!) Если хотите, чтобы я добавил или исправил какой-то флаг, пишите в комментариях к постам или мне лично и при возможности прикрепляйте изображение

Хочу уточнить, что основная задача этого канала остаётся прежней — здесь я пишу на удмуртском о том, что мне кажется интересным или важным

Сделал ещё дополнительно набор стикеров (доступны всем, но всегда отправляются отдельно большой картинкой)

Тӥ полысь со тэмаен тунсыкъяськисьёс вань ке, толон, кемалась ӧвӧл учкем аниме сярысь кӧня ке гожтӥ. Вераны потэмме ваньзэ гожтэме ӧз пишмы но, валтӥсьсэ вераны тырши

(Таид калленак ниппонофилилы пӧрме ни кадь)

https://kotwys.github.io/articles/haikyuu-no-hi/