تقف علي الشرفه تحتسي كوبا من القهوه، تسللت خصلات من شعرها "الكيرلي" تداعبها تيارات الهواء الجافه هدوء تام، أين ذهب الجميع إنها فقط الثامنه مساء، أجل إنه ذلك الشعور الذي يراودني كلما شرعت في التفكير بك أيها الأسمر، كل يوم أقف في ذات المكان واحادث طيفك، أقتحمتني بطريقه مربكه أنت الوحيد الذي نجحت في سلب تلك المضغه يسار صدري ضاربا بخطوطي الحمراء وبقوانيني عرض الحائط، مهلا من الذي سمح لك بهذا أسأل نفسي السؤال ذاته في كل مره"هو كيف قادر يكون كدا" كنت أغشي ان تفضحني عيناي عند الحديث معك أو حتي النظر إليك، أثناء جولتي المعتاده علي "فيسبوك" صادفت "بست" محتواه " كلنا حنكسر قواعدنا دي لي زول بستحق" هل يمكن أن تكون ذلك الشخص؟ كيف لي أن أكون بهذا الغباء حتما لقد فعلت! صوتك إسمك وحتي عطرك أشياء كافيه كي تربكني وتضيع ثباتي! هل تعلم أني أغار؟ ههه نعم بالطبع اغار حد الفرط! اخخخ الصداع مجددا ااخبرك سرا يا أسمري؟ أنت فوضاي وطمأنينتي في أن واحد! ههههه أنت مُتلفي!

الحلو سرحان وين؟🙂،أُبي!
#Brown
#مشاركات_الاعضاء

_واجعلني اللهُم مُباركًا أينما كُنت.

‏أمّا الخطأ فقد عفونا وأمّا الوِدّ فلا يعود.

‏"أُعاني من عدم الاندماج، كبقعةِ زيت
علىٰ سطح ماء"
_أحمد سالم.

ليس لمصباح الطريق أن يقول إنّ الطريق مُظلم، وإنّما عليه أن يقول ها أنذا مضئ 💡
- مصطفى صادق الرافعي

- "ما نَحنُ إلّا ما نُخفيه مِنّا " ..♥️

يبدأ التكبير المطلق من مغرب هذه الليلة و ينتهى مغرب يوم 13 ذو الحجة.. فأحيوا سنة التكبير وعمِرٌوا بيوتكم بذكر الله..

الله أكبر الله أكبر الله أكبر لا إله إلا الله،،
الله أكبر الله أكبر ولله الحمد.

#وليال_عشر

- لقد طال بيا الانتظار صبراً..!!
- ومن يدري!.. لعل في الايام المقبله ميعاد فرجك وانت لا تدري .. فهي ايام تطال فيها نفحات رحمة الله كل عباده.. الا فتعرض لها ♥️ ~!

..
#ذي_الحجة ♥♥

❤️❤️❤️
اللهم بلغنا عرفة

اللهم آمييين❤️

‏قال الله تعالى :
*(إِذْ هُمَا فِي الْغَارِ إِذْ يَقُولُ لِصَاحِبِهِ لا تَحْزَنْ إِنَّ اللَّهَ مَعَنَا)*
*(إذ هما في الغار)*
أصدق الأصحاب من وقف معك وقت الشدائد ، ورضي بأن يعيش الشدة نفسها معك.

بدأ التكبير المطلق🌸

الله أكبر
الله أكبر
الله أكبر
لا إله إلا الله
الله أكبر
الله أكبر
ولله الحمد
‏﴿ ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ ﴾❤️🌸.

‏

ونعوذ بالله من أن نألف ذنباً ثم يُطبع على القلب..
فنفقد سبُل الوصول !!

اللهم هداية وثبات ❤️🍃

انا طالبه جامعيه كنت شغاله في صالة افراح قبل الحظر ابوي متوفي انا الكبيرة واخوي الاصغر مني عمرو 20 سنه اسي سافر الدهب ليهو 15 يوم ولسه ما جا ونحنا ظروفنا تعبت شديد الفترة دي قطعنا مصاريف واكل واالله حق الشاي ما عندنا ولا سكر بعت تلفوني ومشينا بيهو اسبوع وقطعنا اخواني الصغار بمشو ياكلوو مع شفع الجيران وبجو وامي بترفض تمشي تاكل عندهم تقول لو متنا من الجوع ما بنمشي نشيل لقمة غيرنا من صحنهم وهي عندها سكري م بتتحمل الجووع والله امبارح صحيت الصباح لقيتها رابطه بطنها من الجوع قلبي وجعني طلعت اليوم كلو فتشت شغل ما لقيت حاجه اشتغلو مع الوضع دا والصالات لسه ما اشتغلت انا بس عايزاكم تساعدوني بي مواد اكل اي شي ان شاء الله كيس عدس و رز اي شي يمشينا بس لحدي ما اخوي يجي او انا اشتغل بعد الاوضاع تتصلح وارجع شغلي بس البقدر يساعدني بوصف ليهو البيت ويصلنا لحدي البيت ان شاءالله لو بي كيس عيش وفي ميزان حسناتكم

يا جماعه مناشدة خير عليكم الله انك تشير بوست أو توصلو لي جمعية خيرية إذا بتعرف م صعب عليكم الله شيرو البوست في اي مكان إذا زول عايز يتبرع دا الرقم رسلو ليها
الشير للخير بس😭💛💛💛💛


0128765058

#منقول
"انّا لله و انّا اليه راجعون" .. 💔💔💔

"و ليال عشر " 💛🔥

لو مُمتحن شهادة سودانيِّة البوست دا ليك 💙

أول حاجة أخد نفس عميق كدا وأطلع من الدبرسة بتاعت الإمتحان قرب ويمكن ما أقدر ألحق دي..
قول بسم اللّٰه وأحسبها براحة كدا.. عندك في الشهر دا 11 يوم، وشهر 8 بحالو و13 يوم من شهر 9.. طلع منها يوم العيد وتانية العيد، دي كم يوم؟
53 يوم بالضبط!
53 يوم ل7 مواد.. حأديك إستراتيجيات بسيطة تقدر تعمل بيهم جدول زابط شديد، من خلالو حتقدر تخلص المواد كلها في الفترة دي وكمان تراجعها وتركزها كويس بإذن اللّٰه 👌

-الإستراتيجية الأولى:
بالنسبة لزول ما قرا شيء في الفترة الفاتت دي.. حكاية إنك تمسك مادة واحدة تكملها وتمشي للبعدها يمكن تكون مملة شوية وحتحِس بإنو المادة كتيرة وما عايزة تخلص بالذات المواد المحتاجة حفظ.
-طيب الحل شنو؟
التربية الإسلامية، الإنجليزي، والأدب.. المواد دي خليها ثابتة في جدولك بتاع المذاكرة، قسمها لدروس وكل يوم لازم تقرا درس من كل المواد دي، درس واحد وما تزيد عليهو.. لو بديت من بكرة بالطريقة دي حتنجز الأتِي 👇🏼

" -في 25 يوم حتخلص الأدب
-خلال 38 يوم حتخلص التربية الإسلامية
-تقريبًا القِطع الفي الإنجليزي ما فايتة ال20 فحتقدر تخلصو في أقل من 20 يوم لو كل يوم بتقرا قطعة و 10 أيام أديها للliterature"

كدا ضِمنت إنك خلَّصت مادتين كاملات ومعاهم الأدب، وبدون ما تحِس بي أي ضغطة وإجهاد كبير. 👏

الإستراتيجيَّة التانية:
-عندنا في الشهر دا باقي 9 أيام من غير يوم العيد وتانية العيد أخدوهم إجازة
-شهر 8 نقسمو على ثلاثة أقسام "كل قسم فيهو 10 أيام"
-و 10 أيام من شهر 9

المواد الباقية اللي هي "كيمياء، أحياء/هندسية/حاسوب، فيزياء، رياضيات متخصصة" -بالنسبة للعلمي-
"تاريخ، جغرافيا، دراسات إسلامية، رياضيات أساسية" -بالنسبة للأدبي-
بالإضافة للبلاغة ووالقواعد..

ديل كدا ستة كتب، وبالنسبة للعلمي سبعة كتب -كتابين الرياضيات-

-ال 9 أيام الباقية من الشهر دا أدوها لكتابين بسيطات زي البلاغة مثلًا ومعاها الرياضيات "كتاب رياضيات واحد بس بالنسبة للعلمي.. يُحبذ تدوها للكتاب الثاني"
لما يجي العيد حتكونوا خلصتوا الرياضيات والبلاغة سوا
-باقي الكتب أي كتابين أدوهم 10 أيام، ال 10 الأولى من شهر 8 أدوها للكيمياء بس لأنها تقيلة وبالنسبة للأدبي أدوها للجغرافيا.
-ال10 أيام التانية من شهر 8 أدوها "للأحياء/هندسية/حاسوب" ومعاها الرياضيات الكتاب الأول لأنو بسيط.. وبالنسبة للأدبي أدوها للتاريخ.
-ال10 أيام الأخيرة من شهر 8 أدوها للفيزياء والقواعد، وبالنسبة للأدبي أدوها للدراسات.
-ال10 أيام الأولى من شهر 9 ركزوا فيها القريتيهو وحلوا إمتحانات كتيرة ولو في حاجة حسيتوا إنكم ما مزبطنها زبطوها في الأيام دي.
-ال3 أيام القبل الإمتحان دي ما تجهدوا نفسكم فيها وراجعوا فيها الملاحظات الصغيرة اللاقتكم أثناء قرايتكم.
أها ال53 يوم كفت ولا ما كفت؟

أخر حاجة عايزة أقولها ليكم ما تشتغلوا بالكلام السلبي من نوع لو كنت قريت من زمان كنت خلصت وأنجزت وكنت فعلت وفعلت و...الخ بعد دا الندم ما بفيد بشيء والفات خلاص إنتهى ولسه قدامكم فترة عشان تنجزوا فيها، هي فعلا فترة ضاغطة بس لو عزمتوا عزيمة حقيقية ما في شيء بوقفكم والله 💙
إتوكلوا على ربنا والأيام الجاية دي مباركة فأدعوا فيها كتير شديد، صلوا على الرسول كتير، أصحوا قبل الصبح بساعة صلوا فيها، وأدوا نص ساعة لنفسكم إتخيلوا فيها إنكم جبتوا النسبة العايزنها ورافعين راس أمكم وأبوكم 🌸
وكل ما تحسوا نفسكم تعبتوا رددوا لا حول ولا قوة إلا بالله، رددوها انتوا داخلين ومارقين..
"ما زاحم القرأن شيئًا إلا باركه" حاولوا تداوموا على سورة البقرة كل يوم وحتبارك ليكم في قرايتكم ووقتكم.
أخر حاجة الشهادة السودانية دي عايزة قعدة كرسي وعلى قدر ما تتعبوا هسي حتفرحوا بعدين..
والله الونسة ملحوقة والفيس ملحوق وما في شيء حيفوتكم 😂 كلها أيام بس، أيام حتحدد مستقبلكم فاغتنموها كويس. 🌸

الشير فرض حب 💛