حاجات جايطة 🐣💚

ما تفتكر انك انسان عادي وما عندك اي تاثير في الحياه دي ..

يكفي انو في زول ، واحد من اهدافو " انت " ~

#احمد_حيدر

365 viewsⓕⓛⓖ 🐣💕, 10:53

بيقول :
- لما كنت ف اعدادى كان فيه مدرس عربى يطيق العما ومايطقنيش لمجرد انى كنت بضحك وبهزر اثناء ال " ٦ حصص " الاسبوعية بتوعه .
- لما نتيجة ثانوى طلعت وجبت مجموع كويس الحمد لله ودخلت كلية طب أسنان فيه ناس كتير كانوا مستغربين وشاكين انه فيه حاجه غلط فى الموضوع !
وكان ليهم مبرر واحد بس يثبت عدم أحقيتى للمجموع اللى انا جبته وللكلية اللى انا دخلتها وهو " ان انا بهزر وبضحك كتير " .
- لما كنت شغال فى الصيدلية فيه اتنين من الstaff مجوش ،واحد كان عنده حالة وفاة تقريباً والتانى كان عنده برد ، ف انا حاولت على اد ما اقدر انى اشيل شغلهم واسد مكانهم ومحسسش المدير اللى كان معايا ف الشيفت انه فيه نقص ف العدد ، ف اخر الشيفت لقيت المدير جاى بيقولى " جدع يا رجب والله مع ان هزارك الكتير خلانى اخد فكره عنك انك مش بتاع شغل " .
- على مدار ٨ محطات مترو من السيدة زينب لحد كوبرى القبة دار حوار بينى وبين واحد زميلى معايا ف السكشن واللى ساعتها كان ماشى مضايق على الرغم انه كان جايب درجة من أعلى درجات الدُفعة كلهافى امتحان عملى سخيف جدا ، ف لما سألته عن السبب قالى انه زعل من استنكار الناس للدرجة اللى هو جايبها لمجرد انه مابيبطلش هزار وضحك طول السكشن وعلى جروب الواتس وقالى " يعنى انا لازم انزل من بيتنا مكشر وما بهزرش عشان الناس تحترمنى وتشوفنى حد كويس !! " .
،، ياريت يا جماعة تشيلوا من دماغكوا فكرة ان الناس اللى بتحب الهزار و الضحك ما هم الا عالم تافهة وفاضية من جوا واستحالة يتحملوا مسؤلية فى يوم من الأيام وان الناس السمجه اللى دايماً مكشره هم دول رواد الفضاء اللى هيخلونا نفتح فروع جديدة للتوحيد والنور فى كوكب المشترى من كتر ما هم ناس على اقصى قدر من الجِدية و تحمُل المسؤلية ...
الضحك والهزار هم المورفين اللى الواحد بياخدوا عشان يتحمل سخافة الأيام وروتينها المتكرر ف متكرهوناش فيهم هما كمان الله يرضى عنكم

403 viewsⓕⓛⓖ 🐣💕, 12:38