📚 Бэс ыйын 6⃣ күнэ - Улуу бэйиэт төрөөбүт күнэ.

Будьурхай баттахтаах Пушкиным
Остуолум үрдүттэн мичээрдиир,
Сайаҕас санаабар поэтым
Олоҕо, таптала тиллээхтиир...
Саха норуодунай бэйиэтэ Эллэй

Александр Пушкин хайа да омукка, ханнык да көлүөнэҕэ кэрэхсэнэр дьиҥнээх бэйиэт. Пушкин суруйууларыттан киһи эрэ кынаттанар, уран тыл кэрэ эйгэтигэр уһуйуллар.

"Памятник" хоһоону ааҕыынан тэрээһин үөрүүлээх чааһа арыйыллар. Быйыл хоһоону "Тымтык" түмсүү аахта.

✅✅✅ Икки  улуу суруйааччыны, Пушкины уонна Лермонтовы туох сибээстиирий? Ыалдьыттарга бу иһитиннэрии бүгүҥҥү күн сүрүн тиэмэтинэн буолла. Бары биир тыынынан Магарита Ивановна кэпсээнигэр, ол бириэмэҕэ киирэн ыллылар.

Идейная близость Лермонтова и Пушкина обусловила сходство их литературного пути, обусловила она и тесную связь, которая существует между творчеством Лермонтова и великим творческим опытом его старшего современника.

✅✅✅ 2011сылтан Арассыыйаҕа бэлиэтэнэр Нуучча тылын күнүгэр аналлаах тыл туһунан интэриэһинэй чахчылары, бэлиэтээһиннэри Людмила Афанасьевна билиһиннэрдэ. Бырааһынньыгынан нуучча тылын учууталларыгар эҕэрдэ, махтал тыллара этилиннилэр 💌💌💌

Ол кэмҥэ кулуһуҥҥа чэй оргуйар, күөс буһар 🔥🪣🪵🪵🪵

📸📸📸⬇️⬇️⬇️🌿🌿🌿

✅✅✅ “Мин Пушкиным” аһаҕас микрофону ыалдьыппыт Зинаида Дмитриевна – Дьол Кыыма арыйда. Кини Сунтаарга олорор, СӨ Суруйааччыларын сойууһун чилиэнэ, суруйааччы, Сиэйэ нэһилиэгин Бочуоттаах олохтооҕо, “Сунтаар улууһун култууратын сайдыытыгар кылаатын иһин” бэлиэ хаһаайката. Бу сылга үктэнээт икки саҥа кинигэтэ күн сирин көрдө. “Киһи буолан килбэй”, “Киһи барыта кэрэхсэнэр кэрэлээх” саҥа кинигэлэрин нэһилиэк ааҕааччыларыгар бэлэх уунна. Манна "Кириэстээх кэрэхсэнэр кэрэлэрэ" түһүмэххэ кимнээҕи суруйда, кимниин кэпсэттэ? Кинилэр тустарынан туспа кэпсиэхпит.

📝❤️❤️❤️Ааптары көрсө кинигэ героинялара кэллилэр. Олус истиҥник санаан- ахтан махтал үтүө тылларын, баҕа санааларын тиэртилэр.

⬇️📚⬇️📚⬇️📚⬇️📸📸📸
Салҕыыта сарсын 🤫

🌲🌲🌲 Сайылык Уола сылын аайы Пушкин күнүгэр дьиэ кэргэнинэн кэлэн кыттар үгэстээх. Бу сырыыга кэргэнэ Ия Валерьевналыын ыалдьыттаата. "Аһаҕас микрофон" киниэхэ куруук аһаҕас. Анаарыылар, хоһоонноруттан ааҕыы, айар үлэ тула санаалар, Пушкиҥҥа бэйэтин көҥүл тылбааһа барыта истээччигэ туһуланар. Кэлбит дьон бу күннэргэ Сайылык Уола "Аарыма" сэһэн салҕыытын саҕалаабытын сэргии, үөрэ иһиттилэр.

📸📸📸⬇️⬇️⬇️🖊️🖊️🖊️