⭐️⭐️⭐️ Сыллата тэриллэр “Кыайыы дьыктаана» патриотическай аахсыйа бүгүн И.Г. Спиридонов аатынан Кириэстээх политехническэй орто оскуолатыгар ыытылынна. Бу сырыыга барыта 31 үөрэнээччи икки былаһаакканан суруйда. 45 мүнүүтэ иһигэр кыттааччылар 25 боппуруоска эппиэттээтилэр.

📎📎📎 Бу биир уруок иһигэр ыытыллыбыт дьыктаан Аҕа дойду улуу сэриитин туһунан дьон бэйэтин билиитин бэрэбиэркэлэнэригэр, хаҥатарыгар кыах биэрэр. Уоттаах сэрии алдьархайын билбэтэх дьон урукку курдук өрүү эйэлээх олох баар буолуон баҕараллар. Улуу Кыайыы өрөгөйүн хас биирдиибит билиэхтээх, өйдүөхтээх уонна умнуо суохтаах. Кыттыыны ылбыт үөрэнээччилэргэ, тэрийсибит волонтердарга махтанабыт.

📎📎📎 Хас биирдии кыттааччы Туоһу сурук тутта. Түмүгү http://диктантпобеды.рф сайтка көрүөхтэрэ.

Улуу Кыайыы – Дойдубут устуоруйата!

#Кыайыы_80 #библионочь

🔠🔠🔠 Аҕа дойду Улуу сэриитэ хас биирдии киһи олоҕор ыар охсуулаахтык ааспыта. Биһиги нэһилиэкпититтэн үгүс элбэх чулуу дьон ол уоттаах сэриигэ баран суорума суолламмыта, сураҕа суох сүппүттэрэ. Эргиллэн кэлбитэ бу билиҥҥи кэмҥэ дылы бэрт аҕыйах этэ. Буоларын курдук үксүгэр тустаах киһи аата, буолан ааспыт ханнык эрэ түбэлтэ ситэ биллибэккэ умнууга барара баар суол. Биһиги ону барытын билбэппит уонна өйдүү - саныы сылдьыбаппыт. Ол иһин сылтан сыл маннык араас бырайыактарга кыттан, кыра да буоллар суолталаах үлэбитинэн сэрии ыар сылларыгар эһэлэрбит, эбэлэрбит кыайыыны уһансыыга сыралаах үлэлэрин, кыргыһыы хонуутугар геройдуу кыргыспыт саха саллааттарын ааттарын үйэтитиигэ олук ууруохтаахпыт.

🔠🔠🔠 Бу үөрэх дьылыгар ыытыллыбыт "Аҕа дойду сэриитигэр кыттыбыт биир дойдулаахтарбыт" диэн бырайыак чэрчитинэн үөрэнээччилэр чинчийбит үлэлэрин аһаҕас истии ыытылынна. Манна 1 – 11 кылаас бары кыттыыны ылбыта, аһаҕас истиигэ орто, улахан кылаас оҕолорун иһиттибит. Бу үлэ түмүгүнэн “Стена памяти” аһыллыа, Кыайыыны чугаһатыспыт дьоммут хаартыскаларын оскуола истиэнэтигэр ыйаан бар – дьон билиитигэр таһаарыахтара.

Ким да умнуллубат, туох да умнуллубат!

#Кыайыы_80 #библионочь

⤵️⤵️⤵️