" ان لشيعتنا بولايتنا عصمة" الامام علي بن محمد (الهادي) عليه السلام قالها

الامام علي بن محمد (الهادي) عليه السلام قال

: « يا سهل ، ان لشيعتنا بولايتنا عصمة ، لو سلكوا بها لجج البحار الغامرة وسباسب البيداء الغابرة ، بين سباعٍ وذئابٍ وأعادي الجن والانس ، أمنوا من مخاوفهم بنا وبولايتنا ، فثق بالله تعالى ، واخلص الولاء لائمتك الطيبين ، الطاهرين ، وتوجه حيث شئت.

يا سهل اذا أصبحتَ وقلتَ ثلاثاً : أصبَحتُ اللّهُمَّ مُعتَصِماً بِذِمامِكَ وجوارِكَ المنِيعِ الذي لا يُطاوَلُ ولا يُحاوَلُ ، مِن شَرِّ كُلِّ طارِقٍ وغاشِمٍ مِن سائِرِ مَن خلَقَت وما خَلَقتَ مِن خَلقِكَ الصّامِتِ والنّاطِقِ ، في جُنَّةٍ من كُلِّ مخوفٍ ، بلِباسٍ سائِغَةٍ حصِينَةٍ ، وهيَ وَلاء أهلِ نَبيِّكَ ، مُحتَجِزاً من كلِّ قاصِدٍ لي إلى أذِيةٍ بجدارٍ حَصِين : الاخلاصُ في الاعتِرافِ بحَقِّهِم ، والتَمَسُّك بِحَبلِهِم جميعاً ، مُوقِناً أنَّ الحقَّ لَهُم وَمَعهُم وَمِنهُم وَفِيهم وَبهِم ، اُوالي مَن والَوا ، واُعادِي مَنْ عادَوا ، واُجانِبُ مَن جانبُوا ، فأعِذني اللّهُمَ بهم مِن شَرِّ كلِّ ما أتقيه ،
إِنَّا جَعَلْنَا فِي أَعْنَاقِهِمْ أَغْلَالًا فَهِيَ إِلَى الْأَذْقَانِ فَهُمْ مُقْمَحُونَ

وَجَعَلْنَا مِنْ بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ
وقلتها عند المساء ثلاثاً امنت مخاوفك.

*[ ريحني ياموت ]*

أداء: الملا #أحمد_الخيكاني
كلمات: الشاعر #كرار_حسين_الكربلائي


https://youtu.be/q3q7bLDMopk
ليالي شهر رجب اﻷصب لسنة 1441 هـ - 2020 م
ليالي إستشهاد كعبة الأحزان العقيلة زينب الكبرى عليها السلام
عزاء قرار السماء - العراق - بغداد - مدينة الصدر

مونتاج وتنفيذ: محمد الخرساني
مكساج: أحمد البرمكي
إنتاج: خدام الجوادين للانتاج الفني
النشر الشبكي: علاء بركات العاملي


#احمد_الخيكاني
#كرار_حسين_الكربلائي
#الليالي_الزينبيه_1441هـ

آية غيره للناس يا عباس
...
صار دار لاصحاب الوفه
لاح فاح عطر العاطفه

نور يضوي كل دنيانه
نور واضح بعنوانه

منبع الغيره
منور الديره

رب الغيره تنقاس يا عباس
...
الماي جاي يم چفه عبد
لا ما مثله ينوجد

صاح صارمه بچفوفه
صاح خادمه وما عوفه

حي ابو فاضل
ضي علي شايل
ينثر عطرك احساس
...
سور نور والنون والقلم
صال جال شيال العلم

موت واگف بميدانه
موت نازل بعدوانه

غيرته تلهب
هذا اخو زينب

الجيش برجلك انداس يا عباس
...
بان چان بچفوفه الأجل
مال شال آيات الامل

سيف صله فوگ يمينه
وسيف يخاف خزرة عينه

عالي ما يخضع
بس لله يركع

اگبالك ماتت انفاس يا عباس
...
غيم ضيم يمطر بالحرب
صوت موت ما يرجف گلب

شاء كربله يجعلها
شاء عاليها سافلها

چنه ابو الحمله
وين اكو مثله
سيفك أدّب ارجاس يا عباس
....

ما ينوصف حيره
عباس ابو الغيره
...
نور الگمر ويه الگمر لا والله ما ينقاس
الله خلق كل الضوه من ضحكة العباس
من نظرته سوه النجم وانفاسه تنثر ياس
وحده ولا شريك اله بين البشر يا ناس

اجمل تعابيره
عباس ابو الغيره
...
من شافه يوسف ظل يرتل سورة الرحمن
عباس اخو ثالث الى اللؤلؤِ
والمرجان
لله حاشا ان يُعد بين البشر انسان
قرآن حيدر وانولد قران من قران

هيمّنه تفسيره
عباس ابو الغيره
...
عباس اجه بهيئة علم بس بوجه كوكب
هذا العلم اصبح علم للدين والمذهب
عنده اعز واجمل لقب عباس اخو زينب
هو النهر ماي النهر من چفه ظل يشرب

محد اكو غيره
عباس ابو الغيره
...
نور العرش من العرش فوگ الارض نازل
راية علي وهيبة علي وغيرة علي شايل
يصعد عله متون السمه لو رايد يقاتل
حته الهوه يصرخ دخيلك يا ابو فاضل

كل طبره تكبيره
عباس ابو الغيره
...
شيعي گمر هاشم نزل واوصافه شيعيه
بلسانه يلعن قاتلي فاطمه يوميه
من تعتنيله ما يردك ميه بالميه
بس گول زينب واعتبرها الحاجه مگضيه

شيخ اعله هالديره
عباس ابو الغيره
...
خادم الحسين ( عليه السلام)
كرار حسين الكربلائي
( ابو كميل)
شمال تهران ..
4 شعبان
1438 هـ

من جمال اعيونه
الوادم ايسمونه
يا يوسف المدينه .. يا يوسف المدينه
...
علي الاكبر عشگ يكبر على مر الدهر
وفه وغيره بتعابيره تراتيل السحر
على عمه طلع رسمه جماله من الگمر
نبع صافي و حلم غافي عله رموش السهر

كل شمايل حيدر
اتجمعت بالاكبر
بآس النجم جبينه
...
السموات السبع نزلت سمه تتبع سمه
تبسم وانتشر جوهر جمال بمبسمه
محمد كربله قادم فرحنه بمقدمه
هوادج نور نزلتله بقيادة فاطمه

فاطميه اوصافه
والعسل بشفافه
غٓيمة مطر حنينه
...
علي الاكبر سطع وجهه البدر خل تختفي
الشمس لو شاهدت نوره ضياها ينطفي
زليخه الآن لو تنظر جماله اليوسفي
تجي وتسجد له وبطلعة خياله تكتفي

ليله تسلم ايدج
يا حلاة وليدج
صٓلو على نبينه
...
اذا يمشي بأرض جدمه تخضر بالورد
اليمر بالصيف من يمه يموت من البرد
الزعل بعيونه لو بيّن علي چنه ويهد
الحرب والبالحرب تاخذ تحيه وتستعد

من يهوّس سيفه
تصير كلها بكيفه
يٓمنة علي يمينه
...
شگولن عنه وبوجهه مهابة بسمله
شسميه علي لو عباس لو سيد المله
سمعنه بيوم ميلاده تهلهل كربله
هله بنوره هله بسيفه هله و مية هله

حاير بتفسيره
كربلائي الغيره
وٓينه اليشبهه وينه
...
خادم الحسين ( عليه السلام)
كرار حسين الكربلائي
( ابو كميل)

حبيب گلوبنه .. شفيع ذنوبنه
ابا عبد الله .. ابا عبد الله
...
اجيت وجابك الله رحمه للوادم
يهنياله الدليله بهالعشگ هايم
تره طبع الخدامه عيب عند الناس
بس انت ايتباهه الصار الك خادم
يعطر انفاسنه .. يتاج براسنه
ابا عبد الله .. ابا عبد الله
...
يآيه وحيرتنه بلغز تفسيرك
ما إلنه سوالك ومالنه غيرك
يا سُفره اعله گد الكره الارضيه
حته الما يعرفك ياكل بخيرك
صرت مجنونك .. دخيل اعيونك
ابا عبد الله .. ابا عبد الله
...
يخيمتنه الچبيره البالوفه اتلمنه
مثل ويلادك بچفينك اتضمنه
يبو السجاد چي صرنه الك خدام
املاك السمه تتمنه تخدمنه
عشگت احروفك .. ابد ما عوفك
ابا عبد الله .. ابا عبد الله
...
يمصباح الهدايه وعالفلك ضوّه
من شلال حبك كلنه نتروه
لو ما انته المن بالحياة انعيش
لولاك العمر فلسين ما يسوه
يمعنه سنيني .. محبتك ديني
ابا عبد الله .. ابا عبد الله
...
هَواي انته وبدونك تختنگ ريتي
حُسيني ودوم اتباهه بحُسينيتي
عابس من جنونه خل بيه اجنون
وعباسك الوقّع بيدي جنسيتي
وحگ عباسك .. غمرني احساسك
ابا عبد الله .. ابا عبد الله
...
خادم الحسين ( عليه السلام)
كرار حسين الكربلائي
( ابو كميل)

ميلادك
يا علي هالليله
اعيادك
يا علي هالليله
يا زين العباد .. يا زين العباد
...
ياهله وهمومنه خل تنجلي
صرخة الاحباب بسمك تعتلي
يا عشگنه وانت حبنه الاولي
بأبي انت وامي يا علي

تنورنه
يا علي هالليله
تسحرنه
يا علي هالليله
بابٌ للرشاد
يا زين العباد
...
مولدك فرحه ونسيت احزاني
لو سكت گلبي يصيح لساني
انت انت الواحد بلا ثاني
من الطفوله عايش بوجداني

بايعتك
يا علي هالليله
تابعتك
يا علي هالليله
نورت البلاد
يا زين العباد
...
كوكب العصمه التضوي ادروبي
بالنسيم ابعث الك مكتوبي
انت محبوبي وتظل محبوبي
لو صحت بسمك تطيح اذنوبي

ترعانه
يا علي هالليله
مولانه
يا علي هالليله
يا راية جهاد
يا زين العباد
..
انته كعبتنه الوجوب انطوفك
وبگلبنه شايلين حروفك
لا وحگ حيدر علي منعوفك
رايه انت بكل زمان نشوفك
ناديتك
يا علي هالليله
واليتك
يا علي هالليله
حبك احله زاد
يا زين العباد
...
اعيونه شمعة فرح نهديها
للبقيع اويه الهوه نوديها
ان شالله گُبتك ذهب نبيها
بحضرتك ليلة حفل نحييها

افراحنه
يا علي هالليله
بفراحنه
يا علي هالليله
يا بحر السداد
يا زين العباد
..
خادم الحسين عليه السلام
كرار حسين الكربلائي
( ابو كميل)

هله هله گلب المحب صاح
هله هله شعبان الافراح
..
يا شهر يل فرّحت كل الموالين
احنه مديونين الك مانوفي بالدين
صحنه ودموع السعاده اتكحل العين
يا هله ومية هله بميلاد الحسين
هله هله يا احله مصباح
..
لاحت بعين الليالي دمعة احساس
والسمه تنثر نجوم معطره بياس
رابع بشعبان گامت تهتف الناس
يا هله ومية هله بميلاد عباس
هله هله بدر الوفه لاح
...
يا شهر ايام شهرك كلها اعياد
تنضح افراح وسعاده وخير وامجاد
يوم خامس بيك يصدف احله ميلاد
يا هله ومية هله يا زين العباد
هله هله عطر الابه فاح
...
بداخلي قلعة عشگ كل لحظه تكبر
بگلبي آذان الفرح هليله كبّر
يا خلگ يوم اهدعش من حگي اسهر
وصيحتي كل الهله يا علي الاكبر
هله هله گلبي اله راح
...
١٥ شعبان لازم انطي عهدي
انتظر محبوبي وادموعي اعله خدي
اندعي ساعة ظهوره النه تبدي
عجل الله فرجك مهدي يمهدي
هله هله يا نهج الاصلاح