واغربتاه
آه يبني يا غريب الكاظميه
...
دهري يرميني بسهم بولادي كل يوم
وهسه يالكاظم اجيت وضلعي مهشوم
الدنيه كلها تصيح واويلي يمسموم
يبني روحي عالسجن بالفاجعه تحوم
آيا غريب ... انت يا سابع بدر راح منديه
...
يُمه سجنك هذا يشبه بيت الاحزان
انه هم مثلك گضيته عمري اشجان
ليش يبني مگيديك وذنبك اشچان
شسبب ما يالكاظم يأذيك سجان

يبني الحبيب .. هذا جرحك ينزف ما طاب بيه
...

ليش يوليدي بحديد مگيدينك
يُمه حته السجن يبجي من ونينك
آنه امك وانمرد گلبي بحنينك
مثل عيني يبني سطروك اعله عينك

والله شمصاب .. العين حمره وعادت مصابي عليه
...
كافي من نوحك ييمه عذبتني
يذوب چبدك بالحزن لو شاهدتني
مثل متنك يلعب السوط اعله متني
بالمصايب والنوايب شابهتني

كل عمري راح .. بالمدامع والنياحه والعزيه
....
يبني وي چبدك احسن چبدي گطعوه
اگبال عيني هالنعش عالجسر خلوه
حسين جدك عالترب عريان عافوه
بكربله من الگفه عطشان ذبحوه

أي وا حسين .. والله ما انسه مصاب الغاضريه
...
انه من يوم المتت گلبي بونينه
اسمع الناعي ينادي بحنينه
نوحي عالاولاد يا زهره الحزينه
بكربلا واحد واحد في المدينه

وا زينباه .. من بعد ذاك الخدر راحت سبيه
...
خادم الحسين ( عليه السلام)
كرار حسين الكربلائي
( ابو كميل)

نزل وحي الموت ياخذ روحي بالسجن
گعد يم راسي يعد جروحي بالسجن
شاف بعيوني حيره
لا اهل لا عشيره
بالسجن .. بالسجن
...
خمسطعش عام كاظم الغيض
وي سجدته الطويله
بغربته ذيج بالسجن شاف
وحي الأجل هالليله

قبّل يمينه الطاهره ناح وسجد يمه
يبچي اعله حالت سيّده بجنحه مسح دمه

وظل يسولفله الامام السابع
قصته
هالمسيه يسمع الماسامع قصته
محنه كلش جبيره
لا اهل لا عشيره
بالسجن .. بالسجن
...
يا وحي الموت عايش اسنين
محد سأل عليه
برگبتي گيد بالجدم گيد
والسلسله بديه

إسأل حياطين السجن
تحچيلك جروحي
ليل ونهار بغربتي ومعذبه روحي

دنيه ظلمه وما شفت كل راحه بدنيتي
ما اميّز ليلي من مصباحه
بدنيتي
عمري شنهو مصيره
لا اهل لا عشيره
بالسجن .. بالسجن
...
يا وحي الموت عندي سجان
يتلذذ بونيني
حمره عيناي والسبب چان
هو سطرني بعيني

خل عينك اتشوف المتن ويذهلك المشهد
يضربني سوط بكل مسه وصار المتن أسود

روحي صارت عالحزن معتاده
للأسف
والزمن ما يحترم اسياده
للأسف
حزني ما صح نظيره
لا اهل لا عشيره
بالسجن .. بالسجن
...
يا وحي الموت من عذابي
گمت اندعي بصلاتي
يا إلهي بفاطمه اعليك
قرّب الي وفاتي

يوم الفرج اريده بس الفرج وينه
والمثلي عايش بالغرب شيسوي بسنينه

والله مشتاگ لهلي واحبابي
يالأجل
من زمان انتظرك اتدگ بابي يالأجل

روحي للهم اسيره
لا اهل لا عشيره
بالسجن .. بالسجن
...
يا وحي الموت أُقبض الروح
خل ينتهي مراري
بجسر الاحزان شيعتي هناك
ملهوفه بنتظاري

جمعه اعله جمعه انتظر
يمته يجي موتي
رايح اروح لشيعتي
شايلني تابوتي

وانه ميت روحي تتلگاهم
عالجسر
وينتظرإبني الرضا وياهم
عالجسر
بس دموعي الغزيره
لا اهل لا عشيره
بالسجن .. بالسجن
...
يا وحي الموت قصتي هاي
من اعظم المصايب
ثاري موجود والامل صار
بيد الامام الغايب

المهدي بسلامه من يجي الثارات بظهوره
ثار الذبح ثار السبي وضلوع مكسوره

الشيعه خلها تندعي بكل ليله بالفرج
واليحبنه المنتظر يدعيله بالفرج

الغايب الكله غيره
لا اهل لا عشيره
بالسجن .. بالسجن
...
خادم الحسين ( عليه السلام)
كرار حسين الكربلائي
( ابو كميل)

يا ربْ اُمنياتي .. تعجل وفاتي
..
من دمعتي اتوضيت بثوب السجن صليت وگلت بقنوتي
ربي يرب البيت من دنيتي مليت عجّلي موتي
ونة غرب ونيت يا ربي وشتاگيت لهلي واخوتي
ولصحبتي حنيت بهذا السجن ظليت آنه وسكوتي
دعواتي بصلاتي
تعجل وفاتي
...
حزني حزن يعگوب صبري صبر ايوب وبگلبي ناري
صابر عله المكتوب يالبالشدد مندوب طال انتظاري
لو مرني وكت اغروب اشعر دليلي يذوب مثل احتضاري
انسدت عليه البوب ما يمي كل محبوب وانه بمراري
أُمنيتي بحياتي
تعجل وفاتي
..
يارب عليك ايهون ؟ اكضي العمر مسجون وجروحي تكبر
تسمع يرب الكون أقره بسجن هارون آية المضطر
منك اريد العون الليله وفاتي تكون واحبابي تحضر
مشبوحه ليه اعيون عالجسر ينتظرون موسى اْبنَ جعفر
اترقب نجاتي
تعجل وفاتي
..
انطي الوجه لا وين ياربي تعلم زين شيمر عليّه
عدواني تطلب دَين سطروني فوگ العين مثل الزچيه
متگيّد الچفين واذكر ابو الحسنين بگْيود اديه
ضربوني عالمتنين وذْكرت زينب حين راحت سبيه
قصة ذكرياتي
تعجل وفاتي
..
ما فاركتني الاه والحسره والويلاه تجري اويه دمي
ابني الرضا وفرگاه ومعصومه تبچي وياه
ومشتاگه أمي
ساعدني يا الله عبدك الك شكواه بس انته يمي
ضيم السجن انساه والاجل اتمناه يكتبلي اسمي
تدري بنايباتي
تعجل وفاتي
..
هالدعوه من مظلوم يرفعها ياقيوم وانته تسمعه
فرّج عنِ المهموم بعيونه ما مر نوم من سجنه طلعه
بس وجهك الي يدوم خل المنيه تحوم وبروحه تسعه
شيعتي اتصيح اليوم ويلي عله المسموم
ونعشي تشيّعه
بشاني وبغلاتي
تعجل وفاتي

نعم ايها الموالون وإن امامكم الكاظم قضى حياته من زنزانه الى زنزانه ومن طامورةٍ الى طاموره ومن سجن الى سجن وهو على هذا الحال لمدة اثني عشر سنه على اقل الروايات ، هذا وكانوا يُؤمّرون عليه اشد الحراس واغلظهم خُلقاً واخلاقا ، وكان من اقسى الحُرّاس عليه السندي بن شاهك حيث كان يُقتّر عليه حتى الطعام والماء ، فكان امامكم يبيت ليالي وقلبه يتلظى عطشاً وامعائه تتقطع من الجوع ، حتى رُويَ في يومٍ من الايام كان هارون الرشيد يتطلع على السجون من شُرفةٍ عاليه حتى رأى خُرقةً في ظلام السجن فسأل السندي ما هذه الخرقه فقالوا له انها ليست بخرقه انه موسى ابن جعفر ، وفي احدى الليالي ضاق صدر الامام واقترب من النافذه لكي يَشُمَ الهواء فلطمه الحارس على وجهه ( لله يا آل محمد كم مرة لُطمت وجوهكم تارةً امكم الزهراء وتارةً عَلَوياتكم في كربلاء وانتهى الامر بموسى ابن جعفر ، الى ان قرر الظالم القضاء على امامكم فسقاه السُم حتى تقطعت كبد الامام في جوفه، وظل في ذلك السجن المظلم يتقلب يميناً وشمالاً والقيود على رقبته وقدميه حتى عرق جبينه مدد رجليه واسبل يديه واغمض عينيه وفارقت روحه الحياة رحم الله من نادى وا اماماه وا مسموماه واغريباً واموسى بن جعفراه

مسجون گضّه العمر وحده
وگيده جرح رگبته وزنده
مثل فاطمه مسطور خده
هارون تالي اجه بحقده
سگاه سم ويويلي انمرد چبده
بطامورة السندي مات وحده
يا ناس محد حضر عنده
بعيدين عنه هله وولده
..
حتى اعطا موعداً لبن سويد ان الملتقى يوم الجُمُعةِ ضُحىً على جسر بغداد ، هذا والشيعه متجمعون ينتظرون قدوم اِمامِهم ، واذا بجنازه تُقبل على اكتاف اربعةً من حماميل بغداد ومنادياً ينادي هذا امام الرافضه مات حتفَ أنفه ،

لغريب الدار دم صبن يالعيون
عله الگضه حياته بغرب مسجون
حماميل اربعه لنعشه يشيلون
وين اهله وعمامه خل يحضرون

اجاه الرضه وصاح بصوت يابه
آيمصابك الما صح مصابه
سجنك ليش محد فتح بابه
وگلبك ليش سم الحقد ذابه

وكأني بمعصومه بنت الامام موسى جعفر صاحت

يا والدي والله هظيمه
اتروح واظل من بعدك يتيمه
اثاري الابو يا ناس خيمه
يفيي عله عياله وحريمه

نعم ايها الموالون غسلوه كفنوه شيعوه دفنوه

انا حَر قلبي الى جده الحسين ظل ثلاثاً بلا غسل ولا كفنٍ ولا دفن ، هذا والزهراء تنظر ولدها مقطوع الراس سليب الجسد عرياناً على رمضاء كربلاء

يمه حسين نحرك ليش گطعوه
وراسك ليش فوك الرمح شالوه
شفت صدرك بحافر خيل سحگوه

انه الوالده يحسين يبني
يمن ريت ذباحك ذبحني
اسعدني عله ابني يالتحبني

وكأني بجواب الحسين
يمه يمه

اعله ضلعج مره وحده الباب طبگوه
وأنه ضلعي درب للخيل خلّوه
والحافر احس من ظهري طلعوه
الحوافر حمره مصبوغات بالدم
...
ضلعج من تكسر مره وحده
وانه الخياله فوگي روحه رده
وشمرها يصيح دوسو عدل بعده
ما ظل عظم بيه ما تهشم
..
علامه راعي الثار ما يظهر علامه
وينشر لليتانونه علامه
نسه بمتون عماته علامه
من ضرب الزجر وسياط اميه

ما غسلوه وما لفوه في كفنٍ

يقال ان عمر العباس ( عليه السلام) في يوم ميلاد مولانا علي الاكبر كان عمره الشريف عشر سنوات فذهب الى باب الحسين مهنئاً له

...

دگ باب الحسين ودخل للجنه
اجدامه من الفرح بالگوه شالنه
صاحب واجبه من عمر عشر سنين
هو الزين بس للزين يتعنه
هاشم تنطي واجب سيف للمولود
وتعلمه المراجل من زغر سنه
وسيف لعلي الاكبر صوغة العباس
مو مثل العرب صوغاتهم حِنه
كاروكه سمه عالمثله ضيگه الگاع
السمه والگاع الاكبر سولفن عنه
مو ياهو اليجي تسميه چبير الناس
البشر غير المواقف ما يكبرنه
وما هز الجذع هز المهد عباس
كرامه والف عيسى لهاي يتمنه
يالاكبر گاله اِكبر بساع بساع
تره طولك الطف ياخذ ضوه منه
بوكت محد يسولف كربله ديوان
وشاهد سالفه باچر نصير احنه
نطب اثنينه بموسم حصاد الروس
وآخر نقطه بالتاريخ تجمعنه
باچر خل نسوي الما يصير هناك
باچر كلها تسكت والحچي يمنه
نخلي الزلم تركض اكثر من الخيل
الگاع تكزبر من الصوت لو صحنه
ييوسف والتشوفك ما تگطع اچفوف
تدنگ روسها وتگلك اذبحنه
احبك بالزعل وجهك مرايه يصير
واغطي سيوفهم عن لا يحسدنه
بعدك بالمهد واجمل بشر عالگاع
اذا عمك گمر ولمهدك اتعنه
إكبر حته تكبر كربله بطاريك
وتلبس من جمالك ثوبها الجنه
واستانس حسين بسالفة عباس
وحس بالدنيه ضحكت من ضحك سنه
آخر كلمه چانت خويه الف عالخير
يخيميتنه الچبيره الدوم تجمعنه

يقال ان عمر العباس ( عليه السلام) في يوم ميلاد مولانا علي الاكبر كان عمره الشريف عشر سنوات فذهب الى باب الحسين مهنئاً له

...

دگ باب الحسين ودخل للجنه
اجدامه من الفرح بالگوه شالنه
صاحب واجبه من عمر عشر سنين
هو الزين بس للزين يتعنه
هاشم تنطي واجب سيف للمولود
وتعلمه المراجل من زغر سنه
وسيف لعلي الاكبر صوغة العباس
مو مثل العرب صوغاتهم حِنه
كاروكه سمه عالمثله ضيگه الگاع
السمه والگاع الاكبر سولفن عنه
مو ياهو اليجي تسميه چبير الناس
البشر غير المواقف ما يكبرنه
وما هز الجذع هز المهد عباس
كرامه والف عيسى لهاي يتمنه
يالاكبر گاله اِكبر بساع بساع
تره طولك الطف ياخذ ضوه منه
بوكت محد يسولف كربله ديوان
وشاهد سالفه باچر نصير احنه
نطب اثنينه بموسم حصاد الروس
وآخر نقطه بالتاريخ تجمعنه
باچر خل نسوي الما يصير هناك
باچر كلها تسكت والحچي يمنه
نخلي الزلم تركض اكثر من الخيل
الگاع تكزبر من الصوت لو صحنه
ييوسف والتشوفك ما تگطع اچفوف
تدنگ روسها وتگلك اذبحنه
احبك بالزعل وجهك مرايه يصير
واغطي سيوفهم عن لا يحسدنه
بعدك بالمهد واجمل بشر عالگاع
اذا عمك گمر ولمهدك اتعنه
إكبر حته تكبر كربله بطاريك
وتلبس من جمالك ثوبها الجنه
واستانس حسين بسالفة عباس
وحس بالدنيه ضحكت من ضحك سنه
آخر كلمه چانت خويه الف عالخير
يخيميتنه الچبيره الدوم تجمعنه

🌙اخواني وأخواتي 🌙

🌙فكرة رائعة لشهر رمضان🌙

كل إمرأةوهي تحضر( تطبخ) الفطور
كل يوم
تنوي الفطور( السفرة) حسب الإسم الذي في الجدول التالي:

جدول سفرتنا لشهر رمضان الكريم :

1 النبي محمد صلى الله عليه واله
2 مولاتنا الزهراء عليها السلام
3 الامام علي عليه السلام
4 الامام الحسن عليه السلام
5 الامام الحسين عليه السلام
6 الامام السجاد عليه السلام
7 الامام الباقر عليه السلام
8 الامام الصادق عليه السلام
9 الامام الكاظم عليه السلام
10 الامام الرضا عليه السلام
11 الامام الجواد عليه السلام
12 الامام الهادي عليه السلام
13 الامام العسكري عليه السلام
14 الامام المهدي عجل الله فرجه
15السيدة نرجس ام الامام المهدي
16 السيدة فاطمه بنت اسد
17السيدة زينب بت الامام علي
18 السيدة رقية
19 باب الحوائج الطفل الرضيع
20 مسلم بن عقيل
21 هاني بن عروة
22 خوله بت الامام الحسين
23 ابو الفضل العباس
24 علي الاكبر
25 القاسم بن الحسن
26 حبيب بن مظاهر
27 سلمان المحمدي
28 السيدة فاطمة المعصومة
29 السيدة خديجة
30 السيدة شريفه بنت الامام الحسن

حتى تكثر البركة في الفطور
ونسالكم الدعاء

ملاحظة

مثال اليوم الاول
تنوون السفرة للنبي محمد صلى الله عليه واله
وتهدون له الفاتحة 🙏🏻مع الصلوات ثلاثا

فكرة حلوة تعم البركة بالبيت طول الشهر.


إنشر تؤجر 👆👆👆

يمته اشوفك وانت سلطان الزمان
وانه كناس اعله باب المملكه
ومثل هاي الجمعه اسجدلك واگول
اعليك يا مهدينه جمعه مباركه
...
#كرار_حسين_الكربلائي

عله باب الحسن
اوگف يا زمن
مسكيناً ويتيماً وأسيرا
...
يا جماله ويا كماله وطلعته
ساجده شمس الاصيل لجبهته
هللت مكه وتطوف بوجنته
والصفا ومروه سعن يم حضرته
قران الإبه
إسمه المجتبى
لله عنواناً و سفيرا
...
نص شهر صامه بعرش ربنه العلي
ايكمل اصيامه اجه بمنزل علي
لا تلمني بالعشگ يا عاذلي
انما الحب لحبيبي الاولي
اشرق بالسمه
وارث فاطمه
قد جاءَ يهدينا ونذيرا
...
بالمهد يسمع اجه خطار إله
والحسن يا مرحبه صوته اعتله
من الزغر يمه ربت كلمة هله
وانبعث إلنه يحل كل مشكله
بس ناديه مدد
تنحل الشدد
للناسِ سلطاناً ومجيرا
...
طشت الدنيه على مهده ورد
بكل زمن صاحب بخت من ينگصد
اليعتنيله بطلبته بفرحه يرد
حاتم الطائي على بابه عبد
بس هو العلم
والباقي وهم
مصباحاً وضّاحاً ومنيرا
...
اني ابقه خادم لأمره ومطيع
الگضّه عمره بخدمته ايعيش بربيع
بكل گلب گبره انبنه مو بالبقيع
آخره ودنيه ابو محمد شفيع
نبراس الوفه
شبل المصطفه
وعداهُ سوف تُسقى زمهريرا
...
خادم الحسين ( عليه السلام)
كرار حسين الكربلائي
( ابو كميل)

يا رب الحسن صلي على جده محمد
وآلِ محمد
...
اعلگ عمري شمعه لجيتك
يامن شايع بالكون صيتك
تقبل مني روحي ريتك
واصبح تربان يم باب بيتك

يالحسن مجنونك ما اعيش بدونك
وبجمال عيونك هيمتني

خادمك للتالي بين اديك آمالي
يا حبيبي الغالي هيمتني

من تظلم حياتي انه اشوفك احله فرقد
ها يا أحله فرقد
...
عبدك خادم بين اچفوفك
ليلي انهاري اقره حروفك
اتشرُف عيني من اتشوفك
اقسم والله لا ماعوفك

يا نبع من كوثر انت شمعة حيدر
عمري كل ما يكبر حبي يكبر

يا مليك احساسي بيك اشيلن راسي
وبعدد انفاسي حبي يكبر

اسمك ما نسيته ما نسيته الله يشهد
الله اعليه يشهد
...
صاحي غافي اسمك ذكري
بزغري مسلم بيدك أمري
شعندي غيرك وانت تدري
عايش ميت حبك ذخري

من گبل ميلادك واضح بأمجادك
لا وحگ اجدادك ما املّك
وحي حبك يوحي يا طبيب جروحي
لو امل من روحي ما املّك

أذنّت بودادك وبودادك صوتي رد
هذا صوتي ردد
...
سافر گلبي وراح لدارك
برمضان يسمع دعوة اسحارك
بمهدك روحي شافت انوارك
ناديت يا زهـ راء امبارك

بُشره واجمل بُشره باركت للزهره
انت چفك سُفره لليتامه
گلبي ودع ضيمه فضلك الله ايديمه
يل مضيفك خيمه لليتامه

وبساحل جمالك من جمالك گلبي ورّد
گلبي گلبي ورّد
...
شمعه ودمعه للفرحه بعيني
خادم عندك كون اتخليني
انت الدنيه وانت ديني
كلشي عنك ما يلْهيني

يا بدر أيامي ومنتهى احلامي
سلسبيل الضامي وابقه ضامي

ياشمسنه التسطع للمكارم منبع
اشرب وما اشبع وابقه ضامي

نجمات السمه نزلت الك هاليله سُجّد
هاي الليله سُجّد
...
خادم الحسين ( عليه السلام)
كرار حسين الكربلائي
( ابو كميل)

إجانه الغالي
بدر ويلالي
كريم اهل البيت .. كريم اهل البيت
...
إجانه ومن إجانه اوياه آجانه الخير
بخبر ميلاده رفرف گلبي مثل الطير
صح هالناس كلمن عنده محبوبه
بس محبوبي عن هاي الخلايق غير

طبيب جروحي
اعز من روحي
كريم اهل البيت .. كريم اهل البيت
...
بليلة منتصف رمضان متواعد
ليلي ما انامه والنجم شاهد
گالو چم حبيب الليله تنتظره
وگلتلهم وحگ الحسن بس واحد

صرت مجنونه
فديت عيونه
كريم اهل البيت .. كريم اهل البيت
...
حگ اعيوني ليلة مولدك تسهر
يا شلال نور ومنبعك كوثر
شما تطول مسافات العشگ اهواك
من اكبر غلاك اويه العمر يكبر

يتاج اعله الراس
تظل اغله الناس
كريم اهل البيت .. كريم اهل البيت
...
الطافك يبحر الجود ملموسه
راسك ينحنيله العرش ويبوسه
يستغفار آدم يا ذكر ذا النون
يا تسبيح عيسى ويا عصا موسى

اعله مودك يحيى
يموت ويحيه
كريم اهل البيت .. كريم اهل البيت
...
اعشگك من زمان وهالعشگ فني
ومن گد ما احبك سولفو عني
گالو كافي تعشگ مو خذاك الشيب
اگلهم روحي تهواه ( والله مو مني)

گبل ميلادك
تشع امجادك
كريم اهل البيت .. كريم اهل البيت
...
خادم الحسين ( عليه السلام)
كرار حسين الكربلائي
( ابو كميل)

للحسن جينه هالليله فرحه دايمه
اجمل بشاره بانواره نهني فاطمه

...
گمر حته الگمر نازل يشوفه
الحسن بيت الله يگصدله ويطوفه
اعوف الدين كله من اعوفه
اذا صليت تسبيحي بحروفه

الحسن مولانه .. عطر ريحانه
الحليبه طاهر فرح ويانه

حگها هالليله فرحانه املاك السمه
اجمل بشاره بانواره فرحت فاطمه
...
خريف ايامي راح وهل ربيعي
سجد جبريل هذا الشي طبيعي
يگله آشهد عليه اني شيعي
واحبك يا بعد روحي و شفيعي

الحسن محبوبنه شفيع ذنوبنه
بظلام الدنيه يضوي دروبنه

راحت الليله اتهنيله روحي الهايمه
اجمل بشاره بانواره فرحت فاطمه
...
الحسن عالگاع باب الله الوسيعه
الشفيع ابن الشفيع ابن الشفيعه
الف هنيالكم صرتوله شيعه
نبيع الدنيه حبنه ما نبيعه

الحسن برواحنه يشع مصباحنه
عقدنه الليله حفل افراحنه

يا هله بوجهه وبوجهه ضي حامي الحمه
اجمل بشاره بانواره فرحت فاطمه
...
اذا گلبك تشوفه همه هايج
تعال ابابه معروفه النتايج
يناس الليله مگضيه الحوائج
الحسن هو الدوه وهو المعالج

دخيل چفوفه ابد ما عوفه
كريم انعرفه واجينه ضيوفه

فتح ديوانه وديوانه بحر المكرمه
اجمل بشاره بانواره فرحت فاطمه
...
قريباً للبقيع نروح كلنه
نشيّد حضرته ويصير جنه
لكريم العتره مشايه انتعنه
سوه نگعد سوه وصحنه يلمنه

قريباً باچر .. بعشگنه نسافر
نصيح ابابه هله يالزاير

اشرق الغالي وبراسه تاج المكرمه
اجمل بشاره بانواره فرحت فاطمه
...
خادم الحسين ( عليه السلام)
كرار حسين الكربلائي
( ابو كميل )

والله حاير حبيب الگلب شهديله
جايب الروح هديه الك هالليله
مولايه يالحسن .. مولايه يالحسن
....
انت عشگي الاولي والتالي
من شفت وجهك بدر حسبالي
ماكو منك يا حبيبي الغالي
بخدك الشامه گمر وتلالي
تملك اوصاف عجيبه ورهيبه اوصافك
انسه كل حزني من تبتسملي اشفافك
مولايه يالحسن مولايه يالحسن
....
يا عطر واطيب عطر شميتك
انت واسمك بالگلب ضميتك
يا حبيبي من الزغر حبيتك
تاج راسي وافتخر ( سميتك)
يا حبيبي يغار الورد من لونك
فكري حاير يغالي بجمال عيونك
مولايه يالحسن مولايه يالحسن
....
اليوم فرحت فاطمه بنوارك
كلنه صحنه يالزچيه مبارك
مو ورود اعيوني اطشها بدارك
بمهدك تنادي هله بخطارك
يا كريم وابد ما ترد احبابك
اليوم اجيتك يمولاي اجدي ابابك
مولايه يالحسن مولايه يالحسن
....
والدك ناده هله بهالجيه
لوجهك يشاهد جماله وضيه
گال مني لشيعتي عيديه
العنده حاجه حاجته مگضيه
وبمضيفك گعدنه ونمد ايدينه
يالحسن سيدي حاشه ما تنطينه
مولايه يالحسن مولايه يالحسن
....
هالعباره بمنزلك مكتوبه
اليعتني لبابي اخذ مطلوبه
كل محب انت شفيع اذنوبه
وللنواصب ما تفيد التوبه
انت چف الله چفك يراعي الغيره
خادمك بالحشر ما يظل بحيره
مولايه يالحسن مولايه يالحسن
....
خادم تراب مولاي الامام الحسن ع
كرار حسين الكربلائي
( ابو كميل)