،
لن أبرح الباب حتى تُصلِحوا عِوَجي
و تـقـبلوني عـلـى عـيبي ونـقصاني
.
فـإن رضـيتم فـيا عـزّي ويا شرفي
وإن أبـيـتم فـمَـن أرجــو لـعصياني!

ليالي شهادة الامام علي عليه السلام
18 - رمضان - 1443
ابعد عن سماي
الشاعر كرار حسين الكربلائي
الرادود نصير الكربلائي
هيئه خدمة اهل البيت - ع _كربلاء المقدسه
لمشاهدة القصيده الكامله عبر الرابط
https://youtu.be/KbhCn515AwM

من لم يشكر المخلوق لم يشكر الخالق

قصيدتان
قبل وبعد قدوم

ريحانه

ومنها رساله لمولاي العباس صلوات الله عليه

يا ربي ارزق كل محروم بالذريه كرامة لمولاي لأبي الفضل

تراب تل الزينبي وماي الفرات
الله من عدهن خلق صوت وقلم

شكراً لشاعرها

صباح الخير كله بگبة العباس

گبور مهدمه ... صاحت فاطمه
وينه اليواسيني
...
يل تسمعوني اون انه الزچيه
وگاعده اباب البقيع بهالمسيه
گبور ولدي امهدمه واصفگ بديه
والله حس عادو كسر ضلعي عليه

روحي هايمه ... صاحت فاطمه
وينه اليواسيني
...
آه يا جرح البقيع بگلبي ناره
انظر وليدي الحسن هدمو مزاره
هالكريم بلايه قبه ولا مناره
ليش عن إبني يمنعون الزياره

دمعاتي دمه ... صاحت فاطمه
وينه اليواسيني
...
يم علي السجاد أهمل دمعة العين
فوگ جرح السلسه خلوله جرحين
ما كفاهم يَمه ذبحو نحر الحسين
يا ذنب عنده علي يسبونه مرتين

الدنيه مظلمه ... صاحت فاطمه وينه اليواسيني
...
لمرقد الباقر نزف جرح المصيبه
الشاف جده حسين والشيبه خضيبه
طفل والچانت تحاميه الغريبه
مرقده مثل المخيم شب لهيبه

لحاله امألمه ... صاحت فاطمه
وين اليواسيني
...
لجعفر الصادق تعاله بگلبي همه
وانكسر گلبي على شيخ الأيمه
صحت واويلا على گبرك ييُمه
هذا معولهم تره لضلعي يلچمه

بخدها لاطمه .. صاحت فاطمه
وينه اليواسيني
...
هذا گبر ام البنين امهدمينه
الطاهره الي عاشت وماتت حزينه
شكثر واستني عله حسين وبنينه
ونست عباس بسهم مطفيه عينه
وينك يبني يسبع الگنطره وينك
ام بدر السمه ... صاحت فاطمه
وينه اليواسيني
...
هذا بحر احزاني فوگ جروفي طافح
ماتفارگني المدامع والنوايح
صحت يالمهدي وعتب بالروح جارح
شوكت تاخذ ثار ولدي يا بوصالح

بمسك الخاتمه .. صاحت فاطمه
وينه اليواسيني
...
خادم الحسين ( عليه السلام)
كرار حسين الكربلائي
( ابو كميل)

من النحرِ القطيعِ
إلى أهل البقيعِ ...سلامٌ وتحيَّهْ
...
سلام من النحر متروس حنيه
الى اهلِ الجراحات البقيعيه
هَدْم اگبورهم فزّز جرح بيّه
عليش بيوتنه مهدومه يوميه

أریْ والقلبُ الدامي
قبوراً كالخيامِ
فمِنْ أرْضِ الرزيَّهْ...سلامٌ وتحيَّهْ
...
سلام بدمعه حمره بلون شيباتي
الى گبر الحسن وديت آهاتي
اخوي الضحه جاسم عايش بذاتي
انه اتمنيت اوديله مناراتي

أخي ، قلبي ، حبيبي
لهُ يعلو نحيبي
وكلُّ الغاضريَّهْ...سلامٌ وتحيَّهْ
...

سلامي لراهب الآهات والعبره
علي الشاف السبي مرتين مو مرّه
مرّه بناگه وسياط العده بظهره
ومرّه الثانيه من هدمو گبره

أنادي "واعليَّا"
لمنْ ناحَ عليَّا
لهُ هذي المسيَّهْ...سلامٌ وتحيَّهْ
...
عله الباقر أسلّم من نحر مگطوع
السمع خيل اعوجيه كسرتلي ضلوع
بهبوب الريح اودي من الطفوف دموع
بلكي اتخضّر بگاع البقيع اشموع

دمُ النحر تجلّى
على الباقرِ صلّى
بآهاتي الشجيّه ...سلامٌ وتحيَّهْ
...

السلام لصادق اهل البيت يترتل
الخلّص عمره كلّه يقره بالمقتل
شكثر من زارني ظل يبچي يم التل
البِنه بدمعه مناره بلا مناير ظل

فذا قلبي بهَمّه
على شيخِ الأئمّه
فللنَّفسِ الرضيَّهْ...سلامٌ وتحيَّهْ
...
سلام وبي جرح گد السمه ينقاس
اعله اُمي الثانيه الي جابت العباس
من گالو گبرها هدِّمو يا ناس
حسّيت الخبر حافر بصدري انداس

فقوموا لاطميناَ
على أمِّ البنينا
الی الأمِ الوفيَّهْ...سلامٌ وتحيَّهْ
...
٧/ختام آخر سلامي بي حزن يحدي
لگبر مخفي وعَلَي جرح النحر يدي
سلامُ الله على ملطومةِ الخدِ
گبر امي الزچيه بذمة المهدي

هنا المهديُ حاضرْ
غداً يبني المنائر
لطلعته البهيه .. سلامٌ وتحيه
...
خادم الحسين ( عليه السلام)
كرار حسين الكربلائي
( ابو كميل)

بهذا الامل همنه
ونتاني قائمنه
وننصب مآتمنه .. بالبقيع
...
يمته يجي من غيبته نتمنه لقائه
وروس التناطر جيته يمسحها بردائه
ياثار آل المصطفه من الكعبه ندائه
وينثر امان اعله الارض لو رفرف لوائه
بنار العشگ ذبنه
ايمر بينه غايبنه
وتطب مواكبنه
بالبقيع
...
نبعث رسالات العتب بجناح النوارس
يمته يبو صالح تجي وتبنيها الدوارس
تدخل مواكبنه بحزن وانقيم المجالس
وتلگانه يبن العسكري بالزود كلنه عابس
بالمنحر نحلفك
اتزم اللوه بچفك
تحله الصلا خلفك
بالبقيع
...
تراب البقيع اشتاگ الك ويسمعك ونينه
اربع مراقد تنبني بجيتك يا ولينه
موكب مشي من كربله نتعنه المدينه
شيعة علي وراية علي مرفوعه بأدينه
بهذي مشاعرنه
ننصب منابرنه
ونحيي شعائرنه
بالبقيع
...
بساعة ظهورك تنتهي كل هاي المتاعب
الهدمت بقيع ال النبي انراويها العجايب
ونحرر الكعبه وعلي من ايد النواصب
وبأنتظارك فاطمه المظلومه يغايب
والمنسطر خدها
يمك امل عدها
وتعلي مرقدها بالبقيع
...
ام البنين بلا گبر تنتظرك تجيها
لسه اعله ابو اليمه تون گوم اسمع بچيها
تدعيلك بدعوة فرج والرايه بأديها
حضره مثل حضره گمر عدنان تبنيها
التتجاره عبرتها
لزينب ومحنتها
گوم ابني حضرتها
بالبقيع
...
نندب يغايب فاطمه إظهر مسنا الضُر
يضمد جرح ينزف جرح عالمحنه نكابُر
يوميه تفجير ونزف شبان للمگابر
صحنه العجل ثم العجل ما النه مناصر

وانّادي يالقائم
لازم تجي لازم
ظل الگلب هايم
بالبقيع
...
خادمهم
كرار حسين الكربلائي

يالمهدي ثارك .. ظل بنتظارك
وينك يغايب
...
انت حجة وربنه آمرنه نطيعك
للأجل ننطي عمرنه ومانبيعك
چم حزن يا سيدي ذبّل ربيعك
ذوله اصحاب الكفر هِدمو بقيعك
صحنه بدمعنه
انظر وضعنه
شفنه المصايب
...
الگيدو جدك علي بأجناد سيفه
عذبونه وهذا ثارك لا تعيفه
الهدِمو اگبور البقيع اهل السقيفه
هم ذوله الكسرو ضلع العفيفه
حامي الشريعه
بثار الوديعه
انت التطالب
..
كل من ايحب لازم ايضحي لحبيبه
واحنه من اجلك دفعنه الدم ضريبه
شايل بگلبك جرح هاي المصيبه
ثار اجدادك ولا غيرك يجيبه
يبن الصميده
سيفك نريده
هو اليحاسب
..،
يلّا يبن العسكري شد عالاصيله
بذو الفقارك ادّب اصحاب الرذيله
احنه غيرك والله ما عدنه وسيله
واشكثر يحمل صبر گلبك دخيله
عشنه عله الآه
يا غيرة الله
لجيتك نراقب
...
وادم الحرگت خيم بالغاضريه
هِدمو گبور البقيع بهالمسيه
ليش اهل بيتك مراقدهم خليه
هاي يّرادلها صوله حيدريه
غيمه اعتليهم
وامطر عليهم
ذل الكتايب
...
انت تأمر واحنه واجبنه الاطاعه
والجحدكم ندري متفيده الشفاعه
الساعة اظهورك حسبنه ساعه ساعه
بالبقيع بزودك نصلي جماعه
يسعر جمرنه
اقبل عذرنه
لمن نعاتب

ليل ونهار
بالأنتظار
محيي الشريعه
يبني بقيعه
...
الظليمه الظليمه
تهدمت اربع مراقد للأيّمه
نهمل دموع الهظيمه
من نروح انزورهم نلگاها ظلمه
يا وسافه وياحريمه
كل گبر ما نگدر نضمه ونشمه
من بعد هاي الجريمه
الدنيه صارت بس حزن ما بيها بسمه

ثار البقيع
لا ما يضيع
روح الوديعه
يبني بقيعه
...
يا بوصالح ما نعاتب
احنه مجروحين وانته اعلينه شاهد
وامك الزهره يغايب
واگفه من هدمو ذيج المراقد
احنه بدموع المصايب
بلهفة العشاگ يالغالي نناشد
يمته نوصل بالمواكب
وبوجودك تنقري هناك القصايد

واحنه نگول
شبل الرسول
بدمع الفجيعه
يبني بقيعه
...
اسأل واسمع سؤالي
لياوكت تبقه مراقدهم دوارس
والبقيع ليمته خالي
ماكو غير الوحشه ودموع النوارس
تعرف بطبع الموالي
غيرة العباس عنده وزود عابس
وبمثل هاي الليالي
نقره بالحضره البقيعيه المجالس

يوم الظهور
نگصد نزور
الواجب نطيعه
يبني بقيعه
...
ارجعلنه ارجعلنه
مروتك يا صاحب الطلعه البهيه
انته يالمهدي املنه
واحنه ندري غيره عندك حيدريه
تظهر وترفع علمنه
والبقيع انروحله من الغاضريه
نصرخ بدمعة المنه
ما تدلينه عله گبر الزچيه
يمته الاياب
من هالغياب
ادعو يشيعه
يبني بقيعه
...
چم علامه وچم علامه
ظهرت و لا ما ظهر وجهك وبدره
نندعيلك بالسلامه
تاخذ بثارك الك ثارات كثره
حسين مرمي بلا عمامه
گلبه ضامي والشمر ثنّه اعله صدره
آه يا تالي الامامه
واثنعش طبره بقه يطبره اعله نحره
يمته تصيح
بثار الذبيح
بذبحة رضيعه
تبني بقيعه
...
جمرة الاحزان تلهب
مثل نار اخيامكم من وجروها
وارد اسولف موقف اصعب
انته چم عمه الك بالطف سبوها
يابوصالح تدري زينب
بالحبل ياحجة الله چتفوها
وبمتنها السوط يلعب
تنضرب بالسوط من تبچي اعله اخوها
ونحلفه
بتاج الوفه
الفوگ الشريعه يبني بقيعه
...
كرار حسين الكربلائي

مشتاگه عيوني لشوفتهم آ يادهري
‎واهمل دمعاتي لغربتهم آيا دهري
‎مهظومه يمهم .. هاي انه امهم
..
‎يا دهر من حگي لو اگعد وعاتب
‎ليش بس اعليه مكتوبه المصايب
‎دوم تكسر خاطري بغله الحبايب
‎ولدي لا زوار يمهم لا مواكب
‎جرح البقيع ايأذيني آ يادهري
‎وامصيبة ولدي تبچيني ايا دهري
‎دهري حرمهم .. هاي انه امهم
..
‎وكت الغروب اعتني وبچي عليهم
‎آه منك يا دهر شمسوي بيهم
‎لا مناره اتضوي لا زاير يجيهم
‎دعوتي ياربي العن ظالميهم
‎ما نامت عيني ومهظومه ايادهري
‎لگبور اولادي المهدومه ايا دهري
‎بعيوني اضمهم .. هاي انه امهم
..
‎بمهجتي سهم البقيع الباري شاهد
‎الثامن بشوال عنّه لا تناشد
‎گاعده وگبالي گصدو للمراقد
‎الاضرحه يهدموها واحد بعد واحد
‎چم مرقد هدمو گدامي ايا دهري
‎هاجت احزاني والامي ايا دهري
‎ولدي احبهم .. هاي انه امهم
..
‎ليا سبب ولدي مراقدهم خليه
‎لوحدي افتر شايله شموعي بديه
‎من شفت ذيچ الوجوه الناصبيه
‎اذكرت ناس الأحرگو بابي عليه
‎نفس الباب الحرگت بابي ايا دهري
‎ردو هدمو دور احبابي ايا دهري
‎بس يا دهرهم .. هاي انه امهم
..
‎الگطعو چبد الحسن ابني بحياته
‎لمرقده رجعو يهدمونه بمماته
‎وعلي السجاد اشعظمهن نايباته
‎لسه من اگيودهم دمه بعباته
‎يوم ويشبه يوم العاشر ايا دهري
‎نوحي اعله الصادق والباقر ايا دهري
‎بگلبي جمرهم .. هاي انه امهم
..
‎من أشوف گبور ولدي الهدموها
‎اذكر خيام العقيله الوجروها
‎آه يا ام البنين الما رعوها
‎چنها زينب ردو اليوم وسبوها
‎اقسم لو ما كسر ضلوعي ايا دهري
‎آنه الابنيهم بدموعي آيا دهري
‎ابني گبرهم .. هاي انه امهم
..

حِلم أتمنه اْشوفه ضَريح الكم وطوفه
وأذان الشيعه اْسمعه بالمناره بالمناره

بقيع الغرقد بإحســــاسي زرته
مَبني بـــعالم الرؤيـــا نـُظرتـه
فزّيت وجريت ادموعي سكته
يتحقق حلم أحـــزاني يـمتــــه
ثمن هاي الزيـــاره حياتي , وموخساره
اهدي اعيوني شمعه بالمناره بالمناره




اشوكت اربع قُبب أنظرها تضوي
ويظل صوت الشعائر بيها يـدوي
وعروش الناصبه بدموعي تهوي
ونادي يا علي وقــْهـَـر عــــدوّي
اعاين للمنـــــاير وصيح أهلاً يزاير
وعَلم حيدر ارُفعه بالمناره بالمناره





تره هاليوم مو من عمري احسبه
اوگف بالبقيـــع وفــــوگـــي قُبه
اجي للباب وسْجدلي اعـله عتبه
بسجل زوارهم اسمي اكتبه
عله اعناد النواصب نجيهم بالمواكب
ونِخَلي الناعي ينعه بالمناره بالمناره







نتمنه نطب برض المدينه
وراية حيدره اترفرف علينه
ندگ ابوابهم ونْــمد إدينــه
ونِسمعّهم منــاحتنه وبچينه
سلام الله عليهم زحف لازم نجيهم
وننظـُر صوره روعه بالمناره بالمناره





الروافض ترفض الذله بطبعها
ولهل البيـــت ثـــورتها بدمعها
يهـــود الأمه لازم نقــتــلعـــها
(ولا تَشرك) بعد ما نستـــمعها
حلم عمري وربيعي البقيع يصير شيعي
ونگلهم ماكو بُدعه بالمناره بالمناره






قريبه ومو بعــيده هـــالقضـيه
البقيع يصير مثل الغاضــــريه
ويجي صاحب الدوله المهدويه
ويدلــينه علـى گبر الـــزچيـــه
بظهوره الدنيه تصفه وجماعه انصلي خلفه
الظـُـهر خـُطبة الجمعه بالمناره بالمناره