‏ ‏﮼يا ام العباس مروّتچ🥺

#خل_احچيلچ

#القصيدة_الكامله https://youtu.be/VFEKJ0HJlQw

#الرادود_الحسيني | صاحب الكربلائي
#الشاعر_الأديب | كرار حسين الكربلائي

ذكرى استشهاد السيدة الجليلة
ام البنين عليها السلام 1441 هـ
الذكرى السنويه الخامسة لتأسيس
#عزاء_شباب_كربلاء_المقدسة_المركزي

#حسينية_المرحوم
#الحاج | كاظم آل ياسين

#عزاء_شباب_كربلاء_المقدسة_المركزي
#كربلاء_المقدسة
#دولة_الشعائر_الحسينيه

https://youtu.be/0KJpJdhgK9E
☝️☝️☝️☝️☝️☝️☝️☝️
ندبة لصاحب العصر والزمان الذي لا طالما كنا غائبين عنه

اسم القصيدة [ احزان السماء ]

الشاعر : كرار حسين الكربلائي
الرادود : علي الوائلي الكربلائي


المكان : بغداد
مدينة الصدر ...عزاء احزان السماء

تنفيذ شركة الفضل


اللهم عجل لوليك الفرج

مولانا يا علي الهادي
...
ياكوكب النور وجمالك يضوي بسمانه
بميلادك الليله فرح وحي السمه ويانه
ياشمس الافراح وضوت هالليله دنيانه

بعاشر ايمتنه
محلاها فرحتنه

بايعتك عاشر اسيادي
مولانا يا علي الهادي
...
اسمك علي وهذا الاسم
بيهِ العرش باهه
وجهك بدر شع بضوه
من فاطمه وطه
بسمك فرحنه سيدي
ليلتنه محلاها

يا بلسم جروحي
يا اغله من روحي

انفاسي بحبك تنادي
مولانا يا علي الهادي
...
يا سيدي حبك مِلك
اعماقي واحساسي
بنفاسي يالعايش امل
يا اغله كل ناسي
بهذا الدرب للموت اظل
لو ينگطع راسي

يالعاشگ حروفك
للموت ما اعوفك

ويردد كل سمه اوادي
مولانا يا علي الهادي
...
حبك مثل فرض الصلا
والواجب نطيعه
بميلادك انقدم عهد
شيعه ونظل شيعه
نبيع العمر هذا العشگ
هيهات منبيعه

امن اعداك نتبره
وتسمعنه سامره

ميلادك اجمل اعيادي
مولانا يا علي الهادي
...
مهدك قناديل عرش
نزلت تضويله
وعنّ الحسد نازل ملك
ياسين يهديله
عجل يربي بالفرج
دعوتنه هالليله

والمهدي مولانه
يسمعها دعوانه

يالحبك علّة ايجادي
...
خادم الحسين ( عليه السلام)
كرار حسين الكربلائي
( ابو كميل)

فوگ الجسر يشيعه
ريحانة للوديعه
وجنازته غريبه
خل نحضر لتشييعه
...
هذا ابن خير الملا وابن الزچيه
مات امام الرافضه يالرافضيه
تنتظر فوگ الجسر امه الزچيه
تصيح يبني يا غريب الكاظميه
فگد الولد فجعها
وتلطم على ضلعها
وبدمعة المصيبه
خل نحضر لتشييعه
...
ها يشيعه بالسجن خلصت حياته
وبچتّ اعيون الليالي نايباته
باقي دم من رگبته لسه بعباته
والسلاسل فوگ ايده معذباته
والفاجعه الچبيره
لا اهله لا عشيره
بنعشه وعله نحيبه
خل نحضر لتشييعه
...
تصيح امه فاطمه والگلب لهفان
سجنك ايذكرني يبني ابيت الاحزان
السطر وجهي فوگ وجهك خله نيشان
ذاك چان ابن السقيفه وهذا سجان
وسوط العده اليألمك
بي عذبو متن امك
لنعشك يراعي الهيبه
خل نحضر لتشييعه
...
يا غريب وبالسجن عايش مراره
ما يميّز چان ليلك من نهاره
صار يوم الجمعه والكل بنتظاره
كلها تدعي سالم اتعود لدياره
يبچي الرضا لغربته
ومعصومه منتظرته
والماترك نحيبه
خل نحضر لتشييعه
...
صاحب السجده الطويله عاش مهموم
سادس اولاد الزچيه مات مظلوم
فاطمه وحته العرش ظل يصرخ اليوم
موسى ابن جعفر يشيعه راح مسموم
لامو سهل غيابه
خل ننحب لمصابه
اليمه بچه طبيبه
خل نحضر لتشييعه
...
صح عظيمه مصيبته موسى ابن جعفر
لچن ماكو شمر طبّر منه منحر
ولا ضلع من صدره بالحافر تكسر
ولا احد من عيلته بعده تيسر
بالطف اشد رزيه
زينب مشت مسبيه
والجثته مو سليبه
خل نحضر لتشييعه
...
خادم الحسين ( عليه السلام)
كرار حسين الكربلائي
( ابو كميل )

انت الما ترد محتاج من زغري اسمعت عنك
وبوكت الگحط والگيض غيمه وتمطر بمَنّك
يا مولاي ...ضيفك جاي .. رايد حاجتي منك
...
گالو من يمرك ضيم روح لموسى ابن جعفر
وگالو سيدي بابك باب الفرج للمضطر
نخيتك وانت ابن وادم منها الخير يتطشر
يا مولاي ...ضيفك جاي .. رايد حاجتي منك
...
بابك بيدي دگيته وانه لردك متاني
ادري ما تخجلني اگبال القاصي والداني
اريد امشي لهلي واصرخ موسى الكاظم انطاني
يا مولاي ...ضيفك جاي .. رايد حاجتي منك
...
اجيت محمل همومي وحاير وين اوديهن
سوالف گلبي يم غيرك صعبه اعليه احچيهن
دموعي الغاليه مو عيب يم شباچك ابچيهن
يا مولاي ...ضيفك جاي .. رايد حاجتي منك
...
عزيز النفس من زغري ومنبركم مربيني
بسفرتكم عشت سلطان وعزه وجاه منطيني
حاشه بمثل هيج اوضاع يالكاظم تخليني
يا مولاي ...ضيفك جاي .. رايد حاجتي منك
...
اريدي مرادي من عندك يل باب المراد اسمك
احلفك جيت بالمحسن وبشوغة ضلع امك
وين انطي الوجه وامشي اذا رديت من يمك
يا مولاي ...ضيفك جاي .. رايد حاجتي منك
...
أنه الگاطع ادروب ابعاد ريحه من النحر بيه
عليك بداعة العباس واخته المشت مسبيه
كون الليله من يمك ارد والحاجه مگضيه
يا مولاي ...ضيفك جاي .. رايد حاجتي منك
...
خادم الحسين ( عليه السلام)
كرار حسين الكربلائي
( ابو كميل)

عالجسر صوت يصيح يالرافضيه
جنازة غريب الدار بالكاظميه
نودعها نشيعها بالكاظميه
...
ضج وعله صوت الحزن بصوت الوحي ترتيله
الكاظم ربيب اهل الشرف ضيم الدهر هد حيله
موسى ابن جعفر عالجسر گومو يشيعه انشيله
وين اليدورون الوفه حان الوفه هالليله


يجنازة المظلوم حيرتها حيره
حيف الزمن خلاه ماله عشيره
اتحضو لازم بني هاشم بالكاظميه
...
سادس بدر من فاطمه زاچي النسب يدرونه
المن اجله مخلوقه الارض بس اربعه يشيلونه
هذا امام الرافضه اهل الرده يسمونه
چا وينها شيعة علي خل تحضر يشيعونه

صح المثل من گال للصحبه عازه
(والما عليها اصياح وحشه الجنازه)
مدامعنه ومواجعنه بالكاظميه
...
الموعد الجمعه وننتظر جمعه اعله جمعه ابابه
يا ربي عجل بالفرج تندعي كل احبابه
عالوعد جانه اعله الجسر من بعد ذاك اغيابه
بس يا وسف جانه بنعش بدمه خضيبه ثيابه

بجنازته مسموع صوت السلاسل
وعين الديانه اليوم مدمعها هامل
لبني غالب بدر غايب بالكاظميه
...
اخمسطعش عام بغربته ما شاف حته اعياله
يشتكي لله بسجدته ضيم الدهر واهواله
ومفارگ اوليده الرضا وما يدري شنهي احواله
لفاطمه المعصومه بقت دمعة هجر هماله

طفّه الدهر يا حيف شمعة وجوده
وچانت تِرَوّي الگاع دمعة سجوده
ابو طلبه بمحن صعبه بالكاظميه
...
بمر الزمن عدنه ثبت الدنيه صدگ دواره
شوف السجين وگبته تلوذ الشمس باكتاره
وين الرشيد وسلطته كلها انمحت آثاره
الكاظم بقه وباب الصحن ينثر هله لخطاره

يم بابه تلكه مراد من تگصدلها
(ولا تطلب الحاجات الا من اهلها)
لشددنه ايحل اذا ندخل بالكاظميه
...
لو گلنه شالوه بنعش واتشيّع بقدسيّه
نذكر حسين وجثته الفوگ الثره مرميه
ويلاه ولطف كربله يبچي العرش يوميه
يحسين زينب نادته عنك رحت مسبيه

يبن امي عالتربان عفتك رميه
عين العمه ولا شوف ذيچ المسيه
لبو الاكبر حزن يكبر بالكاظميه
...
خادم الحسين ( عليه السلام)
كرار حسين الكربلائي
( ابو كميل)