ڪتابـات🥀♥️
195 subscribers
32 photos
17 videos
2 links
‏هنا مُجرد تفريغ ، مشاعر لا اكثر *.

ݪــ شاب ديواني 24 سنه

بوت تواصل @kr_o999bot
Download Telegram
#ركز
الناس ما يبين معدنها وكت الكعدة واللمة الحلوه والكلية والمطعم.

معدنها يبين وكت الخلاف، وكت المشكلة كلمن راح يعكس اصله واخلاقة الي تربى عليها
قبل اسمع ناس تكول، عاشروا البشر اليقّدر الزاد والملح حتى اذا اتفاركتوا
مرعبة العالم الماعدها عزيز وغالي، الي بس تختلف وياه يجرحك ويدور بيك عيب انت نفسك متتخيله، وإذا مغلطان اكو سورة اسمها المنافقين
(ان المنافقين في الدرك الاسفل من النار ولن تجد لهم نصيرًا)

البشر معدن
مافهمت هالحجاية اله من تعاملت ويه الناس، وانصدمت بيهم مرة واثنين وعشرة
ايدك مو كل اصابعها سوه، مثل متشوف ناس زينين راح تشوف ناس ينطوك مفهوم لمعنى النذالة...
وتبين حقيقتهم لو بعد عشر سنين،

جنت متصورهم مهمين بس طلعوا سنت مايسوون.. 👌🙂
الأنسان يجي ع باله هواي أشياء يحب يگولهن بس يتراجع بنفس الوقت لأن الأغلب ما راح يتفهمه

يعني من يصير خلاف بينك وبين صديقك او حبيبتك او اي شخص كان

حاول بكل الطرق تحافظ على هدوئك وابقى كما انت

حتى وان الشخص المقابل طلع وجهه الثاني اللي كان مخفي فـ بكل الاحوال هوه الخسران

عاقب الاهمال بـ الاهمال...

مرات الواحد يتنرفز ويعصب ويحچي كلشي

اذا تدري بي انت طيب وخوش انسان انطي فرصه ثانيه

بس السؤال ليش من تريد تحچي محد يفهمك وليش من تريد تسوي شي زين يگلوبنه ضدك؟

معقوله الناس هيج خربت طبعاً مو الكل البعض منهم لأن لو خليت قلبت!!

المهم عيشو حياتكم على طبيعتها وحاول تكون هادئ وبعيد عن المشاكل
#المجالس_الحسينيه

اكو حسبه بالي وكلش محتار وماأعرف شسوي وشلون اخلص منها.!

ف البارحه حاضر بمجلس حسيني واثناء المجلس نزلت دمعه من عيني..
وبعد ماخلص المجلس فجأه واحس اكو اشاره وصلتني سوي هيج وينتهي الي بالك
#المهم سويت الشيي والحمد للّه ارتاحيت ونشال هم كلش جبير.

نصيحتي ألك ك شاب شكد ماتكدر احضر مجالس الحسين عليه السلام 💔

هذه المجالس تلعب دور في بناء شخصيه الانسان..

الدمعه ع الحُسين تولد الخشوع في قلب بني آدم..


وهنالك روايه تقول :
حضور مجالس الحُسين عباده ولها أجرٌ عظّيم
• لا تتزوجها لأن حلوه وبس !

• من شخص ينطيك جهازه ويكلك شوف هاي الصوره مثلاً شوفهه ورجع الجهاز لا تكلب لا يمنه ولا يسره .. زحمه

• لا تستخدم أسرار البعض كنقطة ضعف ( الله موجود )

• لا تخلي أي أنسان ينتقص من شخصيتك مهما يكون شأنه .

عيش خوش زلمه ( هي موته وحده )

• من تخلص سنه 2022 قبل لتغلط عليها راجع نفسك مخلصهه ع النت لو تقاتل حتى توصل لطموحك ...

• من تريد تستخدم حاجه من شخص تكدر تكله فضلاً أكدر أخذها .. من رخصتك وأذا رخصلك وأتشوفه متردد لا تاخذهه .

• لا تشكي أهمومك لأنسان ميسألك شصاير وياك

عقلك قبل عاطفتك... ❤️
مخافة الله غير مرتبطة بمكان وزمان مُعينين.

تكدر تخاف الله وانتَ بالبيت او بالشغل، قبل شوي بعز الحَر بالكراج شفت صاحب تكسي نزل وراح توضى وصلى جوه الشمس، بالمقابل نشوف ناس تحج الكعبة وهمه ذرة مخافة من الله ماعدهم وأبسَط مثال #السياسيين.

إحنا عدنا مُشكلة بالفرز والتصنيف، نصنف الشخص حسب مظهره الإيماني!!
كل الحجاج مؤمنين، كل اليزورون الحسين يحبون الحَق وكل شخص موجود بمكان حساس معناها عاصي الله، وكل موظف هو مرتشي وكُل وحده حاطة تاتو مرفوع هي مو راحة، كافي توزّع صكوك الإيمان على رؤيتك المحدودة للأمور، وأنتَ اذا تخاف الله صدك، لتحجي على عِباده. 🙂
حتى لو اهلك سببولك صدمة وقصروا بتربيتك فأانت مُلزم تعالج نفسك بمجرد مايصير عندك وعي بمشكلتك، ماراح تكدر تعامل الناس بعقدك ومشاكلك وتريدهم يعذروك

التطبع بالألم والماضي يعيشك بقلق وخوف دائم
الناس مو احسن منك،
عشت المو حلو من الحياة جرب تعيش الحلو البيها،
قرار صادق من داخلك يفعل كل #سلوكك_الأيجابي.. ❤️
لاقلب يشعر ولا انسان يفهم ولا شخص يصدق معك أسند نفسك بنفسك.. 🖤
يا الله أتوسل إليك بنبيك نبي الرحمة وبآل بيتك الأطهار أن تحفظ العراق وشعبه اللهم إني أستودعك بغداد ومن فيها ، يارب يا حي يا قيوم أن تحميها وتحفظ ( جميع ) أبناءها يا الله إبعد القتال عنهم وإطفئ شرارة الفتنة بينهم برحمتك ولطفك يا أرحم الراحمين .🙏
أنا لستُ أفضل شخص في حياتك لاكن ذاتَ يوم سوف تَسمع أسمي وتقول كان يختلف عنهم كثيرا...
‏شُكراً  لكلِّ الذين خذَلُونا
‏لقد ضاعفُوا شُعورَنا
‏بأنَّ الله هو أماننا الوحيد... !
عموماً الوقت گادر انُ يمحي غلاوة الي فرط بَ مكانته..
Forwarded from ڪتابـات🥀♥️ (كرار علي)
17/9

اليوم الي نولدت بيه🌝
بكل مبالغه وعزة نفس

٢٤ سنه ما رشدني احد على طريق الصحيح دوم اتعلم كلشي بلتجربه والحمد للّه اني بخير تعلمت شلون أتجاوز كلشي وشلون انام وبكلبي تعب واكف على رجليه بشموخ وحتى بأقصى مراحل الصعب. 🤍
ويا الوقت راح تتأكد إنُ أهم و أغلى حاجة بالدنيا إنُ عائلتك تكون بخير صحتك تكون زيَنة و بالك يكون مرتاح غير هالشَي گلشي راح يتَعوض .❤️
من ينكال عنك غلطان أحسن مما ينكال عنك ضعيف ،
لان اذا نكال عنك غلطان انت تكدر تثبت انه انت مو غلطان ،
شلون !
- بصمودك لان انت الي دتتصرفة صح .
بس اذا تراجعت والله لان فلان أنتقد ، والله لان فلان حجة هنا صرت ضعيف والضعيف بهلزمن ميعيش أبداً .
وانت بكيفك ...♡•
تحب المشمش روح اشتري مشمش مو تروح تشتري عنب وتكله تغير علمودي وصير مشمش.!
Media is too big
VIEW IN TELEGRAM
#يصادف_اليوم 1 تشرين الأول

الذكرى السنوية الثالثة لإندلاع ثورة تشرين في عام 2019، في بغداد وبقية محافظات جنوب العراق؛ احتجاجاً على تردّي الأوضاع الاقتصادية للبلد، وانتشار الفساد الإداري والبطالة.

وندّد المتظاهرون أيضاً بالتدخل الخارجي في العراق، وواجهت قوات مختلفه هذه المظاهرات بعنف شديد واستعملت صنف القناصة واستُهدِف المتظاهرين بالرصاص الحي.

وبلغ عدد الشهداء من المتظاهرين حوالي 740 شخصاً منذ بدء المظاهرات، وأُصيب أكثر من 17 ألف بجروح خلال المظاهرات ومن بينهم 3 آلاف "إعاقة" جسدية.

فضلاً عن اعتقال العديد من المحتجين وأيضاً قطع شبكة الإنترنت.!

🥲💔🇮🇶
مشكلتي الأبدية هو اني دائماً اكطع علاقاتي بالأشخاص القريبين مني بدون مايحسون ومو من بعد غلطة وحدة، لا بسبب التراكمات ..

اغلاط هواي متكررة وما تنغفر بس لإني شخص صعب وما احب احد بسهولة جنت انطي فرص هواي بشكل مفرط بس بعدين استوعبت أن الفرصة الأولى مثل الفرصه الأخيرة ماكو فرق الناس مستحيل تتغير والناقص راح يضل ناقص لو شكد ما الدنيا افترت بي !

ماندمان، لإن انطيت هواي فرص ولا راح أبرر ولا أعاتب ولا أكره شخص جان قريب مني بيوم من الايام
اتمنى للناس الي طلعوا من حياتي حياة سعيدة بس بعيد عن حياتي
اكو ناس تعرفها بحياتك فجأة يغيرون مفهومك عل العشرة
يخلوك #تدرك_الحب_والتقدير مو بالسنين .
ولا كل واحد تسمي صديق
ذني امور تجي بالصدفة . ♥️
في حياة كل إنسان شمس بشرية صغيرة تضيء حياته، مثلما تضيء شمس الدنيا العالم.🤍
ماراح تكدر تغير أنسان مؤذي حتى لو قدمتله سنين من #الحب_والأحترام.!