Вітаем!
Працягваем разбор затрыманняў па назіраннях актывістаў Роя.
Папярэдні разбор: лоўля

Жакет тыпу "Шанэль"

Актывіста затрымліваюць. У кватэры праводзяць ператрус, пасля адбываецца арышт, выстаўляецца абвінавачанне, праходзіць суд.

Пасля жніўня 2020 года прайшло больш за два гады, і нішто не прадказвала такога развіцця падзеяў. Актывіст быў упэўнены, што захоўваў асабістую бяспеку.

Як маглі знайсці?

Адзін з варыянтаў развіцця падзеяў — апазнанне па здымках, атрыманых з прылад раней затрыманых людзей.
Сілавікі параўналі фота з дапамогай праграмы kipod. Супаставілі матэрыялы аператыўнай здымкі з фотаздымкамі затрыманых. Дадаткова пры ператрусе знайшлі адзенне, у якім актывіст быў на фота — пры няўдалым збегу абставін гэта "важкі доказ".

‼️ Важна! Ніякая вопратка, у якой вы былі на акцыях, не павінна захоўвацца дома. Такія рэчы будуць выкарыстаныя супраць вас.

Высновы:

Калі былі затрыманыя вашы сябры і ў іх забралі лічбавыя носьбіты, гэта падстава агледзець свой дом. Згадайце, у якіх рэчах былі на акцыі, і пазбаўцеся іх. Важна не выходзіць на акцыю ў сваім звычайным адзенні. Адзежу для акцый лепш захоўваць па-за домам. Гэта павінна быць адзенне без яскравых, модных прынтоў і запамінальных элементаў. Максімальна незаўважнае. Не захоўвайце рэчы, якія выкарыстоўвалі для падрыхтоўкі і арганізацыі акцый.

Разбор іншых затрыманняў:

Выбар партнёра
Выбар месца для пратэстнай актыўнасці.
Лічбавы след
“Неабыякавыя” грамадзяне
Лоўля

Дзякуем актывістам Роя за дапамогу ў падрыхтоўцы матэрыялу. Калі хочаце падзяліцца з намі сваімі назіраннямі, калі ласка, пішыце нам у @kpd_by_bot

Дадайце ў свой чат бот, які інфармуе пра кібер атакі і пра важныя навіны КПД: @kpd_voice_bot

Таксама ў нас ёсць бот, які рэагуе на падробкі губазіка Антыфэйк бот. Калі жадаеце дадаць яго ў адкрыты чат, то пішыце нам у @kpd_by_bot ці праз Рой @hiveguide_bot
Жыве Беларусь! Разам да Перамогі!

Вітаем! Працягваем разбор затрыманняў, сабраных з дапамогай актывістаў Роя.

Папярэдні разбор Жакет тыпу "Шанэль" - пра яркае адзенне, а сённяшні пра эксклюзіўнасць матэрыялаў.

Хвіліна славы

Вы пэўна бачылі на каналах відэа, якія ўражвалі сваёй унікальнасцю. Напрыклад, як з машыны сілавікі выцягваюць чалавека і некуды вядуць, або як на прыпынку некага затрымліваюць. Пры гэтым на відэа не відаць вялікай колькасці людзей, а вуліцы пустыя. "Без выпадковага" назіральніка, які зняў гэтыя моманты, ніхто б і не ведаў, што такое адбываецца на беларускіх вуліцах. Аднак пакаяльнае відэа з аўтарам эксклюзіўнага кантэнту можна ўбачыць практычна ў наступны дзень пасля публікацыі.

Як знайшлі?

Мы ўжо неаднойчы казалі, што нашыя вуліцы абсталяваныя камерамі, якія дазваляюць вылічыць сведкаў злачынстваў рэжыму. Пасля таго як эксклюзіўнае відэа з затрыманнем выйшла на канале, сілавікі, ведаючы час, дату і месца затрымання, прагледзелі запісы з вулічных камер. Напрыклад, калі здымалі з прыпаркаванага паблізу аўтамабіля, што трапіў у поле зроку камеры, то па нумары машыны сілавікі вылічылі гаспадара. Прыйшлі да яго дадому і праверылі тэлефон, на якім і знайшлі тое самае відэа. 

Высновы:

Памятайце, што вы не ў вакууме. Перш чым перадаць некаму інфармацыю, упэўніцеся, што вы не з'яўляецеся яе ўнікальным носьбітам. Калі вы былі адзіным сведкам, то можаце трапіць у поле зроку сілавікоў. Таму прапануем вам уважліва паставіцца да сітуацыі і ацаніць рызыкі, прааналізаваць сітуацыю.
Калі вы былі адзіным сведкам, то:

🔺Дашліце адчувальную інфармацыю праваабаронцам або СМІ з пазнакай "не для публічнага распаўсюду" або "не публікаваць". Так вы захаваеце сведчанні злачынстваў рэжыму, пацвердзіўшы факт відэаматэрыяламі, але захаваеце і сваю свабоду.
🔺Калі вы баіцеся дасылаць самі, то дашліце сваякам, сябрам, суседзям, якія знаходзяцца за мяжой, каб яны пераслалі матэрыял у СМІ або праваабаронцам з пазнакай "не для публікацыі".
🔺 Пасля пачысціце ліставанне. Выдаліце відэа з тэлефона. Выдаліце з воблачнага сховішча, а таксама з тэчкі "выдаленае".
🔺У выпадку допыту не сведчыце супраць сябе і сваіх блізкіх.  

Дзякуем актывістам Роя за дапамогу ў падрыхтоўцы матэрыялу. Калі хочаце падзяліцца з намі сваімі назіраннямі, калі ласка, пішыце нам у @kpd_by_bot

Дадайце ў свой чат бот, які інфармуе пра кібер атакі і пра важныя навіны КПД: @kpd_voice_bot

Таксама ў нас ёсць бот, які рэагуе на падробкі губазіка Антыфэйк бот. Калі хочаце дадаць яго ў адкрыты чат, то пішыце нам у @kpd_by_bot ці праз Рой  @hiveguide_bot

Жыве Беларусь! Разам да Перамогі!