نواسيه نواسيه المهدي هاي الليلة


،،،،،،،،،،،،،،،،،١
ليلة العاشر مصيبه.والوداع ويه الحرم
جربة العباس تبچي.ويبچي بچفوفه العلم
باچراتصيرالمصيبة.نار وخيول وألم
مصاب زينب واليتامه.و السبي وحرگ الخيم

نعزيه – نعزيه - هو وي العيله
،،،،،،،،،،،،،،،،٢
انواسي ابوصالح الليله.ونسهر وياه عالحزن
الليله نگظيهه بواچي.دموع غرگنه الجفن
ساعده الله شلون يسمع.بالسياط اعله المتن
تنضرب عمته زينب.اعليهه بالحسره يون

تبچيه.تبچيه.سكنه تبچي وليله
،،،،،،،،،،،،،،،،،٢
اعله الرضيع وياهه ننحب.من العطش گلبه جمر
على الگطعو نحره ضامي.انوح وندگ الصدر
تدري بحسينك يمهدي .يسحگ بصدره الشمر
من نسولف والمصيبة.نبقى منك نعتذر

نواليه.نواليه.المدمع احنه نسيله
،،،،،،،،،،،،،،،٣
عن مصيبة ابو فاضل.من وگع يم النهر
انگطعت چفوفه يمهدي.وبعمد راسه انفطر
حسين طايح يم أخيه.اعله الگمر ظهره انكسر
يصيح يازينب يخيتي.راح عباس الگمر

يناديه.يناديه.العمد من هد حيله
،،،،،،،،،،،،،،،،٤
عن مصيبة عرس جاسم – مات واتطفه الشمع
رمله من فكدت ابنهه - وبقت محنيه الظلع
تنطفي زهرة شبابه وراسه وسفه ينكطع
ثياب عرسه يسلبوهه اعليه يضل يجري الدمع

نتانيه نتانيه بعبره من نحجيله
,,,,,,,,,

تطبير


ارد اطبر راسي واصرخ ياحسين بهل مصاب
واسبح بدمي ودمعتي وانثر اعليه التراب
بلكي اواسي المنذبح // البي الف واكثر جرح
الصرخت الحره المصابه وهالت اتراب الرباب

حيدر حيدر حيدر حيدر

///////////


من اشيل القامه بيدي اذكر الموقف هذاك
وحدك ابين الاعادي ناصر ابدأ ما اجاك
وهسه قامات اشكثر // النصرتك يبن الطهر
رحمه الله اعله الينصرك لعنه الله اعله الجفاك

حيدر حيدر حيدر حيدر


////////


وياك ما دورنه غايه انواسي بدمانه الامير
زحمه من الله وچبيره حسين بالطف ويحير
ومحد اليفزع اله // ضل وحيد بكربله
ويا وكت ابنك ياحيدر جسمه ينلم بحصير

حيدر حيدر حيدر حيدر


//////////



حسين هسه اهواي عندك كلها عابس بالجنون
تركض بلهفه النصرتك تفزع ومحد يخون
لويرد بينه الزمان // الطفك وذاك المكان
نوگف اباب المخيم ولد ابوهم لو يجون

حيدر حيدر حيدر حيدر،



///////



حسين وفقنه الخدمتك خاطر انعيش ابامان
وننحسب عند الزچيه انصارك بهذا الزمان
بداعت چفوف العميد / خذنه لطفالك عبيد
خاطر بيوم القيامه ندخل وياك الجنان

حيدر حيدر حيدر حيدر



////////////



قليل البضاعه
كثير الاضاعه

فاضل الغريباوي

اليوميه اناغيله اناغيله اناغيله
مويمي هاليله هاليله هاليله

مالي عين انظر بعد
نعش يمي مو مهد

مويمي هاليله هاليله هاليله
____________________
يعبدالله انهدم حيلي ياغالي امك ترد ليها
كمت مافرزن الظلمه الجنت يعيوني ضاويها
عهد يوليدي من امك فلا تبطل نواعيها
الخيمه اتهدمت يمه الجنت بحلامي بانيها

متفارك اضنوني اضنوني اضنوني
يمكحل عيوني عيوني عيوني

جنت مصدر للسعد
نعش يمي مو مهد

مويمي هاليله هاليله هاليله
______________________
يالمعودني عالضحكه من اشوفنها ترد روحي
شجره يبني واشو فجئه تقيد كلبي بجروحي
عمت عين السهم قاسي ترف نحرك يمذبوحي
ينايم والسهم نايم ياالما تسمعه النوحي

ما يرحم الصابك الصابك الصابك
يبطولك اصوابك اصوابك اصوابك

يمه دلالي نمرد
نعش يمي مو مهد

مو يمي هاليله هاليله هاليله
_____________________
روح الام طفل تدري ردت عود انه اضخرنك
انه العايشه بعطرك بنحرك جنت اشمنك
مو تدريني يايمه تصعب دامي اشوفنك
لو ادري بحزن هاليوم جا وي روحي اضمنك

مو كدك النبلة النبلة النبلة
سموني الثكله الثكله الثكله

يالحلو مثل الشهد

#تراث

ايام ايام هاي الدنيا ايام
يوم الاهل يحمونه
يوم العده يسلبونه
هاي الدنيا ايام
ــــــــــــــــــــــــــــــــــــــ
گوم ياحيدر بناتك شوفهه بالطف يحيدر
چانت ابمنظر خدرهه ليوم اصبح غير منضر
جانت باوطان صارت بالخيام وتسكن البر
حته الخيام باهلها محصنه وميمسهه كل شر

لن الاهل فوك الثره
كلهه جثث متوذره
ولن الاخيام اموجره
ولنهه متسلبهه الخدر

بخيام بخيام يوم الحرم بخيام
يوم اخيامهه اعليها
تتلاهب مسلبيها
هاي الدنيا ايام
ــــــــــــــــــــــــــــــــــــــ
زينب تحاجيك من الطف وانت ياكرار تسمع
تصيح يابويه الزمان شلون بينا گام يصنع
بويه تذكر من اروح لگبر جدي شلون اطلع
اطلع بوكت الضلام ولمن الاصوات تهجع


انته يبويه بصحبتي
والي تباريني اخوتي
واركض ليوم بغربتي
صرت من مصرع لمصرع

أجسام أجسام عيني تشاهد الاجسام
جانو امس كدامي
ليوم النار بخيامي
هاي الدنيا ايام
ــــــــــــــــــــــــــــــــــــــ
امس يابويه اخوتي كبال عيني وصد ليهه
خيمتي من اربع جوانب اخوتي حاطت عليهه
يروح اخو عنهه يحامي الجار اخو ثاني يجيهه
وابنك العباس يمهه بالحراسه التزم بيهه

وناشر عليهه رايته
وبخميتي ايوصي اخوته
بخوته الخيمه وهيبته
حارسيهه محصنيهه

ضلام ضلام لن ليوم ضلام
للخيمه يحرگوها
ولزينب يسلبوها
هاي الدنيا ايام
ــــــــــــــــــــــــــــــــــــــ
امس يابويه اخوتي بخيميتي يتفكدوني
شاريده كولي يزينب كل الاخوه يسالوني
ليوم لن شفت السياط يكسروها عله متوني
ليوم لن من خدري اطلع خايفه ويسلبوني

هم هاي جانت تنحسب
متون العقيله تنضرب
بعزت خدرهه تنسلب
وين الاخوه فاركون

اكرام اكرام يوم ابين ل اكرام
ويوم ابين سلابه
وخدر الحرم متهابه
هاي الدنيا ايام
ــــــــــــــــــــــــــــــــــــــ
امس عالعايله بين الاهل همه اليحرسوهه
وحده تلكاهه وي ابنهه وحده تلكاهه واخوهه
وحده تلكاهه وي عمهه وحده تلكاهه وي ابوهه
العايله الشافت اليوم تشوف ناس يلسبوها

تشوف الاهل متطشره
تشوف الضلوع مكسره
عالنهر سبع الگنطره
حسين جثته يسحگوهه

جسام جسام ثوب العرس جسام
جفوفه بدمه حنوهه
شموع العرس طفوهه
هاي الدنيا ايام
ــــــــــــــــــــــــــــــــــــــ
امس يابويه اشوف كبال عيني علي الاكبر
شوكت ما اندهه باسمه بخيمتي بالحال يحضر
ليوم لنه كبال عيني جسمه ياحيدر موذر
ذاك وجهه ليذكرني بالرسول اصبح امعفر

كل اخوتي بهذا الوضع
كل جسم راسه منگطع
بصدر الاخو لا ضل ضلع
سحكته الخيل وتكسر

مانام مانام جفن احسين مانام
يرعه جان امس حالي
ليوم اموذر اكبالي
هاي الدنيا ايام
ــــــــــــــــــــــــــــــــــــــ
وين ايامي يبويه ابين ولياني عشتهه
راحت الوليان عني فارگتني وفاركتهه
الخدر راح الاهل راحت شفت ناس الماشفتهه
اصبحت حرمه وغريبه وهيبتي ذيج افگدتهه

هاي الاطفال الي ربت
ابعزت اهلها اتسيبت
مثل يبويه اتسلبت
السلبتني سلبتها

ايتام ايتام لنهه ليوم ايتام
امس والدهه يشبگهه
اليوم الخيل تسحگهه
هاي الدنيا ايام
ــــــــــــــــــــــــــــــــــــــ
امس غير النسم ميمر ابد يابويه عليه
ليوم لن اركض ابين الخيل وآلآم بيه
والسياط اتربعتني وانه اشگفهه بديه
لا هذاك العز اشوفه ولا الذل بالغاضريه

يابويه اصير بيا فكر
اذكر اخوتي والخدر
ابن امي حز راسه الشمر
واجه براس احسين ليه

آلآم آلآم شتريد احچي آلام
بن امي الماكو امثاله
صار الشمر چتاله
هاي الدنيا ايام
ــــــــــــــــــــــــــــــــــــــ
ما اجاك الخبر عني صرت يابويه بهضيمه
الخيم وجوها علينا ولا بگت للحرم خيمه
وانه ساعه اركض واجيب ايتيم والحگلي يتيمه

ساعه العليل ابخيمته
اسمع يبويه صيحته
مهدد بگطعت رگبته
كضيت يابويه النهار عله هل حاله بهذا همي


الشاعر المرحوم
عبد الحسين ابو شبع
#اللهم_عجل_لوليك_الفرج

#تراث

يا محله الوداع إبهالمسيه وإعلـوم المنيه
بين الفاطمي والفاطميه
ــــــــــــــــــــــــــــــــــــــ
طب خيمة الحره حسين واليها
إو ناده إهنا يزينب
گعد عدها يودعها إو يسليها
إو نار الحزن تلهب
يوصيها إو يسلم أطفاله بديها
والخدر الــــمرتب

ألله إشمصيبه محبوب إو حبيبه
من تتحمس إبنار الرزيه
ــــــــــــــــــــــــــــــــــــــ
حـن گلب العقيله إو دوت بيه النار
من جور المصيبه
نادت يبن أبويه ما تگلي إشصار
گلب إختك إبريبه
چن الفلك طرنه إو بالعكس يندار
إو چن إختك غريبه

يبن أمي إشدهـانه من دهر الجفانه
شتت هالشمل بالغاضريه
ــــــــــــــــــــــــــــــــــــــ
صد حسين لخته والگلوب إتلوب
وإتغيرت الحاله
إو ناداها الشهاده فصّلتلي ثوب
من نسج الجلاله
إلچ ثـوب اليسر من العهد مكتوب
والخدرچ حلاله

خلينه إنتشارك إبهالثوب المبارك
حِلَه الخدرچ وأنه إمفصل عليه
ــــــــــــــــــــــــــــــــــــــ
نادت يبن أبويه بالعهد راضين
بالحگ إو رضينه
لا عزت عليك إرگابنه يحسين
وإنته تعز علينه
تهيأ للشهاده وإحنه متهيئين
نتنطر سبينه

إنتو إعلـه الشهاه وإحنه إعله السعاده
نيتنه إو عسن راشده النيه
ــــــــــــــــــــــــــــــــــــــ
لاچن عگب عينك يا ضـــوه عيني
خدر إختك حياته
إو خوفـي إمن الشماته إبسهم ترميني
إو تدري إبماضياته
خليني أرد أموت إوياك خلينــــي
إو لا شوف الشماته

والشـامات إله إسهام تمضي إبگلب ألأكرام
أمضه إو أشد من سهم المنيه
ــــــــــــــــــــــــــــــــــــــ
إلك عندي أمانه من أمك الزهره
هاك إسمع المضمون
لخوچ إبكربله إتحبينه إبصدره
إو تسجي ماي العيون
إومن تجدم منيته جدمي مهره
إو خل يجبل عله الكون

هذي كـربله هاي چيف البصر والراي
هاك إخذ ألأمانه إمن الزچيه
ــــــــــــــــــــــــــــــــــــــ
وصلتني ألأمـانه يا عقيــــلتنه
إو چنـي إتسلمتها
وإحگوگ الوفه وإشروط خوتنه
بوجودك شفتها
هذي كربله إو هذي شهــادتنه
تشهد وإسمعتها

تثبتلچ إراده إو تشهدلچ شهاده
صبرچ نصر دين ألله إو نبينه
ــــــــــــــــــــــــــــــــــــــ
تدنه حسين لخته إو شبگته وإتنوح
والونه ثجيلـه
گبل جرح السهم خلت إبگلبه إجروح
وإتگطع دليلـه
يخويه خل أبّدل إوياك روح إبروح
إو صد إعله العقيله

نـاداها ألأمر صار إو لو عمت ألأخطار
عگب أهلچ تلزميلي الثنيه

للشاعر المرحوم
كاظم منظور الكربلائي

#اللهم_عجل_لوليك_الفرج

للحسين (ع) 💚
لحن / خدام نبقه لفاطمه 💚


مذبوح * مذبوح *
مذبوح ابنج فاطمه /

علگاع * علگاع *
علگاع جثته مخذمه /



ذبحو حسين وتوذر بلعراء
وعالشريعه طاح شيال اللواء
وحرگوا الكفار صيوان النساء
واﻻطفال وحرم ضجت بالبكاء
وتنوح * وتنوح *
زينب تنوح مألمه /
مذبوح * مذبوح *
مذبوح ابنج فاطمه /



واگفه زينب واجه الشمر اللعين
شاهر السيف وگطع راس الحسين
وطاحت اعلى الجسد تدفع بليمين
حايره بيمن تلوذ وتستعين
وتريد * وتريد *
وتريد ابوها تحششمه /
مذبوح * مذبوح *
مذبوح ابنج فاطمه /



گطع راس حسين شاله اعلى السنان راسه بلقران يجهر واﻻذان
هلمصيبه ماجرت انس وﻻ جان
راس مگطوع ويجوود بلبيان
مگطوع * مگطوع *
مگطوع ويگطر دمه /
مذبوح * مذبوح *
مذبوح ابنج فاطمه /



ريت يم حسين حاضرته وتجين
وشاهدي الخيل التدوس اعلى الحسين
بلحوافر للضلوع مهشمين
بلحجر مظروب وانطر الجبين
بسيوف * بسيوف *
بسيوف جثته مخذمه /
مذبوح * مذبوح *
مذبوح ابنج فاطمه /



واگفه عالتل وشبجت بلجفوف وعينها تتربه لحسين وتشوف
خيامها حترگت ورگضت للطفوف
منالرعب لحسين اجت تركض بخوف
وتصيح * وتصيح *
وينك يحماي الحمه /
مذبوح * مذبوح *
مذبوح ابنج فاطمه /



نزلت الزهره على الجثه تصيح
شافت المظلوم علغبره طريح
تناشد بيا سبب يايمه ذبيح
وسهم المثلث بدﻻلك جريح
وتشوف * وتشوف *
وتشوف علغبره انرمه /
مذبوح * مذبوح *
مذبوح ابنج فاطمه /



بت محمد نزلت بنوح ونين
تصيح يا مظلوم يبني ياحسين
عليك هاي الگوم ليش مجمعين
يبن زمزم والصفا والحرمين
وتصيح * وتصيح *
وتصيح صيحه مؤلمه /
مذبوح *مذبوح *
مذبوح ابنج فاطمه /



تصيح يارب الجﻻله يا سميع
شنهو ذنب حسين علغبره صريع
ما يمد للطاغي ايده وﻻ يطيع
يصير بي هلموقف المر الشنيع
بالخيل * بالخيل *
اضلوع الحسين مهشمه /
مذبوح * مذبوح *
مذبوح ابنج فاطمه /




لخادمة الحسين (ع)
العلويه
(( سهيله حسين محمد ))

يازين العابدين وامام الساجدين

يمرافگ النوح. چم مره مذبوح
لا ما نلومك من تون بين المصايب والحزن
چم مره مذبوح
............

معروف من اطهر نسب وشرف سُلاله
ختارك امام عله البشر ربّ الجلاله
يالشايل بگلبك نبي وروح الرساله
اسمك علي وجدك علي وارث خصاله

يالكلّك احساس تعطف عله الناس
عمرك گضيته ممتحن بين المصايب والحزن
چم مره مذبوح
............

حگك يصب دمعك دمه صبح ومسيه
خلصو هَلك كلهـم ذبـح بالغـاصـريه
انت الشفـت ياسيـدي اعظم رزيه
گـدامك حسين انذبح فوگ الوطيه

من داسته الخيل. ودموعك تسيل
بالمرض جسمك مرتهن بين المصايب والحزن
چم مره مذبوح
............

اولاد عمّك وخوتك كلهه وعمامك
ذبحوهم بطف كربله كلهم امامك
كل ذبحه منهم تنذبح انت بخيامك
بچم غالي فجعوك العده زمرة خصامك

بالعِلّه مچتوف وعيونك تشوف
بالخيم حركو چم غصن بين المصايب والحزن
چم مره مذبوح
............

اعظمها يالسجاد اظن جرح السبيه
زينب تشاهدها انولت بين آل اميه
كافلهه طاح عله النهر راعي الحميه
محتاره تجمع بالحرم بنت الزچيه

تجمع بلزغار وطّفي بالنار
وسياط اميه عله المتن بين المصايب والحزن
چم مره مذبوح
............

اعظم جرح جرح السبي بعيونك يبات
لمن خذوكم عالهزل شفت المعانات
ويّاك زينب والحرم كلهن سبيّات
للكوفه والشام شكثر متروسه شمّات

ماشفتو صحبان. كل ديره عدوان
گلبك لبوالأكبر يحن. بين المصايب والحزن
چم مره مذبوح
............

لا ما نلومك سيدي طول العمر نوح
ابچي ونعينك بالبچي غرّگنه بجروح
ياسيدي السجاد الك. كل شيعي مجروح
ياهو الحمل مثلك محن مزروعه بالروح

ياوسفه ظلموك تاليهه سمّوك
بتراب گبرك تندفن. بين المصايب والحزن
چم مره مذبوح

#سيد_زيد_الفحام
2020
__________________________________

زيارة الأربعين

جينه براية العباس للعباس مشايه
...........

جينه عله العهد زوار للعباس مشايه
من كل موطن وكل دار للعباس مشايه
فاتح بابه للخطار. للعباس مشايه

نمشي وخل تشوف الناس. للعباس مشايه
جينه براية العباس للعباس مشايه
................

درب الممشه يامحلاه. للعباس مشايه
سنين سنين ما عفناه. للعباس مشايه
كل زاير يجي بحماه للعباس مشايه

نتعنّه لبو النوماس. للعباس مشايه
جينه براية العباس للعباس مشايه
.................

محلاها المواكب هاي للعباس مشايه
مابين اليوزع الماي. للعباس مشايه
وبين اليصنعلنه افياي. للعباس مشايه

عطره يعطّر الانفاس. للعباس مشايه
جينه براية العباس للعباس مشايه
.................

البصره وبابل وبغداد. للعباس مشايه
ومن واسط اجت وفّاد. للعباس مشايه
كل يوم العدد يزداد. للعباس مشايه

تاج الزاير عله الراس. للعباس مشايه
جينه براية العباس للعباس مشايه
.................

عماره ونينوى وذي قار. للعباس مشايه
الكوفه والنجف انصار للعباس مشايه
اهل القادسيه احرار. للعباس مشايه

غصباً عالعده الارجاس. للعباس مشايه
جينه براية العباس للعباس مشايه
.................

كركوك وسماوه الخير. للعباس مشايه
كلها بهالطريق تسير للعباس مشايه
ما يحتاج كل تفسير. للعباس مشايه

املاك السمه حرّاس. للعباس مشايه
جينه براية العباس للعباس مشايه
................

ديالى وكل اهلها اسباع للعباس مشايه
انفرشت للزياره الگاع للعباس مشايه
ماضاع التعب ماضاع. للعباس مشايه

يتلگه اليجي عباس. للعباس مشايه
جينه براية العباس للعباس مشايه

#سيد_زيد_الفحام
2020
________________________________

قصيدة للسيدة رقيه عليها السلام

وين الحنين علية
ما رد ابوية لية
ليش الحبل بدية
تسأل رقية
...........................

عمّه زينب وين ابويه حسين عنّي
ليش ما رد ما سمع معقوله ونّي
ارد اگلّه خيامه محروگه وچونّي
ليش ماشوفه شجراله وراح منّي

چان الحبيب گبالي
طول الوكت يبرالي
ياعمه وين الغالي
تسأل رقية
....................

يدري لو ما يدري بابا الصار بيه
متني ورّم من سياط الناصبيه
سلّبوا مني التراچي آل اميه
طحت من كثر السياط عله الوطيه

ليش الشمر يسلبني
وبلا رحم يضربني
شمسويه ويعذبني
تسأل رقية
....................

عمه زينب ليش ما يكدر يجينه
وين ابويه حسين بس گليلي وينه
بعطفه چنت مدلله واعرف حنينه
ليش طوّل غيبته وما رد علينه

خل يرجع يحاميني
منّ السطرني بعيني
شنهو السبب ناسيني
تسأل رقية
..................

يدري اركض حافيه وشامت يعتني
يدري جمرات الخيم تسعر چوتني
يدري بسياط الشمر كلها عله متني
يدري تحت الخيل اركض خوفتني

طفله وهمت محتاره
كلسا تجيني حجاره
وين العزيز اخباره
تسأل رقية
..........................

دلّيني بابا بياكتر ارد اعتنيله
احچيله عن كل المصايب وشتكيله
مشتاگه ياعمه اشكثر اشبگ دليله
تبچين بحسين شجره ها يالعقيله

گليلي گطعو نحره
والخيل داست صدره
ألمن بعد منتظره
تسأل رقية
..........................

سافر ابوچ وهالسفر ياذيج ادري
آنه البديله اتكفلچ يابعد عمري
بسّچ رقيه امن البچي للغالي عذري
لابد يجيچ امن السفر ياطفله صبري

لابد يجي تشوفينه
بچفوفچ تشبگينه
يمته الوعد چا وينه
تسأل رقية

سيد زيد الفحام
2020
__________________________________

نزله للسيدة رقيه عليها السلام

يا بابا راسك ليش مگطوع
*

بنتك رقيه آنه يحسين
اصرخ وصيح بدمعة العين
ياوالدي عني غبت وين

ما تدري گلبي هواي مفجوع
*

جابولي راسك من صحت آه
شفته وشبگته وصحت ويلاه
مگطوع نحره تنزف دماه

سوط ال اميه عليه مطبوع
*

شفتك دخلت عله الخرابه
گتلك اخذني وياك بابا
خلصني من عمري وعذابه

حتى البواچي عليك ممنوع
*

يابابا ليش بوجهك اتراب
وبالدم تخضّب شيبك خضاب
گلبي عله حالك بالحزن ذاب

ابچي وبعد ما ظلت دموع
*

آنه التحب اسمي رقيه
يا بابا ما تسأل عليه
خليني اضم راسك بديه

راسي بسياط اعداي مصدوع
*

وياك اسولف تسمع الصوت
بسكوت اون عليك بسكوت
يحله عله راسك والدي الموت

گلبي عله فگدك حيل موجوع

سيد زيد الفحام
2020
________________________________

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



ابيرغك ياعباس. تتحزّم المشايه
*
شد حيلي. وگويني . ناشد الگمر
مشيني ودليني. ياضي البصر
كض ايدي. لاتيهن . بدروب الخطر
اسگيني من جودك. يالچفك نهر

بغيرتك ينوماس. تتنومس الوفايه
ابيرغك ياعباس. تتحزم المشايه
****
دليني. وخليني. يم بابك عبد
وچفوفك. تدريني. مااحمل بعد
والماشي. بدروبك. خطواته ورد
يالهيبه. والنيبه . خطتلك مجد

الخدمتك هاي الناس. كلها اجت عناي
ابـيــرغــك ياعـبـاس. تتحزم المشايه
**
الكافل. والحامل. راية حيدره
يعرفونه. يسمونه. سبع الگطره
معشوگي. بعروگي. يالحبه سره
عباسي. بحساسي. حبيته تره

امحبّتك فوگ الراس. يابعد هاي وهايه
ابــيـرغــك يا عــباس تتـحزم المـشـايه
*
يالضامن. ومآمن. بيك انته الهوه
ياروحي. لجروحي. خليتك دوه
من گُبتك. شمس الله. تاخذ الضوه
بچفوفك. شايلهن. زينب واللوه

شيمتك ماتنقاس. ياسيدي بحچايه
ابيرغك يا عباس. تتـحـزم المـشايه
****
خطواتي. وچلماتي. وگليبي اليدگ
بالممشه. اقراهن آيات العشگ
خدامك. ماتنسه. خيامك تحترگ
لوطاري. الضل عاري. عالهامه ندگ

بخيلهم ضل ينداس. ونته علمسنايه
ابيرغك ياعباس. تتحزم المشايه
*
كل نوحي. المذبوحي. حسينك والخيم
يقضاتي. واحلامي. زينب والحرم
مفتونك. مجنونك. ياراعي العلم
بچيني. وعيشني. شوغات السهم


العينك البيها احساس. الها نسوي اقرايه
ابيرغك ياعباس. تتحزم المشايه

عمار حسن الدراجي.


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://t.me/joinchat/Dw92Dj9pmspR5uHfACGjlA

📜قصيدة : قلي يالميمون وين والينه
✒️للشاعر : شيخ كاظم منظور الكربلائي

گلي يالميمون .. وين والينه
راح أبو السجاد لو يرد لينه
🍂🍂🍂🍂🍂
آنه يالميمون بيدي جدمتك
وانخمش قلبي
من رحت بحسين بالله ودعتك
والباري حسبي
وبقت روحي تلوج وانتظر جيتك
وعيوني ترمي
جيتني خالي حسين چا وينه
راح من إدينه
🍂🍂🍂🍂🍂
بالله يالميمون رد عليّ جواب
وخفي ونيني
سرجك المقلوب صاب گلبي صواب
واثقل حنيني
هذا دم حسين لو حمر خضاب
ما تدليني
همهم الميمون وهملت عينه
راح من إدينه
🍂🍂🍂🍂🍂
دم يا هالميمون وجهك خضابه
والقلب عطب
من وريد حسين لومني صوابه
وجهك تخضب
قلها سهم البين بالقلب صابه
شمالج يزينب
دم أخوج حسين ما تعرفينه
راح من إدينه
🍂🍂🍂🍂🍂
ليش يالميمون مندهش حالك
مجبل عليه
تجر بلجامك تصهل شمالك
ونتك خفيه
جيتني خالي وين خيالك
عفته رميه
وين أخوي حسين عن صواوينه
راح من إدينه
🍂🍂🍂🍂🍂
بالله يالميمون لهفتي ردها
وهود عويلي
قلوب هالأيتام لا تمردها
هدمت حيلي
هاي سكنه تريد مني والدها
وفجعت دليلي
چن أخويه حسين يتم سكينه
راح من إدينه
🍂🍂🍂🍂🍂
ليش يالميمون سيـّـبت حالي
وهدمت داري
وقطعت بينا بطيحة الوالي
آه ينكساري
واقطعت قلبي بسرجك الخالي
وهيجت ناري
حرم ظلينه ومن يحامينه
راح من إدينه
🍂🍂🍂🍂🍂

اويلاه يزينبا.. اويلاه يزينبا
🏴🏴🏴🏴🏴
وتنادي بت خير العمل..
اويلاه يزينبا
لاوالي عندي ولااهل..
اويلاه يزينبا
بدرب السبي شفت العلل
اويلاه يزينبا
ويدروني اني الطاهره
اويلاه يزينبا
🏴🏴🏴🏴🏴🏴
انه العقيله بت علي
اويلاه يزينبا
بالشده محد ضل الي
اويلاه يزينبا
غريبه ماعندي ولي
اويلاه يزينبا
وانادي وينك ياكَمر
اويلاه يزينبا
🏴🏴🏴🏴🏴🏴
ياخويه عاين حالتي
اويلاه يزينبا
مهضومه واجري دمعتي
اويلاه يزينبا
حرمه وحيده بغربتي
اويلاه يزينبا
وشتمني بجفاك العدو
اويلاه يزينبا
🏴🏴🏴🏴🏴🏴
كَعدونه خويه على الترب
اويلاه يزينبا
مستوحديني هل الغرب
اويلاه يزينبا
بالسوط عكَبك انضرب
اويلاه يزينبا
بجفاك حيره حيرتي
اويلاه يزينبا
🏴🏴🏴🏴🏴🏴
محتركَ ياخويه الدليل
اويلاه يزينبا
ضربوه بجفاك العليل
اويلاه يزينبا
وينك يعباس الكفيل
اويلاه يزينبا
وي العدو رحت ميسره
اويلاه يزينبا
🏴🏴🏴🏴🏴🏴
عذبني يادرب اليسر
اويلاه يزينبا
الهيبه انه ام الخدر
اويلاه يزينبا
بضعوني يحدي هل الشمر
اويلاه يزينبا
وجتفهه اديه بالحبل
اويلاه يزينبا
🏴🏴🏴🏴🏴🏴

✍للشاعرة وخادمة الحُسين
رقيه

وسفه اركب عالهزل،،،وايدي مجتوفه ابحبل
ياعذابي،،،يامصابي،،،انه زينب،،،انه زينب
////////////////////////////////////////
حرمه عافوهااهلها،،،والمصاب عليهايشتد
ضاع كلشي من اديها،،،ابياأمل لورادت اترد
بس جسدعالناگه تمشي،،،شلون عن الوالي تبعد
يم خوهاالروح ظلت،،،الطاح مگطوع الزند
،،طاح وابعينه سهم،،،وهيه صاحت من الاالم،،
،،على بختك،،،عفت اختك،،،انه زينب،،،انه زينب،،1
///////////////////////////////////////
تعاين اتريد اليجيها،،،وهيه مجروحت گلب
وي كل خطوه جفنها،،،دمعت الفرگه تصب
تمنت العباس حاظر،،،استاحشت ذاك الدرب
وصارت اتعاتب اخوها،،،تقبل اختك بالغرب
،،يالعفت اختك غريبه،،،حايره بهاي المصيبه،،
،،ريت ترجع،،،ليه تفزع،،،انه زينب،،،انه زينب،،2
//////////////////////////////////////
تعب من السهرجفني،،،وروحي مختنگه احس
وصرت اتنفس حزن،،،ويه كل شهگت نفس
وگيدي ياذيني من اديه،،،من يعت بيه الرجس
حرمه والدنيا ولتني،،،بعدخدري بالشمس
،،عليه تتفرج الغربه،،،ياكفيلي هوايه صعبه،،
،،عذبوني،،،ولوعوني،،،انه زينب،،،انه زينب،،3
///////////////////////////////////////
أيست والحيره بيه،،،وريت يخلص العمر
لاعشيره ولاگرايب،،،بعداشينفع صبر
وصرت ابوليت شماته،،،زينب انه باليسر
عالهزل اركب حسافه،،،وصاريبرالي الزجر
،،بيه ايلوذن خواتي،،،وانه استرهن ابعباتي،،
ابلايه والي،،،هذاحالي،،،انه زينب،،،انه زينب،،4
/////////////////////////////////////////
ابياوكت مجتوفه اديه،،،وانه بت فارس مظر
الجانت الوادم تحلم،،،ألي اتشاهد أثر
وهسه ياهو الرادينضر،،،صارمن حقه النضر
من بعد حسين اخويه،،،وعگب عباس الگمر
،،كلفوني ابهل يتامه،،،وليلي ماأگدرانامه،،
،،بعداخوتي،،،ريت موتي،،،انه زينب،،،انه زينب،،5
///////////////////////////////////////////
روحي ملت من حزنها،،،والدرب عليه بعيد
امشي من ديره الديره،،،صدگ مجتوفت الاأيد
والسياط عليه يضرب،،،استوحدوني العبيد
والله لوعباس يمي،،،انجان مارحت اليزيد
،،روحي فجعوها بجراح،،،وروس خوتي عالرماح،،
،،وين اروحن،،،بس انوحن،،،انه زينب،،،انه زينب،،6
//////////////////////////////////////////
الشاعرقصي القاسمي

قصيدة للسيدة زينب ع جنوبيه فزاعيه


اجت زينب تون يم دار اهاليها
تون وتصيح ياعباس رد لــــيها


اجت زينب تون اليــوم حـزنانه
حيف حسين اخوهه ساد بيبانه
اجت تلطم عليه وتـــريد عوانه

(رد عباس لزينب//جتك متعوبه)


رد عباس زينب جــــــايه بهمه
تنادي ياكفيلي شوف ابو اليمه
من خيل العدة لعضام متهشمه

(الخيل الداست صدرة//داست كلبي وياه)


خيل الداسته خلت الــــف عله
تشوفه بعينها منحور مو سهله
بگلب زينب يبو فاضل اثر خله

(گلبي يون وينادي//وين العافوني)


ونت من لگت عباس مو يمها
ونت حيل لاچن بلخيم همها
دارت للمدينه وشتكت لاأمها

(ها يلزهرة دخيلج// لحگي لبتج طگوهه)


كلمات

الشاعرة هبه الموسوي

دللول دللول يا عبدالله دللول
نام نام يا يمه الولد
نام نام يا يمه الولد

افزن شايطة و اتذكر امـناغاك
و اذكر سهر ليلي الگضيته إوياك
حاربني زماني وليش ما خلاك
يا سهم الغدر دم النحر راوك
يا مدلول يا مدلول سهم نحرك يا مدلول
يا مدلول يا مدلول سهم نحرك يا مدلول

نصب جيدك شمس و الدنيا حارت بيك
وسهام المنايا بلا رحم ترميك
اقبالي و مددت يمه الولد رجليك
لـا مجروح وامك تگعد اداويك
اداويك اداويك اشد جرحك و اداويك
اداويك اداويك اشد جرحك و اداويك

دَر صدري بمحنه ولهفه ناديتك
ردتك ترضع بصدري وترجيتك
عدل يبني وتحاچيني تمنيتك
مـا صدگت مـيت لـمن هزيتك
بلا روح بلا روح الولد نايم بلا روح
بلا روح بلا روح الولد نايم بلا روح

يبني الآه والحسرة تـعيش إويـــاي
يالضامي وجمر نارك يشب بحشاي
هاك اعصر اعيوني ومنهن اشرب ماي
ردتك من يذبني الوكت يا رجواي
اناغيك اناغيك تحن روحي واناغيك
اناغيك اناغيك تحن روحي واناغيك

انوحن و شصبر الراح غايبها
عليّ دنياي ملتمه مصايبها
هيچ امك غريبه بكربله تذبها
ساكت ليش يبني ما تجاوبها
احاچيك احاچيك دجاوبني إمن احاچيك
احاچيك احاچيك دجاوبني إمن احاچيك

انشدك دم وريدك عالثرى مسفوح
لو قلبي وگع فوگ الـأرض مذبوح
لو ادري تدردك دمعتي و النوح
لخلي إبحر دمعي تغط سفينة نوح
والدموع والدموع أضل للوّن و الدموع
والدموع والدموع أضل للوّن و الدموع

يبني النـوگ بـاچر بـالضـعن يسـرن
و اروح ميسرة وبعـدك اعيش إلمن
تمر إطيـوفك بعيني وأحـن وأصفن
وقلبي العليميته إعلى الحزن والون
اذا اروح اذا اروح غصب عنك اذا اروح
اذا اروح اذا اروح غصب عنك اذا اروح

خادمه الحسين /نسرين

طبعت بيد عباس التميمي
★★★★★★★

هنا يمن سرتو بضعنه
اعله الجثث مرونه
خل نمر نودع اهلنه
وخلهم يودعونه
***

خل نمر بجساد اهلنه وللفحل ودوني
ارد اسولفله اعله ضيمي وارد اراوي امتوني
يابو فاضل شتموني خلافك وبچوني
ترضه غيرتكم يخوتي ويه العده تخلونه

***

وصبح المصباح الاگشر والهزل جابوهه
حشمت زينب باهلهه والاهل ماجوهه
ليش وحدهه العزيزة بلا ولي تخلوهه
للضعن يراد والي اووادم يبارونه

***

حيرة ام الحزن زينب بالعليل وحالته
شلون يالعباس بيها وابن اخوه ورجبته
وركبت وفزت الناگه وطاح هوه وعمته
وتالي بسياط ومسبه عداكم تولوهه

***

وحنت الناگه اعله حالي وعاينتلي بلا ولي
صاحت اعله النوگ هونچ هاي زينب بت علي
مالها اخوان بضعنها ولا كفيل بمحملي
ولاولي يباري لخواته وينشد اعله ضعونها

***
ومرت اسكينه اعله ابوها وبيه فيض من الدموم
لاعت بلوعت يتام والجثث كامت تلوم
بويه ياهو الداس صدرك ياهو رض ذيج الضلوع
وياهو صوب راس عمي وياهو طفه عيونه

***

وحنت ام جاسم لجاسم وعله ذيچ الذكريات
وذكراها الطف بابنها والعرس والامنيات
تالي عريس المنايه بفرحة الميدان مات
عادة العريس اخوته بحنته يزفونه

***
وشرباني الدهر ظيم وموش من لوعاته اضوك
ومرمرت حالي اليتامه وعلى الحرم ناحت النوگ
غير ابو فاضل كفيلي لاحلت رفجه وتلوك
ولا حلت دنيه بغيابه ولا فرح من دونه
***

وتالي من فوگ المحامل ودعت ذيچ الحيود
وحزني مافارگني ساعه ونوحي وهدومي السود
من عگب عزي ودلالي مچتفه بذيج القيود
وعايله وخوان ماهم والعده يمشونه

*
يامره شافت خيما اخلاف عزها تفرهدت
وياهي ضاكت مثلي لوعه وياهي مشلي تشمتت
انه ذيج الهاشميه عكب ابو اليمه نسبت
والوكت ما انصفاني وشوف دهري شلونه
**

وبل يسر ماتت رقيه وفزت وياها الجروح
اهنا يبت حسين كومي نريد للوالد نروح
الكربله حمل ضعنه ومابقة ياعمه روح
خايفه ينشدون عندج لمن يشوفونه

***
وسارت عيالي ومشيت وچنه للشام المسير
والمنايا تحوف بينه وليل الأحزان الخطير
ولوعة الشام وأهلها وتعرف بحال الأسير
ولا محامي وشتموني والدي يعرفونه

***
الشاعر عباس فالح المشرفاوي

للمشايه...


عطشانه جيت من الشام/عباس الك عنايه
أتمنه تسرع هالنوك/مشتاكه اشوف الرايه
*************
هالرايه جانت وياي/ تضللني مثل الغيمه
خلافك صرت ياعباس/چني يتيمه بهيمه
ثمانين لوعه وياي/وكلمن يسولف ضيمه
مجتوفه مابين الناس/أخت الكمر هضيمه

كشخة علي حامي لجار/وامحركه العبايه
أتمنه تسرع هالنوك /مشتاكهاشوف الرايه
عطشانه جيت من الشام/عباس الك عنايه
*************
شاب الكلب كبل الراس/من ادخلت ديوانه
صبرت روحي عللضيم/وكلبي نعتله احزانه
ايزيد يجرحنه يريد/كبال الطشت خلانه
ويأشر اعله المذبوح / أله أذل نسوانه

نزلت دمعتي من العين/ ولكافلي شجايه
أتمنه تسرع هالنوك/مشتاكه اشوف الرايه
عطشانه جيت من الشام/عباس الك عنايه
*************
بين الخرابه والشام/جم مره طلعت روحي
فزت طفل چن مرعوب/هيچي تفز اجروحي
لمن أصد اعله الراس/اشيب الدنيه بنوحي
تشبه لطيرالمذبوح/كامت تفرفح روحي

ياوسف بين لديوان/اصبح خدرنه حجايه
أتمنه تسرع هالنوك/مشتاگه اشوف الرايه
عطشانه جيت من الشام/عباس الك عنايه
*************
تگولین كافل عباس/جاوينه ما تنخينه
أعله الرمح وبكل يوم/يازينب تشوفينه
مرفوع راسه ومهشوم/ولسهم ماخذ عينه
أشما ضربنه النسوان/ينضح بغيره جبينه

ذني الرّبن بين ملوك/عدنه اصبحن سبايه
أتمنه تسرع هالنوك/مشتاكه اشوف الرايه
عطشانه جيت من الشام/عباس الك عنايه
*************
گالولي ردي ويلروس/ونزفت اجروحي بحرگه
ألدنيه وبلا خوان / للمثلي تصبح خنگه
طول الدرب يلحنان/لحضه الجفن ماطبگه
كل ضني ماتمشي النوگ/وكلبي ركض للملگه

شفت النهر ياعباس/حرمة اضوگن مايه
أتمنه تسرع هالنوك/مشتاگه اشوف الرايه
عطشانه جيت من الشام/عباس الك عنايه
*************

تمت والحمد لله والشكر
بقلم ملا ياسر الزيادي
هديه لمولاي صاحب الزمان عج

أداء : الرادود مرتضى حرب

كلمات المبدع : حيدر تركي الكربلائي


اشــهدُ ان علــياً .. حجة الله علي
نــور الله علي
اسم الله علي


علي مستقبل حــياتي وحــاظر وماضيها
دنــيتي ابـــلـياه اصــلاً دنيـــه ماســـميها
احچايتي ومابيها هوه مستحيل احچيها
السالفه مملوحه حـيل العلي حــاظر بيها

وما ابــالغ من اگــولن .. رحمة الله علي
نــور الله علي
اسم الله علي

_____

علي بسـمات اليـتامه وكلـشـي اليمــلكونه
علي مـن گــد ماعــزيز العــافيه ايســمونه
علي شايل رحمة الله وكون تحچي متونه
تشبـع الوادم الفــقره بـس تشـوف اعيونه

الهالسبب روحي تحبه .. غيرة الله علي
نــور الله علي
اسم الله علي

___

الفقره بس حــيدر ابوهــم واني واحد منهم
وبس علي بالدنــيه كلــها هــوه يســال عنهم
گبـــل ميونون همـــه عـــلي ايـــون الـــونهم
ابچاله احس الفقره والله ملوك صارو چنهم

يهـوه باب الفقره هــوه .. باب الله علي
نــور الله علي
اسم الله علي

___

علــي بعد الله ونبـــيه علـــي هـــوه الاعــلم
علي من بطن امه مسلم موش شايب واسلم
اعليه احسـن بـي رحيم وعلي من امي ارحم
مــا اوافــي علــي انـــه شكـــثـــر ما اتــكــلم

انه شــموصلني واحـــچي .. سر الله علي
نــور الله علي
اسم الله علي

___

علي مدري ياهــو سمــاه البطين الانزع
كلــشي سامــع عنـه لكن ماسمعته يشبع
علي ماكو اقوه منه علي هــوه الاشــجع
لچن من ينظر يــتيم ابساع عــينه تدمع

ولهــذا انــه اهــوه .. لطف الله علي
نــور الله علي
اسم الله علي

___

ابلا علي مسكين اشعر واكسـر انـه الخاطر
بدنيــتي مــالي مـعـين ولا الــي كــل ناصر
خاطري مكسور اجيت وعلي وحده ايجابر
المثلي ينطي وجـها وين اوين يگصد باچر

تايه الماعنده حيدر .. وجهة الله علي
نــور الله علي
اسم الله علي
___

#قصائد_شهادة_السيدة_رقية_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️أطفال ونسه والگيد هدموا حيله▪️

ــــــــــــــــــــــــــــــــــــــــــــــــــــــــ


شور عن لسان السیده رقیه ع



نظراتی حسیناه
دمعاتی حسیناه


یبویه آنی رقیه
وحیده ابلاتچیه
یسمونی السبیه
الک انصب عزیه

حاجاتی حسیناه
دمعاتی حسیناه


یمن خالی مکانک
احن بویه الحنانک
ایا زهرة زمانک
سبی امشی اعله شانک

خطواتی حسیناه
دمعاتی حسیناه


رقیتکم زغیره
وجروح الطف چبیره
عجب من دیره دیره
سبی تمشی الامیره

حسراتی حسیناه
دمعاتی حسیناه

یمن حزو وریدک
الرمح عالی وریدک
ارید الزمهه ایدک
الی منهو الیعیدک


آهاتی حسیناه
دمعاتی حسیناه


اعثرت بویه ابحنینی
ذبل عمری ابونینی
الک انحب سنینی
الی بلکت تجینی

مئساتی حسیناه
دمعاتی حسیناه


نذر امشی اربعینک
یمن خلصت سنینک
علی من تربی عینک
اموتن وی حنینک

لوعاتی حسیناه
دمعاتی حسیناه


الشاعرعلی جبّار

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg

▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

يـمـة ذكـريني من تمر زفة شباب**من العرس محروم وحنتي دم المصاب
شـمـعـة شـبـابـي مـن يطفوها**حنتي دمي والكفن ذاري التراب
يـمـة ذكـريـنـي يـمـة ذكـريـنـي مـن تـمـر زفـة شـباب

مـن ثدي النيبا راضع بصافي الحليب** وبهالشهادة صار الي قسمة ونصيب
حـوفـتـي بـدمـي خلها يفرشوها حنتي دمي والكفن ذاري التراب

يـوم ا لـمبارك أصبح لديني شهيد وافزع لعمي من يظل بالطف وحيد
رمـلـة بـمـصـابـي خل يواسوها**حنتي دمي والكفن ذاري التراب

اهلي وصوني بالوفا يوم الطفوف** ومن دم وريدي يصبح خضاب الجفوف
هـذي وصـيـتـي يـا الـتسمعوها**حنتي دمي والكفن ذاري التراب

دهـري يـتّمني والتزم عمي برباي** ما اعز عنه مهجتي وروحي ودماي
رمـلـة بـمـصـابـي خل يفجعوها حنتي دمي والكفن ذاري التراب

والـوفـا شـانـه يـنعدم بيه الوجود وآنه وجداني يغتنم جنة خلود
نـيـتـي بـديـوان جـدي كتبوها**حنتي دمي والكفن ذاري التراب

الشاعر كاظم منظور الكربلائي




https://t.me/joinchat/UShxzSh6DyF31x9W