မင်းမော်ကွန်းအိမ်ချိတ်ပိတ်ခံရ စောက်ရေးကြီးလို့လားဟု ကျော်ကျော်ဌေးလွင်ပြော

#မှိုင်းဝေ

မြို့မတူရိယာအသင်းကြိီးရဲ့ တေးရေးဆရာကြီး မြို့မကိုပေါ ကွယ်လွန်

သြဂုတ် ၂၉-၂၀၂၂
Voice Of Myanmar

မန္တလေးမြို့မှာ ထင်ရှားကျော်ကြားတဲ့ မြို့မတူရိယာအသင်းကြီးရဲ့ တေးရေးဆရာ ဂီတစာဆို မြို့မကိုပေါဟာ မနေ့သြဂုတ် ၂၈ရက် ည၁၂ထိုးခံနီးအချိန်မှာ ကွယ်လွန်သွားပြီဖြစ်တယ်လို့ မန္တလေးစာပေအသိုင်းအ၀ိုင်းကနေ သိရပါတယ်။

အသက်၉၅ နှစ်အရွယ် ဆရာကြီးမြို့မကိုပေါဟာ နှလုံးရောဂါအခံရှိသူဖြစ်ပြီး သြဂုတ်လပိုင်းအတွင်းကပဲ နေအိမ်အတွင်း စန္ဒယားတီးပြီး ထိုင်ရာကနေ ထရာမှ ချော်လဲကာ ပေါင်ကျိုးခဲ့တယ်လို့ သိရပါတယ်။

ပေါင်ကျိုးပြီးနောက်ပိုင်း ကျန်းမာရေးအခြေအနေ ဆိုးရွားလာပြီး ဆေးကုသမှုခံယူနေရင်း မန္တလေးမြို့၊ ပုလင်းဝင်းရပ်က နေအိမ်မှာပဲ မနေ့က ကွယ်လွန်ခဲ့တာဖြစ်ပါတယ်။

မြို့မကိုပေါကို မြန်မာသက္ကရာဇ် ၁၂၈၉ခုနှစ်မှာ အဖ ဦးပေါ်၊ အမိ ဒေါ်လှ တို့က မန္တလေး၊ ဒါးတန်းရပ်မှာ မွေးဖွားခဲ့ပြီး အမည်ရင်းက ဦးကျော်စိုးဖြစ်ပါတယ်။

အသက် ၂၄-နှစ်အရွယ်မှာ မြို့မတူရိယာဝိုင်းအတွင်း ဆက်ဆိုဖုန်း မှုတ်သူအဖြစ်မှ ဂီတလောကကို ရောက်ရှိခဲ့ပါတယ်။

မန္တလေးရုပ်ရှင်ခေတ် ကင်မရာဆရာဖြစ် လုပ်ကိုင်ခဲ့ပြီး ၁၉၄၉-ခုနှစ်မှာ သီချင်းတွေ စတင်ရေးသားခဲ့သလို ၁၉၆၁-ခုနှစ်မှာ ကိုယ်ပိုင်မေတ္တာဇာတ်ကား နဲ့ ဓာတ်ပုံထူးချွန်ဆုကို ဦးလူကလေးနဲ့ ပူးတွဲရရှိခဲ့သူလည်း ဖြစ်ပါတယ်။

၁၉၈၅ခုနှစ် သင်္ကြန်မိုး ရုပ်ရှင်ကားကြီးထဲက နှစ်ကိုယ်တူ ချစ်သမျှ သီချင်းနဲ့ ၁၉၉၁ခုနှစ် ဒဏ္ဍာရီ ရုပ်ရှင်ကားမှ အောင်ဇေ မင်္ဂလာ သီချင်းတွေဟာ မြို့မကိုပေါရဲ့ အထူးထင်ရှားခဲ့တဲ့ သီချင်တွေပဲဖြစ်ပါတယ်။

၂ဝ၁၇ ဖေဖော်ဝါရီလထဲမှာတော့ မြို့မတူရိယာအသင်းကြီးအကြောင်းနဲ့ အနုပညာသက်တမ်းတလျှောက် ကိုယ်တွေ့ ကြုံတွေ့ခဲ့ရတာတွေကို ရေးသားထားတဲ့ " အတိတ်လမ်းသို့ အလွမ်းပြေ"စာအုပ်ကို ထုတ်ဝေခဲ့ပါသေးတယ်။

မြို့မကိုပေါရဲ့ အခြားထင်းရှားတဲ့ သီချင်းတွေကတော့ ချစ်အာရုံ၊ ပန်းမျိုးတရာ၊ နှုတ်ခွန်းဆက်သင်္ကြန်၊ ချစ်သူနဲ့သာဆိုပါရင်၊ ချစ်ကမ္ဘာထဲ နှစ်ယောက်ထဲ၊ မောင်မယ်တို့နှစ်ဦး၊ မခွဲတမ်းကြင်မယ် စတဲ့ မြန်မာသံစဉ်သီချင်းတွေမှာလည်း ထင်ရှားခဲ့တာဖြစ်ပါတယ်။

Photo - မန္တလေးအဘိဓာန်
#voiceofmyanmar #VOM #မန္တလေး #မြို့မကိုပေါကွယ်လွန်

တစ်ရွာလုံး ဗုံးချစရာနေရာတွေ
ထဲက
ဘုန်းကြီးကျောင်းထဲ ဗုန်းဖြုတ်ချ
တယ် ။
ကိုရင်လေးတွေဗုံးစမှန်တယ် ။

တစ်မြို့လုံး ဗုံးပစ်သွင်းစရာ
နေရာတွေထဲက
ဆွမ်းလောင်းဓမ္မာရုံ ဆွမ်းချက်
နေတဲ့အထဲကို ဗုံးပစ်သွင်းတယ် ။

သူတို့ အာဏာရှင်ကိုတိုက်နေတယ်
ဆိုတာ ဟုတ်ပါ့မလား ။
ဘုန်းကြီးကျောင်းထဲမှာ
အာဏာရှင်ရှိလား ။
ဆွမ်းချက်ဓမ္မာရုံမှာ
အာဏာရှင်ရှိလား ။

သူတို့ တိုက်နေတာ လူကို
မဟုတ်ဘဲ၊
သူတို့ ဗုဒ္ဓဘာသာကိုတိုက်နေတာ
လို့ တခဏလေးဖြစ်ဖြစ်အချိန်ပေး
တွေးကြည့်ကြပါဦး ။

မတွေးမိရင် ထပ်ပြောပါမယ် ။
နွေဦးတော်လှန်ရေးဆိုတာမှာ
သူတို့ ဓားနဲ့ခုတ်၊ သေနတ်နဲ့ပစ်
လို့ ပျံလွန်တော်မူတဲ့ ဗုဒ္ဓဘာသာဘုန်တော်ကြီး ၅၃ပါး ရှိသွားပြီ ။

ဘုန်းတော်ကြီး ၅၃ပါးရဲ့
ရုပ်ကလပ်တွေကို စီချထားရင်
ဘောလုံးကွင်းတစ်ကွင်းစာလောက် ရှိမယ် ။
အဲဒီအထဲမှာ သက်တော် ၈၀
ဆတော် ကြီးတွေပါတယ်။
အဲဒီ ဆတော်ကြီးတွေက
အာဏာရှင်တွေလား ။

ဗုဒ္ဓဘာသာဝင်တွေ ထုံထိုင်းထိုင်း
တွေ ဖြစ်ကုန်ကြပြီ ။
လစ်ဘရယ်ဆေးမိပြီးဦးနှောက် ပျက်စီးနေကြပြီ။
ဆရာတော်ကြီးတွေ ပျံလွန်တော်
မူအောင်ကျူးလွန်တာ ဓမ္မလို့
ပျော်ပြကြပြီ ။

သိပ် ဝမ်းနည်းစရာကောင်းတဲ့
ယဉ်ကျေးမှု သေဆုံးခြင်းပါပဲ ။

ကျွန်တော်တို့
ဘုရားတည်တာ အစွန်းတစ်ဘက်ပါ ။
ဘုရားအဖြိုမခံရအောင်ကာကွယ် နိုင်မှ
မစ္ဇျိမပဋိပဋာ သာသနာ
စောင့်ရှောက်ခြင်းဖြစ်တဲ့အကြောင်း
သာသနာပြု မင်းအပေါင်းခင်ဗျာ ။

မောင်ချိုဝေ
၂၈၊၈၊၂၀၂၂

ချင်းပြည်နယ် ပလက်ဝမြို့နယ် သံထောင်ကျေးရွာမှ ချင်းလူမျိုး အမျိုးသမီး ၈ ဦးကို AA အဖွဲ့က အဓမ္မဖမ်းဆီးခေါ်ဆောင်သွား
ဩဂုတ် ၂၉ ရက်
ချင်းပြည်နယ် ပလက်ဝမြို့နယ် သံတောင်ကျေးရွာမှ ချင်းလူမျိုးအမျိုး သမီး ၈ ဦးကို ဩဂုတ်လ ၂၇ ရက် ည ၇ နာရီခန့်မှာ AA အဖွဲ့က အဓမ္မဖမ်းဆီး ခေါ်ဆောင်သွားတယ်လို့ အမည်မဖော်လိုသူရွာသားတစ်ဦးက DWM ကို ပြောပါ တယ်။
“သူတို့က ရွာနားမှာ တပ်မတော်စစ်ကြောင်းရော ရဲတပ်ဖွဲ့ဝင်တွေရော မရှိတော့ဘူးဆိုတာကို သိပြီးရောက်လာတာဗျ အဲ့မှာ အမျိုးသမီး ၈ ဦးကို အမည် စာရင်းတွေဖတ်ပြပြီး AA အဖွဲ့ကလူတွေက နေအိမ်တွေကို အတင်းဝင်ပြီး ကြိုး နဲ့တုပ်ပြီး ဆွဲခေါ်သွားတာဗျ ရွာသားတွေက ကြောက်နေကြတော့ ဘာကြောင့် အဖမ်းခံရလဲဆိုတာကို မမေးရဲကြဘူးဗျ အဖမ်းခံရတဲ့သူတွေက ရိုးရိုးသားသား လုပ်ကိုင်စားသောက်နေတဲ့ ဒေသခံတွေပါဘဲဗျာ ဘာအပြစ်မှလည်းလုပ်မထား ကြပါဘူး AA ကပြောသလို့ တပ်ကိုရိက္ခာပို့နေတဲ့သူတွေလည်းမဟုတ်ပါဘူးဗျ” လို့ သူကပြောဆိုသွားပါတယ်။
ရပ်/ရွာလူကြီးတွေကတော့ ဖမ်းဆီးခံရသူများဟာ တောင်ယာလုပ်ငန်းနဲ့ သာ အသက်မွေးဝမ်းကြောင်းပြုနေသူတွေဖြစ်တဲ့အကြောင်းနဲ့ ၎င်းတို့ရဲ့ ခင်ပွန်း တွေဟာ တောင်ယာသွားနေတဲ့အတွက် ခဏစောင့်ပေးပါရန် ဝိုင်းဝန်းပြောဆို ကြသော်လည်း AA အဖွဲ့က လက်မခံဘဲအတင်းခေါ်ဆောင်သွားတယ်လို့ သူက ဆက်လက်ပြောဆိုသွားပါတယ်။
ပလက်ဝမြို့နယ်အတွင်းနေထိုင်နေသည့် ချင်းလူမျိုးများကို ၂၀၂၂ ခုနှစ် ဇွန်လကနေ ယနေ့အထိ AA က ဖမ်းဆီးထားသည့် ချင်းလူမျိုး ၂၂ ဦးရှိပြီဖြစ် တယ်လို့ သိရှိရပြီး ယနေ့အချိန်အထိ တစ်စုံတစ်ဦးမျှပြန်လည်လွတ်မြောက် လာခြင်းမရှိသေးပါဘူး။
# AA အဖွဲ့က အဓမ္မဖမ်းဆီး
# ချင်းလူမျိုး အမျိုးသမီး ၈ ဦး
# ပလက်ဝမြို့နယ် သံထောင်ကျေးရွာ
AA group forcibly abducted 8 Chin women from Than Htaung Village, Paletwa Township, Chin State
August 29th
An unnamed villager told DWM that 8 Chin women from Than Htaung Village, Paletwa Township, Chin State, were forcibly abducted by the AA group on August 27 at around 7:00 p.m.
"They arrived after knowing that there were no more military or police forces around the village. They read out the names of 8 women, and the AA group forced their way into their homes and tied them with ropes and dragged them away. "The villagers are afraid, so they don't dare to ask why they were arrested. Those who were arrested are local people who are working and eating honestly, and they have not committed any crime. They are not the ones who are sending food to the army because AA said," he said.
He went on to say that the community/village elders told them to wait for a while because the people who were arrested were agricultural workers and their husbands were going to the fields, but the AA group did not accept it and took them away by force.
It is known that there have been 22 Chin people living in Paletwa Township who have been arrested by AA since June 2022, and none of them have been released to this day.
# AA group forcibly arrested
# 8 Chin women
# Than Htaung Village, Palat Wa Township

တရုတ်နိုင်ငံသင်္ဘောသားများက ပင်လယ်အတွင်း သင်္ဘောနစ်မြုပ်ပြီး နှစ်ရက်ကြာမျောနေသော မြန်မာနိုင်ငံသား ၈ ဦးကို ကယ်ဆယ်ထား

ရန်ကုန်၊ ဩဂုတ် ၂၉ ရက် (ဆင်ဟွာ)

တရုတ်နိုင်ငံ Wuhan Fuyang Maritime Service Co.,Ltd အုပ်ချုပ်သည့် TRUMP SW သင်္ဘောက သြဂုတ်လ ၂၆ ရက် နံနက်ပိုင်းတွင် ပင်လယ်ပြင်အတွင်း သင်္ဘောနစ်မြုပ်ပြီးနှစ်ရက်ကြာမျောနေသော မြန်မာနိုင်ငံသား ၈ ဦးကို ကယ်ဆယ်ခဲ့ကြောင်း မြန်မာနိုင်ငံဆိုင်ရာ တရုတ်သံရုံးက ထုတ်ပြန်သော သတင်းအရ သိရသည်။

အဆိုပါ တရုတ်သင်္ဘောသည် ဗီယက်နမ်နိုင်ငံဆိပ်ကမ်းသို့ ခုတ်မောင်းသည့် ရေကြောင်းခရီးစဉ်အတွင်း၌ အန္တရာယ်ကြုံတွေ့သော မြန်မာလူမျိုး ၈ ဦးအား ကယ်ဆယ်ခဲ့ကြောင်း၊ ကယ်ဆယ်ခံရသည့် မြန်မာလူမျိုးများ၏ ငါးဖမ်းသင်္ဘောက လေမုန်တိုင်းတိုက်ခတ်မှုကြောင့် နစ်မြုပ်သွားရာ ၎င်းတို့က မျောပါနေသော ဆီပုံးကိုအမှီပြု၍ ပင်လယ်အတွင်း၌ နှစ်ရက်၊ နှစ်ည မျောပါနေခြင်းဖြစ်ကြောင်း သိရသည်။

ယင်း မြန်မာလူမျိုး ၈ ဦး၌ ခြေထောက်ဒဏ်ရာရရှိသူများကို တရုတ်သင်္ဘောသားများက ဒဏ်ရာပိုးသတ်၊ ဆေးထည့်၊ ပတ်တီးစည်းမှုများလုပ်ဆောင်ပေးခဲ့ပြီး ရေမိုးချိုး၍ ပိုးသန့်စင်ပေးပြီးနောက် အစားအစာများ စားသုံးရန် စီစဉ်ပေးခဲ့ကြောင်း သိရသည်။ ကယ်ဆယ်ခံထားရသော မြန်မာလူမျိုး ၈ ဦးသည် TRUMP SW သင်္ဘောနှင့်အတူ ဗီယက်နမ်နိုင်ငံသို့ သွားရောက်မည်ဖြစ်ကြောင်း သိရသည်။(Xinhua)

#တရုတ်နိုင်ငံသင်္ဘောသား #TRUMPSW #သင်္ဘော #သင်္ဘောနစ်မြုပ် #မြန်မာနိုင်ငံသား