🏆 “Mahalla Chempionati” – Sport va birdamlik bayrami!

🏆Yoshlar o‘rtasida sportni ommalashtirish, sog‘lom turmush tarzini targ‘ib qilish va mahalla yoshlari o‘rtasida do‘stona aloqalarni mustahkamlash maqsadida Kosonsoy tumani “O‘rta ko‘cha” va “Taxta ko‘prik” mahallalari yoshlar yetakchilari tashabbusi bilan futbol bo‘yicha an’anaviy “Mahalla Chempionati” tashkil etildi.

⚡️Turnirda 13- va 43-maktablarning sobiq bitiruvchilaridan tuzilgan 14 ta jamoa ishtirok etib, bir oy davomida chempionlik uchun jonbozlik bilan bahs olib borishdi. Har bir o‘yin kuchli emotsiyalar, jamoaviy ruh va chinakam sport raqobati muhitida o‘tdi.

🇺🇿 @Kosonsoylik_uz

“Mahalla Chempionati” — G‘oliblar aniqlandi!

🏆Bir oy davom etgan murosasiz bellashuvlarga yakun yasaldi! Chempionatning final bosqichi haqiqiy sport ruhida, keskin va shiddatli muhitda o‘tdi. Final uchrashuvi, 13-maktabning marhum sobiq direktori Xamdamov Davronjon xotiralariga bag‘ishlab o‘tkazildi. U kishining yoshlar tarbiyasi va ta’lim rivojiga qo‘shgan hissasi barchaning yodida.

🇩🇪 Finalda 2003-yil va 2004-yil bitiruvchilari jamoalari o‘zaro to‘qnash kelishdi. O‘yin davomida ustunlikni qo‘lga kiritgan 2004-yil jamoasi raqiblarini 3:0 hisobida mag‘lub etib, chempionlikni qo‘lga kiritdi!

🏆Yakuniy natijalar:
🥇 1-o‘rin: 2004-yil jamoasi;
🥈 2-o‘rin: 2003-yil jamoasi;
🥉 3-o‘rin: 2005-yil va 1995-yil jamoalariga nasib etdi;

🇪🇺G‘olib jamoalar diplom, medal, pul mukofoti hamda “Chashmai safed” fermer xo‘jaligi rahbari X.Muydinxo‘jayev tomonidan esdalik sovg‘alari bilan taqdirlandilar.

Musobaqa nafaqat sportni targ‘ib qildi, balki yoshlarga jamoaviylik, hurmat va birdamlik kabi ijobiy qadriyatlarni singdirdi