کۆمەڵیار|Komalyar

[بیرەوەری]زستانی ١٣٦٤
بەشی دووەم
ئێمە حەفتەێک میوانی مانگا رەش وگۆێرکە کانی بوین. ئامێنە خانم و کچەجوانە کەی بە ئەو پەری دلسۆزی و لێ بوردویەوە پەزێراییان لێمان کرد. ئەوان بۆ ئەم [یارمەتی و کارەیان] نە ترسیان لە جاش و پاسدار بوو و نە لە ئەوەی کە مۆمکنە مال و داراییەکەێان بسوتێنن و.. مالی ئێمەیش خەبەرکەێان بیستبو و زۆر بە پەرۆش بوون. برای گەورەم کاک کەریم (یادی بەخێر) بەدوما نا هاتبوە دێهاتی تیلەکۆ و هاتە تازاوایش. بەلام ئێمە بە باشمان زانی نەمان بینێ چونکا ئیمکانی زۆر بوو جاش و پاسدار بەدوایەوە بن.
کەمال کەسی باشی لە شارە گەورەکان هەبوون. پێشنهادی کرد بچین بۆ شار و لەوێ من چارەسەر وەر بگرم. بەلام من ئەم دی کە زۆر چاک بۆمەتەوە و ئەتوانم بە یارمەتی گۆچانێ برۆم بە جۆرێک کە بەفر و بۆرانی چل چەمەش بەرمان پێ نەگرێت. کەمالیش ئەمەی پێ باش بوو. ئاسمان ساف و سائقە بوو. بەلام هەوا زۆر سارد بو، بریارمان دا ئێوارە کاتیک هەوا تاریک ئەکا بەرەو عباس ئاوا بکەوینە رێ.
هەر کە هەوا تاریکی کرد هەرکام بابۆلەێک نان و رۆنمان هەلگرت و دوای مال ئاوایی رێ کەوتین. بەفر زۆر بوو، هەنگاو گۆزانەوە ئاسان نەبو تفەنگ و فیشەکلۆخیش قۆرسایی ئەکرد. بەلام من بە گۆچانەکەمەو باش بووم. لە شوێنێک بە هۆی دیتنی چەن تارماییک لە رچەکە لاماندا. ئەوە زۆر قۆرس بوو. بەفرەکە تا پۆشتۆنەمان ئەهات، لە برێ شوێنا پێ ویستمان بە برێک حەسانەوە بوو. لە نیوەشەو تێ نەپەری بو گەیشتینە عەباسئ ئاوا. لە درگای مالی کاک کامران مان دا زۆری نەکێشا دادە ئاسۆ دەرگای کردەو. ناسی مانی و خێرا وتی بێنە مالەو ئەوان تازە خەوتو بون، هەلسان و بەگەرمی هاتنە دەممانەو.
تا ئاسو نان و چاییە کی پێک هێنا، کامران باسی کرد کە دو رۆژ لەوەو پێش جاشو پاسدار هاتونەتە عباس ئاوا و مالە کان گەراون بە دواتانا. ئەوان وتیان سبەینێ لێرە پشو بدەن و سبەی شەو رێ کەون گۆمان ئە کرێ لە #ئالیجان و #ئاوبارە جاسوس یان دانابێت. باش نیە لە وانە لا بدەن یا خۆ رۆژانە لە لاێانەو تێ پەرن. کامەران ناونیشانی کەپرێکی دا پێمان کە لە سەر کانیەک بوو. وتی ئەگەر رۆژتان بە سەردا هات لەۆی بمینن.
دوای خواردنیکی گەرم لەوێ خەوتین. بەیانی ئاویان بۆمان گەرم کرد تا خومان بشورین و جلەکان مانیان شورد و وشکیان کردەو، ئێمەش پشووێکی باش مان دا. ئێوارە دوای شام کاتێ هەوا تاریکی کردبو هەرکام تۆشەی خومان کە ئاسۆ پێچابویەو هەل گرت، مالئاوایی مان کرد و رێ کەوتین.
بەفرەکەی زۆر زۆر بوو، بەلام بەختەوەرانە پای من باش بوو. وەکوو ئەوە کە هیچ نەبوە، کەمالیش بە دنیاییک هێزەوە ورەی ئەدامێ. لە نیوە شەو تێ پەری بوو، لە دوای ئالیجان گەیشتینە کانی و کەپرە کە. لە وێ دەبوا بمێنین تا ئێوارە، بەلکو بتوانین سبەی شەو ئاوارە و #بس بە تاریکی جێ بێلین . ئێوارە بە خۆرەو رێ کەوتین. گەیشتینە بس دوای نیوەشەو بوو. ئەوەنە هێزمان تیا نەمابو کە ئەو بەفرەی چلچەمە ببرین. دامان لە درگای مال مام سەعی کە دۆستی مێژینەمان بوو، بە خێرایی درگاێان ئاوەلا کرد و بە روێێکی خۆشەوە وەرمانیان گرت. برسی و بێ هێزو سەرمابردو. مام سەعی لەمال نەبوو. خێزانە کەی چای گەرم و هێلکە و رۆنێکیان دا پێ مان کە تامەکەی هەر لە بیرەو ناچێت. کات تەنگ بوو. حەسەن کۆری مام ساعی هێسرەکەی هێنا منێ سوار کردو هاوردمانی تا بان ملەی #سۆلە. کەمالیش پای سەرما لێ دابو و ماندو، بێ ئەوی بە روی خویا بێنێ ئەو بەفرەی ئەبری.
لە سۆلە دو رۆژ پشومان دا. ئێوارەی رۆژی دوووەم چووینە #ئیساق_ئاوا. لەبیرم نیە مالی کێ چوین. لەوێ چاییکمان خوارد و داوای یارمەتی مان کرد بۆ رۆیشتن بۆ #بسام. چونکە ماندو بوین و رێگاکەیشمان نازانی. یەکێک لە کۆرەکانیان بە خێرایی هێسترێکی هاورد و یارمەتی مانی دا تا بان گەردەنەی بسام. رێگاکەی پیشانمان داو ناونیشان مالێکی داینێ برێک دور لە پایگاکە و وتی زۆر مێهرەبانن و خۆی مال ئاوایی کردو گەراێەوە. تا چوینە خوارەو ناو ئاوایی و مالە کەمان دیتەو پاسێ لە نیوەشەو لای دابوو. دەروازەێکی گەورە بوو. مالەکە چراخانی بوو، زۆریش قەرەبالغ. لە درگامان دا.چەن کەس پێکەوە دەرگایان ئاوەلا کرد .زانیان پێشمەرگەین. خێرا بردمانیانە مالەو ئەوان شاییان بوو و میوانێکی زۆریان لە شارەکانەو بۆ هاتبوو. بردمانیانە دیواخانێکی گەورە و هەمو هاتنە دەورمان. چایی وخوادنیان هاورد. ئێمەش خۆمانمان ناساند. بوو بە قسە و باس و گالتە و پێ کەنین تا دەمەو بەیان. ئەو جار دو هێستریان هێناو بەرێ مانیان کرد تا شلێر.

بە یەک دنیا سپاس و پی زانینەو بۆ هاورێ کەمال کابلی.
× ناوەکانی [ئەم بەشە خوازراون و نێوی واقعی کەسەکان نین] گۆردراون.

حەبیب مورادی

@Komala1

612 views13:30