«Маънавият қаерда қолди? Маҳалла қаерга қараяпти?» (с) Фейсбукдан ухлатилди

https://t.me/joinchat/AAAAAENVjaxEZC3A2bCqbQ

Hovliga mashinalar kirishini taʼqiqlash haqida

Fikrlarim va Ilya Varlamov blogida shu mavzudagi 2-3 ta juda yaxshi maqolalar bilan boʻlishdim.

https://farhodjon.uz/blog/cars-in-courtyards/

#shahar

34-йўналишда ҳар доим энг катта автобуслар бўларди, энди бўлса Исузу қўйиб қўйишибди (Исузу — бу йўловчилар устидан кулиш, дегани). Йўналишда автобуслар сони ҳам атиги иккитамиш. Бу дегани — бекатда кутиб турсангиз, ҳар бир соатда (!) битта 34 келади, дегани (бунақа рейснинг нима кераги бор?): https://t.me/KoDnu/537

Президент уёқдан "Тошкент жамоат транспортини яхшилаш керак", деб ётибди, буёқда нима бўлаётганини эса ҳеч ким тушунтириб беролмаса ҳам керак. Пойтахт жамоат транспортининг расвоси чиқиб кетди — ортиқча, тирбандликлар келтириб чиқаряпти деб троллейбус ва трамвайларни йўқ қилишди, автобуслар билан эса вазиятни ўнглаб бўлмаяпти.

Айтишларича, "Ўзбекистон ҳаво йўллари" учун сотиб олинган бешинчи Дримлайнернинг пулига 1300 та (бир минг уч юзта) газда юрадиган Mercedes-Benz Conecto Low Floor автобусларини сотиб олса бўларкан — ҳозир айнан қай бири кўпроқ керак деб ўйлайсиз? https://t.me/KoDnu/525

@toshkent_live

Россиялик таниқли дизайнер Артемий Лебедев ижтимоий тармоқлардаги саҳифаларида (уни бир неча платформада бир неча юз минг одам ўқийди) унинг студияси томонидан чизилган Тошкент логотипига овоз беришга чақирмоқда. Овоз бериш жараёни «Ўзбектуризм» сайтида бўлиб ўтяпти (жуда ноқулай сўровнома).

Ростини айтганда, Тошкент логотипи ва герби масаласини роса бўтқага айлантириб ташлашди. Февралда шаҳарнинг мусаффо осмонга қараб очилаётган дарвозалар кўринишидаги логотипи тасдиқлангани айтилганди, бундан ташқари, шаҳарнинг янги герби ҳам тасдиқланди, дейилганди. Лекин, мана, энди «Ўзбектуризм» янги сўровнома ўтказяпти, шаҳар ҳокимлиги эса фейслифт қилинган эски гербдан фойдаланяпти. Тушунишиш қийин.

@toshkent_live

​​❌«Тўхташ тақиқланган» белгиси остида, шу белги амал қиладиган жойда тўхтаманг. Пойтахт йўл нозирлари шундай қоидабузарларга хат қолдиришни бошлабди — 608 минг сўмга тушасиз.

❗️«Абу Сахий», «Бек Тўпи», «Ипподром» ва «Ўрикзор» бозорлари бўйидаги йўлда эса тўхташ тақиқланган жойларда машинани умуман қолдирманг — у ерда инспектор эмас, камера чора кўради.

💰Биргина 10 июлнинг ўзида (бозорлар олдидаги камералар шу кундан ишлай бошлаган) камералар 782 та қоидабузарни аниқлабди. Бу — бюджет бир кунда 475,6 миллион сўмга тўляпти, дегани.

@toshkent_live

Метрополитен янгиликлари

🤦🏻‍♀️Чилонзордаги, Сеул (собиқ Байналмилал) кўчасидан ўтган метро кўпригига «Камаз» олиб кетаётган, ичида одамлар бўлган контейнер урилган. Тан жароҳати олганлар ҳақида ҳам, кўприкка етказилган зарар кўлами ҳақида ҳозирча маълумот йўқ.

🤕«Пахтакор» метро бекатида соат 16:00 атрофида 59 ёшли аёл ҳушидан кетиб, рельсга тушиб кетган. Хабар беришларича, аёл енгил шикастланган, бошқа хавотирли жойи йўқ. Сўнгги вақтларда бундай ҳодисалар кўп бўляпти.

@toshkent_live

Бугун, 12 июль куни соат 10:00 да «Самарқанд Дарвоза»даги Royal Cinema кинотеатрида Ўзбекистон ҳақида 8K форматда олинган иккита қисқа метражли фильмлар премьераси бўлиб ўтади. Кириш бепул, дейишяпти.

Биринчи фильм — «Uzbekistan 8K» деб аталади, уни америкалик профессионал режиссёр ва аниматорлар суратга олган. Иккинчи фильм номи — «Lost in Uzbekistan»; уни NatGeo Awards мукофоти ғолиби Mystery Box Digital гуруҳи олган.

Агар сизда Тошкентда кутилаётган маданий-маърифий воқеа-ҳодисалар, тадбирлар ҳақида маълумотлар бўлса, уларни @toshkentda_nimagap_bot орқали бизга юборинг.

@toshkent_live

Тошкентнинг қуш парвози баландлигидан олинган видеоси — масалан, Тошкент телеминорасининг оловранг чироқлари қандай ёнишини айнан шу видеода кўришингиз мумкин (видеопарча «Гражданин Горожанин» каналидаги бу материалдан олинди).

Агар сизда Тошкент билан боғлиқ бошқа қизиқарли видеолар бўлса, @toshkentda_nimagap_bot орқали бизга юборинг.

@toshkent_live

Тошкентда жазирама (фото Фейсбукдан олинди, муаллифи — Жанна Газарян).

«Ўзгидромет» ахборотига кўра, бугун, 12 июль куни Ўзбекистон пойтахтида ҳаво ҳарорати +42 даражагача кўтарилиши мумкин (маълумот учун, 10 июль куни ҳарорати кундузи +38,6 даражагача кўтарилган — бу Тошкент тарихидаги энг иссиқ 10 июль (1944 йил, +43,6 даража)дан анча паст).

@toshkent_live

Электрон ҳукумат ҳақида

@davletovuz’нинг ёзишича, Тошкент шаҳар ИИББ Йўл ҳаракати хавфсизлиги бошқармаси кассаларида жарима тўловларини қабул қилиш бир неча соатдан бери ишламаяпти.

«Ҳатто мобиль дастурлар орқали тўлаб бўлмаяпти. Одамлар иссиқда машина ва ҳужжатларини ололмасдан овора бўлмоқда», — дейилади хабарда.

Бунгача, масалан, абитуриентлардан ҳужжат қабул қиламан деб ДТМнинг серверлар «ухлаб қолгани» ҳақида роса хабарлар чиққанди (ҳали ҳам чиқяпти).

Сизлар бўлса «электрон ҳукумат қиламиз, ҳукуматимиз электрон бўлади», дейсизлар... Афтидан, аввал битта Сервер-Сити қуриш керагов.

@toshkent_live

Тарихий-меъморий ёдгорлик ҳисобланган Адлия вазирлиги биносида ойналари қора ёпиқ балконлар пайдо бўлибди. Давлат муҳофазасидаги ёдгорлик билан шундай тажриба қилиш мумкинми ўзи? Тошкент куранти остидаги ресторан айвонини мана шундай қилиб қора ойналар билан ўраб олишганида: «Курант остида тобут пайдо бўлди!», деб қанча шов-шув кўтаришганди...

@toshkent_live