ҚМГ басшысы Өзенмұнайгазда өндіріс мәселелеріне арналған жиын өткізді

🗣Маңғыстау облысына жұмыс сапары барысында «ҚазМұнайГаз» ҰК АҚ Басқарма төрағасы Асхат Хасеновке «Өзенмұнайгаз» АҚ-ның (ӨМГ) 2026 жылғы 1-тоқсанда атқарған жұмысының нәтижесі, бизнес-процестерді жақсарту жоспарлары және цифрландыруға қатысты қабылданып жатқан шаралар бойынша есеп берілді.

⬇️ ӨМГ кен орындарын оңалту аясындағы басымдық — ресурстық базаны толықтыру болып қала береді. Биыл терең көкжиектерді бағалауға ерекше назар аударылады. Батыс Теңге және Өзен кен орындарында 2-тоқсаннан бастап триас шөгінділерін зерттеу үшін бағалау ұңғымаларын бұрғылау жоспарлануда.

↗️Жерасты жабдықтарын диагностикалау және жөндеу цехын қоса алғанда жерүсті инфрақұрылымын жаңғырту жүріп жатыр, сондай-ақ альб-сеноман суын айдауға көшу үшін көлемі 10 мың м³ резервуарлар салынуда. Бұл іс-шараларды іске асыру жабдықты пайдалану сенімділігін арттыруға мүмкіндік береді.

◾️Мұнай өндіру көлемін арттыру үшін ұңғымалардың жөндеуаралық кезеңін ұлғайту шаралары іске асырылып жатыр, оның ішінде жабыны бар сорғы-компрессорлық құбырлар мен коррозияға қарсы штангаларды енгізу.

📌Өзен және Қарамандыбас кен орындарында мұнай өндіруді арттырудың негізгі әдісі – қабатты гидравликалық жару болып қала береді. Бұл әдісті қолданудың тиімділігін жоғарылату үшін технологияны жетілдіруге және операцияларды жүргізу параметрлерін оңтайландыруға қатысты тапсырмалар берілді.

✔️Slimhole технологиясын енгізу жалғасуда: биыл 122 ұңғыманы енгізу жоспарда, үнемдеу мөлшері 12 млрд теңгеден асады деп күтілуде.

✔️Ұңғыма қорымен жұмыс істеу үшін оқпандарды тазартуға ден қойылып отыр, сондай-ақ жұмыс істемей тұрған 60 ұңғыманы жыл соңына дейін іске қосу көзделген.

💻Сонымен қатар цифрлық шешімдер белсенді іске асырылып келеді. ӨМГ өндіруші кәсіпорындардың арасында алғашқылардың бірі болып «Сапарларды басқару» жобасы аясында «Көлікке электрондық өтінім беру» жүйесін енгізуде. Бұл көлікке өтінімді беру, келісу және орындау процестерін цифрландыруға, сондай-ақ ашық есепті және онлайн сараптаманы қамтамасыз етуге көмектеседі.

✔️«ABAI» жүйесінің «Су айдауды басқару» модулінің көмегімен геологиялық-техникалық іс-шаралар орындалып жатыр. Бұл сараптама жасауды едәуір жеделдетіп, қабылданған шешімдердің орындылығын арттырды. Модульдің көмегімен 2026 жылдың 1-тоқсанында 44 іс-шара іріктелді.

✔️Қауіпсіздікті қамтамасыз ету мәселесіне ерекше назар аударылады. Электрондық наряд-рұқсаттар жүйесі кәсіпорындағы қаупі жоғары жұмыстарды бақылауға мүмкіндік береді. Өз кезегінде, TUMAR интеллектуалды жүйесі ұңғымаларды жерасты және күрделі жөндеу жұмыстары кезінде қауіпті технологиялық операциялар жүргізілгенде онлайн режимде жұмысшылардың бұзушылықтарын, қауіпті әрекеттерін автоматты түрде анықтайды және қауіп төнген жағдайда дыбыстық сигнал береді. Қазіргі уақытта жүйе ӨМГ-ның ұңғымаларды жерасты жөндеудің 79 бригадасында, ұңғымаларды күрделі жөндеудің 4 бригадасында енгізілуде.

✔️Бұл жобалар Мемлекет басшысы жариялаған Цифрландыру және жасанды интеллект жылында ерекше маңызға ие.

📌Жиын қорытындысы бойынша ӨМГ басшылығының алдына басқарудың операциялық моделін жетілдіру, биыл жоспарлы көрсеткіштерге қол жеткізу және цифрлық жобаларды белсенді енгізу бойынша нақты міндеттер қойылды.

📱 ҚазМұнайГаз

📱 ҚазМұнайГаз

КМГ продолжает вносить свой вклад в озеленение регионов

🌳Сегодня в Жанаозене в рамках общенациональной экологической акции «Таза Қазақстан» руководство АО НК «КазМунайГаз» и представители дочерней компании КМГ — АО «Озенмунайгаз» (ОМГ) приняли участие в посадке деревьев на территории парка «Өзенмұнайгаз саябағы».

🌿Для посадки использовались засухоустойчивые деревья, адаптированные к местным климатическим условиям, такие как акация, айлант и японская софора.

📍Парк ОМГ расположен на участке площадью 1,7 га в районе городской стеллы. В 2025 году здесь было высажено 150 деревьев, до конца 2026 года планируется дополнительно высадить более 1000 саженцев.

📱 ҚазМұнайГаз

ҚМГ басшысы Жаңаөзендегі жаңа газ өңдеу зауыты құрылысының барысын тексерді

🏗«ҚазМұнайГаз» ҰК АҚ Басқарма төрағасы Асхат Хасенов Маңғыстау облысына жұмыс сапары кезінде Жаңаөзендегі жаңа газ өңдеу зауытының құрылыс алаңында болды.

✔️Қазіргі уақытта сыртқы электрмен жабдықтау нысаны салынып бітті, іске қосу мен баптау іс-шараларын өткізу үшін дайындық жүріп жатыр.

✔️Инфрақұрылымдық нысандарды, соның ішінде өрт сөндіру бекеті, зертхана, қоймалар, әкімшілік-тұрмыстық корпус, оператор бөлмелері және резервуарларды салу жұмыстары жалғасуда.

🏢Құрылыс алаңына жеңіл көмірсутектің кең фракциясын сақтауға арналған көлемі 500 м³ болатын үш сфералық резервуар және өртке қарсы су қорына арналған көлемі 6000 м³ екі резервуар жеткізілді. Сұйытылған көмірсутек газын сақтау үшін көлемі 2000 м³ төрт дана сфералық резервуарлардың бір бөлігі жеткізілді, қалғаны жолда келе жатыр. Бұл жабдықтарға арналған іргетас толық дайын болды.

🏭Айта кетсек, зауытты салу кезінде модульдік құрылыс әдісі қолданылуда, бұл оны елдегі осыған ұқсас басқа кәсіпорындардан ерекшелендіреді. Басты технологиялық модульдер тапсырыс берілген зауытта дайындалып, кейін құрылыс алаңына жеткізілетін болады. Ол жерде олардың іргетасы мен негізі қаланып, сондай-ақ модульдерді құрастыру жұмыстары орындалады.

⚙️Өндіруші зауытта ұзақ уақыт дайындалатын 259 жабдық позициясының 53-і жасалды.

⚡️Болашақ кәсіпорынның айрықша маңызды элементі — Siemens газ турбинасының қозғалтқышы Швециядан ҚХР-ға жеткізіліп, сонда Siemens компрессорымен бірге құрастырылатын болады.

✔️Құрылыс алаңына тартылған персоналдың жалпы саны шамамен 150 адамды құрайды.

📌Ірі жоба Мемлекет басшысының тапсырмасы бойынша іске асырылуда және жылына 900 млн м³ дейін табиғи және ілеспе газды өңдей алатын заманауи өндірістік кешен құруды көздейді. Зауыт Маңғыстау облысының халқы мен өнеркәсіптік нысандарын құрғақ газбен, сұйытылған мұнай газымен және пентан-гексан фракциясымен қамтамасыз етеді.

📱 ҚазМұнайГаз