الشيخ أمجد سمير بيقول كلام خطير مش عارف استوعبه لحد دلوقتي فى درس الخوف!

بيقول معظم اللى بتعمله فى يومك بقانون الإحتمالات بنسبة كبيرة هتموت عليه "بغض النظر إن أجلك مكتوب"

يعنى مثلا لو انت يومك بتقضيه 70% على كذا و 20% على كذا و 10% على كذا

بقانون عقلى نسبة إنك تموت على الحاجة ال 70% دى بنسبة 70%

فلما تكون انت معظم يومك فى الغفلة يبقى نسبة إنك يجيلك الموت فى الغفلة 70%

إذا كان معظم يومك فى العصيان بإختلاف المعاصى مش لازم معصية بعينها فنسبة إنك تموت علي المعصية النسبة الأكبر

فتبعث على تلك المعصية فتفضح على رؤوس الأشهاد

اللى هما مين الأشهاد بقى؟!
"الأنبياء والصالحون والأولياء"

يبقى واحد كدا قايم فى عرصات القيامة شايفه انت من بعيد عمال ينزف فى دم وريحة المسك مغرقه المكان

ليه؟
لأن هو أخر عمل عمله لربنا إنه بذل روحه

وذلك الشقى البعيد قايم بيعمل ايه بقى
فيضيحة ما بعدها فضيحة!

فيجب أن تخاف العقوبة وتحذر.

﴿وَاصْطَنَعْتُكَ لِنَفْسِي﴾
ليست مجرد آية بل إنها رسالة طمأنينة لكل قلبٍ مُتعب.
قالها الله لموسى عليه السلام بعد خوفٍ، وبعد فِراق، وبعد سنواتٍ من الابتلاء.
لم يكن كل ما مررتَ به صدفة، ولا كانت الجراح عبثًا،
ولا كان التأخير نسيانًا.
كل شيء كان إعدادًا وكل كسرٍ كان تهذيبًا وكل صبرٍ كان صناعةً إلهية.
(واصطنعتك لنفسي )أي: ربيتك، وهيأتُك، واخترتُك لتكون حيث يريد الله و ليس حيث تريد أنت.
فإن ضاق صدرك، وتعجّبت من الطريق، وتساءلت: لماذا أنا؟
تذكّر: بان الله يصنعك

هناك لحظات في عمر الإنسان، يُطفئ فيها الزحام صوته الداخلي، فيمضي متعبًا بين الوجوه باحثًا عن نفسه، عن سبب وجوده، عن سرّ هذا التيه الذي لا يعرف له مخرجًا.
ثمّ فجأة... تأتيه نفحة سماوية تهمس في أعماقه مثل قول الله لموسى: "واصطنعتك لنفسي."
حين قالها الله لموسى، لم يكن في قصرٍ ولا بين الأتباع، بل وهو مطارد خائف، يختبئ في أرضٍ غريبة، ظانًا أن الحلم انتهى.
لكن في الخفاء، في صمت البراري، كان الله يصنعه لنفسه… يصنع منه نبيًا مكلَّمًا.
قد يُخفيك الله حينًا ليُظهرك في أوانك، قد يُبعدك عن الأضواء ليُقربك منه، قد يضعك في طريقٍ لا تفهمه، لأنك تُصنع هناك بيده.
"واصطنعتك لنفسي" ليست مجرد آية من قصةٍ بعيدة،
بل وعد لكل قلب أخلص،بها لحظات الصنعة الإلهية… يُطهَّر فيها القلب من شوائب الدنيا، ليليق بالقرب.

- لا تنس أن تُلح بـ " اللهم اهدِ لي قلبي"..فإنه والله لو هُدِي قلبك هان عليك كل شيء

رحم الله من أنطق بالحق

‏" والذي نفسي بيده لوددتُ أني أُقاتِلُ في سبيلِ الله فأُقتل، ثم أُحيا، ثم أُقتل، ثم أُحيا، ثم أُقتل. "

في جنان النعيم يا ابو عبيدة 💚
‎#ابو_عبيدة

‏ونفسُ الشريفِ لهَا غَايَتانِ وُرودُ المَنَايَا ونَيلُ المٌنى

ومَا العَيشُ؟ لا عشتُ إنْ لَم أكُنْ مَخُوفَ الجَنَابِ حَرامَ الحِمَى
‎#ابو_عبيدة

قال صلى اللّٰه عليه وسلم: اللهم بعلمك الغيب وقدرتك على الخلق احيني ما علمت الحياة خيرا لي وتوفني اذا علمت الوفاة خيرا لي اللهم اني اسألك خشيتك في الغيب و الشهادة و اسألك كلمة الحق في الغضب و الرضا و اسألك القصد في الفقر والغنى و اسألك نعيما لا ينفذ و اسألك قرة عين لا تنقطع واسالك الرضا بعد القضاء و اسألك برد العيش بعد الموت و اسألك لذة النظر إلى وجهك و الشوق إلى لقائك في غير ضراء مضرة و لا فتنة مضلة اللهم زينا بزينة الإيمان واجعلنا هداة مهتدين

( لو دامت لغيرك ما وصلت إليك )
حكمة بليغة جدا والله بتغيب عن كتير مننا
منصبك اللي أنت فيه كان فيه حد قبلك و سابه

مش قصة مناصب بس
شهرتك في مجالك الوقتي .. كان فيه قبلك الأشهر منك بس إما مات و ساب الدنيا أو إن الزمن دار دورته و نجمه خفت
حتى فلوسك اللي فرحان بيها .. كانت في جيب غيرك و جات لك و هتسيبك و تروح لغيرك

اللي يعرف الحقايق دي عمره ما يتكبر بالنعمة اللي معاه و لا يطغى بيها و يظلم غيره
هتسيب كل حاجة و تموت لوحدك و تتحشر لوحدك و تتحاسب لوحدك و لو اتعذبت هتتعذب لوحدك
لا هيشفع لك يومها كثرة أتباع و لا مناعة منصب و لا ارتفاع جاه و لا عز سلطان و لا مال

" و كلهم آتيه يوم القيامة فردا "

خلي بينك وبين ربنا عمار..
علاقتك بربنا هي العلاقة الأهم في حياتك وعمرك ما هتنجح في أي علاقة تانية ولا في حياتك كلها لو فشلت فيعلاقتك بربنا..
خليها عمار ونور بالطاعات قراءة القرآن والصلاة والتوبة والصدقات..
واوعى تخليها خربانة بالذنوب والإصرار عالمعاصي..
عارف لما يكون بينك وبين ربنا عمار.. هتلاقي البركة والتوفيق ملازمك وهتلاقي التيسير في أمورك..
وهتلاقي السعادة اللي مش هتلاقيها في أي مكان تاني غير في القرب من ربنا..

تهنئة لا محل لها من الإعراب!
انت مسلم دينك وعقيدتك قائمة على التوحيد وهو إفراد الله تعالى بالعبادة وبالربوبية..
ازاي تحتفل بعيد نابع عن عقيده قائمة على التثليث اللي هو عبادة ٣ آلهة..
انت كمسلم عقيدتك أن الله عز وجل ليس له ولد وأول سورة قرآنية حفظتها وانت صغير بتقول "لَمْ يَلِدْ وَلَمْ يُولَدْ"
ازي تهنئ واحد بعيد ميلاد ابن الإله في عقيدته هو؟!
مفيش أي مبرر يخليك تقلد أو تجامل حد على حساب دينك وعقيدتك أبداً..
عاوز تهنيه وتوجب معه باركله في فرح بنته في نجاح ابنه عزيه في موت قريب له.. مليون طريقه تجامله بيها.. إلا المجاملة على حساب العقيدة والدين.. مش خلاص يعني..

السلامُ عليك يوم خُيّرت بين الخلد
في الدنيا ولُقيا ربك، فاخترت قائلاً: بل الرفيق الأعلى.

السلام عليك حيًا فينا لا تموت أبدًا،
نُحبك، ونُحب من يحبك،
والموعد الحوض كما أخبرتنا وإنّا لنُصدّقك..

يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ♥️

✨ *اللهم انا نستودعك ايامنا القادمة فاجعلها ايام خير وبركة ورزق وصحة واصرف عنا كل سوء وبلاء واكتب لنا فيها الخير والسعادة وحقق لنا ما نصبو إليه واجعلنا اللهم فيها اقرب اليك ووفقنا لم تحبه وترضاه*

*✦✦ وَصَلِّ ٱللَّهُمَّ وَسَلِّمْ عَلَىٰ سَيِّدِنَا مُحَمَّدٍ وَسَلِّمْ تَسْلِيمًا كَثِيرًا ✦✦*

● لُطف ربنا مش دايمًا بييجي في صورة معجزة صريحة ولا علامة صاخبة تلفت الانتباه.. أحيانًا بييجي هادي قوي، والأهم في توقيت مظبوط، وبالشكل اللي أنت محتاجه حتى لو عقلك مش فاهمه..

لُطف ربنا بيظهر وأنت فاكر إن الأبواب اتقفلت، ولما بتحس إنك لوحدك، ولما مش بتقدر تكمل خطوة زيادة..

اللُطف الرباني مش بيخذل قلب اتسند عليه بصدق.. جلال الدين الرومي قال: (نحن من طين.. يوجعنا الأذى، يجرحنا صغير الشوك، ويجبرنا لُطف الله).

حاجات تنور قلبك في 2026

1- جرب تنزل تصلي الفجر وتتمشى في الشارع وهو فاضي.. الهوا بتاع الوقت ده فيه "سر" مش موجود في باقي اليوم؛ ريحته بتغسل الصدر.

2- هات لك "سبحة" خشب (كوك أو يسر).. ملمس الخشب الطبيعي في الإيد بيمتص التوتر، وكل ما تعتق معاك وتغمق كل ما هتحبها أكتر.

3- اشتري "راديو" صغير وحطه في المطبخ أو المكتب واضبطه على إذاعة القرآن الكريم.. صوت "الشيخ رفعت" مع شوشرة الإشارة الضعيفة بيعمل حالة "نوستالجيا" إيمانية بتطمن البيت.

4- اخلق لنفسك "خلوة" إجبارية.. اقعد في البلكونة بالليل (من غير موبايل) وبص للسما.. عد النجوم وكلم اللي خلقها.. قوله "أنا تعبت" هيرد عليك بـ "سكينة" ملهاش وصف.

5- السندوتش الزيادة اللي بتعمله وأنت رايح الشغل عشان تديه لغلبان.. ده مش أكل، ده "تأمين شامل" على يومك.

6- اشتري "عطر" نضيف.. واتعطر بيه قبل ما تنام.. الملايكة بتحب الريحة الحلوة، والأحلام بتبقى أروق.

7- اقرأ في سير الصالحين.. الناس اللي باعوا الدنيا واشتروا روحهم.. هتعرف إن الدنيا أتفه من إنك تحرق دمك عشان ترقية أو خناقة.

8- استنضف نوع الشاي والقهوة.. المزاج الرايق بيخليك تعبد ربنا بروقان.. العبادة مش محتاجة تكشيرة.

9- وسع على عيالك وأهلك في الأكل والفسح.. دي "صدقة" بتتحسب لك وأنت بتستمتع، ومعادلة ربانية مكسبها مضمون.

10- خلي ليك ورد من "الصلاة على سيدنا النبي" بأي صيغة تحبها.. دي "الاسانسير" اللي بيطلعك فوق لما السلالم تعطل.

11- بلاش تدعي بصيغة "الأوامر"؛
ادعي بصيغة "العبد المحتاج"
قوله "يا رب دبرها عشان أنا غلبت"

12- "جبر الخواطر" أهم من قيام الليل.. كلمة حلوة لحد مكسور بتبني قصور في الجنة.

13- اقرأ "الحكم العطائية".. كلام قليل بس بيعمل "دماغ" عالية، وبيفهمك قوانين التعامل عند ربنا.

14- افرح بالنعم.. جاكيت جديد، أكلة حلوة، قعدة حلوة.. {لئن شكرتم لأزيدنكم}.. الفرح بالنعمة شكر.

15- زور المقابر مرة كل فترة.. القعدة هناك بترتب الأولويات وبتعرفك إن الخناقة اللي أنت فيها دي ولا تسوى.

16- يقال: "كل ساق سيُسقى بما سقى".. اسقي حب اسقي خير اسقي جبر.. عشان لما تعطش تلاقي اللي يسقيك.

17- صاحب "القرآن" كأنه صاحبك الانتيم.. مش لازم تقرأ كتير بس لازم تقرأ "بانتظام" وبفهم.. آية واحدة "ترن" في ودنك طول اليوم كفاية.

18- "اليقين" عضلة.. كل ما تمرنها في المواقف الصعبة بتقوى.. ارمي حمولك عليه وجرب تسيب إيدك.. هيمسكك.

19- مشايخنا علِّمونا: "من وجد الله فماذا فقد؟".. لو حسيت بمعيتة، ولا يفرق معاك مين مشي ومين فضل.

وكل عام وأنت بخير يا صديقي

كلنا نفسنا نشوف سيدنا النبي في المنام بس كلنا مقصرين أوي...

​يومنا مليان دوشة: فواتير، وخناقات، وترندات تافهة، وأخبار تسد النفس!

القلب بقى عامل زي "الأوضة المكركبة"؛ مليان كراتين قديمة وعفش ملوش لازمة.. فـ إزاي هيجيلك ضيف عزيز وغالي زي سيدنا النبي -عليه الصلاة والسلام- وإنت مش مفضيله مكان يقعد فيه؟
​عايز تشوفه؟ فضّي لحضرته مكان.

​مش لازم تقرأ مجلدات فقه وعقيدة طول الليل.. لا لا.
اقرأ هو كان بيضحك إزاي؟ كان بيحب ياكل إيه؟ كان بيعمل إيه لما حد يوقفه في الشارع يحكي له هموم تافهة؟ حب تفاصيله الإنسانية دي.

​خليك شبهه في موقف واحد بس في يومك:
امسك لسانك في لحظة غضب عشان هو كان بيعمل كدة.
ابتسم في وش حد غلس عشان هو كان كريم النفس.
طبطب على حد مكسور.

​صحيح نسيت أهم حاجة..
اعزم حضرته علشان يزورك؛
هو كريم ومبيكسرش بخاطر حد.
​عارف هتعزمه إزاي؟
أيوه.. نام وإنت بتصلي عليه.
سهلة ازاي
​والسلام أمانة.

‏'هذه سنّة الحياة: غروبٌ يُوَدّع النهار، وشروقٌ يبتسِم للأمل، وكبيرٌ يرحَل، وصغيرٌ يأتي على جَناح الأيام، وفصولٌ تمضي لِتُولَدِ فصولًا جديدة... وأعقَل الناس من عرفَ: الحياةَ طَيفٌ عابِر، يَمُرّ خفيفًا قبل أن نُمسِكُه، فتَظلّ الذكرى نورًا في القلب."

‏"الحياةُ بكامِلها تحتاجُ إلى صَبر،
صَبرٌ على الأقدار، وصَبرٌ على الناس، صَبرٌ على خَيباتٍ تَتكرّر، وأحلامٍ تَتأخّر، صبرٌ على طريقٍ لا يُفصِحُ عن نهايَته، وعلى قلبٍ يُصارِع ما لا يُقال......‏نَصبِرُ لأنّنا نَعلم أنّ خلفَ كُلِّ ضيقٍ فرج، وخلف كلّ صبرٍ جزاءٌ لا يُخيّب...نصبر، لا لأنّنا لا نَقدِر على السقوط، بل لأنّ الله يُحبُّ الصابرين."

ومن منا لا يحتاج أن يستجيب الله دعائه؟
من منا ليس عنده هم؟
من منا ليس عنده خوف؟
من منا ليس عنده رجاء؟
من منا لا يريد الجنة؟
من منا ليس له حاجة من حوائج الدنيا والآخرة؟
قم الآن وارفع يديك وقل ياااااارب وقل كل ما بقلبك
وادع الله أن يرفع عنا البلاء والوباء عسى أن يستجب لك
ادع لإخوانك ممن ابتلاهم الله بالشفاء والعافية
ولمن مات بالعفو والمغفرة، وبالمعافى بالحفظ وتمام العافية
اللهم أنزل علينا عافيتك ورحمتك 🤲

مرة سمعت جملة وفضلت معلّقة في دماغي، بتقول :

"الراضي ربنا بيراضيه فى أي حتة، واللي مش راضي دنيته ضيقة عليه فى كل حتة".

الكلام ده حقيقي لأقصى درجة بجد، مفيش مرة هترضى فيها بوضع صعب أو ابتلاء تقيل إلا وهتلاقي ربنا مقدّرك تستحمله وبيراضي قلبك في جوانب تانية في حياتك، مفيش مرة هترضى بأمر واقع أو فقدان عزيز إلا وهتلاقي ربنا منزّل عليك صبر وعوض جميل من عنده ..

وعلى النقيض مفيش مرة هتسخط على حالك وتبقى مش راضي عن أقدار الله والابتلاءات اللي بتواجهك إلا وهتلاقي قلبك دايما مهموم وروحك تعبانة ونفسيتك في النازل والدنيا حواليك ضيقة رغم وسعها ..

ربنا يرضّينا بأقداره، ويراضي قلوبنا بعوضه، ويجعل نفوسنا ساكنة مُطمئنة لحكمته🖤.

‏ يتنافَس الصّالحون في كثرة الصَلاة عَلى سيدنا النَّبى ﷺ | فكُن منهم .