#ﺍﻭﻋﻚ_ﺗﺰﻋﻞ ﻣﻦ ﺣﺎﺟﻪ ﺿﺎﻋﺖ ﻣﻨﻚ 😊
ﺑﻜﺮﻩ ﺑﺘﺠﻴﻚ ﺣﺎﺟﻪ ﺍﺣﺴﻦ ﻣﻨﻬﺎ ☺

ﻭﺑﺮﺿﻮ ﺑﺘﺘﻀﻴﻊ 🐸💔
ﻣﺎ ﻧﻜﺬﺏ ﻋﻠﻲ ﻧﻔﺴﻨﺎ ﻳﺎ ﺍﺧﻮﺍﻧﺎ
#اﻟﻤﻨﺤﻮﺱ_ﻣﻨﺤﻮﺱ_لو_علقو_على_راسو_فاااانوس 🌚👌

#القروية_والوحش4
🌸زواج مصلحه
_4_
نور هزت راسها بي استسلام : خلاص طيب
_ انتي لي فجأة كدا فتحتي الموضوع دا وعايزة تتكلمي فيه ؟ٍ
_انسى يا ميكال
هز كتافينو وهو بتابع اكلو: اوكي طيب
قالت ليه بغيظ : انا م حصل شفت زول بارد كدا زيك
_انا م بارد والله.... بس انتي اكتر واحدة عارفاني كويس وعارفة تفكيري وكل شي وكمان عارفة حنك الارتباط والحب والزواج والحاجات العجيبه دي م عندي خالص ف تفكيري.
_طيب لي يا ميكال؟ السبب شنو ؟ الخلاك تبقى كدا شنو
ضحك وهو بخت المعلقة : انتي حتتعرفي علي هسه ولا شنو ؟
_ لا بس بالچد نفسي اعرف والله.
_ قلت ليك كتيييير م بحب التقييد انا زول free وعايز اعيش كدا وخلاص... وفي النهاية دي حياتي الشخصية ولا شنو ؟( ولا كيف💪 )
هزت راسها وفضلت الاكل على الرد عليه( انتي ذاتك غبية... قدامك اكل وفي كورنيثيا اتحشي ساي ان شاء الله عنو م عرس 😒)
نغمة تلفونو علت 🔊🎶🎵🎶🎵🎶🎵
استأذن منها ورد : ايوا يا وائل
_ كيفك يا boss
_ تمام.... اها ان شاء الله خير
_كنت عايز اتكلم معاك ف حاجات ضروري نجهزها لي يوم بكره.
_اه ذكرتني
_ طبعا انت لازم تسافر
_ ضروري ؟
وائل زح التلفون من اضانو وعاين ليه ورجعو تاني لاضانو 😂: اي طبعا واكيد ضروري دا عقد حضرتك
_ م ممكن زول ينوب عني ؟
_ لا م ممكن والناس ديل صعبين لازم تسافر 🙂
_ خلاص تمام انا هسه بره البيت لمن ارجع بغشاك
_تحب نتلاقى وين ؟
_ م حقدر احدد هسه لمن اخلص بضرب ليك واوريك تمام ؟
_ تمام
_يلا
نور بي حب استطلاع : شكلو كدا ف موضوع مهم
دخل تلفونو في جيبو : م للدرجه دي... شغل زي اي شغل.( بس غتاتة البنات ديك)
_ممممممممممم.
خلصو اكلهم وكلامهم.
النادل جا وجاب معاهو الفاتورة وختاها.... نور فتحت شنطتها عشان تطلع القروش.
ميكال للنادل : بتتعاملو بالكريديت كارد ؟ 💳💸
النادل : ايوا
نور : انت بتعمل في شنو ؟
ميكال وهو بيطلع الكارد من محفظتو : خليك
ناولها للنادل القال ليه : عن اذنك ثواني
نور : بالمناسبة انا العازماك 😐
_ اي عارف... عزومه حلوة وجميلة مشكورة عليها.
هزت راسها بغيظ وهي بتقفل شنطتها : العفو
شوية كدا النادل جاهم راجع وادا ميكال الكارد حقو.
نور : يعني كل م اعزمك تدفع انت 😑
_ م بيناتنا 😉.
عاين لي ساعتو : انا حمشي بعد دا.
خللت شعرها بيدها : اوكي ممكن توصلني معاك ؟
اشر ليها بيدو : يلا.
نزلو الاتنين..... وماشين لحد م حصلو الباركن حق العربات المضلم داك.
ميكال وقف بي صوتها : هيييي حلقي مافيش
الاضاءة كانت خافته....
وقف وهو بيتلفت : حيكون وقع.
_ اي وقع حمشي افتشو... د الجبتو لي انت 😢
_ خلينا نمشي بجيب ليك واحد تاني.
_ لا لا ي ميكال الحلق دا غالي علي شديد لازم القاه 😢
فتح نور تلفونو وبقا بيفتش ف الارض بي اهتمام.
وهي بتفتش معاه.
لحد م خلاص فقدو الامل.
ميكال : حجيب ليك طقم كامل خلاص راح لي خير.
نور وهي بتدعي الزعل : خلاص طيب 😢
رجع جهة العربية وركبو.
ختت يدها في يدو الخاتيها في القير : ميكال
عاين لي وشها وبعدها عاين لي يدها الخاتاها ف يدو : بالجد شكرا ليك.
_على ؟
_ على كللللل شي.
ابتسم ابتسامه صغيرة وبعدها رفع يدو للدريكسون : العفو يا ستي.
كالعادة طوووول الطريق وهي سرحانه فيه وتعاين ليه... وهو عينو دي تاني م رفعها عليها...
خلتو يوقفها بعيد شوية من بيتهم.... عاينت ليه بي حب : نتلاقى بكره
_ان شاء الله
_يلا سلام.
فتحت الباب ونزلت وهو اتحرك.
مشت لحدي م حصلت بيتهم وقبل م تدخل لبست ليها طرحه.
لقت ابوها قاعد ف الحوش..... كان راجل كبير والزمن حنى ضهرو 💔.
اول م شافها قال ليها : يا بتي انتي وين لي كم يوم م شفتك
قالت ليه ببرود : يا ابوي انت عارف شغلي صعب وكتير
_ دا شغل شنو دا اصلو
_ دا الشغل البدفع ليكم منو الاجار ومأكلاكم ومشرباكم بيو.
ابوها سكت بي انكسار لمن لاحظ اسلوب الاستعلاء عليه في كلامها.
بالجهة التانيه ميكال لاقى وائل ف كافيه.
وائل : مجهز المهر 😀؟
_ هو مفروض يكون كم ؟
_ والله حسب مقدرتك
_ اي يعني اودي كم بالضبط 🙂
_ممممممم ممكن 100 او300 حاجة ف الرينج دا 😀
_ طيب اها قول 500 تاني شنو ؟
_ الشيله
_ اها ودي فيها شنو يعني
_ معقول م عارف فيها شنو ؟
_ يعني انا عرست قبل كدا مثلا عشان اعرف ؟( عاد مسيخٱ🙂)
_طيب دي فيها الهدوم والجزم والشنط وكدا.
_ ياخ دي بعد م تجي تمشي تجيبهم براها وكدا انا عايز الشي دا يخلص سريع.
_خلاص طيب.
_ اها باختصار كدا بكره حنسافر الساعه كم ؟
_ الساعه 10 حنسافر... حتمشي تعقد وكدا وبعدها تجيب العروسة ومبروك عليك.
ميكال بي ابتسامه : الله يبارك فيك...اول م العقد يتم ترسل اسعاف ينقل ابوها لي رويال كير.
_ ان شاء الله.
_تصدق انا نعسان 🙂
_ يا رااااجل
_ والله
_ اصصصصصلو م بصدق 😀
_ 🙂
_ خلاص يا عريس ارجع بيتك ونوم وارتاح وجهز جلابيتك وعمتك وشالك بكره وراك يوم طويل.
ضرب التربيزة بأطراف اصابعو وهو بيقوم : ان شاء الله... نتلاقى بكره.
ميكال ركب العربية وساق لحدي بيتم وهناك

لقا ماما عشة قااعدة وراجياه اول م شافتو ابتسمت وهو قدر كويس يفهم انو الابتسامه دي وراها موضوووووع.
قالت ليه : تعال تعال يا ميكال( تعال وميكال 🌚)
جا عليها وقعد وفي ابتسامه صغيره ف وشو : اها خير ؟
_ قبيل الصباح مشيت على سلوى كانت عازماني فطور
_ ولقيتي لي عروس صح ؟( عمك فاهم الرصه 😂)
_ عاد هي اي عروس ؟ اريتا يا يمه عروسة الهنا والسرور حلااااااااااتا ماشاء الله تبارك الرحمن الملامح المقعععععدة والرزانه والحلاوة وامتحنت الشهادة وداخله الجامعه.
_ ممممممم يعني ف النهاية عايزة تعرسي لي طفلة.
_ يا ولد اخير ليك وتربيها تحت يدك عجينه طرية تشكلها بي طريقتك( صدقيني هي الحتربيكم نفر نفر 🙂💔 الزمن مفيش اتفال )
_ امي
_ اها
_ انا ماشي اعقد بكره طيب ؟
_ يعني خلاص كلامك ماشي 😒
_ طبعا ماشي انا اديت البت كلمه
_ شكيتها على الله والله العظيم عملت ليك شي.. خلتك تعمى من البنات الهنا كلللللهن وتعاين ليها هي بس.
اتثائب وهو بيقوم وينهي الكلام : انا نعسان شدييييييد حنوم... يلا عن اذنك وتصبحي على خير
_ اجججججي وم متين بتنوم من 8 😒
_ تعبان.
قال الكلمه دي وطوالي اتحرك على السلم.
ماما عشة وهي بتضرب بي عصايتها الارض : لما نشوف النهاية شنو.
ميكال طلع اوضتو... دخل الحمام واخد ليه دش.... بعدها اتوجه ناحية سريرو.... اول م ختا راسو ف المخدة تلفونو ضرب.
شال التلفون من الكومودينه ورد : الو
جاهو صوتها : ميكال
_ ايوا يا نور
_ رجعت البيت ؟
_ اي.... في حاجة ؟
_ لا ماف اي شي بس كنت عايزة اطمن عليك.
_ انا بخير الحمدلله وهسه عايز انوم.
_ ايوا.. طيب يا عمري تصبح على الف خير ان شاء الله.
_ وانتي من اهل الخير ان شاء الله
بعدها قفلت الخط وهو نام.
كانت راقدة ف سريرها وفاتحه صورتو ف تلفونها.... وتشيل وتكبر فيها وتبتسم قدرتها وعيونها شوية وتتحول لي قلوب( ومن الحب ما يهبل 🙂)
كانت خطتها انها تحيطو بي اهتمامها الايام دي عشان م يفكر يتزوج من بعيد.
اللهم قاعدة وتفكر كدا لحد م نامت.
صباح اليوم التالي :
ميكال صحا زي الساعه 8.
اخد ليهو دش منعش وطلع من الحمام لبس الجلابية السمنيه الماخمج 😍
ولفا دييييك يا العمه ولفح الشال..... وريحة العود عملت شغغغغغغغغغل..... ولبس ساعة سوداء.... ومركوب رجالي وشال عصاية عاجية راسها مدور ونزل.
لقا ماما عشة قااااااعدة التقول راجياه.... اول م شافتو قالت بصوت عالي الصلاة على النبي ماشاء الله.
قعد قدامها وهو بحرك عصايتو ويبتسم : كيف معاك ؟ 😌
قالت ليه بحسره : سبحان الله نسسسسخه من ابوك ف شبابو.
ظهرت تعابير م مفهومة ف وشو كانو م حابي سيرة ابوه.
ماما عشه وهي بتكمل : الله يرحمو ويجعل مثواه الجنه ان شاء الله.
اكتفى بي هز راسو... وفي ثواني اتحولت مشاعر الحزن عند ماما عشة لي غيظ وهي بتقول : هسه يا وليد بي حلااتك دي تعرس ليك واحدة من قرية؟ غايتو مححححححن لكن الله دا قادر.
عاين لي ساعتو وهو بقول : انتي مالك مع ناس القرى ديل ؟
_ يا ولدي م مستواك..... م عندي معاهم عداوة.... لكن عايزة واحدة من مكانتك الاجتماعية.... يعني م معقول اول حفيد للشرقي ود اصول وعز وجاه يعرس واحدة لا شيئ.... لا اهل لا عائلة... يا ولدي دي حتجي تسفك.... حتكون جعانه عايزة تشيل وتودي لي اهلها وبعد شوية تصدق نفسها وتعيش الدور وتتعنطظ علينا انا بنات الزمن دا بعرفن كووووويس.
هز راسو وهو بيقوم : م تحكمي عليها وانتي لسا م احتكيتي بيها
قالت ليه بي مغصه : احححححححي انا من عنادك وقوة راسك دي 😒.
ضحك وهو بيدنقر ويبوس راسها : مع السلامه
_ الله يسلمك يا ابوي 😒.... وماشي كدا على لحم بطنك ؟ لا شاي لا عصير لا ترويقة؟
_ دا كلو حعملو ف المكتب... سلام
همست : الله يسلمك.
طلع بره وهو ماشي لقا جوري اختو شايلة ليها كلب صغنون كدا وبتلعب فيو.
ميكال : من صباح الرحمن ؟
صفرت ليه تصفيرة اعجاب خلتو يبتسم ليها.
جوري : دي شنو القشرات دي على ويييين 😉
_ ماشي اعرس
_ بالله ؟ مبروك مقدما ياه 😂( م صدقتو )
_ الله يبارك فيك.... م عندك جامعه انتي ؟
_ مستنيه الترحيل 🙂💔..... هسه لو كان عندي عربية دا م كان حالي.
م تمت جملتها كويس الا والترحيل ضارب بوري.
كتف يدينو وهو بقول ليها : يلا ارمي الجرو دا واجري على ترحيلك 🙂
جوري بي احراج : كويس 😅.( طب قول ليها تغسل ايديها 😐💔)
طلعت وهو طلع وراها......
اتوجه ناحية مكتبو... طبعا الموظفين كلهم قلعو عيونهم فيه.... احساس اول مرة يشوفوه بي جلابية وكدا... وبعدين كان هيييييبه😍( على قول ماما عشة الصلااااة على النبي 😂).
دخل مكتبو لقا كومة بتاعة اوراق وملفات مختوته.
قعد في طرف التربيزة وهو مكتف يدينو ومقبل وراه وبعاين للاوراق.
باب مكتبو دقا..
رجع بي بصرو ناحية الباب وقال بي صوت مسموع : اتفضل
الباب فتح وجا داخل منو سيف ولد عمو.
سيف : مشغول ولا شي ؟
_ حاليا فاضي.
جرا جكت بدلتو لي قدام وهو بيدخل ويقفل الباب وراه ويقعد في اقرب كرسي.
سيف بفضول : على وين بالجلابية والقشرة دي ؟
ميك

ن تندم على شهامتك دي.
_ اعتقد انو كلماتك الخمسه الاولى بتعبر عن حقيقة مشاعرك يا مدام توتيل بس للمعلومية... انا ماف شي بعملو بجي بندم عليه وشكلك لسا م عرفتيني كويس... بس السنه دي حتخليك تعرفيني اكتر.
شد على يدها بطريقة خلتها تحس بي انو القدامها راجل قوي جدا وعنيد.
ظهرت ابتسامه ف وشو لمن حس بتأثير سلامو عليها: خلي بالك يا توتيل الاطفال الصغار خصوصا البنات م بلعبو مع النار... عشاااان بتحرق.
قال جملتو الاخيره وفك يدها... وهنا هي يادوب شالت انفاسها كانت اول مرة في حياتها كلها راجل يمسك يدها كدا.
شال العمه بتاعتو واتوجه ناحية الباب : تصبحي على خير يا عروسة نتلاقى بعد 3 ايام.
طلع وقفل الباب بوراه وهي هنا قعدت ف الكنبه ودموعها بدت تنزل.
Cut 😁
نهايةة الحلقة الرابعه.

ال قعد في الكرسي المواجه سيف... وختا يدينو الاتنين ف الراس المدور حق العصاية : عندي يوم مهم وكدا
_ ايوااا
_ غريبة... الليلة حاسي بشنو ؟ يعني جاييني في مكتبي وكدا.
_ جيت اسلم عليك وبس
_ وبس ؟
_ تفتكر ف شي تاني ؟
_ والله انا المفروض اسألك السؤال دا.
سيف غاص في الكرسي الكبير المريح : ممممممم
سكتو الاتنين لمسافة قبل م سيف يقول : مكتبك هادئ جدا م زي حقي.
ميكال وهو بعاين حوالينو : لو م الجو كدا م بقدر انجز او اشتغل اي شي.
سيف لا اراديا قال : ان شاء الله قريب حيبقى مكتبي انا.
انتبه لي نفسو وظهر الانفعال ف وشو لمن لقا ميكال بيرمقو بنظرات قوية وساخره.... وفي ابتسامه صغيييييره ارتسمت بي استفزاز رهيب في طرف خشمو وكان ليها تأثير مدمر على سيف : تتذكر يا سيف جدي الله يرحمو زمان كان بقول لينا شنو ؟ ابعدو من الثقة الفايته الحد عشان نهايتها بشعه.... والبفوت حدو حيقلب ضدو.
سيف بلل شفايفو بي توتر وهو بصلح الكرفته بتاعتو : take it easy... الزول م يقول ليك شي كدا او كدا يعني.
م بعد عيونو منو وهز راسو ببطئ وسيف م قدر يترجم قصدو من الحركه دي.
سيف وهو بصلح كرفتتو وبقيف : خلاص انا حنزل على شغلي تحت.... يوم موفق.
ميكال ببرود وهو بعاين ليه: thanx
ادا ضهرو لي ميكال وظهر في وشو كل انواع السخط والحقد وطلع.
طلع بي جاي وائل جا منكشح بجاي.
كان لابس جلابية على الله 😂
حلااااتو فيها.
اول م شاف ميكال قال ليه : اوووو يا boss ولا نقول يا عريس.
عاين ليه وهو رافع حاحبو : البعجبك
_ اوكي الboss العريس 😁.... يلا اي شي جاهز مفروض نتحرك بعد دا.
ميكال وقف : تمام.
مشو برا وكانت العربية البرادو واقفة والسواق راكب ومنتظرهم.
ركبو العربية.
وائل : بسم الله توكلنا على الله ولا حول ولا قوة الا بالله وقرا دعاء السفر بصوت عالي.
وبعدها العربية فووووو اتحركت.
اللهم....بعد ساعه كدا نور وصلت المكتب.
كانت لابسة اسكيرت رمادي لي نص ساقها كدا ومجبص على قول الوالدة عليها.... ومعاهو قميص شفون ابيض وجكت بدلة بلون الاسكيرت وجزمه كلاسيكيةةعاليه.... وعاملة شعرها كعكة بفوضوية كدا( الكعكة الفوضوية دي الراعي الرسمي حقي 😂).
وكانت عامله روج احمر غامض.... وطبعا مع سمارها عامل شغغغغل.
من برا عرفت الشمار انو الجماعه جو بي جلاليب وطلعو.
مرقت تلفونها وضربت لي ميكال وكان بديها خارح نطاق التغطيه وضربت بعدها لي وائل م رد عليها.
احتارت والشمار حررررقها بمعني الكلمه.
حست انهم الاتنين بيعملو ف جريمه هسه وبقت بتفكر شديد وبتتسائل في شنو.... وفي هذه الاثناء هنااااك في العربية المسافره وائل كان نايم مصنقع ومريل 💤💤💤🙂( ظلمتيه يا نور)
ميكال كان بعاين ليه باستغراب احساس قبل شوية كان بتكلم معاه م اخد ليه دقيقه نام لا ومريل كمان.( طبعا في ناس عندهم القدرة السحرية دي يكونو بتكلمو معاك فجأة بتلقاهم نامو 😂.... يلاااا م علينا فايت عليهم القليب في السرير والتفكير في هونغو العايش ف المريخ وكيف الضب بكون ملصق ف الحيطه وحاجات جميلة اقسم بالله 😌)
خخخخخخخخخخخخخخ 💤💤💤
صدر صوت الشخره المخملي دا من وائل 😂.... ميكال نطر عيونو وهو بعاين ليه قبل م يهز راسو بلا حول ولا قوة ويقبل ناحية الشباك.
نور مشت ناحية المكتب حقها قعدت وهي بتتحرك بالكرسي وبتهز ف رجولها ولسا مشغولة بالتفكير.
شوية كدا لفت نظرها العلبة المخملية الزرقاء... المختوته ف طرف المكتب.
جرتها عليها بسرعه وفتحتها.
لقته طقم دهبي رقييييق بتكون من سلسلة وحلق واسورة.
ابتسمت بي فرحه وهي بتهمس : ميكال 💜.
🗯🗯🗯🗯🗯🗯🗯🗯🗯🗯🗯🗯🗯🗯
في الحله او القرية حقتنا....
الناس مبسوطييييين بي بنيتهم وامها جات من المستشفى ليها وحكو ليها انو عزلوها هي كيف وانو العريس ولد ناس واسرة كويسة.
ضبحو ليها دااااك يا التور( كان تضبحو عباس وتكونو ضربتو عصفورين بحجر ماشاء الله تور خلقة واخلاق🐂 💜)
الشفع جابو الخبر العريس وصل العريس وصل والمتاوقه بدت 😂 ونقيل الشمارات.
توتيل كانت قاعدة في بيت سيدة...
وشها م فيه فرحة العروسات ديك والحزن ظاااااهر فيها بالرغم من انها حاولت شديد انها تخفيه.... بس مرات المشاعر البتكون جوانا بتقدر تسيطر على ملامحنا غصبا عننا
جاتها سيدة : يا توتيل يا بت اضحكي ساي وشك دا افردي النبي فيك ماف عروس زيك كدا.
_ اضحك على شنو وافرح على شنو ؟
_ لا حول ولا قوة الا بالله ياختي انتي وقت م بتقدر تستحملي رامية نفسك ف البلا مالك ؟
قالت ليها بقهر ومن جووووه قلبها وبي صوت مهزوز : ابووووي يا سيدة ابوي ينجدع ف السجن بسببي وهو عيان ؟ وبريئ وم عمل اي شي ؟ ولا يكسرولكم البيوت وتتشردو ؟؟ احححححي انا الله يصبرني.
سيدة حضنتها عليها وم قدرت تقول شي.
ف اللحظات دي سمعت صوت اخو سيدة وهو بقول عقدو وطوالي الزغاريد اتفكت ومعاها صوت السلاح ( شششششح عقبالكم 🙈)
توتيل هنا دموعها جات جارية وطوالي النسوان جوها عشان يباركو ليها ويباركو لي امها.
طبعا الناس كلها فاكره انها بتبكي عشان متأثره و

كدا وم عارفين الحقيقة شنو.
بككككككككت بكاء بي حرقه لمن كانو بيحضنوها ويسلمو عليها.
لي درجة خلت بعض النسوان يبكو معاها خصوصا انو هناك الناس حنينه شديد.
عزو زيييييييين وبعدها الناس انشغلت مع الغداء وبتاع.
وبعد المغرب كدا قالو لي توتيل تمرق عشان خلاص حتسافر.
الناس دي كلها طلعت ودعتها بي دموعهم وامها اولهم.... واتمنت انو ابوها يكون معاهم ف اليوم المهم دا.... طبعا ابوها من عرف انو اعمامها موافقين من المستشفى هناك اداهم الاوكي.
امها ومرتين وقفو معاها بعيد كدا شوية وبقو بوصو فيها وصاية الامهات لي بناتهم العرسو وحيمشو منهم حقت اهتمي براجلك وخليك مهذبة مع نسابتك ووووو كلام كتير.
طبعا توتيل كانت لابسة توب احمر زي حقات الجرتق ومتحجبه مع التوب وعاملين ليها مكياج عادي جدا كحل وروج وبدرة بس.
لكن كانت حلااااااااتها قمراية يا اسم الله ( السمح سمح ولو قام من النوم كدا ولا انا لافحاها غلط 😁)
طلعت العربية وبقت بتعاين لي وشوش اهلها وجيرانها وامها وهم بعاينو ليها...... دنقرت راسها عشان م يشوفو دموعها..... ميكال و وائل والعم البيقرب لي ميكال من بعيد شوية واقفين مع الرجال وطبعا الكلام حق بتنا امانا ف عيونك وكدا داك.
وبعدها ركبو العربية كانت منزوية على جهة الباب وضامة رجولها ويدينها ومدنقرة راسها وساكته....واي شعووووور حزين ف الدنيا دي كان جواها موجود ونظرات امها واهلها م فارقتها.
ميكال قفل البال واشر بيدو للناس وبعدها العربية فووووو اتحركت.... هنا هي بلعت ريقها من شدة الغصة وغمضت عيونها ونزلت دمعه ف يدها.
ميكال رجع بضهرو لورا وشال نفس طويل عاين للمراية ولقا وائل ببادلو النظرات.... كانت نظرات انتصار منهم الاتنين كدا خلاص العايزنو تم...
بعدها ميكال عاين ليها اتفحصها بنظراتو وابتسم ابتسامه جانبيه ووبقا بعاين للشباك.... الواطه كانت خلااااص ضلمت.
( لو كنتي مكانها ردة فعلك كانت حتكون شنو ؟ )
💕💕💕💕💕💕💕💕💕💕💕💕💕💕💕
كانت الساعه تشير للثامنة مساء عندما بدأت الحسناء السمراء ذات العيون العسليه والتي كما يبدو انها ورث في هذه العائله بالصراخ بصوت عالي وعدم تصديق : نععععععم من قرية ؟؟؟؟ احنااااا ناس الشرقي تناسبنا وااااحدة من قرية عيلتها اسم زاتو م عندها ؟ خلاص ع اساس البنات هنا خلصو ؟
بينما بادرتها التالية التي كانت ايضا تشابهها ف المظهر...بشره سمراء غنيه وعدستان عسليتان وشعر قصير ناعم: كلامك دا اقدري قولي قدامو.
_ م قادرة اصدق انااااا م قادرة اصدق.... الله يستر م تجينا بي غنمايتها.
_ 😂😂😂😂 احلى شي سخلاية تملا لينا البيت بهجه
_ لجين م وقت هظارك
هزت كتافينها وهي بتقول : اوكي
يلا تعالو نتعرف على ديل....
اخوات هزبر بنات ابوه برضو اخوات جوري بنات امها وابوها.
الاولى الزعلانه دي اسمها جواهر... بنت جميلة جدا عمرها 26 سنه عندها بزنس حق ديكورات زولة متطلعه شدييييييد لكن مغروووووورة وطبقيه وبتحب الطبقة العايشة فيها وم بتحب الاقل منها.... نوع المابتحب تكرر اللبسة مرتين.... وبتتفاخر بي قروشهم واخوها.... ووشها دا م بتفردو الااا لي ناسها بس.
التانيه لجين خريجة بزنس الاحفاد( حققققققنا 😎) عمرها 23 سنه
عكس اختها تمام في كل شي..... انسانه طيبه ومتفهمه وم بتحب تدخل ف حياة غيرها مهما كانت..... بسيطه شديد النوع المابخت ميكب زاتو ف وشو.... قاصه شعرها بطريقة مميزة..... ومع سمارها ولون عيونها عامل شغغغغغغل.
عندهم اخت اكبر منهم اسمها جنات عمرها 28 سنه ودي متزوجه عندها ولد عمرو 3 سنوات وعايشة ف ابوظبي مع راجلها.
طبعا لجين وجوهرة كانو ف ابوظبي معاهم امهم المشت تولد اختهم.
وم حنتطرق ليهم كتير .
ماما عشة وهي بتضرب بعصايتها الارض : لا واحلى شي انو ولااااا شغال بي انا الشغله ولا شغال بكلامي حعقد يعني حعقد.
جوري : wait يا جماعه يعني هسه الموضوع خطير للدرجة دي ؟ صراحة كدا i thought انها كانت مجرد مزحه او مقلب لمن قال لي انو ماشي اعقد.
جواهر : العرس دا لازم م يتم
جوري : hello? هو خلاص عقد يعني بقت مرتو.
جواهر : حتى لو بقت مرتو حنخرب وش معاها ونوريها نجوم الليل في عز الضهر
لجين : هي هي خلاص دا شنو جو الحموات الشريرات دا ؟ حاسا انو شوية وحيجي برق وعيونك حتقلب حمرا... عادي احتمال بحبها انتو زعلانين ليه
ماما عشه : حباك برص شاحده الله... حب شنو وقلة ادب شنو الكلام واضح بت وم مستوانا ولا مننا ولا بتشبهنا نهائي م مقبولة انها تجي تعيش وتتسنتر فينا
جواهر : هو لو كان استشارني كان حيحصل شنو ؟
جوري وهي بتهز ف رجولها : come down من متين هو اصلا بستشيرنا ف شي ؟ بعدين it's his own life ( طبعا جوري طريقة كلامها تفتح النفس.... نوع البنات الاصواتهم رقييييقة ديلك )
ماما عشه : يا بت اتطمي وبطلي الرطانه المكرهانه بيها دي.
جواهر : his own life في عينك اصلا انتي والهبلة المعاك دي حتجيبو لي الضغط.
لجين : صحي عينك للفيل تطعن ف ضلو يا بيبي الكلام دا لمن يجي سي ميكال قولي ليهو وف وشو

تمااام 😊.
انا تعبانه وماشا انوم باي باي.
جرت شنطتها وطلعت على فوق.
جوري كانت عايزة تلحقها لكن وقفت بصوت جواهر وهي بتقول ليها خليك قاعدة مكانك.
قعدت وهي بتبلع ريقها.
جواهر : الحقولو ليك يتفنذ بالضببببط بالملي والحرف مفهوم ؟
_ مفهوم.
____________________________________
هناك عند ناس ميكال :
توتيل رفعت راسها لمن حست انو الناس نامت.... فضل السواق بس وهو زاتو شكلو نعسان 😂 وربببنا يستر.
عاينت لي حنتها وشالت نفس عميق ومشت بي بصرها ناحية الشباك.... م كان ف شي غير الشارع الخلوي الشبه فاضي والاشجار الواقفة في طرف الطريق ومع الليل مدية منظر مخيف.
التلفتت ببطئ ناحية ميكال.... اول م عاينت ليه هو فتح عيونو وهي طوالي رجعت ببصرها ناحية الشباك.
جاها صوتو الساخر وهو بقول ليها: عايشة دور العروسات شديد.... فكي الدور شوية هو ف النهاية زواج مصلحه 😂.
رفعت راسها وهي مضيقة عيونها شوية كأنها بتفكر قبل م تبتسم ابتسامه سخيفة متوترة : ممكن تطلع منها ؟
رفع يدينو بي استهبال وسخرية : جدا زي م عايزة اطلع منها طوالي لي لا.
شالت انفاسها وعاينت حوالينها وبدت تفكر ف حياتها الجديدة.... زي م هي محتاجه ليه هو برضو محتاج ليها لانو من دونها م حيكون عندو اي يد ف الادارة.
فتح تلفونو وقال ليها : الاسعاف اتحرك بي ابوك ومعاه امك
_ بالجد ؟
قالتها ليه وحست انو دموعها شوية وحتنزل.
_ اي
_ وحتوديه ياتو مستشفى ؟
_مستشفى ممتازة جدا وكويسة م تخافي
ظهر الامتنان في صوتها : شكرا
هز راسو بمعنى عفوا وسكت.
السكون والهدوء عم المكان غير صوت محرك العربية وشخير وائل البيظهر فجأة ويطغي ع الجو.
لحد م في النهاية وصلو جمب عمارة كبييييره كدا.
وهنا وائل فتح الباب ونزل....
وقف قريب من شباك ميكال : الف مبروك عليك يا عريس... ليلة سعيدة ان شاء الله
_ تسلم.
ومشا طوالي ودخل.
وبعدها العربية اتحركت ناحية المجمع السكني الفيه شقة ميكال.
وصلو و نزلو والسواق طوالي اتحرك.
مشت وراهو وركبو الاسانسير الوصلهم لحد الطابق الفيه الشقه.
سمعت صوت الباب الاتفتح بيد ميكال.... كان المكان مضلم وبارد.
فتح الانوار وظهرت الصالة الكبيره والمطبخ الانجليزي.
قبل وراهو وعاين ليها كان منتظر يشوف نظرات الانبهار ف عيونها لكن كانت عادية.
قال ليها : اها حتدخلي ولا الوقفه عاجباك.
دخلت ببطئ وهو مشا بسرعه ناحية الباب وقفلو.
وقف يعاين ليها لثواني وبعدها اتحرك ناحية المطبخ اما هي اتوجهت ناحية الجلوس وقعدت.
جاها راجع وهو شايل علبة شعير وقعد في الكرسي المواجهة.
_ بعد 3 ايام حيكون العرس
_ نعم ؟ عرس شنو تاني ؟
عاين ليها قبل م يضحك بصوت عالي : انتي يا حلوة عارفة معرسة منو ؟ ميكال آل الشرقي... يعني مع احترامي ليك عقد وكدا خلاص دا م بينفع لازم شووو لازم الدنيا كلها تعرف بعدين انتي زعلانه لي ؟ دي فرحة منتظرنها الناس من زمان
_فرحة ؟ هو انت خليت فيها فرحه ؟ يعني هسه انا عرسي اهلي م حيحضروه ولا حتى امي وابوي 💔.
_ كلها سنه وتمشي تعرسي تاني وابقي اعزميهم بالمره 😂
عاينت ليه بغيظ وقالت بصوت هامس : انا بكرهك.
رد عليها بصوت عالي وهو بيطلع العمه بتاعتو : عارف 😊
سكتت شوية وبعدها وقفت : دا شنو الانا رميت نفسي فوقو دا... انا م عايزة اكمل اللعبه دي.
_ على كيفك هو يا حلوة ؟ 😂
_ اتكلم بي اسلوب احسن زي م انا محتاجالك انت كمان محتاج لي وم تنسى انو من دوني انت م حتكون وريث.
ضهرو انتصب وملامحو بقت جادة وهو بقول ليها : اقعدي
_ انا م بدور اقعد حتكلم وانا واقفه
قال ليها بي صوت مزمجر مخيف ظهر فيه التهديد : اقعدي.
قعدت باستسلام وهي بتعاين ليه : انت مبسوط بالبتسو فوقو دا مصح؟
_ مبسوط جدا..... بعدين قلتي انا محتاج ليك زي م انتي محتاجه لي ؟ هه الله م كتر الا بنات حواء ممكن عادي اطلقك ويادار م دخلك شر وتمشي تلقطي مع اهلك هدومهم الحيرموها ليهم ف الشارع وتتفرجي علي البيوت وهي بتتهدم وانتو بتتطردو زي الماحصل شي وابوك يقضي اجمل ايامو ف السجن...نهائيا انا م محتاج ليك زي م انتي محتاجاني..م علموك انو الاطفال م مفروض يقلو ادبهم مع الناس الاكبر منهم ؟
حست بالدموع الحارة بتقاوم عشان تنزل من عيونها لكن قاومتها بي كل قوتها وظهرت المقاومه دي في صوتها الطلع مهزوز : طيب...طيب بس لو كنت مفتكر انو انت كدا خلاص خليتني خاتم في صباعك وحتتحكم فوقي ف انت بتغش ف نفسك... حكرهك وحفضل اكرهك طول ما فوقي عرق بنبض ومن هسه حبدا احسب للاتناشر شهر ومتين حينتهو عشان ارتاح منك...وم حسمح ليك تتطفل على حياتي الخاصة لانك... لانك مستبد ورزيل.
قالت اخر كلمتين بي غيظ شديد.
حست بالشرار مولع ورا عيونو لكن رسم في وشو ملامح الرضا وهو بينحني لي قدام ويمد ليها يدو عشان يصفاحها : مبروك.
مدت يدها وفجأة لقت يدها الصغيرة الرقيقة اسيرة لي يد سمراء كبيرة العروق ظاهره فيها بطريقة جذابة.
كانت يدو دافية كدا لدرجة خلتها تحس بالحرارة ف يدها وهي بتقول ليه : الله يبارك فيك... بس بتمنى انك م تعيش
عشا

السلام عليكم
اذا بتعرفوهو وروهوا الكلام ده👇👇

عاجل عشان مايفقد فرصتو في التقديم للجامعات
قبول عام بنتهي الاتنين يوم 23 كما اعتقد
عمموا في قروباتكم
سحبنا استمارة تسجيل عن طريق الخطأ. باسم
عبدالحميد صديق العبيد احمد
لو زول بعرفوا
رقم استمارتو بي طرفي ساعدوهو يدخل الجامعة لو مشى يسحب استمارة مابتتسحب ليهو
الرقم :
٠١٢٣٠٢١٧١٨

#تنويه:مواعيد النشر حترجع مسائية تاني
#القروية_والوحش5
🌸الاستعداد
_5_
علا صوت رنين جرس الباب... مما جعل الحسناء التي تغط في نوم عميق تفتح عينيها بهلع.... تلفتت حولها وبدأت تستوعب اين هي... فقد كانت تعتقد بأنها ستفتح عينيها على السماء المليئة بالنجوم وتتحرك خصلات شعرها الغجري الفاحم مع نسمات الفجر لتستيقظ وتقوم بإعداد الشاي. واللقيمات لوالدها الذي سيحضر بعد قليل من الصلاة.
حتما هذا التفكير ساهم بانهمار الدموع من عينيها الا ان صوت رنين الجرس جعلها تهب واقفة... كانت لا تزال ترتدي ثوبها الذي حضرت به من الامس فقد غفت في الاريكه الموجودة ف صالة الاستقبال منذ ليلة الامس التي لمن تكن سهلة عليها.... قامت بفتح الباب بحذر لتدلف منه انسه في نهاية العشرينات من عمرها بدت عليها البساطه والاناقه وهي تقول بصوت انثوي عذب : صباح الخيييير يا عروس سوووري م اكون ازعجتك
هزت راسها باستغراب : ماف اي ازعاج
_ اعرفك على نفسي انا سارة.... وحكون مسؤولة عنك في العرس من راسك لي ساسك وحساعدك تشتري هدومك واكسسواراتك وتختاري فستان زفافك ومكياجك واي شي.... اسمحي لي اقول ليك حبدا معاك من هسه لانو قدامنا للأسف 3 ايام بس.
طلعت من شنطتها تلفون ومدتو ليها : الاستاذ وصاني اديك ليه 😊.... يلا لو سمحتي اخدي دش وغيري هدومك عشان نتحرك
قالت ليها بصوت شوية محرج : انا م جبت معاي ملابس بس بي توبي دا.
_ اهااااا.... م مشكله.... ماف اي مشكله هسه بوصي يجيبو لي اي لبسة لحدي م نمشي نجيب ليك حاجاتك.
_ ياريت لو تكون عباية عشان م عندي مزاج للهدوم وكدا
_ اوكي جدددا.
طلعت تلفونها وبدت تتكلم
وفي اللحظات دي توتيل بقت بتفتش ليها على حمام.... خشت اوضة ميكال ومشت ناحية الباب الخشبي وفتحتو..... اتفاجأت بالحمام الكبير الفخم وبقت بتتلفت.... مشت ناحية المغسلتين الفوقهم مراية كبيرة وعلى جانبهم ارتصت كمية من العطور والكريمات والغسولات والصوابين وادوات الحلاقه.
وقفت وظهرت الحيره ف وشها.... م كانت عارفة تفتح الماسورة كيف خصوصا انو ماف اي شي جمبها عشان تدوس عليه او تفتحو.
همست : الداهي دي نفتحها كيفن.
بقت بتلمس فيها فجأة كبت.... رجعت لي ورا بحيره ورجعت تلمسها تاني وهنا وقفت.... اكتشفت انو هي مفروض تلمسها بخفه ف راسها وحتكب ليها.
هزت راسها وهي بتقول : عاد دي فاتت سيده.
عاينت يمينها للشور روم الزجاجيه وبقت واقفه وهي محتارة ف الحاجات العجيبه الفي الحمام دي.
حكاية نص ساعه بس وجابو ليها الهدوم الحتلبسها.
__________________________________________
تلعثم السيد الشاب الذي يقف امام الشاشة البروجكتر ليشرح بعض الخطط التي تنوي الشركه اتخاذها لهذا العام لتتوسع ف مجال عملها.... بينما اخذ الرجل الذي يجلس في الكرسي الاسود الضخم يراقبه بعينيه العلسليتين الداكنتين وهو يضرب برأس قلمه في طاولة الاجتماعات.
استمر بالضرب برأس القلم على الطاولة بينما تسللت يده الاخرى لتفك زارئر جاكيت بدلته الرمادية.
ازدرد الشاب ريقه واستنشق بعض الهواء ف محاولة منه للتخفيف عن توتره خصوصا تحت النظرات المثبته عليه من رب عمله..... ما ان انهى شرحه حتى بادره بعدة اسئله... كان الوضع محرجا عندما لم يجب الشاب عن الاسئلة بكفاءة.
ومن ثم بدأت نظرات الموظفين المتواجدين ف غرفة الاجتماع تتجول بقلق بين الشاب والمدير.... حتى اعلن الاخير انتهاء الاجتماع ليحمل الموظفون اوراقهم وملفاتهم الضرورية ومن ثم هموا بالخروج.
خلت الغرفه من الجميع ما عدا الشاب المتلعثم وميكال ومستشاره وائل الذي اتكأ بظهره على الجدار بعد ان عرف ما يدور ف رأس رفيقه.... الذي نهض عن كرسيه الضخم بعد ان دفعه بطرف قدمه للوراء قليلا.
وشد بكلتا يديه على جاكيت بدلته..... زاد توتر الشاب بالرغم من محاولته اخفاء ذلك التوتر.
حاصرته نظرات ميكال القاسية قبل ان يقول بصوت هادئ رخيم بارد : انت مرفود.
وابتعد عنه باتجاه الباب.... بدا الاحباط واضحا ف وجه الشاب.
حدجه وائل بنظرات متعاطفه ثم خرج وراء رفيقه.
_بتبالغ يا ميكال ياخ.... الشاب دا كويس بس خذلتو شجاعتو هنا.
وقف وعاين ليه : وانا زول كدا م حينفع معاي.
_ لكن ياخ
ميكال ببرود :وائل انتهينا م تناقشني ف الموضوع دا.
وائل دخل يدينو في جيب بنطلونو وهو بتمتم بي كلمات مبهمه.
دخلو الاتنين المكتب... ظهر الزهج في وش ميكال وهو بعاين لي كوم الملفات المختوت ف مكتبو.
طلع جكت البدلة ورماه في اقرب كنبه ومشا ناحية كرسيه البيجي الكبير.
وائل حسا انو صحبو مافي المود.... قال ليه بصوت هادئ : تشرب حاجه ؟
قعد ف الكرسي : لا.
_ ممممم طيب عن اذنك( اجري يا مججججدي)
طلع من المكتب واتوجه ناحية مكتبو.
ميكال شال انفاسو وهو بيتذكر ف كلماتها(طيب...طيب بس لو كنت مفتكر انو انت كدا خلاص خليتني خاتم في صباعك وحتتحكم فوقي ف انت بتغش ف نفسك... حكرهك وحفضل اكرهك طول ما فوقي عرق بنبض ومن هسه حبدا احسب للاتناشر شهر ومتين حينتهو عشان ارتاح منك...وم حسمح ليك تتطفل على حياتي ال

خاصة لانك... لانك مستبد ورزيل).
مشا يدو على دقنو : يعني هسه الشافعه المابتسوا ولا شي دي تتكلم معاي انا كدا ؟ بت **.
قطع تفكيرو صوت ضربات خفيفة في الباب وشوية كدا جات نور داخله.... كانت ماسكه شعرها ضنب حصان ولابسة بدلة نسائية سوداء انيقة جدا.
وشها كان شاحب كانها شافت ليها شيطان.
جات عليه بخطوات بطيئة.
انعقدت حواجبو باستغراب لمن شاف هيئتها ورجع بالكرسي شوية لي ورا وبقا بعاين ليها.
قعدت ف الكرسي الجمب مكتبو وقالت ليه بصوت مهزوز : صحي السمعتو ؟
_هز راسو باستفهام ؟
بلعت ريقها : صحي... صحي انت عقدت وعرسك بعد 3 ايام.
م ظهرت اي ردة فعل في وشو بل كانت ملامحو باردة جدا كالعادة : اي.
_ ك... كيف.... كيف يعني الكلام دا.... وانا ؟
_ انتي شنو ؟
_ انا بحبك 💔
وقف على حيلو ومشا ناحية الواجهة الزجاجية... كتف يدينو ورا ضهرو ووقف وقفة مستقيمه وضحت طولو وعضلات يدينو : اعتقد اتكلمنا ف الموضوع دا قبل كدا.
وقفت وحيلها م شايلها ومشت ناحيتو : طيب متزوجها هي لي ؟ هي احسن مني انا بشنو ؟ انت اي شي عايزو مني انا عملتو ليك..... اااااي شي... ودا جزائي ف النهاية ؟
قبل وشو ناحيتها من دون م يحرك جسمو : وانا كمان بالمقابل اي شي انتي عايزاهو عملتو ليك...وم قصرت معاك في اي شي.
ظهرت الدموع في عيونها وهي بتعيد سؤالها : متزوجها لي ؟ هي احسن مني في شنو ؟ خلاص طمني وقول لي بعد السنه الاولى حطلقها طوالي.... عشان وصية جدك صح؟؟؟ انت م بتحبها صح يا ميكال ؟ بس عشان جدك قال تتزوج.
قبل عليها بجسمو كلو وقال ليها بصوت هامس ظهر فيه الانفعال : جبتي الكلام دا من وين؟
_ م مهم جبتو من وين..... المهم اني عارفه... اكد لي كلامي .
ضحك بصوت عالي وهو بيمسح وشو قبل م فجأة ملامحو تتغير كليا.
نور رجعت لي ورا بخوف منو.
جا عليها خطوه وهي رجعت منو خطوتين ودموعها مغرقة عيونها.
بيدو اليمين جرا الحبل الصغير للستارة الخشبيه السترتو من عيون المارين وبيدو التانيه جراها من يدها عليه.
سبتها ناحية الواجهة الزجاجيه وبقا مواجهها بي جسمو....
حاصرها بيدينو وهو بعيد السؤال وضاغط على اسنانو : جبببتي الكلام دا من وين ؟
كانت رافعه راسها وبتعاين ليه زي الطفله والدموع بدت تسيل من عيونها تاني: يعني دا الهاميك بس هسه ؟؟؟؟ انو انا جبت الكلام من وين ؟
قال ليها بنهره : انطقي.
بقت بتبكي وتتنهق : م حوريك.
زحا شوية منها وشال انفاسو ومشا يدو في شعرو... هي برضو شالت انفاسها وكانت عايزة تزح منو..لكن ثبتها وضغط بيدو على فكها بطريقة مؤلمة خلتها تتأوه ودموعها تنزل اكتر.
كان مثبت عيونو في عيونها وقال ليها بصوت خشن : وريني جبتي الكلام دا من وين ؟
في اللحظات دي وائل جا داخل.... اول ما شاف وش نور المحمر ودموعها السايلة وميكال مثبتها ناحية الواجهة الزجاجية وماسكها بيدو من فكها.... بسرعه قفل الباب وراهو وجا جاري عليهم.
وائل وهو بحاول يهدي في ميكال ويزح نور من تحت يدو : يا ميكال ف شنو فك البت ياخ.
ميكال ولاااا اشتغل بيهو وضغط على فك نور اكتر : انطقي.
وائل ختا يدو في كتف صحبو : ميكال عليك الله فكها دا م مكانو.
ميكال حدر ليه ولزاهو بيدو ورجع مسك نور من كتافينها وهزاها بعنف وهو بيصرخ فيها : انطقي.( انا ابتديت اخاف 🙂💔)
قالت ليها بخوف : وجدان.
راسو مال لليمين شوية وهو بقول : شنو ؟
نور بصوت مختنق : كلمتني وجدان.
زحا منها وهو بيتكلم مع نفسو : وجدان العرفها بالكلام دا شنو.
وائل : نور.... نور اسمعي كلامي واطلعي سريع والافضل لو رجعتي بيتك.
عاينت لي ميكال بنظرات عتاب ومسحت دموعها وطلعت بسرعه.
وائل بي غيظ : بتبالغ يا ميكال.... دا شنو البتعمل فيه دا ؟ لو عندك معاها مشكله حلها م كدا وم هنا
مشا يدو في شعرو وهو بقول ببرود : اتصل للمحامي وخليه يجيني فورا.
_ طيب فهمني في شنو
_ اعمل القلت ليك عليه من دون كلام كتير 😒
وائل : طيب بس انت اهدا.
طلع بسرعه وهو بيهمس : الله يستر عليك يا محمود.
حكاية نص ساعه كانو في المكتب 3.... ميكال و وائل ومحمود المحامي.
ميكال كان بعاين ببرود ومركز معاه.
محمود اتوتر وبقا ببلع في ريقو( اتخيل زول يكون بعاين ليك كدا 😂💔)
وائل كان متكل على الواجهة الزجاجية بضهرو ومكتف يدينو ومراقبهم بصمت.
ميكال قام من مكانو وهو مدخل يدينو ف جيب بنطلونو.
قعد ف الكرسي المواجه المحامي طوالي وقال ليه : انت وريت زول غيري بالشرط الكتبو جدي ؟
محمود طلع منديل قماشي ومسح بيه حبات العرق الباردة وقال ليه بي تمتيم : ا ا انا ب ب بس وريت سيف
_ انا مش قلت ليك ماف اي زول يعرف ؟ مش حذرتك ولا شيطان م يعرف ؟
_ ل لكن د دا حقو يا ا استاذ م م م ميكال.
ضحك بطريقة خلت محمود ينقز ف قعدتو 😂😂😂
وفحأة ملامح وشو بدت تتغير : وانا كلمتك انو هو م يعرفو سواء حقو او غيرو.
وائل : ميكال الكلام واضح قال ليك لازم يعرفو ودا حقو.
ميكال : اسكت انت ماف زول سألك( غايتو وائل دا تقريبا اكتر زول جبهتو بتطير)
وائل هز راسو باستنكار وسكت.
ميكال وهو بعاين للمحامي : ا

نت مرفود وماف اي تعامل معاك من يوم الليلة
محمود وقف بي خلعه : ن نعم ؟؟؟؟ ك كيف يعني الكلام دا ؟ انا هنا من زمن جدك كان حي هسه ببساطه حتنهي لي كل شغلي معاكم ؟
_ وجدي هسه ميت.... الله يرحمو وانا المسؤول هنا.... وكلامي واضح على م اعتقد... شكرا ليك واتفضل عشان م عندي وقت.
دنقر شال شنطتو وعاين لي وائل وبعدها طلع.
وائل وهو بيهز راسو : ميكال الحصل دا م صح.
_ عاين انا هسه قافله معاي وم عايز اي كلام معاك... سيف جا ؟
_ ميكال... استاذ محمود دا شغال هنا من زمن ابوك وجدك فدا م اسلوب ليك
_ ودا شي م بخصك.... نهائي م بخصك... هسه وريني سيف جا ؟
_ اي موجود.
مشا ناحية الكنبه الخاتي فيها جكتو...شالو وطلع.
اتوجه ناحية الطابق التحت...
ودخل لي سكرتيرة سيف الوقفت على حيلها لمن شافتو.
طوالي مشا على الباب وفتحو.
سيف كان قاعد وبيتكلم ف التلفون...
ميكال جا وقعد ف الكرسي المقابلو..... طبعا سيف حسا انو ف شي واتوتر.... وانهى مكالمتو بسرعه.... ختا سماعة التلفون وابتسم ابتسامه مصطنعه : اهلا يا ولد عمي تشرب شي ؟
_ م جيت عشان اشرب منك شي... جيت عشان اسألك سؤال واحد بس وجاوب لي على قد سؤالي.
_ اتفضل
_ انت كراجل يعني😏.... بتوري مدامك بي حاجات العائلة الشخصية والمابتهمها ف شي لي ؟؟؟؟ والمدام مشاء الله عليها... عندها قدرة خارقة على نشر الاخبار.
_ انت قاصد شنو ؟
_ محمود المحامي.... وراك بشرط جدي الاساسي عشان انا ابقى المسؤول الاول عن الشركه دي صح ؟ واللي هو اتزوج ف ظرف شهر بس وزواجي يدوم لمدة سنه وفي حالة اخليت بالشرط دا انت الحتكون مسؤول بدلي صح ؟
_اها
_ انت كلمت وجدان و وجدان كلمت نور ومشاء الله يعني انت عارف حركات النسوان 😏
سيف وهو بصلح كرفتتو بتوتر : وجدان زوجتي ومن حقها تعرف كل شي.
ميكال ضرب طرف المكتب بيدو بطريقة خلعت وائل : حقوقكم دي بعيد عني.... وانا من حقي وصية جدي م يعرف بيها كل من هب ودب.... انا امي عشه م كلمتها ولا اخواتي.... وملتزم وساكت عن النقطه دي... وحرمك المصون تجي تطلع الكلام دا ؟
_ انت مكبر الموضوع يا ميكال دا شي بسيط.
_ والله ؟ قلت لي بسيط ؟؟؟؟ ممممممممممم... صدقني يا سيف انت طول عمرك م حتتغير.... حتفضل كدا بس وانت فاهم قصدي.
_ خلاص يا ميكال انا ححاسب وجدان على العملتو.
_ هه تحاسبها 😂.... الخوف تحاسبك هي.
_ انت قصدك شنو ؟
_ ابدا م قصدي شي... ع العموم اعمل البتشوفو صح مع انو م حيفرق بي شي.... عن اذنك يااااا مدير.
طلع وخلا سيف صدرو بيغلي من كمية الغل والكراهيه البيضمرها لي ميكال.
من زمن كانو اطفال صغار...سيف قوموه على المقارنه بينو وبين ولد عمو... امو كانت دايما بتقارن بينهم وعايزة ولدها يكون احسن من ميكال بأي طريقة ودي كانت النتيجه.... الكراهيه و الحقد على ميكال.... ونرجع ونقول لي كل الاهالي عليكم الله ابعدو من المقارنات لانكم غير بتخلقو تشوه وحقد جوا اولادكم م بتعملو شي.
_________________________________
بي هناك توتيل لبست العباية الجابوها ليها..... كانت انيقة شديد وتصميمها جميل.... لبستها واتحجب بالطرحه وطلعت مع سارة.
كانت ساكته وبتفكر في ابوها وامها... عرفت لي ميكال م وراها اسم المستشفى عشان م تمشي ليهم.... م كانت عارفة تتصرف كيف..... حتى امها م عندها تلفون عشان تضرب ليها فيه.
قطع الهدوء صوت سارة وهي بتقول : ماشاء الله صراحة مستر ميكال بيعرف يختار 😂💜.
ابتسمت وهي بتقول بصوت هادئ : تسلمي يارب.
_ يسلم غاليك يا عروسة.... يلا شوفي حوديك اول شي تشوفي فساتين الزفاف.... تختاري فستانك وبعدها نمشي نشوف باقي الحاجات.
_ طيب.
سارة وقفت بيها قدام محل بتاع زفافات نزلت وهي بتقول : ديل فساتينهم جميله شديدة بيطلبوها من لندن انا متأكدة حتلقي البيعجبك هنا.
توتيل اندهشت لمن شافت المحل من جوه عامل كيف.... من حيث الديكور والاضاءة والموظفات الفيه وتعاملهم.
بس م كان فيها الحماس حق العروسات داك.... نظراتها للفساتين كانت باهته.... وم ابدت تفاعل زي م سارة كانت متوقعه.
سارة بدت تساعد فيها واختارت ليها كم فستان..... توتيل رفضتهم بحجة انها محجبه..... سارة اعجبت بيها شديد... واجتهدت معاها ف الاختيار لحدي م لقو ليها الفستان المناسب.
سارة خلصت كل الحاجات المفروض تعملها عشان يستلمو الفستان وبعدها طلعو..... ودتها محلات تانيه للهدوم.... بقت بتطقم ليها كل لبسة بي حاجاتها كامله.... ركزت ليها على الدريسات👗 لانها محجبه.
سارة : استايلك ف البناطلين شنو ؟
_ م بلبسها.
سارة وهي بتضحك : م تخافي حاجيب ليك بناطلين تنفع مع الحجاب بتاعك..... بعدين انتي عروسة يعني دي فرصتك 😂..... اقول ليك شي.... بس انتي سيبي لي نفسك وانا حظبطك والله.
بعد م اشترت ليها الهدوم وفي حاجات طلبتها ليها.... ودتها محلات اللانجري عشان تختار..... توتيل قربت تدوخ لمن شافت الفساتين
سارة : اخليك هنا على راحتك اختاري حاجاتك العايزاها انا نص ساعه وبجيك
_ عايني.... ماف داعي.... انا اصلا يعني اله

دوم دي م بلبسها.
_ كيف يعني م بتلبسيه😀
_ ع.... عديل... يعني انا
سارة قاطعتها وهي بتضحك : انا عارفاك خايفة ومتوترة م تخافي.... اهم شي خليك ريلاكس يلا اختاري حاجاتك مسافة اجيك 😉.
توتيل عاينت ليها لحدي م اختفت.... م كانت قادرة تفهمها انها اصلا م حتحتاج للحاجات دي ومستحيل تلبسها لي ميكال.
بقت بتتلفت واي شي درعه بالنسبة ليها اكتر من التاني...جاتها واحدة من البنات الفي محل لمن حست بيها جايطه وم عارفة تعمل شنو.
البت بي ابتسامه : مبروك ليك يا عروسة
توتيل وهي بتصلح طرحتها : الله يبارك فيك
_ حسيت بيك متوترة وم عارفة تختاري شنو.... وريني مزاجك وانا حساعدك.
_ عايني شفتي اكتر شي طويل ومحتشم ومقفل دا بيلزمني.
_ طيب طلبك عندي.
البت لفت معاها وخلتها تعزل الحاجات العلى مزاجها..... هنا توتيل حست بالراحه بعد م ختو ليها الحاجات البي ذوقها.
في اللحظات ديك سارة جات راجعه : اها خلاص اخترتي ؟
_اي 😊
_ طيب الحمدلله.... فاضل لينا اخر شي ليوم الليلة واللي هو البودي شوب والميكب.
سارة عزتتتتتتتتها بي اللوشنات والعطور والصوابين والشامبوهات ومعظمها من حاجات فكتوريا سكريت.... وجابت ليها ميكب حلو تقدر تستعملو.
بعدها رجعتها البيت واتمنت ليها يوم سعيد.
توتيل بقت بتعاين للكمية حقت الاكياس المختوته ف الكنبه.
طلعت الطرحه وفكت شعرها الجا نازل بنعومه لحد نهاية ضهرها.
شالت انفاسها بهدوء وهي بتفكر في الحياة الجديدة الحتعيشها... وهل حتقدر تستحمل للنهاية ؟
فجأة صوت بطنها البتكركب من الجوع قطع عليها تفكيرها.
ختت يدها فيها وربتت عليها قامت على جهة المطبخ شالت كباية وكبت من الكولار شربت ورجعت قعدت ف كنبتها .... كانت جعانه شديد شوفتها للاكل امبارح... لكن برضو ابت تهبش ف مطبخو او تشوف ليها شي تاكلو.
شوية كدا حست بالدموع ف عيونها.... حست بشفقه على حالها... اتذكرت بيتهم وسيدة والجيران والاهل... بالاضافة لي انو كانت مشتاقه لي امها وابوها شديد وعايزة تتطمن عليهم لكن م عارفة كيف.
_________________________
ماما عشه وجواهر ولجين وجويرية كانو قاعدين ف الحديقة لمن ميكال جا داخل عليهم....
كان الجو مغيم وحلو.... طلع النضارة ورماها في التربيزة وجرا كرسي وقعد معاهم.... اتجول بي نظراتو بين وشوشهم : خير قعدتكم م مطمنه.
ماما عشه : بري ماف اي شي 😁
_ مممممممممممممم
جواهر : مبروك العقد
_ الله يبارك فيك
_ واخر المستجدات شنو ؟
_ العرس بعد 3 ايام
ماما عشه : اجججججي واحنا نجهز حاجاتنا متين.
_ حاجات شنو ؟؟؟
_ العرس حيكون كدا ساي يعني مش ف حاجات حتتعمل وحفلات حتتحدد ؟
_ حتقولي لي حنه ؟
_ اها
_ حقول ليك لا
_ لي ؟
_ وريتك م عايز حنه وحاجات زي دي الزفاف وجرتك وخلاص.
_ وانت لي مقفلة علينا كدا ؟ احنا عرسك دا منتظرنو من متين 😑
_ معليش عقبال تفرحي بالبنات وتعملي ليهم العايزاهو.
جواهر : والعروس م شفناها ولا وريتنا شي عنها.
ميكال وهو بيخلف رجلو : عايزة تعرفي عنها شنو ؟( عاد مسيخا 🙂)
_ اسمها ؟ هي من وين ؟ بت ناس منو؟
_ اسمها توتيل الطيب.
_ تو شنو ؟؟؟؟
_ ت و ت ي ل
ماما عشه وهي بتلوي بوزها : من قلة الاسامي يعني غايتو محن... الجواب باين من عنوانو
جواهر بتردد : انت استعجلت يا ميكال ولسا عندك فرصة تختار واحدة كويسة وبتليق بيك.
_ انا طلبت رايك ؟؟؟ حتزوجها انا صح ؟
لجين وقفت علي حيلها ومشت عليه ضمتو من على جهة ضهرو : مبروك يا ميكال ربنا يتم ليك بالعافيه.
ختا يدو في يدها : تسلمي
جواهر بلعت الرد ف حنانها وسكتت.
ماما عشه : ولحقت تعزم الناس ؟
_ اي
وقف على حيلو وشال نضارتو : عن اذنكم انا تعبان حطلع انوم شوية.
اول م بعد منهم.
جواهر : ميكال دا م معقولة يكون سخيف كدا ياخ.
ماما عشه : احححححي انا يا مغسسسسستي.
جوري : يا جماعه come down انتو صراحه مكبرين الموضوع يعني خلاص هو عايز كدا.
لجين : اخيرا زول يقول كلام كويس.
ماما عشه : اتلهي منك ليها... انا واختكم م بنتكلم من راسنا يا غبيانات.... لمن تشوفو الاولاد معرسين بنات العوايل والناس الاكابر وانتو اخوكم جايب ليو واحدة اي كلام ساي قال شنو قال من قريه اتلقي الحرف م بتعرف تفكو.... تكون وسخانه وريحتا بهايم بهايم وجعانه بعدين بتبقى ليكم خجله.
جوري بانفعال : ooooooh god
لجين : يعني ميكال م بيعرف يختار يا ماما عشه ؟
ماما عشه : اسمعن هنا البت لمن تجي تورنها وش الككو م تتعاملو معاها نهائي والله الا نكرها القعدة والبيت ونخليها تطلق... ونشوف ليه واحدة بي مزاجنا ونعرسها ليه.
لجين وهي بترفع يدها : من هسه المسخره دي انا م معاكم فيها.
ماما عشه : انتي بالنيني قومي تقوم قيامتك اصلا م بتسمعي الكلام.
طبعا جوري راسها خفيف البقولو ليها بتعملو.... والحبوبة وجواهر منهم خوف يا ترى توتيل حيحصل ليها شنو وسط الناس الناوية ليها دي ؟
لي بكره
نهاية الحلقة الخامسه

"أحياناً دقائق من الاهتمام ، تنسيك عاماً من الألم 💓" .

العيب ما انك تفتش التلفون و هو في ايدك..
-العيب تشغل الفلاش عشان تفتش كويس😂💔