#القروية_و_الوحش2
🌸الضحية
_٢_
عاينت باستغراب للموظفين والموظفات الفي حركة دؤوبة .... واستغربت من كمية الشعر المفكوك والاسكيرتات الضيقة والقصيره .
اتجاوزت اي شي ... وفضلت ماشا ورا وائل لحد م ركبها الاسانسير ووصلها للطابق الفيه مكتب ميكال .
دخلو مكتب السكرتيره وطلب منها تنتظر شوية .... كان في باب كبير دا هو مكتب ميكال .... بعد قرابة ال5 دقايق جا طالع وطلب منها تدخل .....
هي دخلت و وائل طلع .
مشت على اتجاه مكتبو بخطوات بطيئة مترددة ... كان مقبل بالكرسي بتاعو على جهة الزجاج المطل على النيل .
اول م حس بيها قربت قبل عليها ببطئ شديد خلاها تحس بالخوف .
لاحظت لي انو نظراتو جريئة ومتفحصة ...
عاين لي ساعتو وقال ليها بي اسلوب مستفز : عندك 3 دقايق .... قولي فيها بسرعه عايزة شنو قبل م انادي السكيورتي عشان يطردوك .
حست بي اهانه شديده خلتها تغمض عيونها عشان تحبس دموعها .... جاتها قوة خفية لمن اتذكرت ابوها واهل قريتها المحتاجين ليها.
كحت عشان صوتها يطلع وقالت ليه : انا من الارض الانت اشتريتها .
عاين لي ساعتو وقال ليها : دقيقتين .
حست بي توتر شديد خلاها تقعد ف الكرسي الجمبها : انا...انا جيت عشان اطلب منك انك م تهدم البيوت ..... الارض دي احنا اتولدنا وعشنا حياتنا كلها فيها .... اهلنا بنوها طوبة طوبة وزرعنها وعمرناها م معقول بعد دا كلو تهدموها لينا وتمرقونا منها.
رجع بي كرسية لي ورا وهو بيقول : لي محسساني انك بتتكلمي عن مدينة دبي ... عمرناها وبنيناها طوبة طوبة .... مش ياها القرية الكلها كم وعشرين بيت دي ? 😏
عضت على شفتها السفلى عشان تكبح دموعها .... وبالتالي صوتها اتبح : عليك الله انا بترجاك .... انت بقروشك ممكن تشتري مكان تاني ....وبعدين ابوي .... ابوي الدخلتوه السجن ولفقتو ليه كم تهمه م عندو اي ذنب .... م عمل اي شي والله ..... انا ... انا الطردت الرجال وفلقتهم
_ دقيقة واحده
_ عليك الله انا بترجاك💔
ضحك ضحكه قصيرة وهو بقول : وانا اعمل شنو يعني لو اترجيتني ? بعدين معقولة كديسة زيك كدا تطرد الرجال ديل كلهم ? بغض النظر عن دور المسكنه الخاشا فيه دا شكلك نهائيا م هينه 😏
سكتت شوية وبعدها قالت : عليك الله اتفهم .. حس بينا .... كونو يطلعوك من ارضك ويظلمو ابوك بي شي هو م عملو .. ابوي مسكين وعيان عليك الله ارحمنا
_ انتهى الوقت .
مد يدو على التلفون عشان يضرب للسكيورتي .
هنا م قدرت تكبح دموعها النزلت غصبا عنها وهي بتتوسل ليه : انا مستعدة اعمل اي شي .. اي شي عشان تطلع ابوي وم تهدم بيوتنا.
في اللحظات دي اتخلت عن كرامتها وكبريائها وزحتهم بعيد عشان ارضهم وابوها المظلوم .
ميكال عاين ليها مسافة وبعدها ختا سماعة التلفون مكانها وهو بقول : اي حاجه اي حاجه ? 😏
قال جملتو الاخير وهو بتجول بي نظراتو الوقحة في جسمها .
وشها حمر وهي بتدارك نفسها وتقول ليه : اي ... اي شي طالما انو م فيه تجاوز اخلاقي وم بتجاوز احكام الدين .
سرت رعشة في جسمها خلتها تنكمش على نفسها لمن شافتو بيقيف بقامتو الطويلة وهو مدخل يدينو في جيب بنطلونو وبجي عليها ..... قعد في الكرسي القدامها وبقا بعاين ليها .
نظراتو ليها وترتها و خلتها بقت مدنقره في الارض .
خلف رجلو وقال ليها : زي شنو يعني ?
اتلفتت حوليها وقالت بصوت مرتجف : اي حاجه اي حاجه ان شاء الله لو خدامه المهم بس شغله شريفه.
ابتسم بي سخرية :والله انا م محتاج خدامه يا شريفه ? وبالنسبة لي ابوك طالما قال انو هو الفلق الناس ودافع ليك يستحمل .
_ خت نفسك مكانو ... هو اب .... تفتكر حيخليهم يسوقوني .
_ والله انا هسه م في مكانو وم اب ..... وبخصوص الارض دي انا دفعت ملايين عشانها عارفة يعني شنو ملاييين؟ عايزاني ابقى عاطفي واخليها ليكم ؟ 😂 .
قالت ليه بغيظ واضح : حتستفيد شنو ? وريني حتستفيد شنو وقت تشرد الناس وتمرقهم من بيوتهم .
_ والله دا م شي بيخصك ولا شي بتفهمو واحده قروية زيك م اظن بتعرف تفك الحرف .
_ انا خريجة جامعية وم اميه ولا جاهلة
صفق ليها بيدو وقال بسخرية واضحه كانو متفاجئ وكدا : برافو برافو 👏👏👏
قام من مكانو وقعد في كرسيه وسكت مسافة وهو بمشي يدو شنبو دلالة على انو بفكر.... طبعا هو بستغل اي فرصة تجيه ولازم يستفيد لي اقصى درجه ممكنه.... نطق بعد قرابة ال5 دقايق.... الكانت بالنسبة لي توتيل زي الخمسه سنوات من شدة التوتر وحرق الاعصاب
_اسمك منو ?
_ توتيل
_ تو شنو ?
-تيل
_ اسم عجيب .. على كل حال يااااا تو تيل .. انا حعمل ليك الانتي عايزاه لكن بشرط .
ابتسمت ابتسامه صغيرة لا اراديا وقالت ليه : حتعفي عن ابوي وترمي التهم الملفقة عليه دي .
_ وم حهدم بيوتكم .... و حجيب ابوك العيان بتعالج كمان تاني في شي ?
هزت راسها وكان ظاهر انها خايفة من الشرط الحيقولو .
_ شرط بسيط حتتزوجيني .
توتيل كانو اتكشحت فيها موية باردة .. عيونها اتوسعت بي صدمه وهي بتقول ليه : كيف يعني ?
_ كدا ..... باختصار وصية جدي عشان اكون مدير للصرح العظيم دا لازم اتزوج .. فانا

حتزوجك لمدة سنه وبعدها حطلقك واديك مبلغ مالي محترم وبالتالي .... ابوك حيطلع وحيتعالج بما انك قلتي عيان وبيوتكم ماف زول حيهبشها .. ولو ناسها عايزين يشتغلو في المشروع الزراعي الحيتعمل م عندي مشكله .
وشها حمر وظهرت دموع في عيونها : لكن
قاطعها بزهج : دا شرطي الوحيد ووريتك سببو موافقة اهلا م موافقة دي مشكلتك واتفضلي برا وبعد وبكره دي البيوت حتتهدم .
مسحت دموعها وهي بتقول ليه : طيب طيب موافقة
ابتسم بوقاحه : مع العلم حنعيش زينا زي اي اتنين متزوجين .
حاولت تتجاوز الهو بيرمي ليه .... حست بي سواد بيحيط بيها وبؤس شديد .... لمن فكرت مجرد تفكير انها حتعيش مع المخلوق دا .
قاطعها من تفكيرها : قدامنا شهر بس للعرس ... بعد يومين حعقد عليك .... وتجي بيتي وتتعرفي على عائلتي ...
هزت ليه راسها .
_ في زول جا معاك ?
_لا ... جيت براي
عاين ليها مسافة كدا : جيتي الله روحك من هناك ?
هزت راسها ... ووقفت على حيلها : مفروض ارجع
_ ترجعي وين ?
_ البلد ... لانو ماف زول عارفني مسافره غير صحبتي .
_ حتوصلي متأخره شديد لو سافرتي بالبص ... حخلي عربية خاصة توديك
قالت ليه وهي بتعاين للارض : زي م جيت براي برجع براي ... م محتاجه مساعده من زول .
كانت بتحاول تلملم باقي كرامتها
اتأملها ووقف بي بصرو في وشها.. جمالها هادئ وفيها رزانه .
قال ليها : على اتفاقنا ???
_ اي
_ عارف حتكونو نوع الاهل الما بترضو بغريب لكن حقنع اهلك بطريقتي .
_ طيب
_ ممكن تتفضلي بعد دا
هزت راسها وطلعت بي سرعه وهو تابعها بنظراتو لحد م طلعت .... اتنفس الصعداء لمن عرف انو خلاص موضوع وصية جدو اتنفذ .
اما هي طلعت زي المكفتنها .... مصدومه بمعنى الكلمه .... م كانت متوقعه ابدا ابدا انو يجي يوم هي تكون فيه واقعه بموقف كدا ... حتكون ضحيه عشات تنقذ ابوها وقريتها .. حتدفع التمن هي لي مدة سنه كامله مع انسان حست بوقاحتو من اول ثواني .
ركبت حافلة نزلتها ف الميناء وقطعت ليها تذكرة وبعد مسافة البص اتحرك .... نامت في السكه من شدة التعب .... وكانت متمنية انها تصحى تلقى دا كلو مجرد حلم وخلاص ... لكن للاسف كان كلو حقيقة 💔💔💔💔
وصلت بعد صلاة العشاء .
الخوف كان متملكها من انها تكون اتكشفت وعرفو انها مافيشة .
من الموقف اتحركت على المستشفى .
لقت عباس وابوه واقفين ف باب المستشفى ...
بلعت ريقها لمن شافت عباس جاي عليها وظاهره العصبية ف ملامحو : كنتي وين يا عديمة الترباية
_ عباس احترم نفسك وم تتلفظ
_ م تغيري الموضوع كنتي وين ? انا قلبت عليك الحته دي سما عما م لقيتك
_كان عندي حاجه عملتها وجيت .... ولو سمحت زح لي خليني ادخل .
حست بي صدمه وبي الم شديد لمن عباس قطع فيها كف بي طرف يدو ... لمن حست اضنينها صنو .
بقت بتعاين ليه والدموع غرقت عيونها .
كانت ولاول مره زول يتجرأ ويمد يدو عليها ... حست انها ضعيفة شديد ولا حول ولا قوة ليها ... دا كلو لو ابوها كان في و واقف على رجولو م كان حصل ..... من م ابوها غاب عنها والدنيا بتاكل وتتفل فيها .
عباس : دي تربية الدلع الربوك ليها .... باكر دي يعقدو لي عليك بي ملوة بلح ... واوريك الادب من اول وجديد اصحيك بي جلدة وانومك بجلدة لامن تتوبي ... عشان تعرفي تعلي صوتك وتقلي ادبك على الرجال تاني .
قالت ليه بصوت مرهق ومبحوح : رجال ? حاسب نفسك مع الرجال ? انت كان راجل صحي م بتمد يدك علي .
صرخ فيها بصوت عالي من دون م يراعي انو ف ناس حوالينهم : يمين راجل وسيد الرجال .
ورفع يدو تاني عشان يديها كف .... لكن مسكت ليهو يدو ولزتو بعيد منها وهي بتف عليه وبتقول ليه : انا م بهيمه عندك عشان تضربني .
طبعا اتخلع من ردة فعلها وكان جاي يدقها بحزامو لو م بعض الشباب ادخلو ومسكوه .
جرت دخلت جوه لي امها وهي بتبكي قدرتها .
وقفت جمب العمبر لمن لقت ابوها مرقدنو في الواطه عشان السراير م مكفيه وامها متوسدة يدها وراقدة في الارض .
ختت يدها في خشمها وبككككككككت لمن حست انو م قادرة تشيل انفاسها .
مسحت دموعها بي معاناة ودخلت لي ابوها وباست ليه راسو .... م كان واعي ليها .
امها صحت بيها وقعدت : يا بنتي كنتي وين من قبيل انتي ?
_ عندي حاجه بس عملتها وجيت .... اكلتي يا امي ? م تكوني جعانه .
_ الحمدلله يا بنتي الحمدلله اكلت قبيل نسوان الحله جني وجابن لي معاهن اكل .... وانتي اكلتي ? ومالك وشك دا محمر كدا كنتي بتبكي صح ?
_ اي اكلت يا امي .... مشتاقة لي صوت ابوي عشان كدي ببكي
اقبال عاينت ليها بحنيه : ان شاء الله يقوم سالم وغانم يا بنتي .... انا عندي غويشتين دهب ببيعن وبمشي بيهن الحال .
_ لا لا ...م تبيعيهم فرج الله قريب
امها م ركزت ف كلامها : ان شاء الله يا بنتي .... هسه ارجعي البيت مع عباس وعمك ونومي عند ناس سيدة كان بتخافي تنومي براك لحد م بكره نشوف حيحصل شنو .
هزت راسها وباست يد امها وطلعت .
حلفت ستين يمين م تركب مع عباس ..... فتحت محفظتها لقت قروشها خلصت ... قعدت قدام مصطبه المستشفى .... لحد م جاها عمها حنسها عشان تركب و

م بيتأخر عن مواعيد شغلو .
فجأة النغمه حقت تلفون وائل علت .
رد بسرعه وهو بقول: ابن الحلاااااال على ذكرو ببااااان .
جاهو صوتو البارد : كلمت ماما عشه اني حعرس صح ? لسانك خفيف للدرجه دي يا استاذ?
وائل بتوتر : والله يا ميكال ذلة لسان بس ... بعدين ياخ هم كدا كدا حيعرفو الحيحصل شنو يعني .
_ انا بكلمهم بي طريقتي الخاصة .... معقولة لي جوري الشافعه تضرب لي عشان تتأكد ?
_ م بتتكرر تاني😅
_ لا احسن تتكرر 😒
Cut 🙊
نشوف بكره حيحصل شنو
نهاية الحلقة الثانيه

يودوها وفعلا ركبت ونزلها في بيتهم .
سيدة كانت فاتحه باب الشارع ومنتظرة جيتها ...
اول م شافتها جاتها جارية : هيا توتيل قطعتي قلبي عليك ... والله من قبيل مقنبره كدا في الباب مستنيه جيتك 😭
قالت ليها بصوت مرهق : سيدة انا تعبانه شديد .
_ كر علي يا يمه واتلاقيك جعانه م ختيتي لقمه في خشمك من صباح الرحمن ... تعالي ياختي ... تعالي ادخلي بيتنا اكلي واشربي ليك شربات وارتاحي .
تكلتها ودخلتها بيتهم
مشت بيها لحدي الراكوبة حقتهم .... وطردت اخوانها الصغار عشان م يزعجو .... اختفت شوية وجات راجعه بي صحن فيه كسرى وملاح نعيميه وراشا فوقهم سمنه ( وووووووب 💜💜💜) وكوز فيهو كركدي.
سيدة : عارفاك بتريدي النعيميه.... هاك اكلي .
توتيل بدت تاكل لكن من دون شهية تذكر .... بس عشان تسند نفسها وم تغمر ولا تهبط .
سيدة قعدت جمبها وهي ماسكه البطارية : اها يا بت وريني الحصل شنو ... لاقيتيه ? ولا تعبتي نفسك ساي .
_ لاقيتو
_ واها الحصل شنو ?
توتيل سكتت .
سيدة بتوتر : توتيل اتكلمي ياخ م تخوفيني ..... اوعى .... اوعى يكون عمل فيك شي يا بت .
هزت راسها بألم : لا م تخافي .... م عمل فيني شي .... قال لي حخلي بيتوكم وحشغلكم في المشروع الزراعي الحعملو .... وكمان حعالج ابوك واسقط التهم العليه بس بشرط واحد
_ دا كلللو حيعملو ??? والشرط دا شنو ?
عاينت ليها وقالت بي صوت مبحوح : انو يتزوجني
سيدة ختت يدها في قلبها : سجمي ? كيف يعرسك يا توتيل ..... يعرسك عرس شرعي ولا شي تاني
_ لا عرس شرعي
_ سجم خشمي .... ولي اختارك انتي بالذات يعني ? وحيعرسك كيف .... واهلك بوافقوبو كان عرفوه دا الكان عايز يهدم بيوتهم فوق راسهم ? وحاااااات اسم الله عباس الا كان يقتلو .
_ عباس القرف دا م تجيبي لي سيرتو عليك الله اتخيلي اداني كف .
_ كر علي يا توتيل لو عمي الطيب كان في م كان حيقدر يمد يدو عليك .
توتيل بدت تبكي ....
سيدة ضمتها عليها وبقت بتربت ليها على كتفها عشان تهدا .
استأنفت كلامها بين دموعها : عايز يعرسني عشان يورث يا سيدة قال دا شرط جدو عشان يبقا مدير للشركه حقتهم ... وحيعرسني سنه وبعدها يطلقني .
_ هيا يا الله دي وقعة شنو الوقعنا فيها دي ..... شركه وورثه ديل ناس يا اختي م قدرنا ولا احنا قدرهم ... بعدين قولي السنه تمت واطلقتي ... الناس حتقول عليك اشنو ? البت سنه بس وطلقوها ? واكان رجعتيلنا هنا ماف زول بعرسك الرجال م بدورو العوين ( النسوان) المطلقات .... حتقعدي كدا وانتي لسا صغيرة في العمر وعندك فرص ف حياتك ومش قلتي م بتعرسي الا زولا دايراو ?
_ اسوي شنو يا سيدة ? وريني اسوي شنو ? انا م بيدي شي .... قولي رفضتو وقلت ليه م بعرسك .... الكراكات دي بكره بتجي تكسر البيوت دي بيت بيت حتخليهم ليكم تراب ف الواطه ....حتمشو وين ??? حتنومو ف الشارع ? وحتعيشو نفسكم من وين ? ..... ابوي العيان دا بنعالجو كيفن ? الدكتور قال يسافروبو الخرطوم .... قروش رقدة المستشفى والعلاج والاكل والشراب انا وامي بنجيبها من وين .... حتى كان ساعدتونا انتو .... بعد م ابوي ان شاء الله يرجع كويس بنرجعها ليكم من وين ? تففتكري ابوي حيقبل ينوم بيها ? ..... وابوي اكان قام كويس حيرجعوه السجن طوالي يا سيدة خيرجعوه عشان متهمنو بي كم تهمة وحيحاكمو ويرمو ف السجن ... انا وامي نقول يا منو ? دا كلو م حيحصل لو انا وافقتبو دا الحل الوحيد بت امي .
سيدة وهي بتضمها عليها اكثر : يعني انتي ضحيه .... انتي حتدفعي تمن دا كلو
_ لكن يا سيدة م حخليه يلمسني في السنه دي ... يدو م حيختها علي وشعري دي م حيشوفو .
_ برضالك ?
_ م على كيفو .... زي م انا محتاجالو هو كمان محتاج لي .... هو لو م عرسني م بيورث .
_ توتيل أ ختي ربنا يستر عليك ويغطيك
_ سيدة ماف زول يعرف بالكلام دا .... دا سر بيني وبينك .
_ سمح م تخافي .... لكن انا شايلة هم اهلك اكان م وافقو
_ قال لي بخليهم يوافقو بي طريقتي .
_ غايتو الله يستر .... مهيره النجمه صدقت .
_ الحمدلله على كل حال غايتو ..... انا تعباااااانه يا سيدة عايزة انوم بس .
_ اغسلي يدك ونومي طوالي بس هاك اشربي الشربات دا .
غسلت يدها وشربت شوية .... ملصت العباية ..... وسيدة ناولتها توب .... وطوالي نامت .... وسيدة نامت في السرير الجمبها .
كانت ليلة سيئة بالنسبة ليها مليانه بالكوابيس ... وكل م تصحى بتكون قايلة نفسها ف بيتهم وابوها راقد ف سريرو والحصل دا واحد من الكوابيس .... لكن بتلقى للأسف انو دا كلو حقيقة ..... لي درجة كانت بتقرص يدها عشان تتأكد .
الساعه كانت ١٢ ..... ناس القرية كللللهم نامو طبعا من 9
اما في مكان تاني :
هز الكباية الزجاجية المليانه بي شراب فاخر ومحرم .... وعاين للبنت البتمشي وتجي في محاولة واضحه منها لي لفت انظارو واغرائوا..... ابتسم بهدوء ورجع بي بصرو للكباية بتاعتو .... جاهو صوت زميلو : يعني كدا خلاص يا ميكال ? حتعرس البنت دي ?
_ اي حعرسها .... اي نعم حخسر بي سببها كثير ... لكن في نفس الوقت حكسب اكتر .... كفاية

بس انو شرط جدي تم .... وكدا خلاص حبقى انا القائد لي كل شي .
_ تفتكر جدك لي م قال ف وصيتو انو سيف هو اليكون المدير طوالي مع انو متزوج .
قال بي سخرية : هه 😏.... سيف ? سيف دا كبر طرطور و واحد م عندو شخصية ممشينو مرتو وامو ..... والله كان مسك الادارة دي اراهن انو الشركه م حتكمل ٦ شهور وتعلن عن افلاسها .
_ غايتو الله اعلم جدك عمل كدا لي ... وعلى العموم هو كلو شهر لي زواجك .... لو م اتعمل الضحك شرطك .
_ حيتعمل العرس وفي اسرع وقت .
_ اسمعني اسمعني
_ اها
_نور جايا علينا
ميكال حسا بيد في كتفو .
قبل وراهو ولقاها هي ... جات قدامو وباست خدو قبل م تمسح المكان بيدها وتقول : كيفك ?
غمز ليها ورجع يعاين لي كبايتو : تماااام .
قعدت ف الكرسي القريب منو : وائل كيفك ?
هز ليها راسو بابتسامه : تمام الحمدلله
رجعت ببصرها لي ميكال : م بترد على التلفون لي ?
شرب اخر جرعة ف الكباية وقال : انتي عارفة اني الايام دي مشغول شديد
وائل : عن اذنكم يا جماعه .
ميكال :على وين ?
_ حرجع البيت اتأخرت والمدام قاعده براها ف البيت وحامل وكدة .
_ بليت نفسك بي مرا واطفال ساي .
_ احلى بلوة ياخ 😂.... عن اذنكم
طلع وسابو مع نور براهو .
نور دي السكرتيره بتاعتو وممكن نقول حبيبتو برضو ..... ميته فيه موت .
لكن هو م شغال بيها كتير .... وهي عارفة كدا وعارفة برضو انو عادي يكون في علاقة مع كم واحدة غيرها ف نفس الوقت لانو هو بطبعو بيمل بي سرعه .... بس دا كلو م هاميها .
كانت خدورية كدا وسمممممممحه ..... شعرها مصبغة اطرافو بالاحمر ..... ولابسة ليها بنطلون ازرق باهت كدا ومشرط من قدام ومظهر لون جلدها الاسمر الناعم .... معاه بلوزة اوف شولدر بيضا .... وعامله روج احمر داكن .... الحلق القاداه تحت خشمها كان بيدل على انها جريئة ..... وكانت لابسة حلق على شكل حلقة مشرشرة في نص انفها ( زي بتاع البقره الضاحكه 🙈).
عاينت ليه وهي بتقول : حنفضل ع الحال دا كثير ?
عاين لي ساعتو : ياتو حال دي ?
_ ميكال انا م هبلة ..... اختصرني وقول لي في واحده جديدة دخلت حياتك بدل م انت عمال تكذب علي وتدسدس مني
_ عايني يا حلوة انا م عندي ليك اي شي عشان ادسدس منك او غيرو وانا تعبان شديد ومرهق وماشي شقتي .... عايزة حاجه ?
_ كيف يعني الكلام دا ? معقولة بقيت بتتعامل معاي بالاسلوب دا يا ميكال ?
_ نور ... في شي رسمي بيني وبينك ?
_ لا
_ خلاص م تمعطيني .... انتي دخلتي حياتي وعارفة اي شي فيها بس خلاص استحملي او انسحبي بي بساطه م مجبورة على اي شي .
_ يعني دي غلطتي عشان بحبك
_ حبك من طرف واحد .... انتي عارفة حب وخرابيط وهبل زي دا م بينفع معاي .... نهايتو شنو الحب دا .... تعال عرسني اجي اعرسك بعد شوية القى عندي اطفال .... وتبقى حياتي كلها منحصره عليكم ? انتي عارفة نظرتي لي علاقات الارتباط شنو صح ?
_ طيب يا ميكال .... وشكرا
_ ماف شي تشكريني عليه .... انا ماشي
_ بدري ... الساعه يادوب ١٢ وربع .
_ قلت ليك تعبان .
_ ماشي البيت الكبير ولا شقتك ?
_ م حمشي البيت وانا شارب واقعد في سين وجيم ماشي الشقه .
_ طيب خلاص بجي معاك
_ نعم ? جايا معاي وين ? ولي ?
_ م راجعة البيت عادي.... جايا معاك شقتك ولا م عايزني اجي معاك ( يا نهار اسووووح )
عاين ليها من فوق لي تحت : براحتك .
طلعت تلفونها من شنطتها وضربت لي امها : الو يا امي
_ يا بنت انتي وين لحدي هسه ?
_ وجدان عندها بكره عزومه في بيتها وضربت لي عشان اجي ابيت معاها واساعدها .
_ ايوااااا .... خلاص تمام .... بكره تعالي بدري
_ طيب
_ ابوي سأل مني ?
_ ابوك دا زااااتو كرهني من قبيل يهرج هسه نام ...
_ اه م تشتغلي بيه .... يلا يا جميل لي بكره .
قفلت الخط بي كل بروووودة وعدم خوف ومشت ورا ميكال وركبت معاه ..... وللأسف الشديد انو فعلا في بنات بيستغلو ثقة اهلم فيهم 💔.
رجعت بالكرسي لورا .
وبقت بتبرم في خصلة من شعرها وهي بتعاين ليه .... كان حاسي بي نظراتها مخترقاه لكن مطنشها .
فجأة اتذكرت وجدان وسرعه فتحت تلفونها ورسلت ليها .
■وجدان .... انا قلت لي ماما اني قاعدة معاك عشان عندك عزومه بكره لو ضربت ليك قولي ليها اني معاك تمام ?
بعد مسافة كدا وجدان رسلت ليها .
■طيب يا بطه م تشيلي هم .... وانتي هسه وين ?
■ مع ميكال
■ اهاااااا قولي كدا 😏.... خلاص حبيبتي enjoy
■ okay 😂
*وجدان دي حنتعرف عليها قريب.
دخل بالعربية على مجمع سكني ..... وفلانه ماشا وراه .
ودخل شقتو الفي الطابق الخامس ..... كانت شقة واااااسعه وديكورها حلو .
طلع جكت البدلة بتاعو ورماه في الكنبه الوقع فيها على ضهرو بتعب .
وشوية كدا لقا نفسو بيغفو في الكنبه .
صحا بي صوتها : ميكال ?
فتح عيونو بكسل .
لقاها لابسة قميص بتاع بجامه حقتو .
هز راسو وهو بقول ليها : خير ?
_ جعان ? اعمل ليك شي تاكلو ?
_ لا شكرا .
اتجاوزها تماما ومشا وهو بيترنح من النعاس والشي الشاربو ..... دخل اوضتو وهو شايل جكتو وقفل الباب وراه .
فك زراير قميصو و جدع

و وطلع الجزمه والشرابات ومرق الحزام .... ووقع في السرير بي تعب .
اما نور قعدت ف الصالة وهي حتموت من الغيظ عشان سفها .
مشت على شنطتها الجات بيها ... وطلعت علبة سجاير .... ولعت السيجارة وبقت بتدخن .
مشت على المطبخ عملت ليها قهوة .
وبقت بتشرب فيها وهي بتفكر .... كيف تقدر تخلي ميكال ليها براها وتتحكم فيه وتخليه خاتم في صباعها .
فجأة اتذكرت وجدان .... شيطانه وخبيثة على شاكلتها .
والوحيدة الممكن تساعدها .
ضربت ليها وبدت تحكي ليها عن الحاصل والهي حاسا بيه وعايزاه يحصل ..... وجدان ضحكت وبدت تحكي ليها تعمل شنو .
(كيدهن عظيم )
________________________________
صباح اليوم التالي :
توتيل صحت بدري في الوقت الكان ابوها بيمرق فيه للصلاة .
قامت بهدوء ومشت اتوضت ....
وجات صلت الصبح وبقت بتدعي لي ابوها انو الله يقومو بالسلامه ..... ودعت انو الله يلطف بيها ويبعد عنها اولاد الحرام .
بعد م خلصت صلاتها قعدت مسافة ف المصلاية وبقت بتسبح.
وعت لي نفسها بصوت سيدة : توتيل جهزت الشاي .
_ بدري شديد يا بت .
_ الجو بااااارد .... رميت اللقيمات .... قومي ياخ اشربي معاي .
الواطه بدت تضوي لمن ختو التربيزة وفوقها الصينيه .
وبدو يشربو ف الشاي .
سمعو صوت رجه برا .... لمن رجولهم بردت من الخوف
سيدة : سجمي يا توتيل م يكون ف كبه جديدة حصلت .
_ بري يا سيدة الله يستر .
سيدة كوركت لي اخوها الكان واقف قدام باب الشارع .
جاها جاري : احمد وصل احمد وصل .
توتيل لا اراديا ابتسمت وعاينت لي سيدة البقت بتتكشم وتترمش وتعاين للارض .
ختت يدها في خدها وهي بتقول : غااااااااايتو .... سيدة شوية وبتغمري .
_ اغمر شنو ا توتيل ..... بس يادوب خبر زي الناس من اول امس .
_ ان شاء الله تاني م حيكون ف خبر كعب .
_ ان شاء الله يا بت امي .
شربو شاييهم واتقاسمو الشغل .... نضفو البيت زييين وفرشو الملايات ورشرشو الحوش والراكوبة ...
الساعه لمن بقت 8 شوكه كان خلاص انتهو من النضافه .
سيدة : بعد دا نمشي نستحمو عشان كان احمد جانا 🙈
_ م بجيك هسه يا السمحه .... هو يادوب وصل يكون سلم على امو واخواتو وعايز ينوم لي بعدين حتن يصحى .
جات ام سيدة لازة الباب : يا بناات اصبحتن كيف ?
سيدة و توتيل : الحمدلله .
ام سيدة : احمد وصل مشيت حمدت لي امو سلامتو . ( حار حار كدا يا خالتو 😀)
وطت صوتها شوية احساس بتقطع وكدا : عاد عوين الحلة جت عليهن بهناك اي واحدة جاية و جايبة بتها .... قلت الحمممدلله سيدة بتي م جات عشان م يقول خفيفة متل الباقيات ....اسمعني ... عوسن عصيدة بملاح تقلية واعملن دمعه تكون سمممحه ومسبكه وودنها لي امو بعدين سمح ?
سيدة وتوتيل : سمح .
وتنقش تنقش مشت دخلت .
توتيل وهي بتلكز سيدة : دا كلو تسوي براك م برفع معاك ملعقة 😌
_ لي ان شاء الله 😒
_ عشان حيعرسك انتي م انا 😁
سيدة بي خجل : هي اي صيح 😅.
لزتها : ارح ارح المطبخ .
____________________________
ميكال صحا بصوت تلفونو ....
كان مصدع شديد راسو حيطرشق من الصداع .
مدا يدو على الكومودينة وبقا بيهبش لكن م لقا التلفون .
قام من السرير ومشا ناحية الجكت المرمي ف الارض ...طلع التلفون ورد بنعاس : الو
_ انت وين ?
عاين للتلفون وقرا الاسم وتاني قال بتأفأف : وانتي مالك عايزة شنو ?
_ صحي حتعرس
_ جبتي الكلام دا من وين ?
_ انت اكد لي اول شي then حوريك الكلمني منو
_ جوري ?
_ اها ?
_ انطقي .
_ ممممممم okay .... وائل قال لي ماما عشه كدا
_ ممممممم وائل .... طيب
_ omg .... يعني الخبر مؤكد?
_ م تقدي لي اضاني وتكوركي .... ماف اي شي مؤكد
_ اوكي خلاص م تزعل نفسك .... غلطانه انا .
_ ومتين انتي م كنت غلطانه ?
جا صوت نور : ميكال صحيت ?
قبل وراهو .... لقاها مغطية نفسها بي اللحاف حق السرير وقاعده .
عاين ليها باستغراب كانو بقول ليها جابك هنا شنو ?
جا صوت جوري العالي : انت معاك زول ولا شنو ?
_ م بخصك ..... امشي شوفي جامعتك بي وين مع السلامه وقفل الخط .
رما التلفون ف التسريحه وهو بقول ليها : نور انتي جاده ? الرقدك جمبي شنو ?
ضحكت بي هدوء : الله .... نسيت يا ميكال ? امبارح انت ناديتني عشان اجي انوم هنا معاك
_ مستحيل
_ معناها م كنت واعي لنفسك بس
عاين ليها بعدم تصديق ودخل الحمام .
طلع لقاها مافيشة ف الاوضة .....
لبس بنطلون وقميص وطلع لقاها قاعده في السفره ...
_عملت ليك ترويقة 😊
شال مفتاحو وطلع واكتفى بي انو يقول ليها : مستعجل .
اتنفست بي غيظ : طيب ... طيب يا ميكال لحد م اشوف نهايتك شنو .
نفسها اتقفلت من الاكل وقامت اخدت ليها دش .
وخلت هدومها ديك ولبست هدوم رسمية للشغل ....
بنطلون قماشي واسع وقميص ..... عملت شعرها ضنب حصان وظبطت نفسها وشالت حاجاتها وطلعت ..... طلبت ترحال ومشت على المكتب .
اول م وصلت لقت وائل قاعد ف الرسيسبشن وبشرب في قهوة .
قعدت جمبو : ميكال وصل ?
هز راسو وهو برشف من فنجال ( او فنجان المهم البعجبكم 😁) القهوة وبعدها قال : لا .... لسا .
_غريبة

رايكم شنو في الروايه
سمحه👍
وهميه👎

#القروية_و_الوحش3
🌸حرب باردة
_٣_
كانت الساعة تشير الى الحادية عشر والنصف صباحا عندما وقفت السيارة الBMW امام سور احدى المنازل .
الجو غائما وخانقا بما فيه الكفاية لينذر بهطول الامطار 🌧🌩
ترجل من سيارته قبل ان يؤمنها ثم دلف الى الداخل ....
كان نحيفا بينما امتلأ جسده بالعضلات القوية ..... صدره واسع وكتفاه عريضان بطريقة تلائم طوله الذي بلغ مئة واثنان تسعون سنتمتر .... اكتسى فكه العريض بلحية سوداء مهذبة تميل للكثافة ... حك انفه العمودي قبل ان يخلع النظارة الشمسية كاشفا عن جرتي العسل اللتين احتلتا عدساته ... واعتلاهما حاجبان مقوسان بحدة .
كانت خصلات شعره الكثيفه تتحرك بخفه عندما تداعبها نسمات الهواء التي تهب فجأة بينما اكتسى جلده بسمرة رائعه زادته جاذبية .
اعتلى المدرجات العريضة الثلاث ..... ليمشي على ممر طويل مملوء بالحصى .... واخيرا وصل الى باب المدخل .... الذي وقفت بجانيه فتاة في مقتبل العمر ..... بدت جذابة بعيناها العسليتان وشعرها المجعد الذي يصل الى كتفيها ... كانت سمراء ناعمه .... ادخلت كفيها في جيبي بناطلها القماشي الانيق وهي تبتسم بطريقة مشاكسة 😁... رمقها بنظرات متفحصة قبل ان يقول وهو يرفع يده لرؤية ساعته :
الساعه ١١ ونص.. م مشيتي جامعتك لي هسه لي ?
_ والله بس شالتني نومه كدا 😅
_شالتك نومه ? والصحاني انا من نومي منو ?
_ ياخ الليلة دا م جو جامعه خااالص 😁
_ انتي ناسية الملحقين الشايلاهم ولا شنو ياااا دكتورة😏 ?
_ اوووف ياخ انت مصر تذكرني 😑
_ بذكرك عشان م تنسي نفسك وتنداحي
_ م ناسية نفسي وبقرا عشان انضفهم 🙂
قال ليها بنبرة ساخره : اي واضح ...دي طبعا حقيقة متجلية لينا كلنا .
_ اوووووف 😑 any way عايزاك في موضوع .
_ اسرعي عشان مستعجل ومصدع .
_ ممممممم 😅 ... عايزة اعرف انت حتديني عربية اسوقها متين 😅
كتف يدينو وهو بقول : ايوااا قولي الموضوع كدا ...... ع العموم م هسه
_why ?
_ عشان انتي م مسؤولة... متذكرة اخر مره سرقتي فيها العربية حصل شنو ? رميتيها في خور .... واتعوقتي وقاعدين في المستشفى ٤ ايام وجوطه
_ لا خلاص اتعلمت من الدرس دا
قال ليها بنفاذ صبر : جوري 😒
_ اها 😢
_ الموضوع دا م تناقشيني فيه لمن اشوفك بقيتي واعية وقدر سواقة العربات بديك تسوقي
قالت ليه بغيظ : hello ?.... I'm 20 ....انا كبيره كفاية وواعيه .
اتجاوزها ودخل وهو بيقول : مع نفسك .
قبلت وراها وعاينت ليه بي احباط : كريه
*جويرية بلقبوها جوري ...٢٠ سنه ... طب مامون حميده .... اخت ميكال الصغيره .... اختو بت ابوه .
دخل جوه ... واتجه بي سرعة ناحية السلم البي درابزين زجاجي .... بس وقف لمن سمع صوتها وهي بتقول : دي الجيه ?
قبل وراه واتوجه ناحيتها ..... كانت مره كبيرة ف السن .... وشها التجاعيد اخدت حقها منو .... وبالرغم من كل دا ظهرت القوة في صوتها وفي وقفتها .
سلم عليها في راسها وهو بقول : اي .
_ عايزاك في موضوع
_ عارفو
_ اها الخبر صح ?
_ اي
_ وانا الا اعرف من وائل ?
_ يا ماما عشه اكيد كنت حوريك وحتعرفي يعني حخبي شي زي دا عليك .... بس كنت عايز اول شي ارتب نفسي واكلمكم كلكم .
صلحت اسدال الصلاة اللابساه وقالت ليه : واها البنت منو ? واهلها من وين .... م تكون واحدة من الفاكات البتعرفن .
هز راسو وظهرت ابتسامه صغيره في وشو من كلامها : لا .... بنت قروية
_ نعععم ? قروية ? كيف يعني
هز كتافينو ببساطه : كدا
_ انت عايز تجلطني ? كفاية ود عمك البسمع كلام امو جاب ليهو مرة زي الثعبان .... وانت عايز تعرس بنت من قرية ? شوف ليك واحدة من مستواك ..... ولو م عارف ليك واحدة انا بجيب ليك بنات عوايل واهلم عندهم شنه ورنه في البلد... سمحات وبنات اصول وكان على الادب ستات البنات في الادب .
_ يا امي .... م تتعبي نفسك انا خلاص اخترتها واديتها كلمه
_ اخترتها على اي اساس ? احنا م بتتاسبنا بنت من قرية .. شان تجي ترعى لينا بغنم هنا ?
_ بكره حعقد عليها اللهم وريتك ....
_ يعني بتمشي كلامك علي
_ لا والله .... لكن انا شايفاها مناسبة معاي ودا اهم شي بالنسبة لي .... شنو م عايزة تفرحي بي وتشوفيني عريس ?
الكلام اكل معاها جنبه وقالت ليه بتأثر : دا كلام يا ولدي ? هو انا اللحظة دي مستنياها من زماااان .... يوم احننك بيدي وازفك لكن ياخ بالغت في بت القرية دي
_ عايني افرحي بي و كلو لكن الحنه دي لا اتفقنا؟
_ نعم?
_ شنو النعم اتحنن كيف يعني ?
_ اججججي دي عادات وتقاليد العرس من دون حنه دا كيفنو ?
_ لا لا حنه م معانا عليك الله
_ كدي دا كلو هين وريني البنت دي لميت فيها كيف ?
_ زيارتي الاخيره للارض الاشتريتها .... بس لاقيتها هناك
_ اها ومن شافتك طوالي حبيتها ... حب من النظره الاولى وخلاص?
_ ممكن تقولي كدا
_ يمين بالله اتلقيها سقتك واكلتك شي وربطتك
_ لا لا م تخافي 😂.... ماف شي زي دا .
ضغط بصوابعو على جبهتو : انا مصدع شوية ماشي اريح فوق ... وياريت لو تخلي الشغالة تعمل لي كباية قهوة تقيلة كدا

.
ضربت بي يدينها على افخادها : مصدع? ياها العملت ليك شي🙂
رفع حاجبو قبل م يقوم : والله العظيم ماف شي زي دا .
* حجه عشة او زي م بنادوها هم ماما عشه ....حبوبتهم ام ابوهم .
ميكال طلع السلم بي سرعه ودخل اوضتو .....
غير هدومو بهدوم بيت عادية وضرب لي وائل : الو
_ ايوا يا boss
_ الشغل كيف
_ ماشي كويس ... انت م جاي ولا شنو ?
_ تعبان شوية ومصدع .
_ خلاص تمام م تشيل اي هم .
_ نور جات ?
_ اي جات
_ اها ان شاء الله هي برضو تكون وريتها بي اني حتزوج 😏
_لا لا لا يا ميكال دا كلام برضو ? ماف اي زول حيعرف الا لمن انت تقرر انو الناس تعرف .
_ رسلت الراجل الحينوب عني ?
_ اي وهسه قرب يوصل كمان
_ تمام ... لي بعدين
_ اوكي
قفل التلفون ورماه جمبو وغمض عيونو استعدادا منو للنوم .
___________________________________
بدا التوتر جليا في وجه الشاب البالغ من العمر تسع وعشرون عاما .... عدل نظارته الطبيه بطرف سبابته وهو يستمع الى حديث زوجته الذي يقطر سما .... كان بدينا بوجه مستدير وشارب كثيف ... اكتفى بهز قدمه بسرعه بينما هو جالس خلف مكتبه .
_ هو احسن منك بي شنو ? ميكال احسن منك بي شنو عشان هو يسلموه ادارة الشركه .... اشطر منك ? ارجل منك ? اعقل منك ? وكمان انت شغال اكتر منو ومجتهد في شغلك لكن جدك .... جدك منو لله الهي بتعذب في قبرو ويتشوي بالنار دي لانو م عدل بيناتكم .
_ يا وجدان .... الحصل حصل عليك الله م تزيديني مغصه
_ شنو ? م ازيدك مغصه ? غلطانه انا الزعلانه عليك وعلى الظلم الاتظلمتو يا سيف .... دا حقك يا راجلي .... وحق اولادنا ف المستقبل ... م شايفه دا شي عادل نهائيا كونو يمسكوه هو الادارة .
_ يا وجدان لسا م مسكها .... جدي قال الا يعرس وختا ليه مهلة شهر بس .... وانا عارفو المغفل دا م ليه في حياة العرس والاستقرار مستحيل يعرس... وكمان جدي مشترط عليه زواجو يستمر سنه كااامله .
_ وووووب علي انا الربنا رماني ف راجل اهبل ومسكين .... يا حبيبي افهم ... طالما جدك ختا الشرط دا فأكيد سي زفت دا حينفذو عشان يكسب .
ختا يدو في خدو بزهج : اها الحل شنو يا وجدان ... الحل شنو انا اعمل شنو?
_ ميكال لازم م يعرس .... لازم يحصل اي شي وم يعرس .... والشهر يتم وكدا خلاص ببح الفرصة راحت عليه وتبقى انت ال boss .... او نخليه يعرس نور .... اصلا هي عايزاه .... ولو عرس نور حيبقا خاتم في صباااعنا .
_ خلاص طيب انتي خططي وانا بنفذ .
قطع كلامهم صوت بتهم العمرها سنتين وهي بتبكي .... والفلبينيه الشايلاها كانت بتحاول تسكتها .
وجدان مشت وشالت بتها : كدي نتلاقى بعدين انا حقابل نور وحرجع البيت .
_ طيب .... سوقي بمهله
_ تمام
طلعت وقفلت الباب بي وراها
* طبعا زي م عارفين سيف دا ولد عم ميكال ... وهو مثال حي لي نوع الرجال الممشينهم نسوانهم الفقريات .... عبارة عن خاتم ف صباعها اي شي بتقول ليه اعملو بعملو وم عندو اي شخصية تذكر .... مرتو اللي هي وجدان دي بنت خالتو طوالي وعرستها ليه امو تحت جملة خيرنا م يفوت لي غيرنا .... وامو من نفس طينتها ..... اما نور فهي صاحبة وجدان الانتيم .... اصلا الطيور على اشكالها تقع ... الاتنين نفففس الصنف .
صلحت توبها الانيق وضربت لي نور : حبيبتي
_ اي يا وجدان
_ وينك ?
_هنا ف المكتب
_ خلاص انزلي لي جمب مكتب سيف ضروري عايزاك تمام
_ اوكي ثواني واكون معاك .
فعلا شوية ونور كانت مع وجدان .... سلمت عليها بالاحضان وباست لولو بنتها الصغيره .
وجدان طلبت منها تطلع معاها .
مشو ليهم كافيه وقعدو .
نور : مالك يا وجدان في شنو ان شاء الله خير
_ اتخيلي يا نور .... عبد العظيم كاتب ف وصيتو انو ميكال هو اليتولا الادارة حقت الشركه بشرط يعرس ف ظرف شهر .... عارف حفيدو صايع وضايع و اكبر زير نسوان .
_ اججججي ولي التفرقة دي ? كان يخليهم يتولوها الاتنين _ حسبي الله ونعم الوكيل عليه متغايظه منو غيظ كان حي كنت قتلتو تاني 😒💔
_ خلاص ي وجدان الراجل عند ربو ... هسه انتي بتخططي لي شنو ؟
_ عايزة اضرب عصفورتين بحجر .... واول خطوه انو ميكال يعرسك
_ ياريييت يا وجدان .... ياريت يعرسني وابقى مرتو وارتاح ..... تعبت من السك والجري وراه ... وتعبت من كمية البناات البعرفهم .
_ غايتو هو هسه بكون م عارف يلقا ليه عروس بالسرعه دي وين .... انتي استغلي الوضع دا ... اضربي ليه واتونسي معاه واعزميه ع الغدا .... م تجيبي ليه سيرة الموضوع ... الايام دي خليك معاه كتير واكيد هو حيخت عينو عليك وم حيلقا غيرك وكدا الفار وقع ف المصيده .
_ طيب يا وجدان ... طيب حاعمل كدا وان شاء الله الخطه تنجح ( م عارفين عمك مظبط امورو )
_ هسه امشي اي كوافير اعملي ليك حاجه كدا تكون ملفته للانظار .... واشتري ليك لبسه جديدة وامشي ليه .... وكدي صح امبارح في شي حصل بينكم ?
_ لا اتجاوزني بي كلو ومشا نام ... اتخيلي بس
_ نومه من دون صحيه ان شاء الله
_ اخص عليك يا وجدان .... م تدعيه
وجدان وهي بتضحك : عاد حبيب القلب م بترضي فيه

_ طبعا م برضى فيه .... بحبو يا وجدان بحبو شديد ياخ
_ يلا قريب ويبقا راجلك ونرتاح
_ ان شاء الله
_____________________________________
سيدة يا سيدة
_ اها يا توتيل مالك ?
_ انا ماشا بيتنا استحم واغير جلبابي دا لابساه من امس .
_ اجي معاك?
_ لا لا خليك قبلك اغسلي عدتك وسوي الجبنه لي امك انا هسه بجي .... وبعد كدي بمشي المستشفى اشوف ابوي...واتفقد امي دي.
_ عبيدة اخوي قبيل ودالها عمود فيو فطور
_ اي شفتو بارك الله فيو ... يلا انا ماشا
فتحت الباب ودخلت بيتهم .... مشت جوه فتحت دولابها ومرقت ليها غيار ... وهي طالعه كدا بس عباس جاها منكشح توشك .
م حسستو انها خايفة منو .
_ عايز شنو يا عباس
_ عايزك اتي آ بت العم ( آ = يا )
_ اطلع بره يا عباس سريع 😒
عاين ليها مسافة وبس فجأة هجم عليها .... وجرا توبها من راسها وبقا بجر فيه اكتر عشان يطلعو منها.... صرخت ورجعت لي ورا .
كان بحاول يلصقها عليهو بطريقة مقرفة ..... لكن هي كانت بتبعدو منها بي كل قوة .
كان في فضية مرصوصة فيها عده ....
عباس اتخلع لمن شافها بتجري سريع و تضربت القزاز بيدها بي قوة لمن خلتو يتكسر وشالت ليها قطعة قزاز في يدها والدم بدا ينقط ف الواطه قالت ليه بي صوت قوي معصب : والله العظيم تقرب مني الا اضبحك بي دي يا نجس .
عاين ليها بخوف حاول يخفيه : بتهدديني ? بتهددي راجلك ? آ بت العم
_ عمى الدبب .... يا شيخ الله ينعل اللحظة البقيت فيها ودا عمي ..... واكان دار تموت يا عباس وم بتنجو الا تعرسني م بعرسك ... اطلع بره ...... بررررره .... عشان م الم عليك الناس .
مسح شنبو بيدو ومرق بي سرعه .....
اول م مرق بركت ف الواطه ورمت القزازة ..... وعيونها اتملت بالدموع وبقت بتبكي : م شفت يا يابا البقا بتعمل فيني بعد م خليتني 💔.
م عرفت مرا كم من الوقت ..... انتبهت بصوت سيدة البتصرخ : سجمممي توتيل مالك يا توتيل ? العمل فيك كدا شنو ويدك دي مالا يا بت ?
اكتفت بي انها تقول ليها بصوت تعبان : عباس .
سيدة ختت يدها في خشمها : سجمي يا توتيل سوا فيك شنو .
_ م بقدر ... م بقدر يسوي فيني شي .
سيدة جرت عليها وقومتها .... صلحت ليها توبها وهي بتقول : والله غسلت العده وشديت الجبنه واديتها لي ناس امي واتي م جيتي قلت البت دي مالا ... الحمدلله اللحقتك .... ارح البيت جرحتك دي احشيها ليك بن والفها ليك بي خرقه نضيفة .
ساقتها البيت وغسلت ليها الدم وكبت ليها البن ولفت ليها يدها ومشت عملت ليها شي تشربو .
سيدة : ادخلي يا توتيل استحمي ف حمامنا ... خشي الحمام مسافة املالك الجردل .
توتيل خشت الحمام وسيدة ملت ليها الجردل .... استحمت وغيرت هدوما وطلعت .
كان ظاهر عليها انها تعبانه شديد وهلكانه .... وفي لمحه بتاعت حزن وانكسار احتلت عيونها .
سيدة ساقتها معاها الراكوبة المقشوشة ومرشوشة ( اححححي 😍)
الجو كان مغيم والهواء هابي باااارد ..... توتيل ختت راسها ف حجر سيدة واتغطت بتوبها حق الهزاز ونامت ...
في اللحظات دي وصلت عربية وجو نازلين منها راجلين ..... الرجال الفي الحله سلمو عليهم ورحبو بيهم .... ودخلوهم الديوان حقهم .
بدا يتكلم الراجل الكان زول معروف في سوق المدينه القريبة من القرية وزول عندو مكانه عندهم : الزول دا .... اخوي الماولدتو امي ..... وقال ود اخوه عايزلو عروس من هنا .... وطلب مني ارشحلو بنت ممتازي..... وانا صراحة م لقيت غير توتيل بت اخوي الطيب.... وكلام رجال هنا دا احنا اشترينا واتو ادونا( بطاطسة هي اصلو لمن تشتروها 🙂) قلت لي عمو بجيبلك بت ستره وبت رجال ضكرانين تب وناس ماف زيهم اتنين.
الرجال بقو بتلفتو ....
عم توتيل : م بتقصر .... بس البت ابوها عيان وراقد مستسفى ... خلينا نشوف رايو وبنديك خبر .
_ الناس ديل دايرين يعقدو وخلاس ..... والعريس بسوق عروستو .... هو زاتو مسافر عشان كدي مستعجل
_ احنا زاتنا نعرف العريس منو وود منو
_ العريس ود ناس الشرقي ديل من بورسودان .... ناس معروفييييين وناس عز وكرم ومقيمين في الخرتوم .
_ ماشاء الله ماشاء الله .... خلاس انا عمها الكبير موافق .... ونسمع كلام ابوها لو قدر يتكلم .....
_ والعروس م عايزين تسألوها
_ اكيد حتكون موافقة طالما احنا الرجال موافقين وانحنا بنعرفو مصلحتا اكتر منها .
_ خلاص على بركة الله .
بس فجأة يسمعو ليك صوت بيكورك برا : م بتعرس زولا ( بالتونين 😀🌧) غيري
عباس جا جامر زي التور🐃... ومرق سكينتو من ضراعو وختا للراجل في رقبتو : امشو من هني ..... م عندنا بنيات للعرس ..... البت الدايرنها دي خاتبا انا وم بتعرس زولا غيري .
اعمامو واولاد اعمامو بقو بهدو فيه ويجرو بعيد من الراجل .
الراجل مسح وشو وهو بقول : انا جيت هنا بالذات عشان عندكم بنات الاصول تخت لي السكينه ف رقبتي آ عباس ? دا استقبالكم للضيوف .
اشر لعم ميكال بيدو : قوم قوم .
عمها الكبير جرا وراهم وبقا بعتذر ليهم وطلب منهم يرجعو يدخلو .... لكن عمك ممثل انو زعلاااااان ... بس عم توتيل حلف طلاق : علي الطلاق بالتلات

ه ترجعو نكمل كلامنا وتشربولكم جبنه وبااااكر دي كلمة رجال نعقدلكم على بتنا .
رجعو الديوان بعد م كشو عباس بعيد ...
عم توتيل طلب منهم انو العريس يجي بكره وخلاص .
وفجأة كدا الخبر عمممم والناس كلها عرفت ...
الراجلين ركبو العربية ...
ومشو لحدي م بعدو من القرية .... عم ميكال طلع ٥ رزم حقت قروش كان خاتيها في شنطه اداها للراجل وهو بقول : مشكور .... بكره بعد العقد حديك ٥ رزم تانيه .
شال القروش وابتسم ابتسامة رضا : ربنا يكملكم على خير .
وصلو سوق المدينه والراجل نزل ..... اما عم ميكال( عمو من بعيد ) ضرب تلفون لي وائل وبشرو بي انو كل شي ماشي على الخطه .... و وائل بالتالي ضرب لي ميكال وكلمو .
باب اوضة ميكال ضرب .. قام فتحو .... كانت دي ماما عشة .... مدت ليه كباية القهوة .
شال الكباية وهو بقول بصوت واطي لكن مسموع تسلمي .

دخل اوضتو تاني وقعد ف الكرسي وختا كباية القهوة جمبو ..... بدا يشرب بي استكااااانه .
فجأة تلفونو ضرب .... عاين للاسم لقاها نور .... طنشها ..... تاني ضربت ... شال التلفون بعدم اكتراث ورد :
الو
_ كيفك حبيبي
_ تمام
_ مممم ميكال فاضي الليلة ?
_ على حسب
_ طيب عازماك ع العشاء الليلة ... وم تقول لي م فاضي بليز لازم تجي .
_ ممكن غداء ... لكن عشاء دا م حقدر والله .
_ اوكي طيب م مشكله .... نتلاقى زي الساعه ٤ كدا في كورنيثيا .
_ تمام .
_ مع السلامه
_ الله يسلمك
______________________________________
توتيل كانت واقفه قدام المزيره عايزة تشرب موية .... غرفت وملت كوزها بس فجأة تحس ليك بضربة في راسها... لمن رمت الكوز .
اول م قبلت جوها كفين في وشها بقوة رهيبة خلتها ترعف .
م كانت فاهمه شي غير صوت عباس البكورك : دايره تعرسي الغريب يا هاملة ? والله توافقيبو الا اتكيك واضبحك .
م كان عندها طاقة عشان تشاكلو او ترد ليه العملو .... خلااااص اكتفت من البيعمل ليها فيه .... قعدت ف الواطه وهو شغال يضرب فيها ..... سيدة واخوها جو جاريين ... سيدة مسكت توتيل ... واخوها حجز عباس منها وهو بكورك فيه : عباس .... بتمد يدك على مرا .... خليها ياخ البت دي سوت لك شنو ?
الناس اتلمت فيهم من الاصوات .
وتوتيل كانت زي الدايخه ... من شدة الزعل كانت بس دموعها نازلة وم عايزة ترد على اي زول.
جا عمهم الكبير وشاكل عباس وذلاهو
_ إتا يا زول م بتفهم ? البت قالتلك م دايراك تجي تدقها كدي ... وقبيل تفضحنا قدام الناس تخت للراجل سكينتك ف رقبتو ? هوي يا عباس اعمل حسابك من م الطيب رقد مستشفى اتا عامل مشاكل
_ البت دي م بتعرس زول غيري .
_ انحنا ادينا الناس كلمه البت عقدها باكر .
_ والله يجي زول الا اقتلو
_ خلاص يا عباس .... قدامنا باكر احنا في واتا في ونشوف بتسوي شنو .... ومكان قاعده فيه توتيل اوعاك تدخلو سامع ?
ام عباس الكانت واقفة مع الناس طريقة الكلام مع ولدها حرقتها : هي توتيل لاقيه عباس وين ? ولا في راجل متل ولدي? مساخة ولئامة ف الفاضي .... والبتابى ودا عمها زاتا م فيها خير ... م هندا كلنا عرسونا لاولاد اعمامنا وخشومنا عندنا ..... يمين بالله ولا بخيرونا بس كدا يقولولنا عرسناك لي فلان .... لكن توتيل دي مارقه ليها ف حركات 😒.( يمرق جلدك)
ضربت ولدها بيدها في كتفو : امرق يا ولد م تخليهم يذلوك اكتر من كدي .
سيدة اتغاظت منها : هسه ولدك كان م ساي داقيها لي ? سألتو هي ?
_ اكيد شاف منها شي ولا بتكون اتلامضت معاهو ولدي م بعمل كدي ساي .. وحتى اكان عمل شنو يعني ? اتن اخوانكن م بدقنكن ? ( اكعععععب نوع ).
_ هو اخوانا المارقين معانا من بطن واحدي م بنرضالهم يمدو يدينهم علينا لامن تجي من البعيد?
الام بانفعال : خلاص ا بت هوي لسانك دا ابلعيه ... واتا ا عباس قلبي وربي غضبانين عليك ليوم الدين اكان عرست البت دي ... وم تجي تقولي يما راضيني .... ولا براضيك ... اذا قبل العرس جايبة لينا النبيشة والكلام اها بعد العرس بتسويلنا شنو ? انزرق .... انزرق كدي وامرق قدامي .
عباس حدر ليك لي توتيل حدرة .... وهي قاعدة في الواطه ومدنقره راسا.... طبعا الكلمة الشاذة في القرية دي كانت اسرة عباس دي من امو لي اخواتو ناس كدا وضحو لينا هم فهمم وتعاملهم كيف اللهم باختصار كدا مخهم مقفل كلو كلو وعبارة عن عواليق .
عمها قومها من الواطه وسلم عليها ف راسها : قومي ا بت اغسلي وشك دا .... بكره جايين يعقدولك .
هزت ليه راسها وعيونها كانت واقعه بطريقة تقطع القلب 💔.
سيدة تكلتها لحد الماسورة وغسلت ليها وشها نضيف من الدم وودتها الراكوبة حقتهم .... توتيل دموعها م وقفت...كانت بتبكي من دون صوت .... وبي طرف توبها بتمسح في دموعها الجارية .
سيدة : خلاص يا بت م تبكي النبي فيكي خلاص .... تعالي نتغدو .
_ م دايره
_ لا يا توتيل النبي فيك ... لازم تاكليليك شي يسندك يا بت امي وزاتو بكره بعقدو عليك
هنا دموعها زادت ووشها بقا احمممر .
سيدة اتذكرتك انها حتعرس عرس مصلحه ومن زول هي م عايزاه .
مسحت ليها دموعها : توتيل... ربنا كريم ياختي .

سبابي الحقولها ليك .. انا م نفسي ف الحياة دي ودا شي راجع لي انا اضافة لي انو انا م عايز اي مخلوقه تتعلق بي ابدا.
Cut 😁
لي بكره
نهاية الحلقة الثالثه

. ربنا كريم ... لو الناس كلها خلتك هو م بخليك ... اتوكلي وفوضيلو امرك بت امي
هزت راسها وهي بتمسح دموعها بتوبها : ان شاء الله .
_ يلا النبي فيك كان تقومي تاكلي
_ م نفسي يا سيدة عليك الله م تضغطي علي...انا هسه بس دايره امشي اشوف امي .
_ المشكله عباس الفقر هو الكان بودينا هسه تاني نمشي بشنو .
قطع كلامهم صوت ام سيدة الجات داخله : توتيل
_ اي يا خالتي
_ هيا بتي الراجل الداير يعقدولك عليه بكره قال بسوقك طوالي وم عايز عرس ولا اي شي... يا بتي لا اتحبستي لا ادخنتي لا جابلك شيلة دا عرس شنو دا .
ردت عليها مرة تانية جات معاها : غايتو حسن راجلي قال عم العريس قاليهم هو مستعجل شديد عشان مسافر واي شي بجيبو ليها بعد م يسوقها معاهو اهلو مقتدرييييين.... لكن صحي مفروض يديك مهلة تنحبسي فوقا .
توتيل : انا م عايزة اتحبس ولا اتدخن ولا اي شي بس اعقد وامشي.
ام سيدة : هيا بتي دا اسمو كلام ? عاد تمشي لي راجلك يقول البت مبهدلة ومبشتنه ? لي دا كلو
توتيل : عليك الله يا خالتي هو امي وابوي م معاي دا كلو لزومو شنو ?
_ يا بتي انعلي الشيطان دي برضو فرحتك وانتي ف النهاية عروس م صح كدي... خلاص على الاقل نحننك ... كمان دايره تمشي غبشة ?
سيدة : لكن يا يمه الحنه دي دايرالا طبقه عشان تبقى سوداء ودايرالها زمن .
ام سيدة : لا لا بنحننوها بي صبغه ... قومي يا بت نادي نوال مرت العمده ... تشيل ليها جسمها وتعركها وتحننها
توتيل : عليك الله يا خالتي ماف داعي لي دا انا لمن امشي هناك بتحنن براي وبسوي اي شي ... والله م عندي نفس لي دا .
_ يمين بالله م تمشي من دون حنه ولا دخان ... دايره ينبزونا ?
ضربت سيدة في كتفها : يا بت القاعدالا شنو قومي سريع امشي لي نوال .
سيدة صلحت توبها : سمح يما قمت .
النسوان مسكو توتيل خلوها تتدخن وشالو ليها جسمها وحننوها ... وغايتو عملو العليهم .
________________
نور كانت قاعده في تربيزة جمب زجاج مطل على النيل
كانت لابسة فستان على جسمها لونو اسود ومعاهو كروب توب زهري .... وجزمه زاحفه زهرية برضو وعامله فل ميكب لكن بي فهم ..... وشعرها قصتو شوية وصبغتو اشقر برونزي .... كانت جميلة وجذابه .
ميكال جا كان لابس بنطلون اسود وقميص رمادي وشاكي .
قعد في الكرسي القدامها وهو بيقول : معليش ع التأخير الشارع زحمه .
هزت راسها بي ابتسامه : م مشكله عادي .
شوية كدا ختو ليهم المنيو .
ميكال فتح المنيو وطلب وهي طلبت نفس طلبو .
قالت ليه وهي بتخلل شعرها بيدها : م ملاحظ شي جديد ?
ابتسم ابتسامه صغيره خلت قلب نور يعمل شححح : اي ملاحظ للون شعرك.
_ اها شنو رايك فيه 🙈
_ حلو
_ حلو ساي ولا حلو شديد 😢
_ شديد 😂.... بس لي ?
_ شنو اللي
_ لي يعني قصيتي شعرك وصبغتيه
_ نيولوك وكدا .
_ اهااااا .... طيب كويس ... شي جميل انو الواحده كل مرة تجي بي استايل جديد .
_ اساسا 😌.
النادل في اللحظات دي جا وجاب معاه اكلهم .
نور : اخيرا ?
ميكال.: شكلو الاكل ظابط
_ اكيد حبيبي... انت بتهظر ? مش المحل مختاراه انا 😌
بدو ياكلو .
نور :اها وريني اخر مواضيعك وجديدك?
قال ليها بعدم اكتراث : ماف اي جديد انتي عارفه.
_ اهااا
_ وانتي
زحت خصلة من شعرها ورا اضانها : اتقدم لي عريس .
رفع راسو وعاين ليها : مبروك مقدما
_ مبروك شنو يا ميكال ? انا م عايزاه ورفضتو
_ لي ?
_ عشان م بحبو
_ انتي يا نور احلام البنات المراهقات الما حيعرسو الا زول بحبوه دي حتخليها متين 😂... بتحسسيني اني بحضر لي دراما هندية رخيصة..ماف شي اسمو حب صدقيني ... دا كلام افلام وروايات بس
_يعني الحب في نظرك بقا كدا ? دراما رخيصه ?
حرك الملعقة في الصحن القدامو : م بقت هي اصلا في نظري كدا.. ماف شي اسمو حب بين اتنين وكدا ... نعم احتمال يكون ف اعجاب لكن الباقي كلو وهم
شبكت اصابعها قدام وشها : ميكال كونك لسا م اختبرت الشعور دا م بديك الاحقيه انك تشوفو وهم .
_ اللهم دي وجهة نظري .
_ طيب انت شايف الحاصل بينا دا شنو ?
رفع حاجبو باستنكار وهو بعاين للصحن : الحاصل بينا ?
_ اي .
_ دي علاقه انا م شايف ليها اي مسمى .. لا انتي ولا القبليك ولا حتى البعديك.. ببساطه ممكن نقول تبادل منافع ..وخلاص وانا قلت ليك الكلام دا اكتر من مره
_ كيف يعني تبادل منافع ?
_ انتي عارفة اعتقد
_ يعني يا ميكال ولا مره حسيت اتجاهي بي شي ?
واجها بعيونو وهو بضيقها شوية :مممم احتمال اعجاب .
هزت راسها وهي بتشيح بنظرها بعيد عنو : ميكال.. م نفسك تستقر ? تكون متزوج من واحدة بتحبها وبتحبك ? تبدو تبنو حياتكم شوية شوية وبعدها يكون عندكم طفل ? بيبي صغنون كدا ينور حياتكم وتهتمو بيه وتأكلوه وتشربوه وتشوفو بيكبر قدامكم كل يوم ? يكون شايل من ملامحك ومن ملامح امو.. واي واحد يشوفو بشبه التاني .
قال ليها بطريقة رسمت الاحباط في وشها : نهائيا م نفسي ( بتحطي نفسك ف مواقف بايخااااااه 🙂💔....محرج ياخ البت مع وصفها انا قربت ابكي تخلفو صبيان وبنات وتعيشو في سعادة ونبات😂)
_لي
_ م حتقتنعي بي ا

#ﺍﻭﻋﻚ_ﺗﺰﻋﻞ ﻣﻦ ﺣﺎﺟﻪ ﺿﺎﻋﺖ ﻣﻨﻚ 😊
ﺑﻜﺮﻩ ﺑﺘﺠﻴﻚ ﺣﺎﺟﻪ ﺍﺣﺴﻦ ﻣﻨﻬﺎ ☺

ﻭﺑﺮﺿﻮ ﺑﺘﺘﻀﻴﻊ 🐸💔
ﻣﺎ ﻧﻜﺬﺏ ﻋﻠﻲ ﻧﻔﺴﻨﺎ ﻳﺎ ﺍﺧﻮﺍﻧﺎ
#اﻟﻤﻨﺤﻮﺱ_ﻣﻨﺤﻮﺱ_لو_علقو_على_راسو_فاااانوس 🌚👌