الجانب الإيجابي للحرب اننا عاشرنا إنسان البلد الطيب الكريم ذو المعدن الأصيل ❤️
وانو ربنا مدّ في عمرنا وسهل لينا نحضر موسم حش التمر..
احتمال تلات ارباع الجو البلد جديد عمرهم م حضروه .. ف أنا كنت متحمسة جداً اني امشي اشوف الحاصل شنو هناك..لأنو مهما حكو لي ما حيكون زي رؤى العين..
ف دي عُصارة التجربة حقتي..
شرح سريع خفيف لموسم الحش بلساني اتمنى إنها تفيدكم وتستمتعو بيه.. وانتظرو الفيديو الحاامنتجو قريب الي حيضم الأدوار الاتكلمتت عنها دي كلها مباشر وهي بتقوم بعملها من بداية الكارو اتحرك الصباح بدري لحدي ما رجع وهو محمل الشوالات والخطوات الحصلت في النص❤️..
م كدة وبس كمان عملت لقاءات مشوقة جداً معاهم وسمعت آراءهم ..وشاركت في جزء من الاعمال دي منها خياطة الشوال 🙈😂 يعني حقيقي حيكون فيديو ممتع شديييد 😍..
يلا عشان امنتجو لازم انتو تحمسوني بالشير واللايك والكومنتات وكدة .. مشاهدة ممتعة ❤️🔥

#حش_التمر
#المنطقة_الشمالية
#بت_الخرطوم_وبت_البلد
#زُبيديات

أنا أدعو الله دائماً أن يديم عليّ بساطة شعوري وتلقائيتي مع الأشياء،أن أبقى رقيقة الإحساس بنفسي و الآخرين ،أن أستطيع دائماً تحمُل زلات الحياة بصدرٍ واسعٍ يعلم كيف يجد في زاوية ما أريحتيه بعد م خاض دروبه المُتعِبة،أن تكون لي القدرة على العودة إلى روحي المُعتادة مهما بَلغ بي سوء الحياة وحُزنها ،أن أركض دوماً في نهايات أيامي القاسية والعادية،و أعود لكي آوي إلى ركن دافىء يعصمني من قسوة الحياة و أشعر فيه بهدوء وأمان وفرحةٍ لا متناهية .. أن أجد نفسي وسط الأطفال وضحكاتهم النقية وكل من يكن بدواخله حباً صداقاً لي .. أن أعيش وأنا سليمة الصدر لا أحمل كرهاً ولا حسداً ولا غلاً تجاه شخص..و أن أحيا كالنسمة تَمُر خفيفة تُسعِد ولا تضر!🤍
#زُبيديات

وردني تنبِيه من Google news أن اليوم يصادف اليوم العالمِي للصحّة النفسية
ولو أن الأيام العالمية كثُرت وصارت "مسيخه وبلا طعمه" بس أعتقد أن الصحة النفسية تستحِق يوماً خاصاً بجدارة

لا يفوتنَا إلى أي درجة تتحكم نفسيتنا في مسارات حياتنا وقراراتنا ، الإنسان المُرهق نفسياً والمحمّل بتلك الأعباء الزجاجية التي لا يبصرها أحد لكنها موجودة ، يصاب بالشلل ، وتتحوّل أيامه إلى جحيمٍ يعادُ بثه كل يوم ، وتبصره وتشعر أنه بخير بينما في داخله تُخاض آلالاف المعارِك وتتخطّفه الأفكار السوداء ، ويحرس القلق بوابة عقلِه.

في مجتمعاتنا ، المرشد النفسي رفاهية لا يستطيع كل أحدٍ أن يمتلكها ، ولكن على الأقل نمتلكُ الكلمة الحانية ، وتربيتة على الكتف ، وحُضن عميق ، ووقت ممتَد للفضفضة ، فلا تبخلوا على أحبتكم ، ولا تكفُّوا عن أن تصبحوا إستراحاتهم الدافئة وسط عالمٍ لا يأبه للإنسان الذي لا تُقاسُ أعراض ألمهِ بسماعة طبيب.
#مريم_الشيخ♥️





●

القرقوش عند هاجر ولا بلاش 😍😍 ما عشان صممت ليها الاعلان دا بس حقيييقة قبل م اصممو ليها ولا اتعامل معاها بشير عمي جاب لينا قرقوش منها في البيت.. ما شاء الله حاااجة فخمممة ومميزة جدااا والله..كلنا علقنا عليه حتى!!! .. بالجد متعوب عليه وحاجة راااقية ❤️..ربنا يفتحها عليك كمان وكمان يا هاجر ويوسع في رزقك ويبارك فيه 💕🫰

#العالم_مقبرة_الحكايا!!
هذا النص للجميلة رغد عبد الرحمن

تسجيل صوتي للثنائي الرهيييب 😎😂:-
-عسجد صلاح الشريف
-زبيدة الزومة

من قناة #زُبيديات ❤️

اللي عدّى مرة واتنين وتلاتة مش هيعدّي طول الوقت.

واللي سكت مرة واتنين وتلاتة مش هيسكُت على طول.

واللي إشترى خاطرك ورِضاك مرة واتنين وتلاته مش هيعمل كدا باقي عُمره.

بلاش تتعاملوا مع الناس اللي في حياتكوا على إنكو ضامنينهم أوي كدا .. وما تراهنوش على طيبة حد طول الوقت .. كُل واحد وعنده طاقة وفي لحظة واحدة مُمكن اللي قُدامك يجيب أخره وتسمع منّه لقد نفذ رصيدك .. وكدا خِلصت خلاص.

مش مُهم تحب المُهم إنّك ترتاح، الحاجة اللي هتريحك هتلاقي نفسك بمرور الوقت بتتعلّق بيها وبتحبها، عكس الحاجة اللي بتحبها لو هي مش مريحاك هتلاقي نفسك من كُتر الضغط وقِلة الراحة بتفقد مشاعر الحُب اللي جوّاك تجاه الحاجة دي، الراحة دايمًا بييجي بعدها حُب .. لكن قلة الراحة بييجي بعدها مُعاناة وخيبة أمل.

منو عندو مشروع أياً كان نوعه ولسة ما طلب تصميم فناااان مني ؟😍😍😍😍
https://wa.me/qr/M2EYN7H2ON6YN1
#زبيديات_للإعلانات
الجودة والتميز 💕

من قبيل كنت بس بعاين في صور كتيرة وفيديوهات واشخاص وتفاصيل كتيرة مرة تضحكني ومرة بلقى نفسي من فرط التأثر بكيت!..
بقول اخ يا زمن ..
يا حليل بيتنا..وشارع بيتنا.. المكتب..الشغل..الجري.. الجامعة.. المشروع ..اللمات.. الرفاق.. التخاريج.. الفرح الكتيير ..
يحليل حاجات كتييرة حلوة كنا بنعيشها وما كنا قادرين نستوعب قيمتها الا هسا..
ويحليل ناس كتااار اتحرمنا منهم..
يحليل شوارع الخرطوم شارع شارع
ياربي ممكن ترجع في يوم زي ما كانت؟ ..
ياربي لو رجعنا حنلقى كل شي زي ما كان .. لدرجة نتخيل انو احنا كنا في كابوس طويل وصحينا منو؟!..
ولا حنرجع ونلقى الخراب في كل مكان؟ الخراب والبؤوس الخليناها فيه لما كنا طالعين منها حنلقاه زي ما هو واسوء اول ما نجيها راجعين تاني ؟؟ ..
ما مشكلة لو ع دا هينة أنا أصلاً مؤمنة انو لو "الروح دي في كلو بتعوض"
لكن لو راحت كلو بروح معاها
مدام لسة فينا شباب كتار منتظرين إشارة ويرجعو الخرطوم حنبدا نعمرها طوبة طوبة من جديد و نرجعها احلى مما كانت زاتو
بس دا ما الأنا شايلة همو
انا بقيت بسأل نفسي و أنا لأول مرة أكون قاطعة العشم في بكرة .. "يا ربي هل في خرطوم تاني؟؟"
#زُبيدة_الزومة

محتاجين نعرف متين نعمل فرملة!
وكيف في مرات كتيرة نتبع احساسنا
في احساس جووة خاالص كل مرة بحاول ينبهنا انو الطريق دا المفروض نغيرو
في حفرة هناك حتقعي فيها لو م غيرتيه!
وبعد دا احنا كتيير بنطنش الاحساس و بنعتبرها أوهام
لحدي ما هوووبااا نلقى الحفرة فعلاً قدامنا
واحنا بنسلك الطريق الكنا حاسين تجاهو بإحساس غلط
رغم انو كان مُعبد بالورود
لكن كان نهايتو الحفرة الكبيرة الحتدفنا عمرنا كلو
يلا في اللحظة دي محتاجين فعلاً نعمل فرملة!
نوقف!
احتمال اتأخرنا في القرار دا
لكن احنا لسة في بر الأمان
باقي لينا سِنة ونقع في الحفرة
لكن لسة ما وقعنا!
نحنا حقيقة محتاجين نعرف متين المفروض نعمل فرملة
متين المفروض ننقذ نفسنا من الحفرة ..
وهنا أنا قاصدة حاجات كتيرة شديد بالحفرة دي
وظيفة
أشخاص
علاقات
أكلات
أسلوب حياة
وأي شي ممكن يضرنا
أو احنا بنعملو بطريقة تضرنا
لازم نعرف متين نوقف
ونبدا صفحة جديدة
بيضاء و سعيدة وآاااامنة 💙
#زُبيديات
#زُبيدة_الزومة