"شُكرًا لأنّكَ في حَياتِي" 💜

جُملة هادِئة دافِية، اختَصَرت معاني كتيرة من الحُب، ووسِعَت أجمَل كلمَاتِ الود؛

حُروفهَا تَحتَويكَ تَحتَضِنُ رُوحكَ، وبتربِّتُ علىٰ قلبِكَ،
بتُذيبُ خِلافاتٍ وتُضَمّد جِراحَات، وتُعيد للحَياةِ ألوانهَا الزّاهِية،

فَشُكرًا لمَن هو أهلًا لهَا!،
وشُكرًا لِمَن قالهَا لنَا وأشعرنَا بِهَا ..♡

" لما تجرب احساس الراحة مع زول حتعرف وقتها إنه دي أحلى حاجة ممكنة في أي علاقة إنسانية
راحة في الكلام .. حرية في الاراء .. حتى الخلاف بيكون مختلف لو أساس العلاقة راحة متبادلة
لما تجي تختار زول تكمل معاه حياتك كصديق أو حبيب ، قبل ما تختبر أي مشاعر عاطفية ، اِتأكد قبل كل حاجة من وجود الراحة ، غير كدة ، فَكّر كتير .."💜

مرو 4 شهور بالظبط مما انا كتبت الكلام دا..بتذكر يومها كنت راكبة في العربية مع امي وراجعين من مشوار مهم شديد وبتعلق بمستقبلي..كنت متفائلة وقايلة انو الجايي حيكون ايام غير ..
كنت مجتهدة شديد في حياتي ويومي بكون مليان وعايزة انجز حاجات كتيرة في نفس الوقت ولازم انجزها بااتقان ..
كنت مستبشرة بالأيام الجاية..
وعارفة اني زولة كفائة و شهادتي أبدا ما حيكون مكانها الحيطة..
كنت حريصة جدا انها قبل ما تتعلق في الحيطة انا اكون أثبت نفسي لنفسي اول شي.. كنت متخيلة انو الايام الجاية حتكون ملياانة مسؤوليات وملياانة أشغال وحااقدر أبني نفسي و أعمل لي اسم عمل وأنجح شدييد .. بس سبحان الله كلو طار في لحظة وحدة وأكيد لحكمة من عند الله ، وبعد دا ما قاطعة عشمي في ربنا انو كل شي اتمنيتو وكنت ساعية ليه بين ليلة وضحاها يحصل!!
يااارب أحلامي تتحقق بأجمل مما أتخيل كمان 🥺❤️
اللهم اني استودعتك وطني وأهلي وأصدقائي
واستودعك أحلامي وطموحاتي وأيام القادمة ياالله ..
فااكتب لي كل الخير فيها يارب وأبعد عني كل شر 💜
#زُبيدة_الزومة
#حرب_الخرطوم

على قدر ما انو الحرب لمتني بأهلي جدا
وقعدتني معاهم بالشهور في بيت واحد وبعضهم بيوتهم قريبة مننا وصباح ومساء معاهم..
حتى الكانو بعاد جغرافياً عننا والما كنا بنتلاقى الا في الاعياد والمناسبات نسبة للظروف والانشغال
هسا بقينا اقرب ما نكون لبعض ودي نعمة عظيمة والحمد لله
يعني لو قبل 4 شهور مثلاً قالو لي اني حااتلم مع اهل ابوي في بيت واحد واقعد معاهم اجمل أيام حياتي ولشهرين و5 ايام كمان ما كنت حااصدق
ولو قالو لي بعديها اني حااتلم مع اهل امي في حتة وحدة "اهلي" البسبب الحياة وجريها ما كنا بنتلاقى بالساهل..هسا تبارك الرحمن بايتين مع بعض وماكلين وشاربين ومبسوطين سوا!

أما الجانب الحزين انو الحرب بعدتني جداً عن اصحابي💔
بتفرج على الصور والغصة في حلقي انو بالله شوفي اي زول مشى بلد بعيدة من التاني والسافر برة السودان!
صور كتيرة لناس قريبين جداً مني هسا بقو لي زي الحلم حلم!
وبقعد اسأل نفسي ياربي لو كنا وقت الصورة دي عارفين الحيحصل لينا..كان احساسنا كيف وقتها؟
اكيد كنا احتوينا بعض اكتر وحاولنا نشبع ببعض جداً..انا عن نفسي كنت حااحضن صحباتي أحضان تكفيني بُعد المسافات الحاصل دا لحدي ما الاقيهم تاني!🥺❤️
ياربي فعلاً حنتلاقى ؟🥹

إنك تخبي ضغطك النفسي دا في حد زاته ضغط

آمنتُ دائماً أنّ المرء مصنوع من تجاربهِ
وما هو عليه ، وليسَ ما يظنّه الناس عنهُ.

وحتّى فترةٍ قريبة كنتُ أشعر بـ الأسى والضغط
عندما يسألُني أحدهم عن عمري فـ أقولهُ متبوعاً
بـ الشّرح والاستفاضة عن كيفَ وصلتُ هنا ..

وفي الحقيقة لم يعُد يعنيني الأمر لأنّني فخورة
بـ كلِّ ما مررتُ بهِ وما سأمرّ ..
فخورةٌ بـ تجاربي ، علاقاتي ، والتغيّرات الجذريّة
الّتي مررتُ بها فـ أنضجتني
وجعلتْ منّي ما أنا عليه الآن ..
فخورةٌ بما أنا عليهِ الآن.

ممتّنة لـ والداي الّلذان منحاني قدراً كبير
من حُريّة الإستقلال بـ ذاتي وأفكاري وقراراتي
فـ كانوا المُوجّه والمُعلّم لا المُسيطر
وكان النقاش هو سبيلُنا الأوّل لـ حلّ أيِّ خلاف
ممتّنة على كلِّ هذه الثقة الّتي تُثقّلني بـ مسؤوليتها
بـ قدرِ ما تُفرِحني ..

ممتّنة للنشأة القريبة من السواء الّتي ترعرعتُ فيها
والّتي غرستْ فيّ معاني أنثويّة عميقة
لا زلتُ أُحاول حملها معي والاحتفاظ بها حتّى الآن
ممتّنة لـ خدوش الماضي ،  للموسيقى ، للحياة
للكتابة والقراءة الّتي صاحبتني منذُ أعوامٍ طويلة
لا أعرفُ عددها ولكنّها ما زالتْ خيرَ رفيق.

أنا بـ أخطائي وعثراتي ومحاسني وهفواتي ..
لا يضرّني ما فات طالما تعلّمتُ منه
ولا يُخيفني ما آتٍ طالما لُطف الله يتلحّفني.

"كُلَّما أُفكِّر
أجد أنَّ اللّٰه لا يبتلي أحدٍ بشيءٍ دون أن يلهمه القوة والصبر عليه،" لَا يُكلِّف اللّٰه نَفسًا ِإلَا وسعَهَا" لن يضع في طريقك عقبات لن تستطيع تجاوزها ، لن يبتليك بشيء يُفقِدك عقلك، لن يجعل أقدارك أصعب من أن تتحمَّلها، امتحان اللّٰه دائمًا ما يكون على قدر صبرنا و قوة تحمُّلنا ، هو العالم بشؤون عِباده ، و لن يُكلِّفنا برحمته ولطفه ما لا نطيق، أو ما لا نستطيع تجاوزه
اللّٰه أحنّ وأرحم من أن يُحمِّلنا ما لا نستطيع تحمُّله"☁️💗.!

بعيدا عن الايجابية المفرطة،
الحياه فيها ايام اثقل من ان تمر ببساطة، دون ان تترك علينا علامات وتغيرنا ايضا، تكون متعبة جداً لنا، لكن الشيء الوحيد المطمئن في ذلك ان كل ما نمر به مقدر، والاقدار لها حكمة بالغة يتبعها رحمة عظيمة تسمى العوض،

فالحمدلله🙏🏽🩷.!

Evening text:
لتكُن مُهمّتك الأولى والأبديّة، أن تُلقي عن عاتقِك كل الأشياء التي تهزّ غصن طمأنينتك 🌸💕✨

“ سننجو كما نجونا دائمًا بلُطف الله وستره “ ..

عمرو ما فشل المطر في أنه يبهجنا❤️❤️❤️❤️🌧!.

بتونس بيك وأنتَ معايا 🧡 .!

‏﴿ والصُبحِ إِذا تنفس ﴾
‏وبكَّ أصبحنا يَـارب عليك مُتوكلين ، فـَ اللهٌم قدراً جميلاً ، وخيراً يتبعه الرّضا

وبك اصبحَنا والقلوّب تسألك عوناً وترجوَك لطفاً فيسَر لنا كل خيرَ يا الله ♥️.

مخزون هائل من يا ربّ يسرها

‏–خفِف أوزار يُومك واستغفِر 😔🤎.

صباح الخير ❤️

مرات احنا بنحب حاجة شديييد لسبب ما بس احنا ما بنكون فاهمين السبب دا شنو..
بنلقى روحنا بتنشرح للحاجة المعينة دي
بنفرح لما بنشوفها
ولما ما بنلقاها عيونا بتفتش عليها وبالنا بكون بفكر متين حنلقاها او حنجيبها ..
"صباح الخير"
امي بتعشق حاجة اسمها زهور صباح الخير
بتزرعو في اي حتة تمشيها..
في البيت .. مكان الشغل ..ناس حبوبة واي مكان بتحبو وبتمشيهو كتير
كنت دايماً بستغرب من حبها الشديد للزهور دي تحديداً
من كم يوم هي بتوصينا عليها اذا لقيناها في مكان نجيب ليها منها
دا طبعا بعد ما كانت حريصة انها تاخد شتلة مليانة فل منها بس للأسف ضاعت منها في الطريق
ف من يومين لاحظت يادوب انها مزروعة عند ناس عمتي طوالي اخدت منهم حاجة بسيطة قلت لما امشي لامي افرحها بيها..
مسافة اليومين ديل بس لاحظت انو الموضوع بدا يتوسع فعلا والشتلة الصغنونة دي كبرت وبدت تتوالد
عرفت وقتها ليه امي بتحب صباح الخير تحديداً!
زهور صباح الخير بتشبه امي جداً 😅
زهور مُنتجة
وما بهمها في اي أرض وضعت؟!
طوالي بتبدا تنتشر وتخضّر وتتوسع وتزهر زهور جميلة تَسُر الخاطر ❤️
امي كمان كدة تبارك الرحمن
امي امرأة قوية جداً
وانسانة إيجابية لأبعد حد
اي مكان مشتو لازم تطلع منو بكل الفوائد الممكنة
وحتى لو اضطرت تخوض معركة هي عارفة انها خسرانة فيها بتحاول تطلع منها بأقل الخسائر الممكنة
امي ما بهمها الخسارة قدر ما بهمها انها ما تستسلم وتواصل طول مافيها روح
وربنا يطول في عمرها..
امي جميلة شديد
بشوشة
طيبة
حنينة
اي زول بشوفها بحبها مباشرة وبتدخل في قلبو بلا استئذان
امي مجتهدة
مُربية فاضلة
حنينة
ناجحة
وأهم حاجة انها دايماً بتكون حريصة انها تشوفنا في أفضل وضع وفي بيئة صحية نقية وايجابية واننا نكون ناجحين مبسوطين مرفوعين راس ومربيين احسن تربية وماف زول بقدر يرفع صوتو علينا حتى او يكشر لينا ساي!
ف حقيقي حقيقي
أنا دائماً في أمان طول ما امي صباح خيري في دنياي ❤️

ربنا يحفظها لينا ويعوضها عن أي خسارة خسرتها ويعوضها عن أي يوم ما جميل شافتو .. يبدلها خير..خير كتيييير شدييييد 💕

صباح خيري امي الحلوة ❤️
#زُبيدة_الزومة
#زُبيديات

يا حبيبة براكِ قااااااسية
وقلبي ما قدر التحدي!!


#غفران_تاج_السر
#زُبيدة_الزومة
#زُبيديات