صباح الخير🌥️.

الحقيقة أنك ستؤجر على كل شيء ،
ستؤجر على ساعات التعب، وساعات الوحدة والغربة، وساعات الإحباط، وساعات الفتور وساعات الندم.

الحقيقة أنك ستؤجر على الصغيرة قبل الكبيرة، فلا تحزن على ما ضاع منك؛ فلو كان لك لَبَقِيَ، ولو كان خيرًا لانتظرك، لكن الله يسمع ويرى ويعلم ما في قلبك، فاهدأ واطمئن وقل ربي كريم ❤️.

أيهما اصعب الفقدان أم الإنتظار..؟

#سلسلة_رسائل
رسالة (1)

"قابل المواقف بمواقف مثلها .. لا تُعاتب."

رسالة (2)

‏"إنِّي نزعتهُ من الروح، لكنّه ياربي عزيز."

رسَالة (3)

"مَن تباهينا بِهم، خَذلونا."

● أيهما أصعب الفقدان أم الإنتظار..؟

- الإنتظار صعب جداً فهو شُعور غير مُستباح يأخُذك إلى عالم آخر لا تدري متى تعود منه وإذا عُدت تعود وانت فاقد لِنفسك ... يوماً بعد يوم تفقد شغفك تجاه هذا الشئ المنتظر .. أرى أن الشخص يكُون في متاهه لا نهاية لها من الاحتمالات والافتراضات التى تحمل في طياتِها فرصة الحدوث أو العكس .. الشخص لا يعرف إذا كان هذا الإنتظار لصالحه أم أن هناك ما يخبئه القدر له لينقض عليه بلا رحمة ..🚶🏾‍♀️🤎.

كذبو عندما قالو " أن تصل مُتأخراً خيرا من أن لا تصل " فهذهِ المقُولة لا تناسب أنتظار بعض الأشياء ..
اخبرني من النفع من أن تصل بعد فوات الأوان اتستطيع إصلاح ما حصل ... هناك عدة أمور لا تعود مثلما كانت لا عند الوصول متأخرا ولا عند الاعتذار..🤎

- أما الفقدان فلا يُضاهِي مرارة الإنتظار فهو الاخ الغير شقيق .
.الفرق بينهما أن الشخص عندما ينتابه هذا الشعور يأخد جُزءاً من حياتِه ويبقى عايش فاقد الشعور والإحساس .. صحيح أن الفقد ياخد اعز ما نملِك ويجعلنا نتألم كلما مررنا ببعض الذكريات ولكنه خير من أن تكون في متاهه لا تعلم متى سوف تخرج منها .. الفقدان يتفق مع الإنتظار في شئ واحد أن بعد كِليهُما لا يستطيع الشخص أن يعود سليماً كما كان .. فالفقدان ألمهُ مُستمر معك ولم يختفي في مده بسيطة بل ياخد منك الدهر بأكمله فهو مثل الشوائِب التى تبقي لِتُعكر ما تبقي من مياه الصبر لديك .. تاره تكُون سعيداً وتاره أخرى ترى تراكم تِلك الشوائِب في نفسك فتعود إلى نقطة الصفر .


● في الحقيقة لا شئ جيد في كِليهما والمقارنة بينها تشبه المقارنة بين الموت غرقاً والموت على حبل المشنقة فكلاهما يحتتم الموت في النهاية ولا مفر من ذلك ♾️.


الفقد سُنة الحياة المُبكية التي لا يمكننا تجاوزها 🤎.

#ثولين_مُوسى ●

قبل 60 يوم كانت حياتنا مختلفة جداً.
حياتنا الماضية راحت في ستين .. يوم.

يا جماعة في زول بيعرف زول من بحري الكدرو  والحاصل فيها شنو
صحبتي منقطعة منها اكتر من 10 ايام

Help. 😮‍💨🙏

صباح الخير حبا 💜✨

واحدة من أجمل الجمل القريتها   : "كلٌ يراك بعين طبعه وبقدر محبتك في قلبه"..

ف انت حتلقى  ف حياتك ناس بتشوفك اطيب حد وناس تانية بتشوف العكس
حتقابل ناس  بتنسى خمسين موقف جميل منك لأنك بس غلطت ولا قصرت مرة ، وحتلقى ناس تانية  بتفتش ليك أعذار  وتبارير بس عشان يظهرو  ليك اانك أنت جميل..
ح تلاقي ناس انتقادية شديد ، وناس تانية م  بيكفيهم كل الكلام الجميل في وصفك.. وهي ما مجاملة طبعا
ف ناس بتحسها بتكرهك  بدون سبب ، وأشخاص  تانية بتخترع الف سبب تحببها فيك..

بس ف  النهاية أنت نفس الشخص..
بس  كل عين بتشوفك على قدر محبتها ليك ..
وكلٌ بيشوفك من الزاوية الوقف  فيها من قلبه..💜
#الهبهاآاانةة

الافكار مُعدية

هل السعادة قرار؟؟
الإجابة مُرفقة أسفل الصورة 👇

أنا عارفة انو الحياة مراحل..والدنيا متقلبة شدييد اكتر من قليب زنوية في السرير 😂❤️ ..
ولهذا السبب بالتحديد فأنا دايماً بحاول استمتع بأي لحظة حتى لو كانت الظروف مرات ما بتساعد ومرات بتكون أبشع من قدرتي على تحملها ..
أكيد الحياة ما دايماً بتكون في صفي .. لكن وإن جارت علي فدوماً أنا مستعدة بعون الله على هزيمتها بالإبتسامة والكثير من الضحكات الصادقة!
دايماً بتخيل أخوين عايشين أسوء الظروف على الإطلاق وانعدمت كل سبل الراحة والحياة الكريمة لكن واحد فيهم قرر انو يبطل يندب حظو و يتنفض و يتمرد على الحزن و يشوف طريق للخلاص وهو سعيد بقسمته و مبسوط بالجحيم الهو عايشو لأنو متيقن انو النور قداام وانو لا يكلف الله نفساً إلا وسعها! ..
وبفضل الله ونعمته علي انو وفقني اني اكون دايماً الزول دا! ..
طبعاً كتير بقع و كتير بنهزم في معارك الحياة الطاحنة وكتير الطرق بتتسدا في وشي من كل الإتجاهات وكتير بتألم و ببكي لكين حتى وأنا ببكي بفكر انو بعد ما امسح دموعي شنو اول حاجة ممكن اعملها عشان افرح ؟؟ ..
ايوة عشان افرح بعيداً عن تصليح الوضع المتأزم الأنا فيه..لازم افرح أول..لازم نفسياتي تكون كويسة عشان اعرف افكر بطريقة صح واقدر اطلع من أي مأزق..
لأنو أنا مقتنعة انو الحزن زي السواد الزول بعدو ما بقدر يشوف أي شي قدامو ولا حيعرف يتصرف صح!

خلاصة القصة انو و من تجارب شخصية كتيييرة اتأكدت انو "السعادة فعلاً قرار"! .. والبفتش عن الفرح حيلقاه حتى وهو وحلان في الطين من أولو لآخرو خليكم من الطين البفتش على السعادة حيلقاها حتى وهو في حرب و مهدد للموت في أي لحظة "و عن تجربة شخصية كمان" .. والبفتش عن الحزن والنكد حياتو كلها حتكون عبارة عن نكد .. وما حيلقى السعادة حتى وهو عايش ملك في قصره ممكن يُهيأ إليه عادي انو القصر خانقو!
23/6/2023
#زُبيدة_الزومة
#زُبيديات

يارب أطفئ نار الحرب التي أشعلوها ..
يارب انصر السودان بجنودٍ من عندك عاجلاً غير آجل
يارب عز السودان واهله وعوضهم خيراً عن كل ما سُلب منهم من امن وامان وارواح وممتلكات
يارب اكرم السودان بعد الحال
يارب ولي علينا من يخافك فينا .. ولي علينا من ينصر السودان وشعبه ويرفع من اقتصاده ويساهم في وحدته..يااارب اوكلتك امر وطني وانك القادر على كل شيء❤️🙏
#زُبيديات

" ح إقول ليك كلمتين صعبين لكن مُهمين جدًا"
أوعي فى يوم تضحك على نفسك وتوهمها بالحبّ تجاه شخص مُعيَّن لمُجرد إنك بتحبّه.

وقت ما تلاقي اللى قدامك بيتهرّب منك أو تحس إنو فعلاً ما عايزك زي ما أنت عايزُه بنفس المشاعر" متقاوحش" وتداري عليّ اللي إنت بتشوفو و تكمِّل ..
وقتها حتى لو كان بيجاريك بالكلام لأي سبب فأنت بعدين ح توصل للحظة تلاقي نفسك فيها ميِّت من الزعل على اللى عملتو فى نفسك للأسف.

فخُدها نصيحة لعل وعسى تنفعك
"ما تجري على حد مُكسّل يمشي عشانك ولو خطوة"..
حيهد حيلك وما ح توصلو ولو فضلت  ماشي عشانو العمر كله .."!

Py ➜ @Yakoziyat

عوداً حميداً🥺😭😭💕.

عايزاك تتخيل معاي المشهد ده:
قال ابن عباس رضي اللّٰه عنه: "رأيتُ رسول اللّٰه صلى اللّٰه عليه وسلم يدعو بعرفة ويداه إلى صدره كاستطعام المِسكين"

متخيل المنظر؟ النبي عليه الصلاة والسلام زي المسكين بيطلب من ربنا سبحانه وتعالى، لإنه عارف كويس قدر يوم عرفة، وكان صلى اللّٰه عليه وسلم بيقول: "ما من يومٍ أكثرُ من أن يعتِقَ اللّٰه فيه عبيدًا من النَّارِ من يومِ عرفةَ، وانه لَيدنو، ثم يباهي بهم الملائكةَ فيقول: ما أراد هؤلاءِ؟ اشهَدوا ملائكتي أني قد غفرتُ لهم"

تخيل؟ إنت بتفضل طول رمضان تستعد عشان تحاول تفوز بليلة القدر "المجهول ميعادها" فما بالك بيوم عرفة، اللي هو اعظم يوم في السنة وميعاده معلوم، عشان ده كله لازم تبدأ من اللحظه ديّ..

أبدا بتجهيز قائمة دعواتك، واللّٰه إنه دعاء عرفة مستجاب بشكل يفوق الوصف، رتب دعواتك واكتبها في ورقة عشان ماتضيع، عندك من الفجر لحد أذان المغرب، ربنا وحده اللي بيعلم كم الرحمات والبركات والعتق وإجابة الدعوات اللي حا تحصل اليوم ده..

بعد ما تجهز دعواتك لنفسك ولأهلك واحبابك، جدد النيّة إذا انت بتصوم العشر من أولها، وإذا لا أنوي صيام يوم عرفة واحتسب إنه بيكفّر ذنوب سنتين، أخيراً اعمل to do list للعبادات اللي حابي تعملها بكره وحاول تنال أكبر قدر من الثواب في اليوم ده..

قال الأوزاعي رحمه اللّٰه:" أدركت أقواماً كانوا يخبئون الحاجات ليوم عرفة ليسألوا اللّٰه بها" اللهمّ افتح لنا في يوم عرفة فتحًا من عندك وأنت خير الفاتحين♥️♥️

مسااء مليان بالخير عليكم

السعادة قرار يا سادة
فكرة انه تكون مرتبط في حياتك باشخاص بغض النظر عن مسمى العلاقة شنو.. اشخاص هينين لينين ورفقتهم حلوة كفيلة انها تنسيكم صعوبة وحدة الحياة

البشاشة والفرهدة اجمل صفات ممكن تتوفر ف الرفيق
اكتشفت مؤخرا انه الدنيا دي م بتستاهل انه ننكد فيها ونعيش علاقات مليانة توتر وتبرير وزعل في اتفه الأسباب
انه تتعرف على ناس ما مضطر تبرر ليهم شخصيتك بمجر انهم بيحكمو عليك براهم
في مقولة بتقول صاحب السعيد تسعد
التخلص من كل العلاقات المليانة قيود وما مريحة احلى خطوة ممكن تعملها في حق نفسك ودي اكبر حقيقة اكتشفتها ف الحرب دي
اكتشفت انه كل البنحتاج ليه ونسة طيبة و روح طيبة وطبطبة وطول بال وبكدا بنهون على بعض قساوة الفترة دي
#على_الهامش
كُل الصباحات منذُ أن عرفتك
أصبحت شمسها تُشرق من روحي .
#الهبهاآاانةة. 💜
يخواانا مشتااقين 🥺🥺

ماف زول في الدنيا ممكن ياخد من مكانو القاعد فيه عيشة "رغيفة" وحدة زيادة على الربنا كتبها لينا
الأقدار كلها مكتبة ومسطرة من قبل ما نتولد، أقدارنا معروفة!
بتبقى بس في الأسباب والمسببات البتخلينا نخت العيشة الفي يدنا لسبب ما ونفتش عيشة تانية في مكان تاني
ايوة معاكم انو مرات الحياة خياراتها بتكون ضيقة شديد
لدرجة بنرمي نفسنا في الهلاك من حيث لا نشعر
وبنفتكر انو دي النهاية
بس و لحكمة إلهية بنلقى انو النفق الإفتكرناه مضلم هناااك في ضو في آخرو!
عشان كدة نرجع ونتذكر الآية البتقول "وعسى أن تكرهو شيئاً وهو خير لكم"
احنا ما علينا إلا نرضى بالمكتوب
لأنو سواء رضينا أو ابينا فاالمكتوب مكتوب!
ف ليه نضيع طاقتنا دي في الجرسة و ندب الحاصل والزعل؟؟
في حين ممكن نستثمرها في إننا نركز على المصيبة الحاصلة علينا و نطلع منها بأقل الأضرار و نقدر نغير الواقع المفاجئ دا أو على أقل تقدير -نتعايش معاه!
و لو فهمنا"أمر المؤمن كله خير" وآمنا بالكلام دا فعلاً،حنلقى نفسنا بنخوض كل الصعاب بكل قلب قوي
واحنا متأكدين بما لا يدع مجال للشك انو ربنا معانا و ما حيضيعنا!
وجوانا إيمان تام إنو كل شي بحصل لينا لخيير ف نفرح ونتطمن❤️
#زبيدة_الزومة
#زُبيديات

#هو_ما_لاجئ!
هو زيك ياخي متفاجئ 🙂

رسالة لأي زول بنطق كلمة "لاجئ" بلسانو 🌚🔪

احييييي انا بتزعلني وتستفزني بشكل!!!😑