#ибрат

Деди:
— Мен китоб ўқийдиган, ўзини зиёли кўрсатадиган аёлларни хушламайман!
Дедим:
— Нега?
Деди:
— Чунки у файласуф бўлади. Кўп жанжал қилади. Эрига итоат қилмайди. Оддий, ўртача билимга эга бўлган аёл яхши!
Дедим:
— Сен зиёли аёлдан  қўрқмайсан. Сен аслида зиёли аёл фош қиладиган нуқсонингдан қўрқасан!

©️ Абдулқодир Самарқандий

Хулоса: Шунинг учун, индамасдан ерга қараб турадиган дунёқараши тор эмас, керак жойда ҳаққини талаб қила оладиган зиёли аёл танланг. Зеро, қўйсифат аёлдан қўйсифат, шерсифат аёлдан шерсифат фарзанд дунёга келади!

#chopildi

🌐 Tik tok  🌐Instagram 🌐Telegram

Rivoyat qilinishicha bir kishining qo‘lidagi kitobda hadisdagi حبة سوداء "qora sedana" so‘ziga bitta nuqta qo‘shilib حية سوداء "qora ilon" bo‘lib qolgan ekan. Qora ilon davo bo‘lar ekan deb o‘ylab chaqtirib ko‘rgan ekan, natijasida vafot qilgan ekan.

Baʼzi bir ilmlar borki, kitobdan emas, ustozdan olinadi. Aks holda uni adashtirishi, hattoki o‘ldirishi ham mumkin.

Yaqinda bir meditsina talabasi shu kanalga kelib bahs emas, janjal qilib ketti.
Bahs nima, janjal nima? Bu xususida boshqa kun so‘z yuritamiz

Medik qizning iddaolari shundan iborat ediki, doktorlik vazifasi jarayonida bemalol badiiy adabiyotlarda yozilgan dorilarni qo‘llasa bo‘larmish!(Kasal bo‘mayla iltimos)
Men umuman meditsinadan yiroq insonman, kimyo fanidan H2O dan boshqa narsa bilmayman.
Lekin bilamanki, insonlarda mijoz har xil bo‘ladi va shunga qarab dori tavsiya qilishadi.
Islom dini va tibbiyot kabi ilmiy manbalar ilmiy kitoblardan o‘qilgani, ustozlar bilan o‘rganilgani maʼqul.
Badiiy adabiyot o‘z nomi bilan badiiy. Voqealar jarayonini tasvirlash uchun qo‘llaniladi xolos.
Huzur qilib o‘qiladi, tafakkur qilinadi.. Aslo manba qilib olinmaydi!

🌐 Tik tok  🌐Instagram 🌐Telegram

🍧🍧🍧🍧 oyi sarhisobi

💙«Men, buvim, Iliko va Illaryon.» Nodar Dumbadze
💙«Bonu.» Iqbol Mirzo
💙«Qo‘rqma» Javlon Jovliyev
💙«1984» Jorj Oruell
💙«Burun» Gogol

💙Sizchi iyun oyida qaysi kitoblarni o‘qidingiz?

🌐 Tik tok  🌐Instagram 🌐Telegram

​Маменькин сынок билан, онасини ҳурмат қилган йигит, бошқа бошқа...

©Папина дочка

🌐 Tik tok  🌐Instagram 🌐Telegram

LOLAQIZG'ALDOQ 💙

Shavkat Raxmon xotirasiga bag'ishlanadi.

Mendan nima qolar:
Ikki misra she'r,
Ikki sandiq kitob,
Bir uyum tuproq.
Odamlar ortimdan
Nima desa der,
Men seni o'ylayman
O'zimdan ko'proq-
Lola, lolajonim,
Lolaqizg'aloq!

Men ketsam, yomondan
Yiroq bo'l, oxu,
Chunki sen chiroyli,
Ko'rkli bir juvon.
Yomon kunlar bir kun
Yaxshi bo'lar-u,
Yomon odam yaxshi
Bo'lmas hech qachon...
Yasha chegarada
Turgandek ogoh,
Lola, lolajonim,
Lolaqizg'aldoq.

Uyda yotibman-u,
Sezib turibman,
Ko'kda ketayotir
Qushlar qaytishib.
Xayrlar yog'dirib
Qanotlaridan,
Xasta shoirga
Vido aytishib.
Bor, mening uchun ham
Ularga qo'l qoq-
Lola, lolajonim,
Lolaqizg'aldoq.

Ularni men yana
Ko'rarmanmi-a,
Ayvondan odamdek
Kuzatolmadim.
Kuz. To'ylar boshlandi.
Yuragim pora-
Bitta qizimni ham
Uzatolmadim...
Demak, taqdir ekan
To'y ko'rmay o'lmoq,
Lola, lolaginam,
Lolaqizg'aldoq

Biroq ko'nglim sezar,
Mendan keyin ham,
Bir kun bu hovliga
Odam to'ladi.
Hali to'ylar qilib
Charchaysan, erkam,
Mening qizlarim
Eng baxtli bo'ladi!
Kelinlar ko'ylagi
Ruhimday oppoq-
Lola, lolajonim,
Lolaqizg'aldoq.

Gulim, yaqinroq kel,
Qara, ne savdo,
Bu ajib ishlarni
Dil lavhiga yoz:
Kimga qasr etmas
Kimga mol-dunyo,
Meng esa HAVO
Yetmaydi, xolos.
Tiriklar mudroqda,
O'liklar uyg'oq-
Lola, lolajonim,
Lolaqizg'aldoq.

Ko'ksim kuyib borar,
Ko'krak yonmoqda,
Ayting do'xtirlarga,
Yorishsa yorsin!
Jism o'z ulfati-
Jondan tonmoqda.
Bechora jon endi
Qayerga borsin.
Endi osmon yiroq,
Endi yer yumshoq-
Lola, lolajonim,
Lolaqizg'aldoq

Buni hayot derlar,
Unutma aslo,
Bir kun ochilasan,
Bir kun so'lasan.
Qalbimda-ku faqat
Sen eding tanho,
Qabrim ustida ham
O'zing bo'lasan.
Sen bizning sevgidan
Xotira-bayroq,
Lola, lolajonim,
Lolaqizg'aldoq

Ayol qalbing bilan
Suv kech, olov kech,
G'am kelsa boshingdan
Hushing uchmasin.
Xudodan so'radim:
Mendan keyin hech,
Nomard kimsalarga
Ishing tushmasin.
Ularning qo'lida
Hamisha tuzoq,
Lola, lolajonim,
Lolaqizg'aldoq.

Ishing tushsa, inim
Muhammadga bor,
Shoirlar ichida
Ishonganim shu.
Biroz ichishini
Aytmasa agar,
Ko'ksi tiniq bola,
Halol bola u.
Faqat sal soddaroq,
Faqat sal yoshroq,
Lola, lolajonim,
Lolaqizg'aldoq

Jon so'nggi boshpana
Toparkan ongda,
U yurak ostida
Derdim men bo'lsam.
Ajablanma agar
Ertaga tongda
Seni o'pib, O'shni
Quchoqlab o'lsam!...
O'tinchim-tepamda
Yig'lama uzoq,
Lola, lolajonim,
Lolaqizg'aldoq

✍Muhammad Yusuf

🌐 Tik tok  🌐Instagram 🌐Telegram

To‘g‘ri kitob o‘qish buyuk ish. Aqlni nurlantirish ajoyib yumush. Ammo bu ish ham o‘z vaqtida bo‘lmog‘i lozim. Boshqa burchlarni qurbon qilish evaziga emas

📚Adham Sharqoviy
🩶Nabaviya tarbiya

🌐 Tik tok  🌐Instagram 🌐Telegram

Sheʼr ham kalom kabidir. Uning yaxshisi, kalomning yaxshisi kabi, yomon kalomning yomoni kabi

Rasululloh sollallohu alayhi vasallam sheʼr haqida deganlari

🤍Odoblar xazinasi

🌐 Tik tok  🌐Instagram 🌐Telegram

#Savol: Bu qayer?

📖 Pastda ...haqidagi ...kitobidan olingan parchalarni keltirdim. Bu joy qayer va parchalar qaysi asardan olingan? Siz ham bu yerda yashay olarmidingiz?

"... aholisining koʻpchiligi sohildan baliq ovlaydi - bu mahalliy terapiya usuli. Bir shifokor menga: 'Men baliq tutmayman, balki xayollarimni dengizga sochaman', – degan edi".

"Biz ko'payish orqali ularga qarshi turamiz, chunki ular bizni o'ldirishmoqda – boshqa qarshilik ko'rsatish imkonimiz yo'q."

"... Siz 2008-yilgi urushdan beri biznikiga kelgan yo to'rtinchi yoki yettinchi odamsiz. Jurnalistlar ularni to'xtata olmaydi”. Faysal bolalarga tarqalishni va derazadan tashqariga qaramaslikni buyuradi, menga esa devorlardagi o'q izlarini va oilasini himoya qilish uchun o'rnatilgan po'lat panjaralarni suratga olishga ruxsat beradi".

🔖 @kitobxoncha

Kitoblar sizni baxtsiz qiladi!

Ha, to‘g‘ri o‘qidingiz. Shu mazmundagi jumlani "Akademnashr" rahbari Sanjar akaning bir intervyusida eshitib qolgan edim. Aslida, o‘zimda va atrofdagilarda shunga o‘xshash holatni ko‘p kuzatganman, lekin bu hisni so‘z bilan qanday ifodalashni bilmay yurgandim.

Shunday asarlar bor — ularni o‘qigach, ichingizda qandaydir og‘riq paydo bo‘ladi. Avval ko‘rmagan va sezmaganingiz muammolar, illatlar va tubanliklar to‘satdan ko‘z o‘ngingizda namoyon bo‘ladi. Atrofdagi haqiqiylikni to‘siqlarsiz, boricha ko‘rish instinktingiz ishga tushadi. Tinchligini yo‘qotgan qalbda g‘azab uyg‘onadi va ba’zan bu harakatlarga ham ko‘chadi.

Anglagan "dushmaningizga" qarshi maqsad va rejalar tuza boshlaysiz, o‘zingizni o‘qqa-cho‘qqa urasiz. Biroq ba’zida qo‘lingizdan hech ish kelmasa, ko‘ra turib ojiz qolishning qanchalar alamli ekanligini butun vujudingiz bilan his etasiz. Qaysidir nuqtada ojizlikni tan olib, alam bilan "qilich-qalqon"ni tashlashga majbur bo‘lasiz.

Eng muhimi — endi avvalgi xotirjam, faqatgina maishiy va ikkilamchi ehtiyojlargina tashvishga soladigan inson emassiz. Siz evrilishga yuz tuta boshlaysiz, ammo bunday bo'lmasligi ham mumkin. Qalbi va quloqlariga muhr bosilgan, ko'zlarida esa parda borlardan bo'lib qolish naqadar ayanchli.

Kitoblar bilmaslik baxtiga intiho yasaydi.

Rus qalamkashi Nadejda Kevorkovaning "Falastin... agar o‘lishim lozim bo‘lsa" asari ham ana shunday "baxtsizlik" (aslida esa uyg‘onish) kalitlaridan biri.

Ijtimoiy tarmoqlar va yangiliklarda yillardan beri G‘azodagi vahshiyliklar haqida tinimsiz o‘qib, eshitib kelyapmiz. Ammo bu fojialarning ildizi 3, 5 yo 10 yil emas, balki undan-da uzoq o‘tmishga borib taqalishini bilasizmi?

Bizdan 3200 km uzoqlikdagi Falastin va uning mustaqil qismi hisoblangan Gʻazodagi insonlar kundalik hayoti, yeb-ichishlari, pul topish mashaqqatlari va bir necha avloddan beri davom etayotgan Isroil bilan kurashi sodda tilda, gʻazoliklar tilidan aytib berilgan. Kitob jurnalistning olgan intervyulari asosiga yozilgan. Kitobni oʻqib, g‘azoliklarning holatini ko'rasiz, his qilasiz, dronlar shovqini qulog'ingizga eshitiladi.

Afsuski, bu kitobdagi aytimlar toʻqima badiiylik emas, ayni paytda siz-u biz xotirjam/toʻq holatda shu postni telegram orqali oʻqiyotganimizda ro'y bermoqda. Ular xalqaro hamjamiyatdan (jumladan, bizdan) yordam kutishadi. Shu yerda yozishni toʻxtataman, qolganini kitobni oʻqib bilib oling.

Kitob til oʻtgatmaydi, pul topish yo muvaffaqiyat sirini koʻrsatmaydi yoki insonlar nazarga tushishingizga sabab boʻlmaydi, mazza qilib mutolaa qilmaysiz ham. Ammo baxtsizlik bera oladi...

📖 "Falastin... agar oʻlishim lozim boʻlsa" kitobini sotib olish
🎙 Kitob haqida tarjimon bilan suhbat
📍 Kitobni elektron oʻqish
🗣 Kitobning audio varianti

P.S: Yuqoridagi parchalardan gap qayer haqida borayotganini ilg‘agan "baxtsizlar" ko‘p ekanligidan xursandman. Siz kitob haqida qanday fikrdasiz?

🔖 @kitobxoncha