— Энг буюк нарса нима?
— Макон буюкдир, чунки у ҳамма нарсани ўз бағрига олади.
— Энг учқур нарса нима ?
— Ақл ҳамма нарсадан учқурдир, у ҳамма нарсадан ўзади.
— Доноларнинг доноси нима?
— Вақт, чунки у ҳамма нарсани кашф этади.
— Ҳамма учун хос бўлган умумийлик нима ?
— Умидворлик, чунки одамларда ҳеч нарса бўлмаганда ҳам у албатта бўлади.
— Энг кучли нарса нима?
— Зарурият, чунки у ҳамманинг устидан ҳукмронлик қилади.
— Нима қийин?
— Ўз-ўзингни билиш.
— Нима осон?
— Бошқаларга маслаҳат бериш.
— Ким бахтли?
— Тани-жони соғ, руҳи хотиржам ва маънавий камолотга интилувчи инсон.

👤Фалес. Грек файласуфи, эра. ав.624-547 йиллар.

👉@kitoblog👈

✍Барча янги қўшилганларга салом. Каналда мен ўзим ўқиб бораётган турли туман жанрдаги бадиий, иқтисодий, сиёсий ва психологик китоблардан парчалар, уларга тақризлар бериб бораман. Шу ташланаётган иқтибос ва парчалар ҳам айнан ўзим ўқиётган китоблардан. Бир неча китобни бир вақтда ўқийман. Асосан чет эл адабиёти ва чет тилида ўқиб бораман. Ва ўзимга қизиқ, аҳамиятли бўлган жиҳатларини каналда пост қиламан. Китобларни тугатиб умумловчи тақризлар ҳам бериб бораман.
Шунингдек, яхши китобларни ўзбекчада ёки бошқа тилда каналда улашиб тураман. Бирга эканлигингиздан мамнунман!

👉@kitoblog👈

📚Китоб ўқиётганда ухлаб қолувчилар кўп орамизда. Қуйидаги Ж.Муслимов мақола си айни шу ҳолатнинг нега юз бериши ва унга қандай курашиш ҳақида. Марҳамат.

👉@kitoblog👈

​📚Хотира ва қадрлаш куни 💐

Бундай кунда 2 жаҳон уруши ҳақида эслаш, бу уруш воқеалари ҳақида бирон асар ўқишнинг айни вақти. Қуйида Нобел мукофоти совриндори Михаил Шолоховнинг "Инсон тақдири" ҳикоясини тақдим қиламан. Бир инсон тақдири уруш оқибатида қандай ўзгариб кетиши мумкин? Асли бу фақат бир инсон эмас, ўша пайт яшаган кўплаб кишилар ҳаётига ҳам мос келади.

👉@kitoblog👈

​🧩​​Барнум Эффекти

Сиз бошқалар сизни яхши қадрлашига муҳтожсиз. Сиздан ҳайратда қолишларини хоҳлайсиз. Ўзингизга талабчансиз. Сизда ҳали ошкор бўлмаган кўплаб яширин имкониятларингиз бор ва потенциалингизни тўлиқ ишга солмагансиз. Заиф жиҳатларингиз бўлсада, уларни бартараф этиш қўлингиздан келади. Ташқаридан тартибли ва ўзига ишонган кўринсангизда, ичингизда ҳавотир ва ишончсизликни ҳис қиласиз. Баъзан шу ишни тўғри қилдимми деган, шубхалар гирдобида қоласиз. Сизни чегаралашларига чидай олмайсиз ва бошқалардан мустақил фикрлашингиз билан фахрланасиз. Ҳаётдаги мақсадларингиздан бир - доимий барқарорликка эришиш.

Бироз тўхтаб шу таърифлар сизга мосми ўйланг ва 5 балли тизимда баҳоланг.

Бу таърифларни Бертрам Форер ўз талабаларига уларнинг шахсини очиб берувчи психологик тестнинг жавоби сифатида берган. Лекин у бу гапларни ҳеч қандай психологик тестдан эмас, оддий мунажжимоар башоратидан умумлаштириб олган эди. Ва ҳаммага шу битта тестни уларнинг ҳар бирига хос таъриф сифатида берган. Сўнгра 5 баллик тизимда бу таърифлар уларга мос келишини баҳолашни сўраган.

Ўртача натижа - 4,26 эди!

Албатта натижага профессорнинг авторитети ҳам таъсир ўтказган. Кейинроқ бу эксперимент юзлаб марта ўтказилган.

Айни шу ҳолат - Барнум эффекти дейилади. Одамлар уларнинг ўзига индивидуал ҳос деб айтилган, аммо аслида кўпчиликка ҳос бўлган умумий ва мавҳум қарашларни, башоратларни тўғри деб ҳисоблаб, юқори баҳо беришади. Эффект ўзининг психологик манипуляциялари билан машхур бўлган америкалик шоумен Финеас Барнум шарафига номланган.

Эффектга таъсир этувчи омиллар:

1. Одам(субъект) таъриф айнан унга тегишлилигига ишонади.
2. Характеристикадаги ноаниқ, мужмал фикрлар ҳаммага мос тушаверади.
3. Одам характеристикани берган одам(сайт, китоб) авторитетига ишонади.
4. Таърифда позитив ҳусусиятлар кўпроқ бўлади.

Турли психологик тестлар, мунажжимлар башорати, хиромантия ва бошқа псевдофанларнинг машхурлиги ҳам эффектнинг кенг тарқалганини билдиради.

Сиз эса навбатдаги психологик тест орқали қайсидир эшикни танлаётганда, ўйлаб кўринг, балки барча эшиклар ўхшашдир?

👉@kitoblog👈

📚Шунингдек, ўз даврининг энг буюк қироллари ҳам, энг золим бошқарувчилар ҳам омма тасаввурини ўзининг асосий кучи сифати ишлатганлар ва омма тасаввурига зид йўлдан бормаганлар.

Наполеон айтади:
«Христиан бўлиш орқали консулликни эгалладим, мусулмон бўлиш орқали Мисрга кириб бордим, Италиялик роҳибларни устидан ғалаба қозониш учун уларнинг эътиқодига ўтдим. Агарда яҳудий миллатини бошқаришимга тўғри келганида, пайғамбар Сулаймоннинг ибодатхонасини қайта қурган бўлар эдим.»

👤Александр ва Цезардан кейин ҳеч ким Наполеончалик оммага таъсир қила олмаган эди. У доим ишларини олдиндан ўйлаб оларди. У барча зафарларини, барча нутқ ва ҳаракатларини ўйлаб амалга оширарди.

✍Густав Лебон-Омма психологияси

👉@kitoblog👈

📚Китобни нега ўқиймиз? Бу фикр исталган китобхон айниқса бадий китоб ўқимайдиганларга қизиқ туюлади. Китоб ўқишдан фойда борми, ҳудди китобдан бир катта фойда бордек, ана интернетдан маълумотлар кўриб олса бўлади-ку.. қабилидаги гаплар кўп янграйди.

Аслида-чи.. Биринчидан, китобларга, бадий адабиётга қизиқиши йўқ одам ҳеч қачон бошқалар нега китоб ўқишини тушунолмайди. Чуни бундан мақсад, фойда бўлиш керак деб ҳисоблайди. Лекин китобхон учун китоб шунчаки кўнгилёзиш, хобби ҳолатида бўлади. Нега баъзилар кино, сериалларни ёқтиради, кўчада сайр қилгиси келади? Улар ҳам фойда кўзламайди, шундан кўнгли кўтарилади, бундан завқ олади. Китобхон учун китоб ўқиш ҳам шундай.

Иккинчи масала, албатта китоблар ўқишдан ҳам барибир демак фойда йўқ эканда, деб ўйласангиз ҳам янглишасиз. Бир масал бор, одам бир нечта ҳурмо егач, унинг танасида дарров ўзгариш сезмайди, аммо бу ҳурмо уни танасига қувват бермади, фойда бермади, дегани эмас. Ҳурмо танага сингди-ку.

Умуман бадий китоб одамга ўзини унутишга, одатий турмуш ташвишларини эсдан чиқаришга ҳам ёрдам беради. Буни кимдир китоб, кимдир мусиқа, кимдир кинолар билан амалга оширади. Аммо мақсад ўша реал ҳаётдан чалғиб, ўзга ҳаётга бир назар солиш.

П.С. Юқоридаги фикрлар асосан бадий алабиёт ҳақида. Илмий, илмий оммабоп адабиётдан киши албатта аниқ фойда ҳам кўради. Билим учун ҳам ўқийди

👉@kitoblog👈

📚Никколо Макиавеллининг номини абадийлаштирган шоҳ асари «Давлатпаноҳ»(Шаҳзода, Принц) бўлди. Европа ижтимоий-фалсафий ва сиёсий тафаккури тарихида илк бор марказлашган қудратли давлат ғоясини асослаб бергани учун
мазкур асар мутафаккир вафотидан кейинги уч аср мобайнида бутун Европани ҳайратга содди. 1559 йилда Рим папаси ҳокимияти томонидан «Давлатпаноҳ» асари «Таъқиқ этилган китоблар индексига» киритилишига қарамасдан тез орада унлаб халқлар мутафаккир мулоҳазалари билан танишишга мушарраф бўлдилар.

🏛Манфаат ва худбинликнинг ўзаро алоқадорлиги ҳақида фикр юритган муаллиф худбинлик инсон табиатида мустаҳкам ўрнашиб олган, деган хулосага келади. Табиатан худбин бўлган кишиларнинг биргаликда
яшашларини таъминлаш учун уларни ягона қудратли марказлашган давлат байроғи остида бирлаштирмоқ зарур, деб ҳисоблайди. Бунинг учун эса энг олий қудрат — давлат муассасаларини таъсис этмоқ, унинг ҳокимиятини мутлақлаштирмоқ, уни бошқаришни энг муносиб зот қўлига топширмоқ зарур. Шу тариқа илк бора Европа фалсафий тафаккури тарихида эски ақидаларидан озод, мантиқ кучига асосланган давлат ҳақидаги таълимот шакллана бошлади.

📚Ғарб фалсафаси китобидан

👉@kitoblog👈

💁‍♂Мотивация нега бефойда?

Турли мотивацион тренинг ва курслар нега доим ҳам фойда бермайди? Инсон мақсадга етишиши учун мотивация бўлмаса нима талаб қилинади? Қуйидаги мақолада шулар ҳақида ўтган йили ёзгандим. Марҳамат ўқиб кўринг

👉@kitoblog👈

📚Каналда бир-неча марта Густав Лебоннинг «Омма психологияси» китоби ҳақида ёзгандим. Иқтибослар, иқтибос2, парчалар Ботга жуда кўпчилик китоб қачон чиқишини сўраб ёзганди.

Ниҳоят китоб электрон ҳолда сотувга чиқди. Китобни Asaxiybooks дастуридан электрон кўринишда юклаб олишингиз мумкин. Asaxiybooksni esa Playmarket дан юклаб оласиз.
Китоб карантиндан сўнг нашриётдан чиқади.

Китоб оммада ғоялар қандай шаклланиши, уни бошқариш ва манипуляция қилиш борасидаги қимматли маълумотларга эга. Юклаб олинг ва ўқиб албатта фикрларни менга жўнатинг, китоб ҳақида гаплашамиз.

👉@kitoblog👈

📌Минимализм, оддий ҳаётга интилиш афзалми? Инсон табиати ва хоҳишларидаги зиддият ҳақида психолог Карл Юнг нима деган. Сўнгги русумдаги маҳсулотларга ўчлигимиз ҳақида қуйидаги постда ёздим.

👉@kitoblog👈

📚Достоевский ҳақида..

Мен ёшлигимда Достоевскийни тинмай ўқирдим. Кейин шундай фикрга келдим, у тасвирлаган дунё, одамлар ҳақиқий эмас. Унинг психологияси сунъий. Атрофимиздаги одамлар ўзларини уни асарларидагидек тутмайди.

Уни устига унинг қахрамонлари орасида жуда кўп носоғлом "токсик" одамалар, енергия сўрувчилар учрайди. Бундай риҳиятни ёритиб муаллиф ўзидаги юкни енгиллатган, аммо бундан ўқувчига оғир бўлади. Китобхон унинг персонажлари мотивларини тушунишга уриниб қийналиб кетади. Аслида эса буни тушуниш шарт эмас. Достоевкийнинг ютуғи у одамлар қанчалик иррационал бўлиши мумкинлигини кўрсатиб берганида.

(с)

Сиз Достоевскийни ўқиганмисиз?Унинг қаҳрамонларнинг азоблари, зиддиятларини тасвирлашини тўғри деб баҳолайсизми? Шундай ўйловчи қаҳрамонлар ҳаётда ҳам учрайдими? Умуман Достоевский ҳақида қандай фикрласиз?

👉@kitoblog👈

— Билсанг Тошмат, сени ёшингда Македонский дунёнинг ярмини эгаллаган?! Сени юришингни қара.
— Устоз, энди уни мураббийи Арасту эди-да.

👉@kitoblog👈

​📚​​Машхур оилавий психолог , юрист ва ёзувчи Михаил Лобковский ўзининг "Хочу и буду" китоби билан танилган. Қуйида унинг инсонлар ўртасидаги муносабатлар ва оилавий масалалар бўйича фикрлари:

📌 Невротик(асабий) ва соғлом одам ўртасидаги фарқ шундаки, соғлом одам реал воқеалардан азоб чекади. Невротик эса ўзи ўйлаб топган воқеалардан. Aгар унга бу азоб ҳам етмаса у Кафка, Достоевский ва спиртли ичимликларни ҳам жалб қилиб азобини оширади.

📌 Aёллар ўз захарини сочиши сабаби, эркаклар ўзини ёмон тутишидан эмас, шунчаки аёлда невроз бўлса, уни чиқариши лозим. Бунинг учун эса аёлга маълум бир одам ва муносабат керак.

📌 Aгар одамга бошқа бир одам бутун дунёга тенг бўлса, демак ўша одамнинг ўз дунёси умуман йўқ.

📌 Битта одам билан бахтли ҳаёт, муносабатлар ва никоҳ бўлишининг кафолати - бу ўша одам билан муроса ва кечириш билан яшашда эмас. Aгар одамда стабил психика бўлса у албатта бир киши билан бахтли ҳаёт кечира олади.

📌 Соғлом одамлар ўзлари билан яхши муносабат ўрнатади, невротиклар эса ўз зарарига ишловчи бошқалар билан муносабатни ўрнатиб олишади.

📌 Ёлғизлик бу бошқаларга севгининг йўқлиги эмас, балки одамнинг ўзига қизиқиши йўқлиги, айниқса болаликдан бошлаб.

👉@kitoblog👈

🌟 Салом, одатда турли Топ китоблар рўхатини қилишни ётирмасамда, канал учун ўзим ўқиган, ўзимга таъсир ўтказган бадиий китоблар ТОП-10 лигини тузишга ҳаракат қилдим. Бу рўйҳат доимий эмас, ундаги китоблар вақти келиб ўзгариши мумкин. Аммо ҳозирча шулар. Баҳо беринг:

1. Албер Камю — Бегона, Сизиф ҳақида афсона.
2. Оскар Уайльд — Дориан Грей портрети.
3. Михаил Булгаков — Уста ва Марагрита.
4. Бернар Вербер барча китоблари(айниқса Танотанавтлар, Фаришталар империяси ва Оталаримизнинг оталари асарлари)
5. Жалолиддин Румий — Ичиндаги ичиндадир.
6. Дэниел Киз —Элжернонга аталган гуллар.
7. Джордж Оруелл—Молхона, 1984.
8. Абдулла Орипов шеърлари.
9. Лев Толстой — Иқрорнома, Сергий ота
10. Исажон Султон — Боқий дарбадар, Озод.

🔹Булар бадиий китоблар. Вақтида шу китобларни ўқиб, бир неча кун таъсирида юрганман. Илмий-оммабоп китобларнинг бари мақул, уларни алоҳида рўйҳат қилиш керак бўлади. Сиздачи, топ китолар рўйҳати борми? Изоҳларда ўртоқлашинг?

👉@kitoblog👈

​💬Маданиятнинг ривожланиши кишининг ҳайвоний инстинктларини бостириб, четлаштира бошлайди. Кишининг аҳлоқий ва табиий(инстинктив) томонлари ўзаро курашга тушиб кетади. Бу ҳудди ёввойи жониворни хонакилаштиришга ўхшайди, жонивор тинмай озодликка интилади. Бу икки жиҳат мувозанатда ушланмаса кишида асабийлик, невроз юзага келади.

Нафақат инстинктлар балки янги ғоялар ва фикрлар ҳам ҳудди шундай маданият, атрофдаги жамият таъсирида баъзан ташқарига чиқмай қолади. Невроз кишининг ўз ўзи билан юз берадиган низосидир. Кўпинча кишининг онгли тафаккури аҳлоқий идеалига интилиб турсада, онгсиз, ҳайвоний истаклари аморал, аҳлоқсиз идеалга интилади. Баъзан бунинг тескариси ҳам юз беради. Ўта тартибсиз, аҳлоқсиз киши ҳам ташқаридан ҳотиржам кўринсада уни ич ичидан онгсизликка сингиб кетган аҳлоқий чекловлар қийнаб тураверади.

Карл Юнг

👉@kitoblog👈

📚Омма олдига бутун мақсадлар қўйиш керак, уларнинг тафсилотига ҳожат йўқ.

Дейлик, юзлаб жиноятларнинг талафоти биргина улкан жиноятникидан кўпроқ бўлиши мумкин. Бироқ юзлаб майда жиноятлардан кўра битта каттароқ жиноят омма тасаввурига кучлироқ таъсир ўтказади.

Бир неча йил олдин Парижда юзага чиққан эпидемия беш мингга яқин инсон ўлимига сабабчи бўлди, бироқ халқда ҳеч қандай таассурот қолдиролмади. Бунга сабаб, воқелик бир бутун сифатида кўрилмай, ўлим сони тўғрисидаги статистика ҳафталик газеталарда бериб борилганида эди. Бироқ, айни ўша пайтда беш минг эмас, балки беш юз кишини ўлимига сабаб бўладиган бирон ҳодиса яхлит воқелик сифатида рўй берганида, дейлик Эйфел минораси йиқилиб тушганида, бу воқеа оломон тасаввурига жиддий таъсир кўрсатган бўларди. Бошқа бир мисол: янгиликларда Атлантик кемаси хавф остида эканлиги эълон қилинади. Бу хабар оммага таъсир этади ва омма бир ҳафта давомида хавотирда юради. Бироқ расмий манбалар 1894-йилнинг ўзида 850та юк кемалари ва 203та оддий кемалар йўқолгани тўғрисида хабар беришганда, ҳеч ким парвойига ҳам илмайди.

Омма ҳеч қачон давомий йўқотишларга хавотир билан қарамаган, унинг эътиборини Атлантик кемасининг хавф остида қолишига ўхшаган яхлитвоқеликлар жалб қила олади.

Омма тасаввурига таъсир ўтказадиган нарса маълумотнинг ўзи эмас, балки уни етказиш услубидир. Уларга маълумотни ғайриоддий йўлда етказиш керак, токи уларнинг мияси буни оддий шаклда қабул қила олмасин. Оммада таассурот уйғотиш санъатини эгаллаш бир пайтнинг ўзида оммани бошқариш санъатини эгаллашдир.

📒Г. Лебон — Омма психологияси

👉@kitoblog👈

📚Гедонизм асосчиси — Эпикур

Бугун Эпикур фалсафаси билан танишамиз.. Эпикурнинг ахлоқий таълимоти ўз замонасига нисбатан прогрессив аҳамиятга эга бўлган. Унинг фикрича, роҳат-фароғат, хурсандчилик инсон бахтининг аввали ва охиридир. Батафсил

👉@kitoblog👈

​📗 Финляндиянинг 100 та ижтимоий инновацияси.
Финляндия қандай қилиб Финляндия бўлди: сиёсий,
ижтимоий ва маиший инновациялар.

📒Ажойиб китобнинг электрон варианти чиқибди.Марҳамат ўқиб кўринг.


📖 Бир вақтлар Финляндия, ЮНИСЕФнинг ёрдамини олган илк мамлакат бўлган. Унга гуллаб-яшнаётган давлат бўлишга нима имкон берди? Гуллаб-яшнаш сирлари маҳаллий ўзини-ўзи бошқариш ва солиқ қонунчилиги, университетгача бўлган бепул таълим, эркак ва аёлларнинг тенг ҳуқуқлилиги, 100 000 та кучли жамоат ташкилотлари, ҳамжихатлилик жамияти, коалиция ҳукуматлари, қарорларнинг давлат, касаба уюшмалари ҳаракати ва иш берувчилар томонидан биргаликда қабул қилинишидан иборатдир. Финляндияда фуқаролар амалдорлар, полиция, яқин атрофдаги мактаб ва қўшниларга ишонишади.
Финляндияда бир-бирига ёрдам бериш ҳалигача ҳам одат тусидадир.

⤵️Қуйида китобнинг ўзбекча варианти

👉@kitoblog👈