​🌟​​Инсонлар барибир ўзгаришади. Ва уларни афсуски дард ўзгартиради. Хиёнат, ёлғон ва хафсаланинг пир бўлиши - мана шулар биргаликда дилкаш, очиқкўнгил инсонни ҳам, ёпиқ, одамови одамга айлантириб қўяди. Ғайратли, жўшқин одамни ҳам ўтакетган сурбет, ҳиссиз одамга айлантириб қўяди.

Йўқ бу одамда ҳам юрак бор, фақат у қалин ҳимоя зирҳига ўрала бошлаган. Унда бошқаларга ишонч сўнмаган, шунчаки у ўз қалбига ҳаммани ҳам яқин ололмайди,ўзига хос филтр жуда камчиликни қабул қилади.Фақат танланганларнигина юрак қабул қилади. Мени фикримча совуққон, лоқайд, бошқаларни севолмайдиган инсонлар бўлмайди. Шунчаки уларга қачондир қаттиқ азоб беришган. Уларнинг юлдузини кимлардир сўндирган.

Aлина Ермолаева

👉@kitoblog👈

📚Исажон Султоннинг "Боқий дарбадар" асари ҳақида

Бу замонавий ёзувчимиз кўплаб халқаро мукофотлар соҳиби ва асарлари тармоқларда анча тилга тушган. Бу эса муаллифнинг энг машҳур асари

Aсарда гарчи турли ривоят ва воқеалар қоришиқ бўлсада умумий сюжет бор.Олимлар барча шароитларда яшовчи, абадий бир гибрид клон мавжудотни яратади. У эса илмий марказдан ўзлигини, ҳақни топиш учун қочиб дарбадарликка маҳкум бўлади.Тажрибани бошлаган олимни ва илмий марказни эса қум бўрони ер юзидан супуриб кетади.Гўё Содом ва Гоморра ёки Aтлантидани йўқолишидек, ҳудди. Ҳўш бу мавжудотнинг тақдири-чи? Буни асарни ўқиб билиш мумкин.

Aммо роман деб айтилган бу қисқа асарда воқелик бундан кўп турли ривоятлар ва инсон ҳақни топиш йўли илинжидаги узиндан узун монологлар мавжуд. Монологлар назаримда янги китобхонлар учун қизиқ бўлиши керак,аммо тасаввуфга оид бошқа адабиётларда бу гапларни кўп учратиш мумкин.Шунга қарамай асарда яхши нақл, ҳикматлар ҳам мавжуд.

Aслида ҳақни топиш йўлидаги ҳар қандай дарбадарликка мен қўшилмайман, ҳаётни мураккаблаштириш шарт эмас.Чунки бу каби изланиш олиб боргунча яшашни унутиб, ҳаёт мазмунини йўқотиб қўйишимиз мумкин.Умуман роман ўқишга арзийди. Замонавий ўзбек адабиётидаги ўзгача йўналишдаги асар.

👉@kitoblog👈

Кўпчилик Телеграф форматини белгилабди. Назаримда ҳам жуда узун матнлар учун шу қулай. Юқорида ҳам кўп тақризлар шунда ёзилган. Қисқароқ постларни албатта оддий хабар кўринишида ёзаман. Бугун битта бадиий асарга шундай узун тақриз бўлади😎.

Ҳозир ўқишим керак деб режа қилган китобларим анчагина. Қайсидан бошлаб, қайсини тугатишни билмайди одам. Бари сиёсий, психологик ва иқтисодий адабиётлар. Илгари эса қайси китобни ўқисам экан, деб кўп ўйланардим. Аслида режада китоблар бўлиши яхши, бу ортиқча оворагарчиликни олдини олади.

Сиз ҳам ўзингиз қизиқтирган соҳа ва йўналишдаги энг яхши китобларни топиб, рўйҳат қилиб қўйинг. Шунда қийналмайсиз, интернетдан шундай рўйҳатларни қидириб, сақлаб қўйинг. Мароқли мутолаа! 🙂

​📚Агар дам олиш кунлари қандай китоб ўқисам экан, деб юрган бўлсангиз, қуйида бир ҳикоялар тўпламини тақдим қиламан. Жек Лондон, Ремарк, Нодар Думбадзе, Мопассан ва бошқаларнинг турли ажойиб ҳикоялари жамланган. Марҳамат ёқимли мутолаа. Мутолаа орқали мароқ билан дам олинг!

👉@kitoblog👈

📚🧩 Кастанеда.. Коэльо. Алкимёгар муаллифи сизга таниш албатта. Хўш уни нега кўп танқид қилишади? Унинг файласуф, эзотерик Кастанеда билан алоқаси қандай? Коэльонинг "Алиф" асари нима ҳақида. Барчасини қуйида ўқишингиз мумкин. ⤵️

👉@kitoblog👈

📚Ҳозирда фаластинликлар телефон қилишадими, Фейсбукда пост қолдиришадими ёки бирон жойга саёҳат қилишадими, буларнинг бари Исроил микрофонлари, камера, дрон ё жосуслик дастурлари ёрдамида кузатиб борилади. Бу орқали йиғилган маълумотлар Йирик Маълумотлар алгоритми(Big Data) ёрдамида таҳлил қилинади. Бу Исроил хавфсизлик тизимига потенциал таҳдидларни тез фурсатда, ортиқча уринишларсиз бартараф этишга имкон беради.

🧩Фаластинликлар ерга эгалик қилиши мумкин, аммо осмон, кибертехнологиялар Исроил армияси қўлида. Шу технологиялар эвазига бир неча Исроил аскарлари 2,5 млн фаластинликлар ҳаракатларини кузатиб бориш имконига эга.

2017 трагикомедик воқеа содир бўлган. Фаластинлик ишчи ўз иш жойига келиб булдозер ёнида расмга тушиб Фейсбукдаги шахсий саҳифасига қўйган. Расм остига эса "Хайрли тонг!" дея ёзиб қўйган. Автоматик алгоритм арабча харфларни ўқишда кичик хатоликка йўл қўйиб, "Уларни ўлдиринг!" деган сўзларга ўгириб юборади. Исроил хавфсизлик хизмати ишчи булдозерда одамларни босиб юбормоқчи деб ўйлаб, дарҳол қўлга олган. Фақат алгоритм хато қилгани аниқланганидан кейингина уни қўйиб юборишган.

“21-аср учун 21 сабоқ” Ювал Ной Ҳарари.

👉@kitoblog👈

​📚Ж.Румий - “Ичиндаги ичиндадир”

📍Инсоннинг уч ҳоли мавжуд.

Биринчиси: У Оллоҳнинг атрофида парвона бўлмайди. Хотин, эркак, бола-чақа, мол-дунёга ва тошу тупроқдан бўлган (нарсаларга) хизмат қилади, уларга топинади.

Иккинчиси: Инсонда билим ва маърифат ҳосил бўлади-да, Оллоҳдан бошқага сиғинмайди.

Учинчиси: Инсон иккинчи ҳол
да яна-да илгарилайди ва сукут сақлайди. На Оллоҳ хизматини қилаётганини ва на қилмаётганини тасдиқлайди. У ҳар икки мартабанинг ҳам ташқарисига чиққан ҳисобланади. Ундан бу дунёда бирон сас эшитиш — имконсиз. Унинг учун Оллоҳ на ҳозирдир ва на ғойиб, балки буларнинг ҳар иккаласини ҳам Яратгандир.

👉@kitoblog👈

​📚"Атиргулнинг тикони" ҳикоялар тўпламига кўзим тушиб қолди.

Жаҳон адабиётининг энг ёрқин вакиллари асарлари жамланган экан. Ўқинг ҳеч ҳам афсусланмайсиз. Ўзим Бурун, Девор, Ҳелладосни ўқиб чиққандим. Энди қолганларига ўтаман.

🧾Китобдаги ҳикоялар:

1. Оноре де БАЛЬЗАК-Ғойиб бўлган дурдона
2. Николай ГОГОЛЬ-Бурун
3. Ясунари КАВАБАТА-Ойнадаги ой
4. Жан-Поль САРТР-Девор
5. Дино БУЦЦАТИ-Тақиқ
6. Макс ФРИШ-Бир ҳалокат ҳисоботи
7. Нодар ДУМБАДЗЕ-Hellados
8. Габриэль Гарсиа МАРКЕС-Атиргулнинг тикони
9. Фозил ИСКАНДАР-Қўшюрак
10. Валентин РАСПУТИН-Француз тили сабоқлари.
11. Стефан ЦВЕЙГ-Бир умрнинг заволи

💬Ёқимли мутолаа! Агар бу асарларни ўқиган бўлсангиз фикрингизни изоҳларда қолдиринг.

👉@kitoblog👈

📚Жаҳон адабиётининг энг ёрқин вакиллари асарлари жамланган.

👉@kitoblog👈

​💬Ғолиб-армия дастлаб ғалабага ишонч ҳосил қилиб кейин жангга киради, мағлуб эса дастлаб жангга кириб кейин ғалабага умид қилади.

📚Сунь Цзы - "Искусство войны"

✏️ Ҳарбий стратегия ва сиёсатга бағишланган энг машҳур трактат.Бу китобдан ҳалигача АҚШ армияси, денгиз кучларида фойдаланилади. Нафақат ҳарбий,балки сиёсий ва бизнес соҳалари учун ҳам ўта қимматли тавсияларга эга асар. Ўқишни бошладим..

👉@kitoblog👈

📚Китобни тез ўқишни қандай ўрганиш мумкин?

Яхши китоблар кўп. Йўқ, унақа эмас. Жудаям кўп. Ҳаттоки ҳафтасига биттадан китоб ўқиганингизда ҳам барча яхши китобларни ўқиб чиқишга улгурмайсиз. Шунинг учун ҳам китобни тез ўқишни ўрганиб олиш фойдадан холи бўлмайди.

📒Принстон университети ўқитувчиси Эбби Маркс-Билнинг “10 кун ичида китобни тез ўқишни ўрганиш” китобида тез ўқишни ўрганиш борасида амалий маслаҳатлар берилган.

📍Ўқиш ва ахборотни эслаб қолиш учун муҳим шартлар

Маркс-Билнинг айтишича, ўқилган маълумот қисқа муддатли хотирага тушади ва бир неча кун давомида сақланиб туради.

Агар киши ўқиётган ахборотининг маъносини тушунса у яхшироқ эсда қолади. Сарлавҳалар, изоҳларни ўтказиб юбормаслик керак – улар гап нима ҳақида эканлиги борасида яхшироқ тушунча беради.

🚫Халақит берадиган хатолар

Китоб ўқиш ҳам худди малака сингари доимо ошиб боради. Афсуски, биз мактабни битиришимиз билан китоб ўқимай қўямиз. Аслида эса тез-тез китоб ўқиш фойдали.

❗️Маркс-Бил тез ўқишга халақит берадиган учта хатони келтириб ўтади:
🔻Матнни овоз чиқариб ўқиш.
🔻Китоб ўқиётганда бошқа нарсаларга чалғиш.
🔻Ўқиб бўлинган сатрни қайтадан ўқиш.

🟢Биринчи хатодан қутулиш осон: овоз чиқариб ўқишни бас қилиш керак.
🟢Бошқа нарсаларга чалғимаслик учун эса смартфон, телевизор ва шу каби чалғитувчи нарсалардан узоқроқда бўлиш керак.
🟢Ўқиб бўлинган матнни қайтадан ўқиб юбормаслик учун эса ўқиб бўлинган сатрни чизғич билан тўсиб ўқишда давом этиш керак. 

Тез ўқиш усули

Кейинги сатрга ўтаётганингизда кўзингизни сатр бошига эмас, бир сантиметр ўнгга қаратинг. Сатр охирида ҳам сўнгги сантиметрга кўз ташламанг.

Сизга худди ҳар бир сатрнинг боши ва охири кўринмаётгандек туюлади. Лекин аслида сиз уларни ўқий оласиз. Натижада ҳар бир сатрда нигоҳнинг тўхташ ҳолати камаяди.

♾Танаффуслар

Китобда шунингдек, мутолаа учун энг оптимал вақт 20 дақиқа эканлиги айтилади. Тадқиқотларда аниқланишича, 20 дақиқадан сўнг мия ахборотни қабул қилиши қийинлашади. Лекин бу фикрга кимдир қўшилмаслиги ҳам мумкин. Чунки айрим китобларни ўқишни тўхтатиш учун 20 дақиқа ҳам кифоя қилса, айрим китобларни соатлаб ўқисангиз ҳам қўлингиздан қўйгингиз келмайди.

👉@kitoblog👈

​📚Иккиёқлама тушунарсизлик.

Кўпчиликка тушунарли ва зийрак ёзувчиларнинг фожеаси шундаки, уларни жуда юзаки ҳисоблашади ва чуқур ўрганишмайди.
Аксинча тушунарсиз, мавҳум ёзувчиларнинг омади шундаки, ўқувчи уни тушунишга тинимсиз ҳаракат қилади ва ўқувчининг ўз тиришқоқлиги унга қувонч бағишлаб, ёзувчини яхши дея ҳисоблай бошлайди.

Ницше - "Человеческое, слишком человеческое".

👉@kitoblog👈

📚Эрик Берн ва унинг ҳаёт сценарийлари.

Эрик Берн 20-асрнинг энг машҳур психологларидан бўлиб Фрейд психоанализидан келиб чиқиб, ўзининг янги назарияларини ишлаб чиққан. Асли шифокор-терапевт оиласида туғилган Берн, 2-жаҳон урушида армия психиатри бўлиб ишлаган. Психоаналитикада психиатр ўрни минимум даражага етади, аммо Берн мижоз тузалишида психиатр ўрни юқорироқ бўлиши керак деб ҳисоблаган. У психиатрия ва даволашда қийин илмий терминлардан эмас, аксинча содда, кўпчиликка тушунарли сўзлардан фойдаланишни афзал билган.

У ўзининг "Одамлар ўйнайдиган ўйин" номли асари орқали катта машҳурликка эришган. Бу китоб ўз вақтида Европа давлатларида оддий одамларни ҳам психологияга қизиқишига ва шуғулланишига сабаб бўлган. Шу китобида у психикага оид “Ота-она - Етук одам - Бола” учлигига асос солган. Шунингдек, у ўзининг транзакцион таҳлили, “ҳаёт сценарийлар” ва “психологик ўйинлар” тушунчалари билан ҳам машҳур.

“Ҳаёт сценарийлари” ни кўриб чиқишдан олдин транзакцион таҳлилга тўхталиш керак. Психологиянинг бу йўналишига кўра одамнинг маълум бир ҳолатлари индивид ҳулқи учун жавобгар бўлади. Бу ҳолатларни одам ўз транзакциялари - ижтимоий алоқаларида ишлатади. Одамлар бошқа одамлар билан муносабатда ўзини уч ҳолатда: ота-она, етук одам ва бола ҳолатларида тутади. Умуман одам ҳаёти давомида шу ҳолатларнинг бирида бўлади. Одам дақиқасига керак бўлса ўз ҳолатини "ота-она" дан, "болага" ундан "етук одамга" ўзгартириши мумкин. Масалан: бошлиқ ходимларни ота-онадек тергаши мумкин. Кейин эса дарров бола кўринишига кириб, уларда хафа бўлиб олиши мумкин.

Давоми бор..Давоми бор..Давоми бор..

👉@kitoblog👈

🌟 Бир неча фикрлар

1. Кўпчилик каналда ёзилган китобларни ўзбекчасини сўраб кўради. Афсуски мен ўқиётган китобларнинг кўпи ўзбекчада йўқ. Борларини юклаб кетяпман, аммо бошқаларни ўша ўқиётган тилимда юклашга ҳаракат қиламан. Ўзи ўзбекча китоблар кўп эмас менда. Ўзи мақсад ҳам ҳали ўзбекчага таржима қилинмаган асарларни танитиш ва бошқаларга ўқишга мотив бериш.

2. Хориж адабиётларини ўқиш учун чет тилларини билган маъқул. Кўпчилик тил ўрганиш бўйича тавсиялар сўрамоқда. Ўз тажрибам билан ўртоқлашаман албатта, тез орада

3. Каналда бошқа фойдали иқтисодий, психологик ва жамият ҳаётига оид фойлали мақолалар билан ҳам улашиб турмоқчиман. Бугун короновирусдан кейинги дунё бўйича бир неча мақолаларни таржима қилишга ҳаракат қиламан. Кейин ўзбекча турли манбалардаги шундай йирик таҳлилий мақолаларни ҳам қулай, Телеграф форматда тақдим қилмоқчиман.

4. Бу каби фойдали мақолалар, муҳокамалар кўп бўлиши учун, каналга ҳам ўзингиз билган одамларни таклиф қилинг. Айниқса ўз гурухи, канали бор одамлар ўз каналларида тавсия қилсалар нур устига аъло нур бўларди.

🧩 Барчага мароқли кун тилайман! Шу постни улашиб канал аъзолари кўпайишида ҳисса қўшасиз деган умиддаман🙂

👉@kitoblog👈

📚Эрик Берн ва унинг ҳаёт сценарийлари - 2
Боши

Берн фикрича ҳар бир одамда шу учта "Мен" ҳолати мавжуд бўлади. Ва одам атрофдагилар билан шу 3 ҳолатлардан бири ёрдамида алоқа қилади. Демак бу ҳолатларни батафсил кўриб чиқамиз:

Ота-она - бу ҳолат биз болаликда ота-онамиздан ва бошқа авторитет одамлардан фикрлаш, тажриба ва ҳулқларни ўзлаштришимиздан келиб чиқади. Қачонки, бировга иш буюраётган, маслаҳат ёки танбеҳ бераётган бўлсангиз билинки сиз ота-она ҳолатидасиз. Одатда бу ҳолатда сиз бошқаларни назорат қилувчи ёки уларга ғамҳўрга айлансиз. Бу ҳолат сизнинг ҳулқингизга энг катта таъсир ўтказади. Агар сизда юқоридагилар кўп учраса ва "Мумкин", "Шарт", "Еслаб қол", "Мумкин эмас", "Бечора", "Нега" каби сўзларни кўп ишлатсангиз, демак сизда ота-она ҳолати устун.

Қачонки бу ҳолат одамда умуман учрамаса, унда бу одам аҳлоқ қоидалари ва жамият қоидаларига бўйсинмас одамга айланади.

Бола - ҳолати биз болаликдаги ҳиссиётларни яна ҳис келгимиз келади ва ўзимизни ёш боладек боладек тутамиз. Бунда сизда инфантилизим, эгоизм ва бошқаларга бўйсиниш устун бўлади. Бировдан хафа бўлиш, мириқиб ҳурсандчилик қилиш, турли эмоциядарнинг устун бўлиши сизни бола ҳолатига тушганингизни билдиради. "Бола" ларга "Хоҳлайман", "Қўрқаман", "Ёмон кўраман" ва "Менга нима" каби жумлаларни ишлатиш ҳос.

Бу ҳолат ҳаддан зиёд доминант бўлиши кейинчалик кишини оддий омадсизликдан ҳам қаттиқ тушкунликка тушиб қолишига сабаб бўлиши мумкин.

Етук одам - бу кишининг соғлом фикрлаб, мавжуд вазиятни аниқлаш ва бошқаларга адекват муносабатга киришишида юзага чиқади. Бирон муаммони бафуржа ортиқча ҳиссиётга берилимай ҳал этишга уриниш етук одам ҳолати ривожланганини биллиради. Етуклик кишининг бутун ҳаёти давомида ўсиб, ривожланиб бораверади. "Етук одам" мантиқан фикрлайди ва турли вазиятларга объектив муносабатда бўла олади.

Эрик Берн фикрича биз "Ота она" ва "Бола" нинг доминант бўлишига йўл қўймай, "Етук одам" ни биринчи планга олиб чиқишимиз керак. "Етук одам" "Ота-она" ва "Бола" ўртасида хакам вазифасини бажариши керак. Етук одам мавжуд вазиятни тўғри баҳолаши ва ҳозир қайси ҳулқ: Ота-она ҳолтими ёки Бола аниқлаб ишга солиши керак.

Бу ҳолатни битта вазиятда кўриб чиқсак:
Одам хато қилди. Агар унда "ота-она" устунлик қилса у ўзини айблай бошлайди ва ўз ичини еб битиради. Унда "бола" устун бўлса у айбни бошқалардан қидиришга ҳаракат қилади, одмалар билан муносабати бузилади. Қаттиқ хафа бўлиб қолади. Унда "етук одам" устун бўлганида эса у хатога реал баҳо беради, ундан керак бўлса керакли хулоса чиқариб, олдинга ҳаракат қилишда давом этади. Шунинг учун ҳам Етук одамнинг одам эгосида устун бўлиши муҳим аҳамиятга эга.

Сиз юқоридаги қайси ҳолатда кўпроқ бўламан деб ўйлайсиз?

👉@kitoblog👈

🦠Пандемиядан сўнг..

Ҳозирги пандемия якунлангач дунё қандай ўзгаради.Бу борада иқтисодий, сиёсий ва ижтимоий аспектларга асосланиб кўплаб мақолалар ёзилди. Жумладан қуйида замонамизнинг 5 олими, файласуфлари ҳам ўзларининг йирик мақолаларини чиқаришган. Мен каналда кунига биттадан шу мақолаларнинг қисқача таржимасини тақдим қиламан. 1 дақиқалик мутолаа бўлади.

🗞Рўйҳат:

1. Стивен Пинкер: "Все нормализуется".
2. Брет Вайнштейн: "Пора задуматься".
3. Славой Жижек: "Ничего не нормализуется".
4. Бруно Латур: "То ли еще будет".
5. Юваль Ной Харари: "От тотальной слежки спасет доверие".

↗️Тўлиқ шаклда ўқийман десангиз интернетдан келтирилган номлар бўйича қидириб кўрса бўлади.

👉@kitoblog👈

​✏️Барчаси меъёрига тушади.

Глобализациядан қочиб қутилиб бўлмайди. Пандемия чўққисидан ўтгач бари ўз изига тушади.

Одамлар пандемия ҳаётимизни буткул ўзгартириб юборади ошириб юборишяпти. Ҳозир гўёки энди ҳеч нарса илгаригидек бўлмайдигандек, пандемия бизнинг ҳаётга бўлган қарашларимизни ўзгартириб юборгандек, туюлади. Аммо, 11 сентябр воқеасини эсланг? Ўшанда ҳам эндиликда йирик корпорациялар битта штаб квартирада жойлашмайди, катта спорт тадбирлари бўлмайди, деб айтишганди. Ҳўш ўша воқеадан аниқ ҳулоса чиқара олдикми?

Афсуски инсонларда хотира жуда қисқа. Ишонаманки пандемия ўтгач, бари илгаригидек бўлаверади. Соғлиқни сақлаш тизими ижобий ҳолга ўзгариши ва одамлар эпидемиялар хавфли бўлиши мумкинлигини тушуниб етишади ҳолос. Давлатлар ўртасидаги алоқаларни мувофиқлаштириш, ўзаро ҳамкорликда ишлаш самарали экани ойдинлашади.

✍Стивен Пинкер - когнитив психолог, лингвист ва кўплаб илмий-оммабоп китоблар муаллифи.

👉@kitoblog👈